ელიოტ სმითი
სტივენ პოლ „ელიოტ“ სმითი (ინგლ. Steven Paul „Elliott“ Smith; დ. 6 აგვისტო, 1969 — გ. 21 ოქტომბერი, 2003) — ამერიკელი მომღერალი, სიმღერების ავტორი და მულტი-ინსტრუმენტალისტი.
| ელიოტ სმითი | |
|---|---|
 | |
| ბიოგრაფია | |
| ნამდვილი სახელი | სტივენ პოლ სმითი |
| დაბ. თარიღი | 6 აგვისტო, 1969[1] [2] [3] [4] |
| დაბ. ადგილი | ომაჰა, ნებრასკა, აშშ |
| გარდ. თარიღი | 21 ოქტომბერი, 2003 წ. (34 წლის) |
| გარდ. ადგილი | ლოს-ანჯელესი, კალიფორნია, აშშ |
| ჟანრ(ებ)ი | |
| აქტიური | 1991 - 2003 |
| ლეიბლ(ებ)ი |
|
| საიტი | sweetadeline.net |
| ელიოტ სმითი ვიკისაწყობში | |
ელიოტ სმითი დაიბადა 1969 წლის 6 აგვისტოს, ომაჰაში, ნებრასკაში. ძირითადად გაიზარდა ტეხასის შტატში, ხოლო ცხოვრების დიდი ნაწილი გაატარა პორტლენდში, ორეგონში, სადაც პირველად მოიპოვა პოპულარობა. სმითის ძირითადი ინსტრუმენტი გიტარა იყო, თუმცა ის ასევე უკრავდა ფორტეპიანოზე, კლარნეტზე, ბას-გიტარაზე, დრამსა და ჰარმონიკაზე და გამოირჩეოდა განსხვავებული ვოკალური სტილით.[8]
ჯგუფ Heatmiser-ში რამდენიმეწლიანი მოღვაწეობის შემდეგ, იგი 1994 წლიდან სოლო კარიერას შეუდგა და გამოუშვა სადებიუტო სტუდიური ალბომი Roman Candle (1994) ლეიბლზე Cavity Search. მომდენვნო წელს ამას მოჰყვა მეორე ალბომის Elliott Smith გამოცემა ლეიბლზე Kill Rock Stars. 1997 წელს ორწლიანი კონტრაქტი გააფორმა DreamWorks Records, ვისთვისაც ჩაწერა ორი ალბომი. საყოველთაო აღიარება მოუტანა ფილმ „ნიჭიერი უილ ჰანტინგისთვის“ დაწერილმა საუნდტრეკმა „Miss Misery“, რომელიც ნომინირებული იქნა 1998 წლის ოსკარის ცერემონიალზე.
წლების განმავლობაში სმითი იტანჯებოდა ქრონიკული დეპრესიით, ალკოჰოლიზმითა და ნარკომანიით, რაც მრავალგზის აისახა კიდეც მის მუსიკალურ შემოქმედებაში.
ელიოტ სმითი 2003 წელს, 33 წლის ასაკში მკერდის არეში დანით მიყენებული ჭრილობით გარდაიცვალა. გამოძიებაზე დაყრდნობით ელიოტ სმითმა სიცოცხლე თვითმკვლელობით დაასრულა, თუმცა გვამის გაკვეთის შემდეგ გაჩნდა ეჭვი, რომ იგი მოკლეს.[9]
რესურსები ინტერნეტში
- ოფიციალური საიტი
- ელიოტ სმითი დაარქივებული 2020-01-11 საიტზე Wayback Machine. — Kill Rock Stars
- ელიოტ სმითი AllMusic-ზე
- ელიოტ სმითის კოლექცია — Internet Archive-ის ცოცხალი მუსიკის არქივი
- Keep the Things You Forgot: An Elliott Smith Oral History დაარქივებული 2015-02-21 საიტზე Wayback Machine.
სქოლიო
|accessdate=-ში (დახმარება)|accessdate=-ში (დახმარება)