Peninsula Malayo

Ti Peninsula Malayo (Malayo: Semenanjung Tanah Melayu, سمننجوڠ تانه ملايو; Tailandes: คาบสมุทรมลายู, RTGS: Khapsamut Malayu, panangibalikas [kʰâːp.sā.mùt mā.lāː.jūː]) ket ti peninsula idiay Abagatan a daya nga Asia. Ti masa ti daga ket agarup nga agpaamianan-abagatan ken iti pagpatinggaanna, ket ti akin-abagatan unay a punto ti nangruna a daga ti Asia. Ti lugar ket aglaon iti akin-abagatan unay nga ungto ti Myanmar, Malaysia Peninsular ken Akin-abagatan a Tailandia.

Ti Banbantay Titiwangsa ket parte ti sistema ti Turturod Tenasserim, ken mangporma ti duri ti peninsula. Mangpormada ti akin-abagatan unay a seksion ti tengnga a kordiliera a mapan manipud iti Tibet babaen ti Ismo Kra (ti kaakikidan a punto ti Peninsula) aginggana iti Peninsula Malayo.^[1] Isina ti Lingsat ti Malaka ti Peninsula Malayo manipud iti isla ti Indonesia iti Sumatra bayat a ti abagatan nga aplaya ket naisina manipud iti isla ti Singapur babaen ti Linglingsat ti Johor.