კალმარები

კალმარები (ლათ. Teuthoidea) — თავფეხიანი მოლუსკების ქვერიგი ათფეხიანთა რიგისა. მათი უმრავლესობის სხეულის სიგრძე 0,25-0,5 მ აღწევს. არიან გიგანტებიც. კალმარებს წაგრძელებული, ტორპედოსებრი სხეული აქვთ. სწრაფად მოძრაობენ. წყლიდან 7 მ სიმაღლემდე შეუძლიათ ამოხტომა. აქვთ კარგად განვითარებული ფარფლები, 10 საცეცი (ანუ „ხელები“), დიდი თვალები. ბინადრობენ წყლის სიღრმეში. განსაკუთრებით ბევრია ტროპიკულ ზღვებში. ბინადრობენ ჩრდილოეთის ყინულოვან ოკეანეში, ბერინგის სრუტეში, ოხოტისა და იაპონიის ზღვებში. იკვებებიან თევზით და უხერხემლო ცხოველებით. კვერცხებს დებენ მოცურავე საგნებზე. კალმარებს საკვებად იყენებენ როგორც ნედლად, ისე დაკონსერვებულს.

კალმარები
Loligo vulgaris
მეცნიერული კლასიფიკაცია
სამეფო:  ცხოველები ტიპი:  მოლუსკები კლასი:  თავფეხიანები რიგი:  ათფეხიანები ქვერიგი:  კალმარები
ლათინური სახელი
Teuthoidea
სისტემატიკა ვიკისახეობებში სურათები ვიკისაწყობში ITIS   82367 NCBI   551290 FW   15940