2017
yaro
| Historio > yarcento |
| Yarcenti: |
| 20ma21ma22ma |
| Yardeki: 2000a • 2010a • 2020a • 2030a • 2040a |
| Yari: 2001 • 2002 • 2003 • 2004 • 2005 |
La yaro 2017 (MMXVII per Romala algarismi) esis ordinara yaro komencinta ye sundio segun Gregoriala kalendario. Ol esis la 17ma yaro di la triesma yarmilo, la 17ma yaro di la 21ma yarcento, e la 8ma yaro di la yari 2010a.
Eventi
- Segun statistiki, 2017 esis la maxim sekura yaro por civil aviacado: de januaro til decembro eventis nur 10 acidenti kun civila avioni, qui produktis entote 144 morti.[1] Ta statistiki ne konsideras l'acidenti kun milital avioni.[2]
- Segun NASA e NOAA ta yaro esis un ek la 3 maxim varma de la historio,[3] e la maxim varma sen l'influo di El-Ninyo.[4]
- En junio la habitantaro di la Tero superiras 7,6 miliardi di personi, segun l'Unionita Nacioni.[5]
Januaro
- 1ma di januaro - Ye 1:30 kloki (lokala horo) en Istanbul, Turkia, viro pafas kontre personi en noktala klubo e ocidas adminime 39 personi e vundas 63 plusa homi.[6]
- 1ma di januaro - Fairo che navo qua navigis kun 250 turisti ennave de Jakarta til l'insulo Tidung, en Indonezia, mortigas adminime 23 personi.[7]
- 1ma di januaro - António Guterres asumas kom chef-sekretario dil Unionita Nacioni.[8]
- 1ma di januaro - Norvegia oficale adoptas la separo inter la Luterana eklezio e la Stato.[9]
- 2ma di januaro - Atento per automobilo-bombo en Baghdad, Irak, produktas adminime 35 morti.[10]
- 6ma di januaro - En Usa, viro pafas kontre personi an l'aeroportuo di Fort Lauderdale, Florida, Usa, mortigas 5 personi e vundas plusa 8 homi. La suspektito pri la pafado esis veterano de la milito di Irak e kuracesis pro psikiatriala problemi.[11]
- 12ma di januaro - Barack Obama anuncas la fino di la politiko surnomizita "humida pedi, sika pedi", qua posibligis a Kubani, qui eniris nelegale en Usa, rezidar en lua teritorio e divenar Usana civitani.[12]
- 13ma di januaro - Kolumbiana guvernerio e la gerilera* grupo Ejército de Liberación Nacional - ELN - komencas negociar pri la fino di la militeto.[13]
- 18ma di januaro - Quar ter-tremi kun fortesi di adminime 5.2 che la skalo di Richter frapas la centro di Italia e produktas 1 morto.[14]
- 21ma di januaro - Ekreligo di treno proxim la staciono Kuneri en Andhra Pradesh, India, produktas adminime 39 morti.[15]
- 23ma di januaro - Donald Trump signatas dekreto per quo Usa abandonas la Kontrato Transpacifika pri Libera Komerco, signatita da 12 landi.[16]
- 25ma di januaro - En Usa, prezidanto Donald Trump aprobas konstrukto di murego an la frontiero kun Mexikia.[17]
- 27ma di januaro - Donald Trump signatas dekreto qua interdiktas l'eniro di refujanti e civitani de 7 Islamala landi - Irak, Siria, Iran, Sudan, Libia, Somalia ed Yemen - en Usa.[18]
- 30ma di januaro - En Arjentinia, prezidanto Mauricio Macri signatas dekreto qua limitizas l'enmigro ed aceleras deporti.[19]
- Januaro til marto - Forta pluvi efektigas granda inundadi en multa regioni di Peru. Segun statistiki de la guvernerio di la lando, til la 19ma di marto l'inundadi produktabis 72 morti, dum ke plu kam 72.000 personi perdis lia domi, multa brutaro mortis e multa plantacerii subisis enorma domaji.[20]
Februaro
- 1ma di februaro - La parlamento dil Unionita Rejio aprobas "Brekiro".
- 12ma di februaro - En Rumania, mili di personi protestas en l'urbi București, Cluj-Napoca, Sibiu, Iași e Timișoara kontre la korupto e demandas la renunco di la guvernerio.[21]
- 13ma di februaro - Adminime 13 personi mortigesas e 82 plusa homi vundesas pro bombal atako da talibanani en Lahore, Pakistan.[22]
- 19ma di februaro - Eventas l'unesma votado por prezidanto en Equador por selektar la sucedanto di Rafael Vicente Correa. Lenín Moreno konkursos kontre Guillermo Lasso pri la duesma prezidantala baloto la 2ma di aprilo sam yaro.[23]
Marto
- 9ma di marto - La prezidantino di Sud-Korea, Park Geun-hye, revokesas da la Nacional Asemblitaro pro akuzo pri korupto.[24]
- 10ma di marto - La Konstitucala korto di Sud-Korea mantenas la revoko di la prezidantino Park Geun-hye pro akuzo pri korupto da la Nacional Asemblitaro. Du personi mortigesas dum la protesti kontre l'akuzo.[25]
- 17ma di marto - Adminime 26 refujinti de Somalia mortigesas pro explozo di bombo en la navo ube li voyajis, proxim stretajo Bab-el-Mandeb, Yemen.[26]
- 19ma di marto - Ca dio, la guvernerio di Peru publikigas statistiki pri la konsequi di granda inundadi en multa regioni di la lando pro pluvegi, komencinta ye fino di decembro 2016 e fininta ca dio. L'inudadi efektigis granda destrukto en plantacerii e domi, mortigis multa brutaro e domestik animali, produktis 72 morti, e plua kam 72.000 plusa homi perdis lia domi.[27]
- 22ma di marto - En London, viro aceleras automobilo kontre pediranti an la ponto di Westminster e mortigas du personi. Pose ilu kolizionas la vehilo kontre l'eniro di Britaniana parlamento, ube ilu mortigas policisto per kultelofrapi. Fine ilu mortigesas per pafado da altra policisti. La guvernerio dil Unionita Rejio konsideras l'atako "terorista agado".[28]
- 23ma di marto til aprilo - Ciklono Debbie formacesas proxim Papua-Nova-Guinea, frapas Australia dum la sequanta dii ed efektigas torentala pluvi e severa inundadi. On kalkulas ke la sukra industrio de Queensland subisis perdaji di 150 milion Australiana dolari, e 35% de la plantacerii di sukrokano en Proserpine e 20% de la plantecerii di sukrokano en la regiono di Mackay perdesis.[29]
- 28ma di marto - La Parlamento di Skotia aprobas, per 69 yes-voti kontre 59 no-voti, la kunvoko di nova plebicito pri la nedependo de l'Unionita Rejio.[30]
Aprilo
- 1ma di aprilo - Reda Kruco di Kolumbia anuncas ke la forta pluvi en la lando efektigis terglitadi en l'urbo Mocoa qui produktis plu kam 200 morti.[31]
- 3ma di aprilo - Atento per bombo an la metropoliteno* di Sankt Petersburg, Rusia ocidas adminime 14 personi e vundas dozeni. Civitano de Kirgizistan esas suspektito pri l'atako.[32]
- 4ma di aprilo - Atako per kemial armi en la provinco Idlib, Siria, produktas plu kam 80 morti.[33][34]
- 9ma di aprilo - Du atenti per bombi kontre kirki Kristana en l'urbi Alexandria e Tanta, Egiptia, dum la mesi por celebrar la Palmosundio, mortigas plu kam 44 personi e vundas plua kam 100 altra homi.[35]
- 10ma di aprilo - Quar ter-tremi kun fortesi di adminime 5.2 che la skalo di Richter frapas la centro di Italia e produktas 1 morto.[36]
- 20ma di aprilo - Atento per bombo che avenuo Champs-Élysées en Paris mortigas un policisto e la suspektito.[37]
- 21ma di aprilo - En la provinco Balkh, Afganistan, atako per bombo da Talibani kontre bazo del armeo Afgana mortigas adminime 50 soldati.[38]
- 23ma di aprilo - En Francia, eventas l'unesma votado por sucedar la prezidanto François Hollande. Marine Le Pen ed Emmanuel Macron konkursos la balot-votado ye la 7ma di mayo.[39]
Mayo
- 5ma di mayo - Atako da militanti de la grupo Boko Haram proxim la lago Chad mortigas 9 soldati. En kontreatako, l'armeo di Chad mortigas cirkume 40 gerileri* de Boko Haram.[40]
- 7ma di mayo - Emmanuel Macron vinkas la duesma baloto de la prezidantal elekti en Francia.[41]
- 22ma di mayo - En Manchester, Anglia, suocidant atako per bombo dum muzikala spektaklo dal Usana kantistino Ariana Grande produktas adminime 22 morti e 50 vunditi che la stadio Manchester Arena.[42]
- 25ma til la 27ma di mayo - Musonala pluvegi en Sri Lanka efektigas severa inundadi e terglitadi, qui produktas plu kam 100 morti.[43]
- 26ma di mayo - Teroristi pafas kontre autobuso qua transportabas Kristani Kopta en Minya, Egiptia e produktas adminime 28 morti, di qui 2 pueri.[44]
- 27ma di mayo - Marcin Różalski divenis championo dil KSW (MMA) en kategorio pezoza.
- 29ma di mayo - Forta tempesto e ventego en Moskva produktas 11 morti.[45]
- 31ma di mayo - Atento per bombo en automobilo mortigas 80 personi e vundas plusa 320 homi en Kabul, Afganistan. L'explozo eventis proxim l'ambasadeyo di Germania.[46]
Junio
- 3ma di junio - Ataki en du diferanta loki de London (la ponto di London e la Borough Market), Anglia, produktas 7 morti ed adminime 48 plusa homi vundita.[47]
- 5ma di junio - Montenegro membreskas NATO.
- 7ma di junio - Du suocidant atenti en Tehran kontre la Parlamento di Iran e kontre la mauzoleo dil Ayatolo Ruhollah Khomeini mortigas adminime 12 personi e vundas 39 plusa homi. L'Islamana Stato asumas l'autoresi dil ataki.[48]
- 11ma di junio - Eventas plebicito en Porto-Riko pri lua politikala stando. Nur 23% de Portorikan elekteri votas, di qui 97% suportas l'ideo pri divenar stato di Usa.[49]
- 12ma di junio - Ricardo Alberto Martinelli, ex-prezidanto di Panama, arestesas en Miami, Usa, pro akuzi pri espionado kontre lua opozanti.[50]
- 14ma di junio - Fairo che la 24-etaja edifico Grenfell Tower en London, Anglia, mortigas adminime 17 personi.[51]
- 15ma di junio - Sueda-Braziliana supersonala aviono Gripen E flugas unesmafoye.[52]
- 17ma di junio - Incendio en foresto che la regiono Pedrógão Grande, centre de Portugal produktas adminime 57 morti e multa plusa homi desaparinta. Ol judikesas kom la maxim devastanta incendio forestala de la historio di Portugal.[53]
- 18ma di junio - Ondego frapas la vilajo Nuugaatsiaq, an la litoro di Grenlando, e destruktas adminime 11 domi. Du personi vundesas grave e 4 plusa homi desaparas. L'antea dio eventabis ter-tremo kun forteso 4 che la skalo di Richter ed epicentro en insulo weste de la lando.[54]
- 24ma di junio - Terglitado en la provinco Sichuan, Popul-Republiko Chinia, dronas adminime 62 domi, e 120 personi judikesas kom desaparita.[55]
Julio
- 8ma di julio - La renkontro di statestri de G20 finas en Hamburg, Germania. Ek la statestri, 19 konkordis ke la "pakto di Paris" kontre la klimatala chanjo esas nerenversebla.[56]
- 9ma di julio - La chefministro di Irak, Haider al-Abadi, deklaras vinko kontre l'Islamana Stato pos 9-monata batalio en Mosul.[57]
- 12ma di julio - Grandega (cirkume 6.000 km²) glacio-monto separas de Antarktika. Lua surfaco esas plua granda kam landi quale Brunei, Luxemburgia o Kabo Verda. Ciencisti timas ke to produktos elevo di la marala nivelo.[58]
- 18ma di julio - Rebeli proklamas la stato 'Malorossiya' (Mikra Rusia), o Populala Republiko di Donetsk en l'Ukrainana teritorii Donetsk e Luhansk. Rusia negas suporto a la rebeli.[59]
- 19ma di julio - La Senato di Chili aprobas lego qua posibligas aborto kande existas sexuala violaco, risko pri morto di la muliero, o la feto ne esas viv-kapabla.[60]
- 28ma di julio - La Defenso-Ministerio di Japonia anuncas ke Nord-Korea probabis jetajo qua povas atingar emi distanta plua kam 1.000 km.[61]
Agosto
- 2ma di agosto - Ciencisti anuncas ke unesmafoye divenis posibla reparar geni qui efektigas kordiala morbo heredebla che homala embrioni.[62]
- 5ma di agosto - Sekureso-Konsilistaro dil Unionita Nacioni aprobas sancioni pri komerco e koloko kontre Nord-Korea pro lua testi kun nukleara projektili.[63]
- 12ma di agosto - En Virginia, Usa, eventas konflikti inter membri de la Ku Kux Klan ed altra rasisti, e grupi qui kombatas rasismo. Dum demonstro di grupo kontre rasismo, viro lansas automobilo kontre la turbo, mortigas muliero e vundas plusa 19 personi.[64]
- 17ma di agosto - En la centro di Barcelona, Katalunia, viro aceleras lokacita furgoneto kontre pediranti che la rambla (voyo por pediranti), mortigas 13 personi e vundas plua kam 100 plusa homii, di qui 15 vundesas grave. Islamana Stato asumas l'autoreso dil atento.[65]
- 22ma di agosto - Batelo kun 58 personi ennave naufrajas en la rivero Xingu, en Brazilia, e produktas 23 morti.[66]
- 24ma di agosto - En Brazilia, batelo kun 124 personi ennnave qua vojajis de Itaparica vers Salvador naufrajas, e produktas adminime 18 morti.[67]
- 31ma di agosto til la 5ma di septembro - Ido-konfero en České Budějovice, Chekia.
- agosto - Intensa musonala pluvi eventas en India, Nepal, Pakistan e Bangladesh. Segun statistiki, til la 31ma di agosto l'inundadi submersabis 3.097 vilaji en Uttar Pradesh, destruktabis plua kam 24.000 hektari di plantacerii[68] e produktabis plua kam 1.200 morti en la quar landi.[69] L'inundadi ja judikesas kom la maxim mala de la yardeko.[70]
Septembro
- 1ma di septembro - La Supra Korto di Kenia anulas la rezulto dil elekti qui eventabis ye la 11ma di agosto 2017 e vinkabis da Uhuru Kenyatta.[71][72]
- 6ma di septembro - Uragano Irma, la maxim forta de la historio di Karibia, frapas Antigua e Barbuda, Saint-Barthélemy e Saint-Martin, ed efektigas severa inundadi.[73]
- 8ma di septembro - Ter-tremo kun forteso 8,2 che la skalo di Richter frapas la stati Tabasco e Chiapas en Mexikia, e produktas adminime 15 morti.[74]
- 10ma di septembro - Forta tempesti en Livorno, Italia, produktas adminime 5 morti.[75]
- 15ma di septembro - Finas la 13-yara misiono di la kosmoprobilo Cassini-Huygens, kun l'eniro di la navo che l'atmosfero di Saturno.[76]
- 18ma di septembro - Uragano Maria frapas Dominika, domajas 70% til 80% del edifici e produktas adminime 7 morti.[77]
- 18ma di septembro - Hispania ekpulsas Nord-Koreana ambasadisto.[78]
- 19ma di septembro - Ter-tremo kun epicentro proxim urbo Puebla e forteso 7.1 che skalo di Richter frapas Mexikia e produktas adminime 224 morti.[79]
- 19ma e 20ma di septembro - Uragano Maria frapas Franca insuli Martinik e Guadelupa e produktas grava domaji ed inundadi. Ol esas uragano "kategorio 5", la maxim forta de la skalo di uragani, kun venti di 265 km/h.[80] La sequanta dio, ol frapas Virgin Insuli Usana e Porto-Riko,[81] qua subisas plua kam 50 miliardi dolari en domaji.[82] Segun statistiki revizata en decembro 2017, la quanto di morti nur en Porto-Riko pro konsequi dil uragano, inkluzite la morteso en hospitali ube mankis elektro, esis adminime 1.052 personi.[83]
- 25ma di septembro - En plebicito, Kurdistanani votas pri nedependo de Irak.[84]
Oktobro
- Oktobro - Pro la sikeso klimatala, Kalifornia subisas granda forestala incendii, qui mortigabis adminime 29 personi e destruktabis mili di domi ed altra edifici til la 12ma di oktobro.[85]
- 1ma di oktobro - Eventas plebicito pri la nedependo di Katalunia malgre ke la Hispana guvernerio konsideris ol nelegala. Adminime 844 personi vundesas pro policala represo dum la votado.[86]
- 1ma di oktobro - Viro pafas de la 32ma etajo del Hotelo Mandalay Bay en Las Vegas, Nevada, Usa, dum noktala spektaklo di muziko country.[87] La pafi mortigas 58 personi e vundas plua kam 500 plusa homi.[88] Segun la polico, la pafero evis 64 yari, vivis en domo por retretiti, e havis nula kriminal antecedenti.[88]
- 4ma til la 9ma di oktobro - Tropikala tempesto Nate frapas Kosta Rika, Nikaragua, e Honduras, efektigas granda inundadi, e segun informi ye la 7ma di oktobro, produktis adminime 24 morti en la tri landi.[89] Ye la 6ma di oktobro Nate pluforteskas e divenas uragano "kategorio 1".[89] Ye la 8ma di oktobro ol frapas Usa, unesme en Biloxi, Mississipi.[90]
- 12ma di oktobro - Usa ed Israel anuncas ke li ekiros UNESKO ye la 31ma di decembro 2017.[91]
- 14ma di oktobro - Kamiono-bombo explozas proxim la hotelo Safari, an la centrala quartero di Mogadishu, Somalia, e mortigas entote 512 personi[92] e vundas plua kam plusa 300 homi.[93]
- 16ma di oktobro - Tempesto Ophelia frapas Irlando e Britania per venti di plu kam 100 km/h, atinganta plu kam 150 km/h en kelka momenti. Ol esas la maxim forta estala uragano ulafoye enrejistrita.
- 17ma di oktobro - Raqqa, en Siria, deklaresas komplete liberigiata del Islamana Stato.
- 19ma di oktobro - En Centrafrika, membri de la milico kontre-Kristana Anti-Balaka lansas atako dum l'auroro kontre l'urbo Pombolo, e mortigas 50 personi, di qui 40 civili.[94]
- 27ma di oktobro - Katalunia deklaras lua nedependo de Hispania[95]. Mariano Rajoy, chefministro Hispana, anuncas la revoko dil parlamento di Kataluniana e la kunvoko di nov elekti en decembro, en reakto kontre la deklaro di nedependo.[96]
- 28ma di oktobro - Du bomba automobili explozas en Mogadishu, Somalia e produktas adminime 25 morti. La terorista grupo Al-Shabaab asumas l'autoreso dil ataki. L'unesma automobilo explozis avan la hotelo Nassa-Hablood, proxim la prezidantala palaco.[97]
- 29ma di oktobro - Tempesto Herwart frapas Chekia e Polonia per venti di 180 km/h, efektigas inundadi e destruktado di domi, e produktas 5 morti.[98]
- 31ma di oktobro - Che Manhattan viro lansas kamioneto kontre ciklisti e pediranti e mortigas 8 personi, di qui 5 esas Arjentiniana turisti.[99]
Novembro
- 2ma di novembro - Nova speco di orangutano deskovresas en Indonezia.[100]
- 3ma di novembro - L'urbi Deir ez-Zor en Siria, e Al Qaim en Irak deklaresas liberigita del Islamana Stato dum la sama dio.[101]
- 4ma di novembro - La chefministro di Libano Saad Hariri renuncas ed akuzas Iran pri interferi en la politikal aferi de Proxim Oriento.[102]
- 4ma di novembro - Tifono Damrey frapas Vietnam, destruktas plua kam 40 mil domi e produktas adminime 27 morti.[103]
- 11ma di novembro - Cirkume 750 mil personi demonstras en Barcelona pri la liberigo di la chefi dil movado pri nedependo di Katalunia.[104]
- 12ma di novembro - Ter-tremo kun forteso 7.3 che la skalo di Richter frapas Iran e produktas plua kam 400 morti e plua kam 7.000 plusa homi vundita.[105]
- 14ma til la 15ma di novembro - Dum la nokto di la 14ma di novembro, militisti de Zimbabwe asemblas trupi proxim Harare e la sequanta dio li kaptas la prezidanto Robert Mugabe en lua domo ed arestas ilu.[106][107]
- 15ma di novembro - Submara navo Arjentiniana ARA San Juan desaparas pos departar de Ushuaia vers Mar del Plata, kun 44 personi en nave.[108][109] La kruo dil submara navo deklaresos mortinta ye la 5ma di decembro sam yaro.[110]
- 24ma di novembro - Atako per bombi e pafado en Bir al-Abed, an la peninsulo Sinai, Egiptia, mortigas adminime 235 personi e vundas plua kam 100 plusa homi.[111]
Decembro
- 6ma di decembro - Usa anuncas oficale ke agnoskas Ierusalem kom chef-urbo di Israel e transferos lua ambasadeyo al urbo.[112]
- 9ma di decembro - Irakan armeo anuncas ke la lando libereskis komplete del Islamana Stato.[113]
- 11ma di decembro - Judiciisto revokas demando dil Usana prezidanto Donald Trump e posibligas transsexuala personi engajor Usan armeo pos la 1ma di januaro 2018.[114]
- 17ma di decembro - Suocidant atako kontre Metodista kirko en Quetta, Pakistan, mortigas 8 personi e vundas plusa altra 33 homi.[115]
- 18ma di decembro - Sebastian Kurz, de la partiso kristana demokrata Österreichische Volkspartei divenas kancelero di Austria, kun la suporto dil partiso di extrema-dextra Freiheitliche Partei Österreichs, FPÖ. Unesmafoye en plua kam 10 yari, politikala koalisuro inkluzas partiso konsiderata nov-Naziista.[116]
- 21ma di decembro - En la regionala elekti di Katalunia, tri partisi favorebla a la nedependo de Hispania (Junts per Cataluya, Esquerra Republicana de Catalunya-Catalunya Sí, e Candidatura d'Unitat Popular-Crida Constituent obtenas kune 70 ek la 135 sidili de Kataluniana parlamento.[117]
- 22ma di decembro - Tropikala tempesto Tembin frapas la sudo di Filipini, note l'insulo Mindanao, e produktas plua kam 130 morti.[118]
- 26ma di decembro - Eventas prezidantal elekti en Liberia. George Weah, opozanto a la prezidantino Ellen Johnson-Sirleaf vinkas, per 61,5% ek la voti.[119]
- 28ma di decembro - Suocidant atento per bombo proxim l'agenterio di novaji Afghan Voice e la kulturala centro Tebyan en Kabul produktas 41 morti e 84 plusa homi vundita. L'Islamana Stato revendikas l'autoreso dil atento.[120]
- 29ma di decembro - En Kairo, Egiptia, viro pafas kontre personi exter Kopta kirko e produktas 9 morti. L'asaltinto mortigesos pose, dum pafado.[121]
- 30ma di decembro - Segun informi, du personi mortas dum protesti en Tehran kontre la politikala chefi di Iran, ayatolo Khamenei e la prezidanto Hassan Rouhani, e kontre l'ekonomiala stando di la lando, kun alta inflaciono.[122]
Naski
Morti
- 6ma di januaro - Octavio Lepage, provizora prezidanto di Venezuela (n. 1923)
_square.jpg)
- 7ma di januaro - Mário Soares, prezidanto di Portugal (n. 1924)[123]
- 8ma di januaro - Akbar Hashemi Rafsanjani, prezidanto di Iran[124] (n. 1934)
- 8ma di januaro - James Mancham, unesma prezidanto di Seycheli (n. 1939)
- 9ma di januaro - Zygmunt Bauman, Polona sociologo[125] (n. 1925)
- 10ma di januaro - Roman Herzog, prezidanto di Germania[126] (n. 1934)
- 10ma di januaro - Oliver Smithies, Britanian-Usana genetikisto, Nobel-laureato (n. 1925)
- 14ma di januaro - Zhou Youguang, Chiniana linguisto (n. 1906)
- 16ma di januaro - Eugene Cernan, Usan astronauto (n. 1934)[127]
- 25ma di januaro - John Hurt, Angla aktoro (n. 1940)
- 25ma di januaro - Mary Tyler Moore, Usan aktorino (n. 1936)[128]
- 1ma di februaro - Étienne Tshisekedi, chefa ministro di Zaire (n. 1932)
- 7ma di februaro - Sotsha Dlamini, chefa ministro di Swazilando (nune Eswatini) (n. 1940)
- 7ma di februaro - Smail Hamdani, chefa ministro di Aljeria (n. 1930)
- 8ma di februaro - Peter Mansfield, Angla fizikisto, Nobel-laureato (n. 1933)
.jpg)
- 12ma di februaro - Al Jarreau, Usana kantisto (n. 1940)[129]
- 16ma di februaro - Josef Augusta, Chekoslovakiana hokeisto (n. 2017)
- 21ma di februaro - Kenneth Joseph Arrow, Usan ekonomikisto, Nobel-laureato (n. 1921)
- 25ma di februaro - Bill Paxton, Usan aktoro (n. 1955)
- 27ma di februaro - Carlos Humberto Romero, prezidanto di Salvador (n. 1924)
- 3ma di marto - René Préval, chefministro e prezidanto di Haiti (n. 1943)[130]
- 8ma di marto - George Andrew Olah, Hungara-Usana kemiisto, Nobel-laureato (n. 1927)
- 17ma di marto - Laurynas Stankevičius, chefministro di Lituania (n. 1935)
- 17ma di marto - Derek Walcott, skriptisto de Santa Lucia, Nobel-laureato (n. 1930)[131]
- 18ma di marto - Chuck Berry, Usana kantisto, kompozisto e muzikisto[132] (n. 1926)
- 29ma di marto - Alexei Alexeyevich Abrikosov, Rusa fizikisto, Nobel-laureato (n. 1928)
- 1ma di aprilo - Yevgeni Yevtushenko, Sovietiana-Rusa poeto (n. 1933)[133]
- 24ma di aprilo - Robert Maynard Pirsig, Usana skriptisto (n. 1928)[134]
- 5ma di mayo - Ely Ould Mohamed Vall, prezidanto di Mauritania (n. 1953)
- 12ma di mayo - Mauno Koivisto, chefministro e prezidanto di Finlando (n. 1923)[135]
- 18ma di mayo - Chris Cornell, Usana muzikisto e kantisto (Soundgarden, Audioslave) (n. 1964)
- 18ma di mayo - Jacque Fresco,[136] Usana industriala desgnero, skriptisto, inventero, futuristo e fondinto di la Venus Project (n. 1916)
- 23ma di mayo - Roger Moore, Angla cinem-aktoro[137] (n. 1927)
- 27ma di mayo - Gregg Allman, Usana muzikisto, kantisto e kompozisto (The Allman Brothers Band) (n. 1947)
- 29ma di mayo - Manuel Noriega, militisto e chefo di Panama (n. 1934)
- 29ma di mayo - Konstantinos Mitsotakis, chefministro di Grekia (n. 1918)
- 2ma di junio - John Giheno, chefministro di Papua-Nova-Guinea (n. 1949)
- 9ma di junio - Adam West, Usan aktoro[138](n. 1928)
- 16ma di junio - Helmut Kohl, kancelero di Germania[139] (n. 1930)
- 17ma di junio - Baldwin Lonsdale, prezidanto di Vanuatu[140] (n. 1950)
- 19ma di junio - Annikki Tähti, Finlandana kantistino ed aktorino (n. 1929)
- 22ma di junio - Quett Joni Masire, prezidanto di Botswana (n. 1925)
- 26ma di junio - Habib Thiam, chefministro di Senegal (n. 1933)
- 30ma di junio - Simone Veil, Franca politikisto (n. 1927)
- 3ma di julio - Paolo Villaggio, Italiana komikisto e cinem-aktoro (n. 1932)
- 9ma di julio - Ilya Glazunov, Rusa piktisto (n. 1930)
- 13ma di julio - Liu Xiaobo, Chiniana politikal aktivisto, Nobel-laureato pri paco[141] (n. 1955)
.jpg)
- 15ma di julio - Martin Landau, Usan aktoro (n. 1928)[142]
- 20ma di julio - Chester Bennington, Usana kantisto, kompozisto e muzikisto (Linkin Park, Dead by Sunrise)[143] (n. 1976)
- 21ma di julio - Hrvoje Šarinić, chefministro di Kroatia (n. 1935)
- 27ma di julio - Sam Shepard, Usana skriptisto por cinemo, aktoro e filmifisto (n. 1943)
- 29ma di julio - Redha Malek, chefa ministro di Aljeria (n. 1931)
- 30ma di julio - Anton Vratuša, chefministro di Slovenia (n. 1915)
- 31ma di julio - Jeanne Moreau, Franc aktorino[144] (n. 1928)
- 6ma di agosto - Betty Cuthbert, Australian atletino (n. 1938)
- 20ma di agosto - Jerry Lewis, Usana komediisto e cinem-aktoro[145] (n. 1926)
- 21ma di agosto - Bajram Rexhepi, chefministro di Kosovo (n. 1954)
- 28ma di agosto - Tsutomu Hata, chefministro di Japonia[146] (n. 1935)
- 5ma di septembro - Nicolaas Bloembergen, Nederlandan-Usana fizikisto, Nobel-laureato (n. 1920)
- 11ma di septembro - Tuanku Abdul Halim, chefo di stato (Yang di-Pertuan Agong) di Malaizia (n. 1927)
- 24ma di septembro - Gisèle Casadesus, Franc aktorino (n. 1914)
- 2ma di oktobro - Tom Petty, Usana muzikisto (Tom Petty and the Heartbreakers) (n. 1950)
- 3ma di oktobro - Jalal Talabani, prezidanto e chefministro di Irak (n. 1933)
- 4ma di oktobro - Liam Cosgrave, chefministro di Republiko Irlando (n. 1920)[147]
- 6ma di oktobro - Ralphie May, Usan aktoro e komediisto (n. 1972)
- 9ma di oktobro - Armando Calderón Sol, prezidanto di Salvador (n. 1948)
- 11ma di oktobro - Clifford Husbands, generala guvernisto di Barbados (n. 1926)
- 13ma di oktobro - Albert Zafy, prezidanto di Madagaskar (n. 1927)
- 17ma di oktobro - Danielle Darrieux, Franc aktorino (n. 1917)
- 22ma di oktobro - George Redburn Young, Australiana muzikisto e kompozisto (n. 1946)
- 24ma di oktobro - Fats Domino, Usana kantisto (n. 1928)[148]
- 24ma di oktobro - Robert Guillaume, Usana televizion-aktoro (n. 1927)
- 27ma di oktobro - Katalin Szőke, Hungara natistino (n. 1935)
- 3ma di novembro - Abdur Rahman Biswas, prezidanto di Bangladesh (n. 1926)
- 11ma di novembro - Kirti Nidhi Bista, chefministro di Nepal (n. 1927)
- 18ma di novembro - Youssouf Ouédraogo, chefa ministro di Burkina Faso (n. 1952)
.JPG)
- 19ma di novembro - Jana Novotná, Cheka tenisistino[149] (n. 1968)
- 19ma di novembro - Charles Manson, Usana kriminero e chefo di sekto (n. 1934)[150]
- 25ma di novembro - Rance Howard, Usana cinem- e televizion-aktoro (n. 1928)
- 29ma di novembro - Jerry Fodor, Usana filozofo (n. 1935)
- 4ma di decembro - Ali Abdullah Saleh, prezidanto di Yemen (n. 1942)
- 5ma di decembro - Rejulo Mihai la 1ma di Rumania (n. 1921)
.jpg)
- 6ma di decembro - Johnny Hallyday, Franca kantisto ed aktoro[151] (n. 1943)[152]
- 18ma di decembro - Kim Jong-hyun, Sudkoreana kantisto (n. 1990)
- 21ma di decembro - Bruce McCandless II, Usan astronauto (n. 1937)
- 24ma di decembro - Heather Menzies, Kanadan aktorino (n. 1949)
- 28ma di decembro - Rose Marie, Usana cinem- e televizion-aktorino (n. 1923)
Nobel-premiiziti
- Fiziko: Kip Thorne, Rainer Weiss, Barry Barish[153]
- Kemio: Jacques Dubochet, Joachim Frank, Richard Henderson
- Fiziologio o Medicino: Michael Rosbash, Michael Warren Young, Jeffrey Connor Hall[154]
- Literaturo: Kazuo Ishiguro[155]
- Paco: Internaciona Kampanio pri l'Aboliso di Nuklear Armi[156]
- Ekonomiko: Richard Thaler[157]
Referi
🔥 Top keywords: FrontispicoMarie-AntoinetteSpecala:SercharWikipedio:Portalo di la komunitatoDuesma mondomilitoHelpo:HelpoWikipedioListo pri piktistiSpecala:RecentaChanjiMilitarismoTabakoAksaiPulsnitzWikipedio:Pri WikipedioMarokoWikipedio:AktualajiWikipedio:Komuneso-portaloWikipedio:HelpoBørsenFilipiniSuediaAlexandra Eduardovna ShchekoldinaIdoPapeeteSexuala relatoLituaniaLiebstadtModelo OSIUnionita RejioQR-kodexoAziaBraziliaBelgiaLibiaWikipedio:Generala debatoNijerKomono GłuskUsaGoogle