Anton Chekhov
Ni Anton Pavlovich Chekhov (Ruso: Анто́н Па́влович Че́хов, panangibalikas [ɐnˈton ˈpavləvʲɪtɕ ˈtɕexəf]; 29 Enero 1860[1] – 15 Hulio 1904)[2] ket maysa idi a Ruso a mangngagas, dramatista ken mannurat a naipanpanunotan a maysa kadagiti kalatakan a mannurat kadagiti ababa a sarita iti pakasaritaan.[3] Ti karerna a kas maysa a dramatista ket nakapataud kadagiti uppat a klasiko ken dagiti kasayaatan nga ababa a saritana ket natengtengngel iti nangato a regget babaen dagiti mannurat ken dagiti kritiko.[4][5] Ni Chekhov ket nagsansanay a kas maysa a doktor iti kadagupan ti literio a karerna: "Ti Medisina ket isu ti kalintegan nga asawak", nga imbagana idi, "ken ti literatura ket isu ti kamalalak."[6]
| Anton Chekhov | |
|---|---|
 | |
| Dagiti salaysay | |
| Nayanak | Anton Pavlovich Chekhov 29 Enero 1860 Taganrog, Ruso nga Imperio |
| Natay | 15 Hulio 1904 (tawen 44) Badenweiler, Aleman nga Imperio |
| Trabaho | Mangngagas, mannurat ti ababa a sarita, dramaturgo. |
| Pakipagilian | Russo |
| Pirma |  |
Ni Chekhov ket linikudanna ti teatro kalpasan ti didigra a pannakaawat ti Ti Agila ti Taaw idi 1896, ngem daytoy a pabuya ket napaungar manen a napasayaat idi 1898 babaen ti Teatro ti Moscow nga Arte ni Constantin Stanislavski, a nangisaruno pay a nangipataud ti Uliteg Vanya ni Chekhov ken nangipanguna kadagiti dua a naudi a pabuyana, Tallo nga Akkakabsat a Babbai ken ti Ti Seresa a Minuyongan. Dagitoy uppat nga obra ket nangipresenta ti karit kadagiti nagtigtignay a grupo[7] ken dagiti pay nagbuybuya, gapu ta iti sukat ti naitaripnong nga aksion ni Chekhov ket nagitited ti maysa a "teatro a kasasaad ti rikna" ken ti maysa a "nailenned a biag iti teksto."[8]
Ni Chekhov ket immmun-una idi a nagsursurat laeng kadagiti sarita tapno makabiruk ti kuarta, ngem idi dimakdakkel ti ti artistiko nga ambisionna, isu ket nagar-aramid kadagiti pormal a panagpabaro a nakaimpluensia ti ebolusion ti moderno nga ababa a sarita.[9] Ti kinasigudna a binuklan ti nasapa a panagusar iti pamay-an ti ayus ti kaadda ti rikna, a naudi nga inampon babaen ni James Joyce ken dagiti sabali pay a modernista, a naitiptipon ti panaglikud ti moral a kinapatingga ti estruktura ti tradisional a sarita.[10] Isu ket saan a nagpakpakawan para kadagiti karikutan a naibagbaga kadagiti agbasbasa, a nangipappapilit a ti papael ti artista ket ti agsaludsod, a saan a ti agsungbat kaniada .[11]
Biograpia
Kinaubing
Ni Anton Chekhov ket naipasngay idi 29 Enero 1860, ti maikatlo kadagiti nabiag nga annak, idiay Taganrog, ti pangsangladan idiay Baybay Azov idiay akin-abagatan a Rusia. Ti amana, a ni Pavel Yegorovich Chekhov, ti anak a lalaki ti dati nga aadipen, a nagpatpataryan ti tiendaan ti makmakan. Ti maysa adirektor ti koro, ken deboto nga Ortodokso a Kristiano, ken pisikal a managranggas nga ama, ni Pavel Chekhov ket nakitkita idi babaen dagiti adu a historiador a kas ti modelo ti anakna a lalaki kadagiti adu nga panangiladawan ti kina-ipokrita.[12] Ti ina ni Chekhov, a ni Yevgeniya, ket nalaing a nga mangisarita a nangliwliwa kadagiti ubbing iti banbanig a sarita manipud kadagiti kimmaduaan a panagbanbanniagana iti amana a nagtagtagilako ti tela iti amin a paset ti Rusia.[13][14] "Dagiti talentomi ket naalami manipud iti amami," a linaglagip ni Chekhov, "ngem ti kararuami ket nanipud ti inami."[15]Iti kinalakay, ni Chekhov ket dinillawna ti kabsatna a lalaki a niAlexander ti panagtratona ti asawa ken annakna babaen ti panangipalpalagip kaniana ti kadawel ni Pavel:
Damagekman kenka a ti a depotismo idi ken ti panagul-ulbod ti nangdadel ti kina-agtutubo ti inam. Ti depotismo ken ti panagul-ulbod ket nangputed unay ti kinaubingtayo ken makasaksakit ken nakabutbuteng ti mangpanunot daytoy. Laglagipem ti buteng ken gura a nariknatayo kadagiti panawen idi ni Ama ket nagal-alipunget iti pangrabii idi kaadu unay ti asin iti sopas ken tinawtawaganna tini Ina ti maysa a mauyong.[16][17]
Ni Chekhov napan ti maysa nga para iti ubbing a Griego a lallaki, a sinarunuan babaen ti Taganrog a gimnasio, nga itan ket nanagananen ti Gimnasio Chekhov, nga idiay ti naggigiananna iti maysa a tawen idi isuna ket agedad ti limapulo ket lima gapu ti pannakapaayna iti eksaminasion iti Griego.[18] Isuna ket nagkankanta iti monestario ti Griego nga Ortodokso idiay Taganrog ken iti koro ti amana. Iti maysa a surat idi 1892, isuna ket nagusar iti balikas nga "agsagsagaba" tapno mangipalawag ti kinaubingna ket nangilaglagip:
Idi siak ken ti kakabsatko a lallaki ket agtaktakder iti tengnga ti simbaan ken agkankantakami a tallo iti "Ti koma kararagko ket maipangato", wenno "Ti Boses ni Arkanghel", kadagiti amin ket kumitkita kaniami a nagrikrikna ken inap-apalanda dagiti nagannak kaniami, ngem dakami iti dayta a darikmat ket nakarikriknakami a kas dagiti bassit a balud.[19]
Dagiti nagibasaran
Dagiti akinruar a silpo
Dagiti midia a mainaig ken ni Anton Chekhov iti Wikimedia Commons
Dagiti inadaw a sasao a mainaig ken ni Anton Chekhov iti Wikiquote (iti Ingles)
Dagiti obra a mainaig ken ni Anton Chekhov iti Wikisource (iti Ingles)