I Kissed a Girl (անգլ. թարգմանաբար՝ «Ես համբուրել եմ աղջկա»), երգ, որը ձայնագրվել է ամերիկացիերգչուհիՔեթի Փերրիի կողմից՝ One of the Boys երկրորդ ստուդիական ալբոմի համար, որի թողարկումը կայացել է 2008 թվականին։ 2008 թվականի ապրիլի 28-ին սինգլը թողարկվել է Capitol Records ձայնագրման ստուդիայում։ Սինգլի ձայնագրության վրա երգչուհին աշխատել է Մաքս Մարտինի, Քեթի Դեննիսի և պրոդյուսեր Dr. Luke-ի հետ։ Հասարակության մեջ սինգլը առաջացրել է բանավեճ միասեռական ենթատեքստի պատճառով, երգչուհին ինքն է ասել, որ դա «կնոջ մոգական գեղեցկության» մասին երգ է[1]։
Ալբոմի գլխավոր երգը՝ I Kissed a Girl-ը, յոթ շաբաթ շարունակ գլխավորել է ամերիկյան Billboard Hot 100 հիթ-շքերթը՝ դառնալով 1000-րդ երգը, որը հայտնվել է The Rock Era հիթ-շքերթի լավագույն տասնյակում[2]։ Միայն ԱՄՆ-ում սինգլը վաճառվել է ավելի քան 4,7 միլիոն թվային օրինակով։ Սինգլը դարձել է աշխարհի գլխավոր հիթը անգլալեզու երկրներում՝ գլխավորելով հիթ-շքերթների վերին հորիզոնականները ԱՄՆ-ում, Ավստրալիայում, Կանադայում, Իռլանդիայում և Մեծ Բրիտանիայում։
I Kissed a Girl-ը ներկայացվել է «Գրեմմի» 51-րդ մրցանակաբաշխության «լավագույն կանացի փոփ վոկալ» անվանակարգում։ 2009 թվականին այն նաև առաջադրվել է Kids' Choice Awards-ի «լավագույն երգ» անվանակարգում։ Բրիտանիայում 2008 թվականի հոկտեմբերին երգը օգտագործվել է Channel 4-ում «Հուսահատ տնտեսուհիները» սերիալի 5-րդ եթերաշրջանի գովազդ՝ այն սկսվելուց մեկ շաբաթ առաջ։
Երգի մասին Փերրին ասել է. «Բոլորն ընկալում են երգը և այն դասում իրենց վիճակին, տեսնում են այն, ինչ ուզում են տեսնել։ Սիրեք, ատեք, ինձ համար սա երգ է մեր՝ աղջիկների մասին։ Երբ մենք երիտասարդ ենք, մենք շատ զգայուն ենք։ Մենք ունենում ենք կարաոկե սենյակային երեկույթներ և պարում ենք գիշերազգեստներով։ Մենք շատ մտերիմ ենք, համեմատած տղաների հետ։ Երգը ոչ թե կեղտոտ բնույթ է կրում, այլ պարզապես հաճելի է, ահա թե ինչ է այս երգը»։ Փերրին նաև նշել է, որ այս երգը գրել է մի մարդու ոգեշնչմամբ.
Երգը գրվել է ընկերության ոգեշնչման ներքո, երբ ես 15 տարեկան էի ունեի ընկերուհի, բայց ես չեմ համբուրել նրան։ Ես կախվածություն ունեի նրանից։ Նա գեղեցիկ էր, ճենապակյա մաշկ, շրթունքների կատարյալ եզրագիծ, ես դեռ խոսում եմ նրա հետ, բայց երբեք չեմ ասել, որ երգը նրա մասին է[3]։
Երգի տեսահոլովակը թողարկվել է 2008 թվականի մայիսի 16-ին՝ Փերրիի MySpace-ի անձնական էջում։ Տեսահոլովակը նկարահանվել է ռեժիսոր Kinga Burza-ի կողմից, Մուլեն Ռուժ ոճով՝ Քեթի Փերրիի և տեսահոլովակում պարող այլ շքեղ հագնված աղջիկների հետ միասին։ Տեսահոլովակի վերջում նա արթնանում է մի տղայի հետ, ում անունը Դերեք է (DJ Skeet Skeet): Չնայած երգի անվանմանը՝ այստեղ նույնասեռ համբույր չի լինում։ Քեթին նկարահանվել է իր իսկական ընկերուհու, DJ Mia Moretti-ի, նրա ընկերոջ, Բելլա Մարկուս Մոլինարիի և երգչուհի Կեշայի հետ։
Տեսանյութը հեռուստատեսությամբ առաջին անգամ ցուցադրվել է հունիսի 12-ին TRL ալիքում՝ երգչուհու շոուի և հարցազրույցի ժամանակ։ 2008 թվականի հունիսի 24-ին երգը դարձել է առաջինը TRL-ում։ Տեսանյութը լայն տարածվել է այս երաժշտական ալիքում և VH1-ում։ Այն դեբյուտացվել է 2008 թվականի հունիսի 28-ին VH1’s VH1 Top 20 Video Countdown-ում։ 2008 թվականի հունիսի 30-ին տեսահոլովակը մեկնարկվել է MTV Latin America-ում։ 2008 թվականի հուլիսի 6-ին այն զվաղեցրել է 4-րդ հորիզոնական VH1’s VH1 Top 20 Video Countdown-ում։ Տեսահոլովակը ստացել է 5 անվանակարգ 2008 թվականին MTV Video Music Awards մրցանակաբաշխության ժամանակ, ներառյալ «լավագույն կանացի տեսահոլովակ» և «լավագույն նոր արտիստ» անվանակարգերում։ Յություբում տեսահոլովակը ունի 180 միլիոնից ավել դիտում։
Քննադատություն
«I Kissed a Girl»-ը երաժշտական քննադատների կողմից արժանացել է տարբեր արձագանքների։ Blogcritics Magazine-ը երգը անվանել է «վայրկենական շղթայական համար»[6]։ Երգը զբաղեցրել է 20-րդ հորիզոնականը 2008 թվականի լավագույն 100 սինգլների ցանկում[7]։
*Վաճառքի վերաբերյալ տվյալները հիմնված են միայն հավաստագրումների վրա։ ^Տվյալները հիմնված են միայն հավաստագրումների վրա։ xՉճշտված տվյալները հիմնված են միայն հավաստագրումների վրա։
«I Kissed a Girl»
.svg){kind=small}
.svg){kind=small}
