Resident Evil 2
Resident Evil 2 (ქართ. ბოროტების სავანე 2), იაპონიაში ცნობილი, როგორც Biohazard 2[1] — survival horror-ის ჟანრის ვიდეო თამაში, რიგით მეორე თამაში Resident Evil-ის სერიიდან, რომელიც შექმნა და გამოსცა იაპონურმა კომპანია Capcom-მა. თავდაპირველად გამოვიდა PlayStation-ზე 1998 წელს.
Resident Evil 2 | |
---|---|
PlayStation ვერსიის ჩრდილოეთ ამერიკული გამოცემის გარეკანის ფოტო | |
დეველოპერ(ებ)ი | Capcom |
გამომცემელი | Capcom
|
სერია | Resident Evil |
პლატფორმ(ებ)ი | PlayStation, Microsoft Windows, Nintendo 64, Dreamcast, GameCube |
გამოსვლის თარიღი | 21 იანვარი, 1998
|
ჟანრ(ებ)ი | Survival horror |
რეჟიმ(ებ)ი | ერთმოთამაშიანი |
რეჟისორ(ებ)ი | ჰიდეკი კამია |
პროდიუსერ(ებ)ი | სინძი მიკამი |
პროგრამისტ(ებ)ი | იასუჰირო ანპო |
მხატვარი |
|
სცენარისტი | ნობორუ სუგიმურა |
კომპოზიტორი |
|
სიუჟეტი ვითარდება პირველი ნაწილის მოვლენებიდან ორი თვის შემდეგ,[2] ამერიკის გამოგონილ ქალაქ რაკუნ-სიტში, რომლის მოსახლეობაც T-ვირუსის შედეგად გადაიქცა საშინელ ზომბებად — ბიოლოგიური იარაღი, რომელიც შექმნა ფარმაცევტულმა კომპანია Umbrella-მ.[3] თამაშის პროტაგონისტები ლეონ სკოტ კენედი და კლერ რედფილდი ცდილობენ დატოვონ ქალაქი. გზადაგზა ისინი ნახულობენ სხვა გადარჩენილებს და ხვდებიან G-ვირუსის (T-ვირუსის უფრო მძლავრი სახეობა) შემქმნელს, უილიამ ბირკინს, რომელიც გადაიქცა მუტანტად.
Resident Evil 2-ის გეიმპლეი მოიცავს ტერიტორიის გამოკვლევას, თავსატეხების გადაჭრასა და მტერთან შებრძოლებას.[4] მასში გაერთიანებულია survival horror-ის ჟანრის ძირითად ელემენტები, როგორიც არის ტყვია-წამლის ნაკლებობა და თამაშის პროცესის შენახვის ლიმიტი. თამაში იქმნებოდა 40-50 კაცისგან შემდგარი ჯგუფის მიერ ერთი წლისა და 9 თვის განმავლობაში. პროექტის ხელმძღვანელი იყო ჰიდეკი კამია, ხოლო პროდიუსერი — სინძი მიკამი.
Resident Evil 2-მა მიიღო უმაღლესი შეფასებები კრიტიკოსებისგან, რომლებმაც შეაქეს თამაშის ატმოსფერო, გრაფიკა და აუდიო ეფექტები. თუმცა გააკრიტიკეს მართვის სისტემის, პერსონაჟების გახმოვანებისა და ინვენტარის სისტემის გამო, ასევე ზოგიერთ კრიტიკოსს არ მოეწონა თავსატეხებიც. Resident Evil 2 ფართოდ არის აღიარებული ერთ-ერთ საუკეთესო ვიდეო თამაშად რაც კი ოდესმე შექმნილა. საერთო განხილვების საიტებზე შედეგები ამგვარად გადანაწილდა: GameRankings; PlayStation: (PS): 93%,[5] Windows 9x: 80%,[6] Nintendo 64 (N64): 87%,[7] Dreamcast: 80%,[8], GameCube (GCN): 63%, Dreamcast: 80%,[9] Metacritic; PS: 89/100,[10] N64: 89/100,[11] DC: 77/100,[12] GCN: 59/100. [13] ის ასევე წარმატებული აღმოჩნდა კომერციულადაც; დღეის მონაცემით გაყიდული არის PlayStation ვერსიის 4.96 მილიონი ასლი.[14] გარკვეული ხნის შემდეგ, თამაში პორტირებული იქნა Microsoft Windows, Nintendo 64, Dreamcast, GameCube-სა და Game.com-ზე. 1999 წელს Capcom-მა გამოუშვა სიკველი სახელწოდებით Resident Evil 3: Nemesis. 2015 წელს დაანონსდა Resident Evil 2-ის რიმეიკი, რომელიც შემუშავების სტადიაშია.
იხილეთ აგრეთვე
- Resident Evil
- Resident Evil (2002)