Napule (pe' taliano Napoli), sovrannummenata capitale d’’o Mediterraneo (comme pùre Catania, Valencia e âte cità), capoluoco d’’a pruvincia omonima e 'a reggione Campania, è na cità 'e circa nu melione 'e abetante e 4.400.000 perzone 'int'â ll'area metropolitana (cuntenente pùre zzone d’’a pruvincia 'e Caserta, Avellino e Salierno).
Descrizzione
Napule, 'a terza cità d'Italia ppe ggente, è 'o cchiù gruosso ammazzuccato urbano d’’o paese (doppo chillo 'e Milano) ed è settema 'int’’a crassifeca d’’e aree urbane cchiù pupulose d'Europa. S'adda notà pùre ca a Napule risede nu quinto d’’a pupulazione reggionale 'ntera e 'int’’a pruvincia soja cchiù ca 'a mità 'e éssa.
'O centro storico sùio, canusciuto in tutto 'o munno è mèta 'e tturiste pruveniente 'a ogne pparte d’’o munno. È puro uno d’’e site ca ll'UNESCO ha ditto patrimmonio 'e ll'umanità.
Storia
'A cità fuje pussibbelmente funnata d’’e abetante d’’a culonia grieca 'e Cumma attuorno ô VIII seculo AC, 'int’’a zona 'e mmo ca se chiamma d’’e decumane, nun luntano d'addò sorgeva 'a preasistente cità 'e Partenope, po' chiammata Palepolis, «cità vècchia», 'ncopp’’o Monte Echia; pe' cchesta raggione fuje chiammata Νεάπολις (Neàpolis), ca fuje orrigenariamente νέα πόλις (nèa pòlis, «città nóva»).Fuie una dd’’e cità cchiù 'mpurtante d’’a Magna Grecia[1][2] pecché teneva na bona relazione cu Atene[3]: teneva na furza commerciale, culturale e ppure religgiosa ngop'ê pupulazione ca stevano int'a reggione.
Aropp’’a fine 'e ll'Impero Rumano, int'o VIII seculo 'a cità se facette ducato indipendiente d'ê Bizantine. Int'ô XIII seculo fuie 'a capitale d’’e tutt'o Regno 'e Napule primma, po d'ô Regno d"e Ddoje Sicilie 'a sotto e Borbone nfi a quanne se facette ll'Unità d'Italia.
Napule se trove cchiù 'o meno inta 'o centro d'a Campania, ngopp
Chisto è n'articulo da aiutà pe' varie quistione Pe' faore, si putite, ajutàtelo si se po' spanne o cuntrullate. Si nò l'avimma scancellà aroppo 10 juorni.