Ֆրանկ Լըբյոֆ

Արդեն 16 տարեկանում Լըբյոֆը խաղացել է ֆրանսիական ցածր դիվիզիոնների ակումբներում։ 1988 թվականին տեղափոխվել է «Լավալ»։ Այդ ակումբում Լըբյոֆը մասնակցել է 69 հանդիպման, որոնցում պաշտպանի համար լավ արդյունավետություն է ցուցաբերել՝ խփելով 10 գոլ։ Լըբյոֆի հաջորդ ակումբը «Ստրասբուրգն» էր, որի կազմում նա անցկացրել է 5 մրցաշրջան և հասցրել դառնալ ակումբի ավագ ու առաջատարներից մեկը։

1996 թվականին Լըբյոֆը, լքելով Ֆրանսիան, տեղափոխվել է «Չելսի», որտեղ էլ անցել է նրա կարիերայի ամենահաջող հատվածը։ «Թոշակառուների» կազմում նա նվաճել է Անգլիայի երկու գավաթ, Ֆուտբոլային լիգայի գավաթ և Գավաթակիրների գավաթ։ Ընդհանուր առմամբ, «Չելսի»-ի կազմում Լըբյոֆը անցկացրել է 144 հանդիպում և խփել՝ 17 գնդակ, որոնց մեծ մասն անցկացրել է 11 մետրանոցներով։

2001 թվականին Ֆրանկը վերադարձել է Ֆրանսիա՝ իր հարազատ Մարսելի «Օլիմպիկ»^[4], սակայն մարզչական շտաբի հետ մշտական կոնֆլիկտների պատճառով Լըբյոֆը հիմնական կազմում հաստատուն տեղ չի ստացել^[5]։

Լըբյոֆի միջազգային կարիերան շատ հաջող է ընթացել։ Ֆրանսիայի ֆուտբոլի ազգային հավաքականի հետ նա հաղթել է բոլոր հնարավոր մրցաշարերում՝ Ֆուտբոլի աշխարհի առաջնություն 1998, Ֆուտբոլի Եվրոպայի առաջնություն 2000 և Կոնֆեդերացիաների գավաթը 2001։ Բացի այդ, Լըբյոֆը հանդես է եկել Ֆուտբոլի Եվրոպայի առաջնություն 1996-ում և Ֆուտբոլի աշխարհի առաջնություն 2002-ում։  Ընդհանուր առմամբ, Լըբյոֆը հավաքականի կազմում անցկացրել է 50 հանդիպում և դարձել 5 գոլի հեղինակ։

Թիմային

«Ստրասբուրգ»

• Ինտերտոտո գավաթի գավաթակիր^[6]

«Չելսի»

• Ֆուտբոլի Անգլիայի գավաթի գավաթակիր՝ 1997, 2000
• Ֆուտբոլային լիգայի գավաթի գավաթակիր՝ Ֆուտբոլային լիգայի գավաթի եզրափակիչ 1998
• Ֆուտբոլի Անգլիայի Սուպերգավաթի գավաթակիր՝ 2000
• ՈՒԵՖԱ սուպերգավաթի գավաթակիր՝ 1998^[7]

«Ալ-Սադ»

• Կատարի ֆուտբոլի առաջնության չեմպիոն՝ 2003/04^[8]

«Ալ Վակրա»

• Շեյխ Յասիմի գավաթի գավաթակիր^[9]

Ֆրանսիայի հավաքական

• Ֆուտբոլի աշխարհի առաջնության չեմպիոն՝ 1998^[10]
• ՈՒԵՖԱ Եվրոպայի առաջնության չեմպիոն՝ 2000^[11]
• ՖԻՖԱ Կոնֆեդերացիաների գավաթի գավաթակիր^[12]