Սերդար Ազմուն

Ֆուտբոլով զբաղվել սկսել է ինը տարեկանում։ 11 տարեկան հասակում առաջին անգամ հրավիրվել է Իրանի մինչև 12 տարեկանների հավաքական։

Ազմունը 15 տարեկանում սկսել է խաղալ Սպահանի «Սեպահան» ակումբում, որը հանդես էր գալիս Իրանի առաջնության բարձրագույն լիգայում։ 2012 թվականի դեկտեմբերին 17-ամյա Ազմունը տեղափոխվել է Կազանի «Ռուբինի» կազմ՝ դառնալով ակումբի երկրորդ իրանցին նույն թվականի հունվարին ակումբի հետ պայմանագիր կնքած դարպասապահ Ալիրեզա Հագիգիից հետո^[2]։ Ազմունը դարձել է իրանցի ամենաերիտասարդ խաղացողը պատմության մեջ, որ հանդես է եկել արտասահմանյան ակումբի կազմում^[3]։

Առաջին պաշտոնական խաղը «Ռուբինի» կազմում անցկացրել է 2013 թվականի հուլիսի 25-ին՝ մասնակցելով Եվրոպայի լիգայի շրջանակներում անցկացված խաղին ընդդեմ Սերբիայի «Յագոդինա» ակումբի։ Օգոստոսի 29-ին Եվրոպայի Լիգայի՝ «Մոլդե» ակումբի դեմ խաղում դուրս է եկել փոխարինման և 84-րդ րոպեին աչքի է ընկել գոլով^[4]։ 2013 թվականի հոկտեմբերի 6-ին կատարել է իր նորամուտը Ռուսաստանի առաջնությունում՝ դուրս գալով փոխարիման «Անժիի» դեմ տնային խաղի 73-րդ րոպեին^[5] և երկրորդ խաղակեսի ավելացված ժամանակի երկրորդ րոպեին խփել իր առաջին գոլը «Ռուբինի» կազմում անցկացրած պաշտոնական խաղերում, ինչպես նաև վաստակել 11 մետրանոց^[6][7]։

2015 թվականի փետրվարին մինչև մրցաշրջանի ավարտը վարձավճարով տեղափոխվել է «Ռոստով»^[8], որտեղ իր նորամուտը կատարել է մարտի 8-ին «Լոկոմոտիվի» դեմ խաղում^[9]։ Մարտի 16-ին խփել է առաջին գոլը «Ռոստովի» կազմում, որը դարձել է հաղթական «Կուբանի» դեմ խաղում^[10]։ 2015 թվականի հուլիսին վարձավճարային նոր պայմանագիր է կնքել «Ռոստովի» հետ, որը նախատեսվել է մինչև 2015/16 մրցաշրջանի ավարտը^[11]։ 2015/16 մրցաշրջանում թիմի հետ միասին նվաճել է Ռուսաստանի առաջնության արծաթե մեդալ։ Անցկացնելով 25 խաղ՝ խփել է 9 գնդակ^[12]։

2016 թվականի ամռանը ինքնակամ հեռացել է «Ռուբինից» և մասնակցել է փորձնական խաղի «Ռոստովի» կազմում։ Հուլիսի 22-ին Լոզանի Մարզական ալբիտրաժային դատարանը որոշում է կայացրել «Ռոստովի» ակումբի և Ազմունի բողոքի հիման վրա ՌՖՄ-ի և ՌՖՊԼ-ի դեմ ժամանակավոր միջոցներ ձեռք առնելու վերաբերյալ ֆուտբոլիստին Ռոստովի ակումբի կազմում հայտագրելը մերժելու պատճառով։ Դատարանը «Ռոստովին» թույլ է տվել ֆուտբոլիստին ընդգրկել ընթացիկ մրցաշրջանի իր հայտացուցակում^[13]։ Հուլիսի 25-ին Ազմունն ընդգրկվել է «Ռոստովի» հայտացուցակում՝ մասնակցելու Չեմպիոնների Լիգային^[14]։

2019 թվականի փետրվարի 1-ին Ազմունը 3,5 տարով պայմանագիր է կնքել «Զենիթի» հետ. տրանսֆերի արժեքը կազմել է 12 միլիոն եվրո^{[15][16][17][18]}։ «Զենիթի» կազմում իր նորամուտը կատարել է փետրվարի 12-ին՝ դուրս գալով փոխարինման Եվրոպայի Լիգայի 1/16 եզրափակչի առաջին խաղում ընդդեմ «Ֆեներբահչեի» (0:1)։ 2019 թվականի փետրվարի 21-ին պատասխան խաղում (3:1) առաջին անգամ խաղադաշտ է դուրս եկել հիմնական կազմում՝ կատարելով գոլային փոխանցում Մագոմեդ Օզդոևին և խփելով երկու գոլ^[19][20]։ Փետրվարի 22-ին ճանաչվել է շաբաթվա ֆուտբոլիստ Եվրոպայի Լիգայում^[21]։ Մարտի 2-ին ՊՖԼում նորամուտային՝ «Ուրալի» դեմ արտագնա խաղում Ազմունը խաղադաշտ է դուրս եկել մեկնարկային կազմում և խփել հաղթական գնդակը (1:0)^[22]։ Մարտի 7-ին Եվրոպայի Լիգայի 1/8 եզրափակչի տնային խաղում ընդդեմ «Վիլյառեալի» աչքի է ընկել գոլով (1:3)։ Ապրիլի 24-ին Ռուսաստանի առաջնության խաղում Ազմունը գրավել է «Դինամոյի» դարպասը (2:0)։ Ապրիլի 28-ին Սամարայի «Կռիլյա Սովետով» ակումբի դեմ խաղում ձևակերպել է դուբլ և օգնել թիմին հաղթել (4:2)։

Հանդես է եկել (մինչև 20 տարեկան) Իրանի հավաքականում։ Նրա կազմում 2012 թվականին դարձել է Համագործակցության գավաթի լավագույն ռմբարկու (7 գոլ վեց խաղում)^[2]։

2013 թվականի հոկտեմբերին առջին անգամ հրավիրվել է Իրանի ազգային հավաքական^[23], որտեղ նորամուտը կատարել է 2014 թվականի մայիսի 26-ին Չեռնոգորիայի հավաքականի դեմ ընկերական խաղում՝ դուրս գալով փոխարինման հանդիպման 60-րդ րոպեին^[24]։ 2014 թվականի նոյեմբերի 18-ին Կորեայի Հանրապետության դեմ ընկերական խաղի 68-րդ րոպեին խփել է առաջին գոլը հավաքականում^[25]։

2015 թվականի հունվարին ընդգրկվել է հավաքականի հայտացուցակում՝ մասնակցելու 2015 թվականի Ասիայի գավաթի խաղարկությանը։ Բահրեյնի հավաքականի դեմ առաջին խաղում Ազմունը դուրս է եկել փոխարինման հանդիպման 75-րդ րոպեին և չի հասցրել ցույց տալ իրեն, բայց Իրանի հավաքականը հաղթել է 2:0 հաշվով^[26]։ Իր խաղով ֆուտբոլիստը իրավունք է ստացել դուրս գալ Կատարի հավաքականի դեմ խաղի մեկնարկային կազմում, որտեղ գոլ է խփել 52-րդ րոպեին^[27]՝ թիմին օգնելով դուրս գալ առաջնության փլեյ-օֆֆ^[28][29]։

2018 թվականի հունիսի 28-ին Ազմունն Ինստագրամի իր էջում նշել է, որ դադարեցնում է ելույթները ազգային հավաքականում՝ հայտարարելով, թե քննադատությունը, որին ինքը ենթարկվում է, վատ է ազդում իր հիվանդ մոր վրա։ Սակայն 2018 թվականի աշնանը Ազմունը մեկնել է Իրանի հավաքականի մարզական ճամբար^[30]։

2018 թվականի դեկտեմբերին ընդգրկվել է 2019 թվականի Ասիայի գավաթի խաղարկության հայտացուցակում։ Հունվարի 7-ին խմբային փուլի առաջին՝ Եմենի դեմ խաղում (5:0) աչքի է ընկել գոլով հանդիպման 53-րդ րոպեին։ Խմբային փուլի՝ Վիետնամի հավաքականի դեմ խաղի 38-րդ և 69-րդ րոպեներԱզմունի խփած գոլերը հաղթանակ են բերել թիմին «2:0»: 1/4 եզրափակչի՝ Չինաստանի դեմ խաղում (3:0) Ազմունը խփել է երկրորդ գոլը։

Ակումբային

«Ռոստով»

• Ռուսաստանի առաջնության արծաթե մեդալակիր – 2015/16

«Զենիթ»

• Ռուսաստանի չեմպիոն – 2018/19

Իրանի հավաքական

• Արևմտյան Ասիայի ֆուտբոլի ֆեդերացիաների գավաթի դափնեկիր (մինչև 19 տարեկան) – 2009

Անձնական

• Ընդգրկվել է Ռուսաստանի առաջնության 33 լավագույն ֆուտբոլիստների ցանկում – 2015/16

2019 թվականի մայիսի 12-ի տվյալներով

Ելույթներ			Առաջնություն		Գավաթ[31]		Եվրագավաթներ[32]		Այլ[33]		Ընդհանուր
Ակումբ	Լիգա	Մրցաշրջան	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Ռուբին	Պրեմիեր Լիգա	2013/14	14	4	1	0	2	1	0	0	17	5
		2014/15	13	1	2	1	0	0	0	0	15	2
	Ընդհանուր		27	5	3	1	2	1	0	0	32	7
Ռոստով	Պրեմիեր Լիգա	2014/15	11	3	0	0	0	0	1	1	12	4
		2015/16	24	9	0	0	0	0	0	0	24	9
		2016/17	27	7	0	0	14	5	0	0	41	12
	Ընդհանուր		62	19	0	0	14	5	1	1	77	25
Ռուբին	Պրեմիեր Լիգա	2017/18	26	5	2	0	0	0	0	0	28	5
		2018/19	14	4	3	1	0	0	0	0	17	5
	Ընդհանուր		40	9	5	1	0	0	0	0	45	10
Զենիթ	Պրեմիեր Լիգա	2018/19	11	8	0	0	4	3	0	0	15	11
	Ընդհանուր		11	8	0	0	4	3	0	0	15	11
Ամբողջ կարիերա			140	41	8	2	20	9	1	1	169	53

Ելույթներ հավաքականում

Ազմունի խաղերն Իրանի հավաքականում
№	Ամսաթիվ	Հակառակորդ	Հաշիվ	Գոլեր	Մրցություն
1	2014 թվականի մայիսի 26	Չեռնոգորիա	0:0	—	Ընկերական խաղ
2	2014 թվականի մայիսի 30	Անգոլա	1:1	—	Ընկերական խաղ
3	2014 թվականի նոյեմբերի 18	Կորեայի Հանրապետություն	1:0	1	Ընկերական խաղ
4	2015 թվականի հունվարի 4	Իրաք	1:0	1	Ընկերական խաղ
5	2015 թվականի հունվարի 11	Բահրեյն	2:0	—	Ասիայի Գավաթ 2015
6	2015 թվականի հունվարի 15	Կատար	1:0	1	Ասիայի Գավաթ 2015
7	2015 թվականի հունվարի 19	ԱՄԷ	1:0	—	Ասիայի Գավաթ 2015
8	2015 թվականի հունվար 23	Իրաք	3:3 (6:7 11 մետրանոց)	1	Ասիայի Գավաթ 2015
9	2015 թվականի հունիսի 11	Ուզբեկստան	1:0	—	Ընկերական խաղ
10	2015 թվականի հունիսի 16	Թուրքմենստան	1:1	1	ԱԱ-2018 որակավորման խաղեր
11	2015 թվականի սեպտեմբերի 3	Գուամ	6:0	2	ԱԱ-2018 որակավորման խաղեր
12	2015 թվականի սեպտեմբերի 8	Հնդկաստան	3:0	1	ԱԱ-2018 որակավորման խաղեր
13	2015 թվականի հոկտեմբերի 8	Օման	1:1	—	ԱԱ-2018 որակավորման խաղեր
14	2015 թվականի հոկտեմբերի 13	Ճապոնիա	1:1	—	Ընկերական խաղ
15	2016 թվականի մարտի 24	Հնդկաստան	4:0	1	ԱԱ-2018 որակավորման խաղեր
16	2016 թվականի մարտի 29	Օման	2:0	2	ԱԱ-2018 որակավորման խաղեր
17	2016 թվականի հունիսի 2	Մակեդոնիա	3:1	3	Ընկերական խաղ
18	2016 թվականի հունիսի 7	Ղրղզստան	6:0	1	Ընկերական խաղ
19	2016 թվականի սեպտեմբերի 1	Կատար	2:0	—	ԱԱ-2018 որակավորման խաղեր
20	2016 թվականի սեպտեմբերի 6	Չինաստան	0:0	—	ԱԱ-2018 որակավորման խաղեր
21	2016 թվականի հոկտեմբերի 16	Ուզբեկստան	1:0	—	ԱԱ-2018 որակավորման խաղեր
22	2016 թվականի հոկտեմբերի 11	Կորեայի Հանրապետություն	1:0	1	ԱԱ-2018 որակավորման խաղեր
23	2017 թվականի մարտի 23	Կատար	1:0	—	ԱԱ-2018 որակավորման խաղեր
24	2017 թվականի մարտի 28	Չինաստան	1:0	—	ԱԱ-2018 որակավորման խաղեր
25	2017 թվականի հունիսի 4	Չեռնոգորիա	2:1	2	Ընկերական խաղ
26	2017 թվականի հունիսի 12	Ուզբեկստան	2:0	1	ԱԱ-2018 որակավորման խաղեր
27	2017 թվականի սեպտեմբերի 5	Սիրիա	2:2	2	ԱԱ-2018 որակավորման խաղեր
28	2017 թվականի հոկտեմբերի 10	Ռուսաստան	1:1	1	Ընկերական խաղ
29	2017 թվականի նոյեմբերի 9	Պանամա	2:1	—	Ընկերական խաղ
30	2017 թվականի նոյեմբերի 13	Վենեսուելա	1:0	—	Ընկերական խաղ
31	2018 թվականի մարտի 27	Ալժիր	2:1	1	Ընկերական խաղ
32	2018 թվականի մայիսի 28	Թուրքիա	1:2	—	Ընկերական խաղ
33	2018 թվականի հունիսի 8	Լիտվա	1:0	—	Ընկերական խաղ
34	2018 թվականի հունիսի 15	Մարոկկո	1:0	—	ԱԱ-2018 Եզրափակիչ խաղեր
35	2018 թվականի հունիսի 20	Իսպանիա	0:1	—	ԱԱ-2018 Եզրափակիչ խաղեր
36	2018 թվականի հունիսի 25	Պորտուգալիա	1:1	—	ԱԱ-2018 Եզրափակիչ խաղեր
37	2018 թվականի հոկտեմբերի 16	Բոլիվիա	2:1	—	Ընկերական խաղ
38	2018 թվականի հոկտեմբերի 16	Վենեսուելա	1:1	—	Ընկերական խաղ
39	2018 թվականի դկտեմբերի 24	Պաղեստին	1:1	—	Ընկերական խաղ
40	2018 թվականի դեկտեմբերի 31	Կատար	2:1	1	Ընկերական խաղ
41	2019 թվականի հունվարի 7	Եմեն	5:0	1	Ասիայի Գավաթ 2019
42	2019 թվականի հունվարի 12	Վիետնամ	2:0	2	Ասիայի Գավաթ 2019
43	2019 թվականաի հունվարի 16	Իրաք	0:0	—	Ասիայի Գավաթ 2019
44	2019 թվականի հունվարի 20	Օման	2:0	—	Ասիայի Գավաթ 2019
45	2019 թվականի հունվարի 24	Չինաստան	3:0	1	Ասիայի Գավաթ 2019
46	2019 թվականի հունվարի 28	Ճապոնիա	0:3	—	Ասիայի Գավաթ 2019

Ընդհանուր՝ 46 խաղ / 28 գոլ, 30 հաղթանակ, 12 ոչ-ոքի, 4 պարտություն

Ծնվել է վոլեյբոլիստների ընտանիքում։ Հայրը՝ վոլեյբոլիստ Խալիլ Ազմունը, հանդես է եկել Իրանի հավաքականում, քույրը նույնպես խաղացել է Իրանի վոլեյբոլի հավաքականում, մայրը եղել է վոլեյբոլի մարզիչ^[34]։ Ունի թուրքմենական արմատներ^[35]։