Վիկտոր Կորչնոյ

Կորչնոյը ծնվել է 1931 թվականի մարտի 23-ին ԽՍՀՄ Լենինգրադ քաղաքում, մայրը հրեա էր, հայրը՝ կաթոլիկ լեհ^[8][9]։ Մայրը՝ Զելդա Գերշեվնա Ազբելը (1910—?), իդիշ գրող Հերշ Ազբելի աղջիկը, դաշնակահարուհի էր և ավարտել էր Լենինգրադի երաժշտական կոնսերվատորիան։ Հայրը՝ Լև Մերկուրևիչ Կորչնոյը (1910—1941), քաղցրավենիքի խանությում աշխատող ինժեներ էր^[10]։

Երկու ծնողներն էլ իրենց ընտանիքների հետ Լոնինգրադ էին եկել Ուկրաինայից 1928 թվականին, մայրը Բորիսպոլից, հայրը՝ Մելիտոպոլից։ Նրանց բաժանությունից հետո Վիկտորը ապրել է մոր հետ մինչև 1935 թվականը, հատագայում՝ հոր, հայրական տատիկի և խորթ մոր՝ Ռոզա Աբրամովնա Ֆրիդմանի հետ (որը ստանձնել է Կորչնոյի դաստիարակության պատասխանատվությունը, երբ հայրը սպանվեց Լենինգրադի շրջափակման ժամանակ՝ 1941 թվականին)^[11][12]։

Ավարտել է Լենինգրադի պետական համալսարանի պատմության բաժինը^[13]։

Շախմատ խաղալ սովորել է հորից հինգ տարեկանում։ 1943 թվականին միացել է Լենինգրադի պիոներական պալատին, որտեղ ուսանել է Աբրամ Մոդելի, Անդրեյ Բատուևի և Վլադիմիր Զակի մոտ։ Մոդելը ապագա աշխարհի չեմպիոն Միխայիլ Բոտվիննիկի զարգացման բնագավառում մեծ դեր է խաղացել, իսկ Զակը մարզել է ապագա աշխարհի չեմպիոն Բորիս Սպասկիին։

Խորհրդային պատանեկան առաջնություն

1947 թվականին Կորչնոյը Լենինգրադում հաղթել է ԽՍՀՄ պատանեկան առաջնությունը 11½/15 արդյունքով, իսկ 1948 թվականին Թալինում (Էստոնիա) տիտղոսը 5/7 արդյունքով կիսել է տիտղոսը^[14]։

Երիտասարդ վարպետ

1951 թվականին վաստակում է Խորհրդային վարպետի տիտղոս՝ 1950 թվականի Լենինգրադի առաջնությանում 9/13 արդյունքով երկրորդը լինելուց հետո^[15]։

Խորհրդային առաջին եզրափակիչ

Մեկ տարի անց Կորչնոյը առաջին անգամ որակավորվել է ԽՍՀՄ շախմատի առաջնության եզրափակչին։ Կիսաեզրափակչում (1952 թվական, Մինսկ) վաստակել է 10½/17 միավոր և զբաղեցրել է 2-4-րդ հորիզոնականները։ 20-րդ խորհրդային առաջնությունում (Մոսկվա) 11/19 միավովո զբաղեցրել է վեցերորդ հորիզոնականը, առաջին հորիզոնականը կիսել են գրոսմայստերներ Միխայիլ Բոտվիննիկը և Մարկ Թայմանովը^[16]։ Հաջորդ տարի Վիլնյուսում կայացած առաջնությանը 9/14 իավորով կիսել է 3-4-րդ հորիզոնականները։ 1954 թվականին Կիևում 13/19 միավորով զբաղեցնում է 2-3-րդ հորիզոնականները (հաղթել է գրոսմայստեր Յուրի Ավերբախը)։

Առաջին միջազգային մրցույթին մասնակցելու հնարավորություն ստացել է 1954 թվականին Բուխարեստում, որտեղ 13/17 միավորով գրավեց առաջին հորիզոնականը^[17]։ ՖԻԴԵ նույն թվականին նրան շնորհեց միջազգային վարպետի կոչում։ 1955 թվականին 17/19 միավորով հաղթել է Լենինգրադի առաջնությունը, իսկ Հասթինգսի 1955–1956 առաջնությանը 7/9 միավորով կիսում է 1-2-րդ հորիզոնականները։ 1956 թվականի ՖԻԴԵ-ի կոնգրեսում ստացել է գրոսմայստերի կոչում^[15]։

Կորչնոյը 1954 թվականին առաջին անգամ Ուսանողական հավաքականի կազմում ներկայացրել է Խորհրդային Միությունը միջազգային հարթակում, երեք տարի անց միացել է Եվրոպայի թիմային առաջնությանը մասնակցող ազգային հավաքականին, և ներկայացրել է ԽՍՀՄ-ը մինչև 1974 թվականը։ ԽՍՀՄ հավաքականի համար վաստակել է 21 մեդալ։ Խորհրդային հավաքականի կազմում նրա ամբողջական արդյունքները՝

• Օսլո 1954, Ուսանողական օլիմպիադա, տախտակ 1, 4½/7 (+3−1=3), թիմային արծաթ^[18]
• Ուպսալա 1956, Ուսանողական օլիմպիադա, տախտակ 1, 6/7 (+5−0=2), թիմային ոսկի^[18]
• Վիեննա 1957, Եվրոպայի թիմային առաջնություն, տախտակ 8, 5½/6 (+5−0=1), թիմային ոսկի, անհատական ոսկի^[19]
• 14-րդ Շախմատային օլիմպիադա, տախտակ 4, 10½/13 (+8−0=5), թիմային ոսկի; անհատական բրոնզ^[19]
• Օբերհաուզեն 1961, Եվրոպայի թիմային առաջնություն, տախտակ 6, 8½/9 (+8−0=1), թիմային ոսկի, անհատական ոսկի^[19]
• Համբուրգ 1965, Եվրոպայի թիմային առաջնություն, տախտակ 3, 5½/9 (+4−2=3), թիմային ոսկի, անհատական ոսկի^[19]
• 17-րդ Շախմատային օլիմպիադա, 1-ին պահուստային, 10½/13 (+9−1=3), թիմային ոսկի, անհատական ոսկի^[19]
• 18-րդ Շախմատային օլիմպիադա, տախտակ 3, 11/13 (+9−0=4), թիմային ոսկի;^[19]
• Կապֆենբերգ 1970, Եվրոպայի թիմային առաջնություն, տախտակ 2, 4/6 (+2−0=4), թիմային ոսկի^[19]
• 19-րդ Շախմատային օլիմպիադա, տախտակ 3, 11/15 (+8−1=6), թիմային ոսկի, անհատական բրոնզ^[19]
• 20-րդ Շախմատային օլիմպիադա, տախտակ 2, 11/15 (+8−1=6), թիմային ոսկի, անհատական ոսկի^[19]
• Բաթ 1973, Եվրոպայի թիմային առաջնություն, տախտակ 3, 4/6 (+3−1=2), թիմային ոսկի^[19]
• 21-րդ Շախմատային օլիմպիադա, տախտակ 2, 11½/15 (+8−0=7), թիմային ոսկի, անհատական բրոնզ^[19]

Ագրեսիվ հակագրոհային ոճի շախմատիստ է։ Աչքի է ընկել բարդ պաշտպանական դիրքերում^[20][21][22]

1950-ականներին նրա արդյունքները հաճախ անհամատեղել էին։ 1955 թվականին Մոսկվայում կայացած ԽՍՀՄ 22-րդ առաջնությանը 6/19 արդյունքով գրավել է նախավերջին 19-րդ հորիզոնականը։ 1959 թվականին 8½/11 միավորով Կրակովում հաղթում է մրցաշարը, իսկ 1960 թվականին Բուենոս Այրեսում 13/19 միավորով 1-2-րդ հորիզոնականները կիսում է գրոսմայստերներ Սամուել Ռեշեվսկու հետ, հաղթել է 1960 թվականի Արգենտինայի Կորդովա քաղաքում կայացած առաջնությունում 6/7 միավորով^[23]։ 1961 թվականին Բուդապեշտում տարած հաղթանակից հետո համարվել է աշխարհի լավագույն շախմատիստներից մեկը^[24]։

Իր կարիերայի ընթացքում Կորչնոյը հաղթել է ԽՍՀՄ շախմատի առաջնությունը չորս անգամ։ 1960 թվականին Լենինգրադում (14/19 միավոր), 1962 թվականին Երևանում (13/19), 1964–1965` Կիևում (15/19) և 1970 թվականին Ռիգայում 16/21 միավորով^[17]։

• Victor Korchnoi; V. G. Zak (1974). King's Gambit. Batsford. ISBN 978-0-7134-2914-5.
• Victor Korchnoi (1977). Chess is My Life. Batsford. ISBN 0-7134-1025-6.
• Victor Korchnoi; Lenny Cavallaro (1981). Persona non grata. Thinkers' Press. ISBN 0-938650-15-7.
• Victor Korchnoi (2001). My Best Games, Vol 1: Games with White. Trafalgar Square. ISBN 978-3-283-00404-0.
• Victor Korchnoi (2002). My Best Games, Vol 2: Games with Black. Trafalgar Square. ISBN 978-3-283-00405-7.
• Victor Korchnoi (2002). Practical Rook Endings. Olms. ISBN 3-283-00401-3.
• Victor Korchnoi (2005). My Best Games, Vol 3: Biography. Trafalgar Square. ISBN 978-3-283-00406-4.
• Victor Korchnoi; Boris Gulko; Yuri Felshtinsky; Vladimir Popov (2011). The KGB Plays Chess: The Soviet Secret Police and the Fight for the World Chess Crown. Russell Enterprises. ISBN 1-888690-75-5.

Վիկտոր Կորչնոյ էջը Վիքիպահեստում

• Viktor Korchnoi chess games at 365Chess.com
• Վիկտոր Կորչնոյ շախմատիստի էջն ու խաղերը Chessgames.com կայքում
• Comprehensive Biography of Viktor Korchnoi with world ranking survey and chronology of first prizes, game collection, major tournaments and opponents
• World Chess Championship FIDE Events 1948–1990 – contains detailed information on two matches Karpov–Korchnoi.
• Korchnoi's Career Highlights
• Edward Winter, List of Books About Karpov and Korchnoi
• Korchnoi's interview: "Genii and wunderkinds" Արխիվացված 2007-08-23 Wayback Machine

Վիքիպահեստն ունի նյութեր, որոնք վերաբերում են «Վիկտոր Կորչնոյ» հոդվածին։