Kazakhstan
Ti Kazakhstan (Kasaho: Қазақстан, Qazaqstan), opisial a ti Republika ti Kazakhstan, ket ti pagilian idiay Tengnga nga Asia, ken adda met bassit a partena idiay laud ti Karayan Ural ken isu nga mabalin pay nga adda idiay Europa.[2] Ti Kazakhstan ket isu ti kadakkelan a napalikmutan ti daga a pagilian babaen ti kalawa ti daga ken ti maikasiam a kadakkelan a pagilian iti lubong. Ti teritoriona iti 2,724,900 kuadrado kilometro (1,052,100 sq mi) ket dakdakkel ngem iti amin nga Akinlaud nga Europa.[2][7] Babaen idi 2006, ti Kazakhstan ket nagbalinen a dominante a pagilian iti Tengnga nga Asia babaen ti ekonomia, ken agpatpataud iti 60% iti GDP ti rehion, ken kangrunaan babaen ti industriana iti lana ken gas. Ti pagilian ket adu kadagiti rekurso ti mineral.[8]
Republika ti Kazakhstan
| |
---|---|
Nailian a kanta: Менің Қазақстаным Meniñ Qazaqstanım Kazakhstanko | |
Kapitolio | Nur-Sultan 51°10′N 71°26′E / 51.167°N 71.433°E |
Kadakkelan a siudad | Almaty |
Opisial a sasao | |
Grupgrupo ti etniko (2010) |
|
Nagan dagiti umili | Kazakhstani, Taga-Kazakhstan[2] |
Gobierno | Unitario a dominante a partido a presidensial a republika |
• Presidente | Nursultan Nazarbayev |
• Kangrunaan a Ministro | Karim Massimov |
Lehislatura | Parlamento |
Senado | |
Mazhilis | |
Wayawaya manipud iti Kappon ti Sobiet | |
• Nairangarang | 16 Disiembre 1991 |
• Finalized | 25 Disiembre 1991 |
• Timmipon iti Nagkaykaysa a Pagpagilian | 2 Marso 1992 |
• Agdama a batay-linteg | 30 Agosto 1995 |
Kalawa | |
• Dagup | 2,724,900 km2 (1,052,100 sq mi) (Maika-9) |
• Danum (%) | 1.7 |
Populasion | |
• Karkulo idi Agosto 1, 2015 | 17,563,300[3] (Maika-62) |
• Densidad | 5.94/km2 (15.4/sq mi) (Maika-227) |
GDP (PPP) | Karkulo idi 2014 |
• Dagup | $420.629-bilion[4] (Maika-43) |
• Tunggal maysa a tao | $24,143[4] (Maika-50) |
GDP (nominal) | Karkulo idi 2014 |
• Dagup | $225.619-bilion[4] (Maika-50) |
• Tunggal maysa a tao | $12,950[4] (Maika-54) |
Gini (2013) | 26.4[5] ababa |
HDI (2014) | 0.788[6] nangato · Maika-56 |
Kuarta | Tenge (₸) (KZT) |
Sona ti oras | UTC+5 / +6 (Laud / Daya) |
Pagmanehuan | kanawan |
Kodigo ti panagtawag | +7-6xx, +7-7xx |
Kodigo ti ISO 3166 | KZ |
TLD ti internet |
|
Daytoy ket addaan iti pagbeddengan iti (agpakanawan manipud iti amianan) Rusia, Tsina, Kirgistan, Uzbekistan, ken Turkmenistan, ken danumna pay ti dakkel a parte iti Baybay Kaspio. Ti langa ti daga ti Kazakhstan ket mairaman dagiti nadalumpinas a daga, estepa, taiga, dagiti bato a canyon, turturod, dagiti delta, dagiti naabungotan iti niebe a banbantay, ken dagiti desierto. Addaan iti nakarkulo iti 18 a riwriw a tattao manipud idi 2014,[9] ti Kazakhstan ket ti maika-61 iti kaaduan ti populasion a pagilian iti lubong. No maited ti kalawa ti dagana, ti densidad ti populasionna ket maysa kadagiti kabassitan, iti basbassit ngem 6 a tattao iti tunggal maysa a kuadrado kilometro (15 a tattao iti tunggal maysa a sq. mi.). Ti kapitoliona ket ti Nur-Sultan, naiyalis daytoy manipud idiay Almaty idi 1997.
Ti teritorio ti Kazakhstan ket historiko a tinagtagitao babaen dagiti nomadiko a tribu. Daytoy ket nagbaliw idi maika-13 a siglo, idi ni Genghis Khan ket sinakupanna ti pagilian a kas parte ti Imperio ti Mongolia. Kalpasan ti panagsalisal dagiti nagparukma, ti bileg ket kanungpalan a naisubli kadagiti momadiko a tribu. Babaen idi maika-16 a siglo, dagiti Kazakh ket rimmuarda a kas naisangayan a grupo, ken nabingbingay kadagiti tallo a jüz (dagiti sanga ti kaputotan a mangsakop kadagiti naisangayan a teritorio). Dagiti Ruso ket nangrugida a nagabanse diay estepa Kazakh idi maika-18 a siglo, ken babaen idi tengnga timaika-19 a siglo, nominal isuda a nagturturay iti amin a Kazakhstan a kas parte ti Imperio ti Rusia. Kalpasan ti Rebolusion ti Rusia ti 1917 ken ti simmaruno a sibil a gubat, ti teritorio ti Kazakhstan ket naurno-urnos idi kadagiti adu a beses. Idi 1936 daytoy ket iramid idi a Republika ti Sosialista a Sobiet ti Kazakh, ken naikeddeng a kas maysa nga integral a parte ti Kappon ti Sobiet.
Ti Kazakhstan ket isu idi ti naudi kadagiti republika ti Sobiet a nagirangarang iti wayawaya kalpasan ti pannakawaswas ti Kappon ti Sobiet idi 1991. Ti agdama a Presidente, ni Nursultan Nazarbayev, ket isun ti daulo ti pagilian manipud idin, ken naikarakterisado a kas autoritariano, nga addaan iti pakasaritaan ti gobierno kadagiti panagabuso iti tao ken panaglapped iti oposision iti politika.[8] Nagobra ti Kazakhstan a mangpadur-as iti ekonomiana, ken naipangpangruna iti dominate nga industriana iti hidrokarbon.[8]
Dagiti nagibasaran
Adu pay a mabasbasa
Dagiti akinruar a silpo
Dagiti midia a mainaig iti Kazakhstan iti Wikimedia Commons
Pakaammo ti panagbiahe idiay Kazakhstan manipud iti Wikivoyage (iti Ingles)
- Bariweswes ti Pagilian manipud iti BBC News.
- Kazakhstan a naikabil iti The World Factbook (iti Ingles)
- Kazakhstan iti Curlie (iti Ingles)
- Wikimedia Atlas iti Kazakhstan
- Ministro ti Ganganaet a Pannakibiang ti Republika ti Kazakhstan Naiyarkibo 2011-09-29 iti Wayback Machine
- E-Gobierno ti Republika ti Kazakhstan
- Gobierno ti Kazakhstan Naiyarkibo 2019-08-10 iti Wayback Machine
68°E / 48°N 68°E