გერმანიის ეროვნული ბიბლიოთეკა

გერმანიის ეროვნული ბიბლიოთეკა (გერმ. Deutsche Nationalbibliothek, DNB) — ცენტრალური საარქივო ბიბლიოთეკა და ეროვნული ბიბლიოგრაფიული ცენტრი გერმანიაში, რომლის დანიშნულებაა გერმანულ ენაზე არსებული ბიბლიოგრაფიული პუბლიკაციების და დოკუმენტაციების კოლექციონირება, მუდმივი არქივაცია, საფუძვლიანი დამუშავება და შენახვა.

გერმანიის ეროვნული ბიბლიოთეკა
Deutsche Nationalbibliothek

ქვეყანა	გერმანია
ტიპი	ეროვნული ბიბლიოთეკა
დაარსდა	1912; 112 წლის წინ (1912)
მდებარეობა	ფრანკფურტი ლაიფციგი ბერლინი
ფილიალები	2
კოლექცია
შეგროვებული ნივთი	სტანდარტული ბეჭდვითი ნამუშევრები, მათ შორის მიკროფორმები, აუდიოჩანაწერები და ციფრული პუბლიკაციები
მოცულობა	32.7 მილიონი ერთეული[1]
მიღება და სარგებლობა
მკითხველი	904 ათასი წელიწადში[2]
სხვა ინფორმაცია
ბიუჯეტი	52.3 მილიონი ევრო[1]
დირექტორი	ელისაბედ ნიგემანი[3]
პერსონალი	622
საიტი	ოფიციალური

გერმანიის ეროვნული ბიბლიოთეკა ხელს უწყობს და ავითარებს თანამშრომლობას და საგარეო ურთიერთობებს ეროვნულ და საერთაშორისო დონეზე. იგი არის ბიბლიოგრაფიული სტანდარტების და წესების შემქმნელი გერმანიაში და აგრეთვე დიდ როლს თამაშობს ბიბლიოთეკების სტანდარტების განვითარებაში საერთაშორისო დონეზე.

საქმიანობის ძირითადი სფერო იყოფა ლაიფციგის და ფრანკფურტის დანაყოფებს შორის. თითოეული ცენტრი ორიენტირებულია საკუთარი საქმიანობის წარმართვაზე. მესამე ცენტრი, გერმანიის მუსიკალური არქივი (გერმ. Deutsches Musikarchiv Berlin), დაარსებული 1970 წელს ბერლინში, დაკავებულია მუსიკალური ნამუშევრების არქივაციით (როგორც აუდიოჩანაწერების, ისევე ბეჭდვითი დოკუმენტების).