Olimpiala Ludi en München, 1972
L'Olimpiala Ludi en München, 1972, od oficale, la 20ma Somerala Olimpiala Ludi, esis internaciona plursporta konkurso qua eventis en 1972 en München, lore West-Germania. Lore 2ma-foye moderna Olimpiala Ludi eventis en Germania, le unesma eventabis en 1936.
Le Ludi komencis ye la 26ma di agosto e finis ye la 11ma di septembro 1972. Partoprenis 7.170 atleti (6.075 viri e 1.095 mulieri) de 121 landi e teritorii qui havas Olimpiala komitati. Esis 195 eventi de 23 sporti.
Selekto dil urbo
Ye la 26ma di aprilo 1966 elektesis l'eventeyo di L'Olimpiala Ludi por 1972. München ganis la konkurso kontre Detroit, Madrid e Montreal.
| Kandidata urbi por Olimpiala Ludi 1972 - rezulti: | ||||||
|---|---|---|---|---|---|---|
| Urbo | Lando | 1ma baloto | 2ma baloto | |||
| Munich |  West-Germania | 29 | 31 | |||
| Madrid |  Hispania | 16 | 16 | |||
| Montreal, Quebec |  Kanada | 6 | 13 | |||
| Detroit, Michigan |  Usa | 6 | - | |||
La masakro di München
Ye la 5ma di septembro, 8 Palestinana teroristi de Nigra Septembro kidnapis 11 Israelan atleti, entrenisti ed altra membri del esquado kom gajo-homi en lia chambri. Du de la gajo-homi ocidesis kande li probis luktar, e l'altra non transportesis per helikoptero a l'aeroportuo di Fürstenfeldbruck. Kande la Germana polico probis liberigar la gajo-homi, la teroristi ocidis omna non, ed dum kombato kontre la polico, 5 de la 8 teroristi ocidesis. L'altra tri, quankam arestita, liberigesis da West-Germania ye la 29ma di oktobro po raptita aviono di Lufthansa. On kredas ke du de la tri teroristi pose asasinesis da Israelana Mosad-inform-kontoro.
Lor l'atako ye la 5ma di septembro, l'Olimpiala Komitato interruptis la Ludi por 1 dio, ma la sequanta dio la ludi durigesis.
Kelka fakti
- Albania, Britaniana Honduras (nun Belize), Saudi-Arabia, Nord-Korea, Gabon, Lesotho, Malawi, Somalia, Swazilando (nun Eswatini), Dahome (nun Benin) e Supra Volta (nun Burkina Faso) partoprenis unesmafoye.
- La Dachshund-hundo nomizita Waldi divenis l'unesma talismano kreita por Olimpiala Ludi.
- Mark Spitz ganis 7 ora medalii en natado.
- Sovietiana gimnastikistino Olga Korbut divenis notora pos ganar 3 ora e 1 arjenta medalii en la Ludi.
- Australiana natistino Shane Gould ganis tri ora, un arjenta ed un bronza medalii evante nur 15 yari.
- Kubana pezoza boxisto Teófilo Stevenson ganis l'unesma ora medalio en Olimpiala Ludi.
- Nederlandana Wim Ruska divenis l'unesma judoisto qua ganis du ora medalii en la sam Olimpiala Ludi.
- Polonia ganis ora medalio en futbalo pos vinkar Hungaria 2-1.
Medalii ganita
| # | Lando | Ora | Arjenta | Bronza | Entote |
|---|---|---|---|---|---|
| 1 |  Sovietia | 50 | 27 | 22 | 99 |
| 2 | Usa | 33 | 31 | 30 | 94 |
| 3 |  Est-Germania | 20 | 23 | 23 | 66 |
| 4 | West-Germania | 13 | 11 | 16 | 40 |
| 5 |  Japonia | 13 | 8 | 8 | 29 |
| 6 |  Australia | 8 | 7 | 2 | 17 |
| 7 |  Polonia | 7 | 5 | 9 | 21 |
| 8 |  Hungaria | 6 | 13 | 16 | 35 |
| 9 |  Bulgaria | 6 | 10 | 5 | 21 |
| 10 |  Italia | 5 | 3 | 10 | 18 |
| 11 |  Suedia | 4 | 6 | 6 | 16 |
| 12 | .svg){kind=small} Unionita Rejio | 4 | 5 | 9 | 18 |
| 13 |  Rumania | 3 | 6 | 7 | 16 |
| 14 |  Kuba | 3 | 1 | 4 | 8 |
| 14 |  Finlando | 3 | 1 | 4 | 8 |
| 16 |  Nederlando | 3 | 1 | 1 | 5 |
| 17 |  Francia | 2 | 4 | 7 | 13 |
| 18 |  Chekoslovakia | 2 | 4 | 2 | 8 |
| 19 |  Kenia | 2 | 3 | 4 | 9 |
| 20 | .png){kind=small} Yugoslavia | 2 | 1 | 2 | 5 |
| 21 |  Norvegia | 2 | 1 | 1 | 4 |
| 22 |  Nord-Korea | 1 | 1 | 3 | 5 |
| 23 |  Nova-Zelando | 1 | 1 | 1 | 3 |
| 24 |  Uganda | 1 | 1 | 0 | 2 |
| 25 |  Dania | 1 | 0 | 0 | 1 |
| 26 |  Suisia | 0 | 3 | 0 | 3 |
| 27 | Kanada | 0 | 2 | 3 | 5 |
| 28 |  Iran | 0 | 2 | 1 | 3 |
| 29 |  Belgia | 0 | 2 | 0 | 2 |
| 29 |  Grekia | 0 | 2 | 0 | 2 |
| 31 |  Austria | 0 | 1 | 2 | 3 |
| 31 |  Kolumbia | 0 | 1 | 2 | 3 |
| 33 |  Arjentinia | 0 | 1 | 0 | 1 |
| 33 |  Sud-Korea | 0 | 1 | 0 | 1 |
| 33 |  Libano | 0 | 1 | 0 | 1 |
| 33 |  Mexikia | 0 | 1 | 0 | 1 |
| 33 |  Mongolia | 0 | 1 | 0 | 1 |
| 33 |  Pakistan | 0 | 1 | 0 | 1 |
| 33 |  Tunizia | 0 | 1 | 0 | 1 |
| 33 |  Turkia | 0 | 1 | 0 | 1 |
| 41 |  Brazilia | 0 | 0 | 2 | 2 |
| 41 |  Etiopia | 0 | 0 | 2 | 2 |
| 43 | Hispania | 0 | 0 | 1 | 1 |
| 43 |  Ghana | 0 | 0 | 1 | 1 |
| 43 |  India | 0 | 0 | 1 | 1 |
| 43 |  Jamaika | 0 | 0 | 1 | 1 |
| 43 |  Nijer | 0 | 0 | 1 | 1 |
| 43 |  Nigeria | 0 | 0 | 1 | 1 |
| Totali | 195 | 195 | 210 | 600 | |