ეკლერი
ეკლერი (ფრანგ. Eclair) — საკონდიტრო ნაწარმი. კრემით შევსებული წაგრძელებული ფორმის ნამცხვარი, რომელიც შუს ცომით მზადდება და გარედან შოკოლადის მინანქრით იფარება. შუს ცომს საკონდიტრო პარკის საშუალებით აძლევენ გრძელ ფორმას, აცხობენ მანამ, სანამ გარედან ხრაშუნა გახდება, შიგნიდან კი ღრუ. გაციების შემდეგ, ნაწარმს ავსებენ მოხარშული კრემით (Creme pâtissière), ათქვეფილი ნაღებით ან შიბუსტის კრემით. შემდეგ იფარება შოკოლადის მინანქრით. შეიძლება შეივსოს ფსტის ან რომის არომატის მქონე კრემით, ხილის შიგთავსით ან წაბლის პიურეთი. შოკოლადის ნაცვლად, ეკლერი შეიძლება დაიფაროს კარამელის მინანქრით. ამ შემთხვევაში დესერტს ხშირად ბატონ დე იაკობს უწოდებენ (bâton de Jacob).[1]
 ეკლერები პარიზში | |
| ტიპი | საკონდიტრო ნაწარმი |
|---|---|
| წარმოშობის ადგილი | საფრანგეთი |
| ტემპერატურა სერვირების დროს | ცივი |
| მთავარი ინგრედიენტები | შუს ცომი, არომატიზირებული კრემის შიგთავსი, მინანქარი |
| ვარიაციები | შოკოლადის; ყავის; ვანილის; კარამელის; ლიმნის; ჟოლოს და ა.შ. |
| |
სახელის წარმოშობა
.JPG)
სახელი მომდინარეობს ფრანგული სიტყვიდან éclair, რაც „სინათლის გაელვებას“ ნიშნავს, რადგან დესერტი ძალიან სწრაფად იჭმევა.[2]
ისტორია
ეკლერი სათავეს იღებს XIX საუკუნის საფრანგეთში, სადაც მას 1850 წლამდე „pain à la Duchesse“[3] ან „petite duchesse“ ერქვა.[4] ფრანგულში სიტყვა ეკლერი 1860 წელს გამოჩნდა.[5][6] საკვების ზოგიერთი ისტორიკოსი მიიჩნევს რომ ეკლერი პირველად ცნობილმა ფრანგმა მზარეულმა, ანტუან კერემმა შექმნა.
ლიტერატურა
- Gouffé, Jules (1873). „Deuxième Partie, Chapitre IX, "Pains à la duchesse au café"“, Le livre de pâtisserie. [მკვდარი ბმული]
- Montagné, Prosper (1961). Larousse Gastronomique, The Encyclopedia of Wine, Food & Cookery (English translation).