ბოროტების სავანე: გადაგვარება
„ბოროტების სავანე: გადაგვარება“ (ინგლ. Resident Evil: Degeneration), იაპონიაში ცნობილია როგორც „Biohazard: Degeneration“ (バイオハザード:ディジェネレーション) — ბიოპანკური ანიმაციური საშინელებათა ფილმი, რომლის რეჟისორია მაკოტო კამია. ფილმი სრულად დაფუძნებულია იაპონური კომპანია Capcom-ის „Resident Evil“-ის ვიდეო თამაშების სერიაზე[2] და შეიქმნა Capcom Studios-ის მიერ Sony Pictures Entertainment-თან თანამშრომლობით. მისი პრემიერა შედგა იაპონიაში, Tokyo Game Show-ზე, 2008 წლის 11 ოქტომბერს,[3] ხოლო მსოფლიოს მასშტაბით გამოვიდა იმავე წლის 18 ოქტომბერს.
„ბოროტების სავანე: გადაგვარება“ | |
---|---|
რეჟისორი | მაკოტო კამია |
პროდიუსერი | ჰიროიუკი კობაიასი |
სცენარის ავტორი | სოტარო სუგა |
ეფუძნება | Capcom-ის „Resident Evil“ |
როლებში |
|
კომპოზიტორი | ტეცუია ტაკაჰასი |
მწარმოებელი კომპანია |
|
დისტრიბუტორი |
|
გამოსვლის თარიღი | 18 ოქტომბერი, 2008 |
ხანგრძლივობა | 96 წუთი |
შემოსავალი | 40 მილიონი ჩინური იუანი[1] |
ფილმების სერიისგან განსხვავებით, მოქმედება მიმდინარეობს იმავე გარემოში, რაშიც ვიდეო თამაშების სერია,[4] ხოლო სიუჟეტი მიმდინარეობს 2005 წელს, „Resident Evil“, ის მოვლენებიდან 7 წლის შემდეგ. მთავარი გმირები არიან ლეონ სკოტ კენედი და კლერ რედფილდი (ისინი პირველად გამოჩნდნენ ვიდეო თამაშ „Resident Evil 2“-ში), რომელთა მიზანია ეკოლოგიური კატასტროფის თავიდან აცილების მიზნით ხელი შეუშალონ ტერორისტებს ახალი G ტიპის ვირუსის გავრცელებაში.
ფილმმა მიიღო შერეული შეფასებები კრიტიკოსებისგან. მიმოხილვების აგრეგატორ Rotten Tomatoes-ზე ფლობს 57%.[5] მსოფლიოს მასშტაბით გაიყიდა ფილმის 1.6 მილიონი DVD ვერსია.[6] 2008 წელს კომპნია Nokia-მ და Capcom-მა შექმნეს ფილმზე დაფუძნებული მობილური თამაში.[7] 2012 წელს გამოვიდა ფილმის გაგრძელება „ბოროტების სავანე: წყევლა“.