Ֆլորենտինո Պերես

Ֆլորենտինո Պերեսը ծնվել է 1947 թվականի մարտի 8-ին Մադրիդում։ Ավարտել է Մադրիդի պոլիտեխնիկական համալսարանի ճանապարհաշինական բաժինը։ 1970 թվականից զբաղեցրել է Մադրիդի ճանապարհաշինական ընկերության գլխավոր տնօրենի պաշտոնը։

1980-ական թվականներին եղել է Մադրիդի ճանապարհային ենթակառուցվացքների գլխավոր տնօրեն և գյուղատնտեսական զարգացման փոխնախարար։ 1991 թվականից եղել է ֆրանսիական SAE շինարարական ընկերության վարչակազմի անդամ։ 1993 թվականին գլխավորել է շինարարական OCP ընկերությունը, 1997 թվականին՝ շինարարական ACS ընկերությունը։

1994 թվականին մասնակցել է «Ռեալի» նախագահական ընտրություններին, բայց պարտվել է Ռոման Մենդեսին։

2000 թվականի հուլիսի 17-ին ընտրվել է «Ռեալի» նախագահ՝ 3167 ձայնի տարբերությամբ հաղթելով Լորենսո Սանսոին։ 2006 թվականին երկու պարտություններից հետո չեմպիոնների լիգայում Արսենալից՝ 1-0 և իսպանիայի առաջնությունում Մալորկիից՝ 2-1 Պերեսը հրաժարական տվեց։

2009 թվականին Պերեսը նորից դարձել է նախագահ, բայց այս անգամ առանց ընտրությունների՝ մրցակիցների բացակայության պատճառով, բայց ետ չի կանգնել իր «գալակտիկոս» ստեղծելու մտքից և իր նախագահության 2-րդ ամսում կատարել է մի շարք թանկ տռանսֆեռներ՝ գնելով Կակաին, Կրիշտիանու Ռունալդուին, Կարիմ Բենզեմային և Խաբի Ալոնսոին։

Պերեսն ունի երեք երեխա։ 2012 թվականի մայիսին մահացել է նրա կինը՝ Մարիա Անխելես Սանդովալը։

• Դիզայներ «գալակտիկոս» Արխիվացված 2013-10-23 Wayback Machine(ռուս.)

Վիքիպահեստն ունի նյութեր, որոնք վերաբերում են «Ֆլորենտինո Պերես» հոդվածին։