ცხოვრება მშვენიერია (იტალ.La vita è bella) — 1997 წლის იტალიური კომედიურ-დრამატული ფილმი. ფილმმა კრიტიკოსთა მოწონება დაიმსახურა და კომერციულად წარმატებული იყო.
ყურადღება! ქვემოთ მოყვანილია სიუჟეტის და/ან დასასრულის დეტალები.
მეორე მსოფლიო ომის დროს იტალიელ ებრაელს, გვიდო ორეფიჩეს დაიჭერენ და საკონცენტრაციო ბანაკში გააგზავნიან. იტალიელი მეუღლე ნებაყოფლობით გაყვება ქმარს. მათ მცირეწლოვანი შვილი ახლავთ თან. რათა ბავშვმა ომის საშინელებები არ იგრძნოს, მამა ატყუებს, რომ ეს ყველაფერი თამაშია და გამარჯვებული ის იქნება, ვინც ზედამხედველებს ყველაზე უკეთ დაემალება. გვიდო ყველაფერს აკეთებს, რომ ბავშვმა ტყუილი დაიჯეროს და ცოცხალი გადარჩეს.
