იტალიის დემოგრაფია

2011 წლის აპრილის მონაცემებით იტალიის მოსახლეობის საერთო რაოდენობა შეადგენს 60,681,514 კაცს. მოსახლეობის რაოდენობით იტალია ევროპაში მეოთხე ქვეყანაა, ხოლო მსოფლიოში 23-ე. იტალია მჭიდროდ დასახლებული ქვეყანაა 1 კვ. კმ-ზე ცხოვრობს 200 კაცი. ყველაზე მჭიდროდაა დასახლებული ლომბარდიის და კამპანიის რეგიონები, ხოლო ყველაზე მეჩხრად დასახლებულია იტალიის მთიანი რაიონები. მოსახლეობის 70% ცხოვრობს ქალაქებში.

OECD-ის მონაცემების თანახმად, უმსხვილესი აგლომერაციები არის:

• მილანი – 7.4 მილიონი
• რომი – 3.7 მილიონი
• ნეაპოლი – 3.1 მილიონი
• ტურინი – 2.2 მილიონი

შემდეგი სტატისტიკური მონაცემები აღებულია გაეროს, და ISTAT-ის ცნობარიდან.

ქვეყნის გაერთიანების შემდეგ 1898 - 1914 წლებს შორის იტალია მასიური ემიგრაციის ქვეყანა გახდა, დაახლოებით წელიწადში 750 ათასი ადამიანი ტოვებდა იტალიას. იტალიური თემები ერთ დროს ყვაოდა ერიტრეაში (დაახლოებით 100 ათასი მეორე მსოფლიო ომის დასაწყისში), სომალიში და ლიბიაში (150 ათასი იტალიელი დასახლდა ლიბიაში, რომელიც მოსახლეობის საერთო რაოდენობის 18% შეადგენდა).^[1] 1970 წელს ლიბიაში მცხოვრების ყველა იტალიელი იქნა ქვეყნიდან გაძევებული.^[2] მეორე მსოფლიო ომის დასრულების შემდეგ ათწლეულების განმავლობაში 350,000 ეთნიკურად იტალიელმა დატოვა იუგოსლავია..^[3] დიდი რაოდენობით მთლიანად ან ნაწილობრივ იტალიური წარმოშობის ადამიანები ცხოვრობენ ბრაზილიაში (25 მილ.),^[4] არგენტინაში (20 მილიონი),^[5] აშშ-ში (17.8 მილიონი),^[6] საფრანგეთში (5 მილიონი),^[7] ურუგვაიში (1.5 მილიონი),^[8] კანადაში (1.4 მილიონი),^[9] ვენესუელაში (900,000)^[10] და ავსტრალიაში (800,000).^[11]

მთავარი სტატია: იტალიის ენები.

ოფიციალური ენა იტალიაში არის იტალიური. Ethnologue-ს გამოთვლებით იტალიური ენა მშობლიურია დაახლოებით 55 მილიონი ადამიანსთვის იტალიაში და კიდევ 6.7 მილიონი ადამიანსთვის ქვეყნის გარეთ. ამასთან მსოფლო მასშტაბით 120 მილონიდან 150 მილიონამდე ადამიანი იყენებს იტალიურს, როგორც მეორე ან კულტურულ ენად. ქვეყნის მასშტაბით იტალიურ ენას აქვს უამრავი დიალექტი. თუმცა განათლების ეროვნული სისტემის შექმნის შედეგად ქვეყანაში შემცირდა სახესხვაობა ამ ენებში. სტანდარტიზაცია კიდევ უფრო გაფართოვდა 1950-იან 1960-იან წლებში ეკონომიკური აღმავლობის, მასმედიისა და ტელევიზიის (იტალიურმა საზოგადოებრივმა მაუწყებელმა RAI-მ დიდი წვლილი შეიტანა იტალიურის სტანდარტიზაციაში.) განვითარების შედეგად.

ზოგიერთი ეთნიკური ჯგუფები იურიდიულად აღიარებულია და რიგი ეროვნული უმცირესობების ენები სარგებლობენ ოფიციალური სტატუსით იტალიურთან ერთად ქვეყნის სხვადასხვა ნაწილში. ვალე-დ-აოსტაში ფრანგული მეორე ენაა, თუმცა აოსტელები ძირითადად ფრანგულ-პროვანსულ დიალექტზე ლაპარაკობენ. გერმანულიც ამავე სტატუსით სარგებლობს ბოლცანოს და ტრენტინოს პროვინციის ზოგიერთ ნაწილში, სადაც ლადინურ დიალექტზე ლაპარაკობენ. სლოვენური იტალიურთან ერთად ოფიციალური ენაა ფრიული-ვენეცია-ჯულიის რეგიონში: ტრიესტის და გორიციის პროვინციაში

ამ რეგიონებში ოფიციალური დოკუმენტები გაიცემა ორ ენაზე ან მოთხოვნის მიხედვით იტალიურ ან მეორე ოფიციალურ ენაზე. საგზაო ნიშნებიც ასევე მრავალენოვანია. განათლების მიღება შესაძლებელია უმცირესობათა ენებზე, სადაც ასეთი სკოლები ფუნქციონირებს.

მთავარი სტატია: იტალიის რელიგიები.

Eurobarometer-ის, გამოკითხვების შედეგად იტალიის მოსახლეობის 74 % სწამს ღმერთის (2005)^[12].

იტალიაში ქრისტიანულ დენომინაციებს შორის ყველაზე მრავალრიცხოვანია რომის კათოლიკური ეკლესია, მართლმადიდებლობა, პროტესტანტიზმი. გარდა ამისა უამრავია იეჰოვას მოწმეები.^[13])

კათოლიციზმი

2003 წლის მონაცემებით^[14] იტალიაში რომის კათოლიკური ეკლესიის მრევლის რაოდენობა შეადგენს 57 610 000-დან 55 752 000-მდე ადამიანს (დაახლოებით იტალიის მოსახლეობის 96,77 %), აქედან 33-დან 38 %-მდე აქტიური მრევლია; 10 % მონაწილეობას იღებს სხვადასხვა საეკლესიო მსახურებაში.

რელიგიები იტალიაში
ფლორენციის კათედრალი
რელიგია	რაოდენობა
ქრისტიანობა	91.6%
არც ერთი	5.8%
ისლამი	2.6%
ბუდიზმი	0.3%
ინდუიზმი	0.2%
სიქიზმი	0.12%
იუდაიზმი	0.1%

ქვემოთ მოცემული დემოგრაფიული მონაცემები ეყრდნობა მსოფლიოს ფაქტების წიგნისა და გაერთიანებული ერების ორგანიზაციის კვლევებს.

ასაკობრივი სტრუქტურა

• 0-14 ასაკი: 13.8% (მამაკაცი 4,315,292/ქალი 4,124,624)
• 15-64 ასაკი: 65.9% (მამაკაცი 19,888,901/ქალი 20,330,495)
• 65-ზევით ასაკი: 20.3% (მამაკაცი 5,248,418/ქალი 7,109,074) (2011)

შობადობის კოეფიციენტი

9.18/1,000 (2011)

სიკვდილიანობის მაჩვენებლები

9.84/1,000 (2011)

ახალშობილთა სიკვდილიანობა

3.38/1,000 (2011)

მოსახლეობის ზრდის მაჩვენებლები

0.42% (2011)

სქესობრივი შემადგენლობა

• ახალშობილები: 1.059 მამაკაცი/ქალი
• 15 წლამდე: 1.06 მამაკაცი/ქალი
• 15-64 წლამდე: 1.03 მამაკაცი/ქალი
• 64 და მაღალი წლოვანება: 0.96 მამაკაცი/ქალი

სიცოცხლის მოსალოდნელი ხანგრძლივობა დაბადებისას

• სიცოცხლის მოსალოდნელი ხანგრძლივობ: 81.77 წელი (2011)
• მამაკაცები — 79.16 წელი
• ქალები — 84.53 წელი

ეთნიკური ჯგუფები

იტალიელები 92.5%, ევროპელები (ალბანელები, რუმინელები, უკრაინელები) 4%, ჩრდილოეთ აფრიკელები 1%, სხვა 2.5%

რელიგიები

კათოლიკეები 87%, სხვები 13% (2011).

ენები

იტალიური ენა (ოფიციალური), გერმანული (ბოლცანო, ტრენტინო), ფრანგული (ვალე-დ-აოსტა), სლოვენური (გორიცია, ტრიესტი).

წიგნიერება

• განსაზღვრა: 15 წლის ზემოთ წერა-კითხვა იციან
• მოსახლეობის საერთო რაოდენობა: 98.4%
• მამაკაცები: 98.8%
• ქალები: 98% (2011)

• იტალიის დემოგრაფია დაარქივებული 2017-06-22 საიტზე Wayback Machine. (ინგლისური)