Astana
Ti Astana (Kasaho: Астана, Astana; Ruso: Астана) ket ti kapitolio a siudad ti Kazakhstan. Daytoy ket mabirukan iti igid ti Karayan Ishim iti akin-amianan a paset ti Kazakhstan, iti kaunegan ti Rehion ti Akmola, ngem naisina a maadministro manipud iti rehion kas maysa a siudad nga addaan iti espesial a kasasaad. Ti maysa nga opisial a karkulo idi 2022 ket nangireporta ti populasion iti 1 350 228 iti kaunegan dagiti patingga ti siudad, a mangaramid daytoy iti maikadua a kadakeklan a siudad iti Kazakhstan, kalpsan ti Almaty, ti kapitolio manipud idi 1991 aginggana idi 1997.[2]
Astana АстанаAstana | |
|---|---|
.jpg) .jpg){kind=spacer} | |
 Wagayway | |
  Astana Lokasion ti Nur-Sultan idiay Kazakhstan  Astana Astana (Asia) | |
| Nagsasabtan: 51°10′N 71°26′E / 51.167°N 71.433°E 71°26′E / 51.167°N 71.433°E | |
| Pagilian |  Kazakhstan |
| Napundar | 1830 (kas Akmoly)[1] |
| Gobierno | |
| • Kita | Mayor–Konseho |
| • Bagi | Konseho ti siudad ti Nur-Sultan |
| • Mayor | Altay Kulginov |
| Kalawa | |
| • Kapitolio | 810.2 km2 (312.8 sq mi) |
| Kangato | 347 m (1,138 ft) |
| Populasion (2022)[2] | |
| • Kapitolio | 1 350 228 |
| • Metro | 1,200,000 |
| Sona ti oras | UTC+6 (ALMT) |
| Kodigo ti koreo | 010000–010015[4] |
| Kodigo ti lugar | +7 7172[5] |
| ISO 3166-2 | AST[6] |
| Plata ti lisensia | 01, Z |
| Website | Opisial a website  |
Napundar idi 1830 a kas pagtaengan ti Akmoly (Kasaho: Ақмолы) wenno Akmolinsky prikaz (Ruso: Акмолинский приказ), daytoy ket nagserbi idi a pagsammakedan para dagiti Kosako ti Siberia. Idi 1832, ti pagtaengan ket naikkan iti kasasaad iti ken nanaganan manen iti Akmolinsk (Ruso: Акмолинск). Idi 20 Marso 1961, ti siudad ket nanaganan manen iti Tselinograd (Ruso: Целиноград) tapno mamarkaan ti ebolusion ti siudad a kas sentro ti kultura ken administrasion ti Kampania dagiti Birhen a Dagdaga. Idi 1992, daytoy ket nanaganan manen iti Akmola (Kasaho: Ақмола), ti nabaliwan a kasisigud a nagan a kayatna a sawen ket "ti puraw a tabon". Idi 10 Disiembre 1997, sinukatan ti Akmola ti Almaty tapno agbalin a kapitolio ti Kazakhstan. Idi 6 Mayo 1998, daytoy ket nanaganan manen iti Astana, a ti kayatna a sawen ket "ti kapitolio" iti pagsasao a Kasaho.
Ti Astana ket maysa a naplano a siudad, kas ti Brasilia idiay Brasil, Canberra idiay Australia ken Washington, D.C. idiay Estados Unidos.[7] Ti master a plano ti Astana ket dinisenio idi babaen ni Kisho Kurokawa ti Hapon nga arkitekto.[7] Kas tugaw ti Gobierno ti Kazakhstan, ti Astana ket isu ti lugar ti Kamara ti Parlamento, ti Korte Suprema, ti Palasio ti Presidente ti Ak Orda ken dagiti nadumaduma a departamento ken ahensia ti gobierno. Daytoy ket ayan dagiti adu puturistiko a pasdek, dagiti hotel ken dagiti skyscraper.[8][9][10] Ti Astana ket isu ti sentro ti isport, ket naisaad a mangsangaili ti Expo 2017. Ti Astana ket addaan pay kadagiti adu a pagaywanan iti salun-at ken dagiti sistema ti edukasion.
Dagiti nagibasaran
Adu pay a mabasbasa
- Pospelov, Evgeni (1993). ru:Имена городов: вчера и сегодня (1917–1992). Топонимический словарь [City Names: Yesterday and Today (1917–1992). Toponymic Dictionary]. Русские словари.[permanente a natay a silpo]
- Kozlov, Denis; Gilburd, Eleonory (2013). The Thaw: Soviet Society and Culture during the 1950s and 1960s. University of Toronto Press. ISBN 978-1-4426-4460-1.
- Khrushchev, Sergei (2010). ru:Никита Хрущев. Реформатор [Nikita Khrushchev. Reformer]. Время. ISBN 9785969105331.
- Whyte, Andy (2000). Kisho Kurokawa, Architect and Associates: Selected and Current Works. Images Publishing. ISBN 978-1-86470-019-0.
- Vale, Lawrence (2014). Architecture, Power and National Identity. Routledge. ISBN 978-1-134-72921-0.
Dagiti akinruar a silpo
Dagiti midia a mainaig iti Astana iti Wikimedia Commons
Pakaammo ti panagbiahe idiay Astana manipud iti Wikivoyage (iti Ingles)