Ludwig Ela
Werkzeuge
Allgemein
Ćišćeć/eksport
Ludwig Ela (němsce Ludwig Elle; * 1. apryla 1952 w Rakecach) je serbski wědomostnik, kiž zaběra so hłownje z rěčnej politiku we Łužicy, statistiskim wuwićom serbstwa a zastupnistwom serbskich zajimow w běhu časa.
Wopytowaše Polytechnisku wyšu šulu w Rakecach a potom Serbsku rozšěrjenu wyšu šulu w Małym Wjelkowje, hdźež złoži w lěće 1971 maturu. Wot 1974 do 1979 studowaše hospodarske wědomosće při Karla Marxowej uniwersiće w Lipsku a dźěłaše potom wot 1979 do 1985 jako fachowy wučer za politisku ekonomiju při Serbskim wučerskim wustawje w Budyšinje. W lěće 1983 bu hromadźe z mandźelskej Hilžu z dźěłom k wuwiću drustwoweho ratarstwa w dwurěčnym regionje a jeho wuskutkam na kulturu a žiwjenske wašnje Serbow promowowany. Wot 1985 dźěłaše jako wědomostnik w Budyšinje, najprjedy we wotrjedźe „Kulturne a wuměłstwowe wědomosće“ Instituta za serbski ludospyt a wot 1992 jako wědomostny sobudźěłaćer we wotrjedźe „Empiriske kulturne slědźenje/ludowěda“ w Serbskim instituće. 2013 so na wuměnk poda.
Wón bydli w Rachlowje pod Čornobohom.