ლეილა ალი

ლეილა ამარია ალი დაიბადა 1977 წლის 30 დეკემბერს, მაიამიში, ფლორიდაში, ცნობილი მოკრივის — მუჰამედ ალისა და მისი მესამე მეუღლის, ვერონიკა პორჩე ალის ოჯახში. ალიმ დაამთავრა კალიფორნიის სანტა მონიკას კოლეჯი ბიზნესის განხრით. მას ჰქონდა საკუთარი სალონი, როგორც მანიკურის სპეციალისტს, სანამ პროფესიონალური კრივით დაკავდებოდა.^[2]

ალიმ კრივში ვარჯიში 18 წლის ასაკში დაიწყო, როდესაც ნახა ქრისტი მარტინის ასპარეზობა. თავისი გადაწყვეტილების შესახებ მან პირველად გადაცემა „დილა მშვიდობისა ამერიკა“-ში, ჟურნალისტ დიან სოიერთან ისაუბრა.^[3] როდესაც მან აცნობა მუჰამედ ალის თავისი გადაწყვეტილების შესახებ, იგი უკმაყოფილო დარჩა შვილის მიერ ასეთი სახიფათო პროფესიის არჩევით.

1999 წლის 8 ოქტომბერს, თავის პირველ მატჩში, იგი დაუპირისპირდა აპრილ ფოულერს მიჩიგანიდან. შეჯიბრი ნიუ-იორკში შედგა. მიუხედავად იმისა, რომ ეს შეხვედრა მისთვის პირველი იყო, შეხვედრას უამრავი ჟურნალისტი და გულშემატკივრი დაესწრო. ალიმ ნოკაუტით დაამარცხა ფაულერი.

ალიმ აგრეთვე ტექნიკური ნოკაუტით მოიგო თავისი მეორე მატჩი. მისი მოწინააღმდეგე იყო შადინა პენიბეიკერი პიტსბურგიდან.^[4]

ალიმ ზედიზედ 8 შეხვედრა მოიგო, ამიტომ ბევრს სურდა, რომ იგი შეხვედროდა ან ჯორჯ ფორმანის შვილ ფრიდა ფორმანს, ან ჯო ფრეზიერის ქალიშვილს ჯეკი ფრეზიერ-ლაიდს. 2001 წლის 8 ივნისს, ალი და ფრეზიერი ერთმანეთს შეხვდნენ. ალი ჟიურის გადაწყვეტილებით გამარჯვებულად გამოაცხადეს. ეს ერთადერთი მარცხი იქნება ჯეკი ფრეზიერ-ლაიდის თხუთმეტ მატჩიან კარიერაში^[5].

2002 წლის 17 აგვისტოს, ლას-ვეგასში გამართულ შეხვედრაში ლეილა ალი მეორე რაუნდში, ნოკაუტით, ამარცხებს სუზეტ ტეილორს. ამ გამარჯვებით იგი მოიპოვებს IBA-ს ტიტულს.

8 ნოემბერს, ლას-ვეგასში, ვალერი მაჰფუდთან ტექნიკური ნოკაუტით გამარჯვების შემდეგ, იგი WIBA-სა და IWBF-ის ქამრების მფლობელიც გახდა.^[6]

2003 წლის 21 ივნისს, ალი და მაჰფუდი ერთმანეთს უკვე ლოს-ანჯელესში შეხვდნენ.ლეილა ალიმ კვლავ ტექნიკური ნოკაუტით იმარჯვა.

2003 წლის 23 აგვისტოს, ალი შეხვდა მის ინსპირაციას, ქრისტი მარტინს და ნოკაუტით დაამარცხა მეოთხე რაუნდში.^[7]

2004 წლის 14 ივლისს, ალიმ ნიკი ელპიონის დამარცხებით შეინარჩნა მსოფლიო ჩემპიონის ტიტული^[8].

2004 წლის 30 ივლისს, მან მეეცხრე რაუნდში დაამარცხა მონიკა ნუნეში. ალის და ნუნიესის პაექრობა ლეგენდარული მაიკ ტაისონისა და დენი უილიამსის ბრძოლისწინა დაპირისპირება იყო. ყველასთვის გასაკვირად, ტაისონმა მაშინ უილიამსთან ნოკაუტით წააგო. თუმცა ამ დროს უკვე ტაისონის კარიერის დაისი იყო და, როგორც შემდეგ აღმოჩნდა, ბოლოსწინა შეხვედრას ატარებდა რინგზე.

2004 წლის 24 სექტემბერს, ალიმ მიიღო IWBF-ის ტიტული ნახევრადმძიმე წონით კატეგორიაში, ნოკაუტით დაამარცხა რა გუენდოლინ ო'ნილი მესამე რაუნდში. ეს შეხვედრა გაიმართა ატლანტაში, ჯორჯიის შტატი.

2005 წლის 11 ივნისს, ტაისონი-კევინ მაკბრაიდის წინასამატჩო ბრძოლაში, ალიმ ერინ ტუგილი მესამე რაუნდში დაამარცხა და მოიპოვა კრივის მსოფლიო საბჭოს ტიტული, WIBA-ს ტიტულთან ერთად.^[9] იგი გახდა მეორე ქალი, რომელმაც მოიპოვა WIBA-ს ტიტული (პირველი იყო ჯეკი ნავა).

2005 წლის 17 დეკემბერს, ბერლინში, ალი შეხვდა ასა სანდელს და დაამარცხა იგი ტექნიკური ნოკაუტით მეხუთე რაუნდში.მუჰამედ ალი ესწრებოდა ბრძოლას და შეჯიბრი დამთავრების შემდეგ გადაკოცნა თავისი შვილი. .^[10]

2006 წლის 7 ივნისს ალიმ ერთ-ერთ გადაცემაში განაცხადა,რომ მოუთმენლად ელოდა ენ ვოლფიენ ვოლფთან შეხვედრას, რომელიც 2006 წლის ოქტომბერში უნდა გამართულიყო. ვოლფთან ბრძოლა არ შედგა.ამის მაგივრად, 2006 წლის 11 ნოემბერს, ალი შელი ბარტონს შეხვდა,რომელიც ტექნიკური ნოკაუტით მეოთხე რაუნდში დაამარცხა. 2007 წლის 2 თებერვალს, ალი კვლავ შეხვდა ონილს და პირველივე რაუნდში ტექნიკური ნოკაუტით მოუგო. ეს ალის უკანასკვნელი პროფესიონალური ბრძოლა იყო^[5].

მაჩვენებელი

24 მოგება (21 ნოკაუტი, 3 მსაჯების გადაწყვეტილება), 0 წაგება , 0 ფრე
შედეგი	თანაფარდობა	მოწინააღმდეგე	მოგების ტიპი	რაუნდი	თარიღი	ადგილი	შენიშვნა
მოგება	24–0–0	გუენდოლინ ონილი	ტექნიკური ნოკაუტი	1	2007-02-03	კემპტონ პარკი, სამხრეთ აფრიკა
მოგება	23–0–0	შელი ბარტონი	ტექნიკური ნოკაუტი	4	2006-11-11	ნიუ-იორკი, ნიუ-იორკი
მოგება	22–0–0	ასა სანდელი	ტექნიკური ნოკაუტი	5	2005-12-17	ბერლინი, გერმანია
მოგება	21–0–0	ერინ ტუგილი	ტექნიკური ნოკაუტი	3	2005-06-11	ვაშინგტონი	WIBA & WBC სუპერსაშუალო წონითი კატეგორიის ტიტული
მოგება	20–0–0	კასანდრა გეიგარი	ტექნიკური ნოკაუტი	8	2005-02-11	ატლანტა, ჯორჯია
მოგება	19–0–0	გუენდოლინ ონილი	ნოკაუტი	3	2004-09-24	ატლანტა, ჯორჯია	IWBF საშუალოდ მძიმე წონითი კატეგორიის ტიტული
მოგება	18–0–0	მონიკა ნუნეში	ტექნიკური ნოკაუტი	9	2004-07-30	ლუისვილი, კენტუკი
მოგება	17–0–0	ნიკი ეპლიონი	ტექნიკური ნოკაუტი	4	2004-07-17	ბოუი, მერილენდი
მოგება	16–0–0	ქრისტი მარტინი	ნოკაუტი	4	2003-08-23	ბილოქსი, მისისიპი
მოგება	15–0–0	ვალერი მაჰფუდი	ტექნიკური ნოკაუტი	6	2003-06-21	ლოს-ანჯელესი, კალიფორნია
მოგება	14–0–0	მარი ენ ალმაგერი	ტექნიკური ნოკაუტი	4	2003-02-14	ლუისვილი, კენტუკი
მოგება	13–0–0	ვალერი მაჰფუდი	ტექნიკური ნოკაუტი	8	2002-11-08	ლას-ვეგასი, ნევადა	WIBA, IWBF & IBA სუპერსაშუალო წონითი კატეგორიის ტიტული
მოგება	12–0–0	სუზეტ უილიამსი	ტექნიკური ნოკაუტი	2	2002-08-17	ლას-ვეგასი, ნევადა	IBA-ს სუპერსაშუალო წონითი კატეგორიის ტიტული
მოგება	11–0–0	შირველ უილიამსი	მსაჯების გადაწყვეტილება	6	2002-06-07	საუთავენი, მისისიპი
მოგება	10–0–0	ჯეკი ფრეზიერ-ლაიდი	მსაჯების გადაწყვეტილება	8	2001-06-08	ვერონა, ნიუ-იორკი
მოგება	9–0–0	კრისტინ რობისნსონი	ტექნიკური ნოკაუტი	5	2001-03-02	ვერონა, ნიუ-იორკი
მოგება	8–0–0	კენდრა ლენჰარტი	მსაჯების გადაწყვეტილება	6	2000-10-20	ობორნ ჰილსი, მიჩიგანი
მოგება	7–0–0	მარჯორი ჯოუნსი	ტექნიკური ნოკაუტი	1	2000-06-15	უნივერსალ სიტი, კალიფორნია
მოგება	6–0–0	კრისტინა კინგი	ტექნიკური ნოკაუტი	4	2000-04-02	გუანჯოუ, ჩინეთი
მოგება	5–0–0	კარენ ბილი	ტექნიკური ნოკაუტი	3	2000-04-08	დეტროიტი, მიჩიგანი
მოგება	4–0–0	კრისტალ არკანდი	ნოკაუტი	1	2000-03-07	ვინდსორი, კანადა
მოგება	3–0–0	ნიკოლინ არსმსრონგი	ტექნიკური ნოკაუტი	2	1999-12-10	დეტროიტი, მიჩიგანი
მოგება	2–0–0	შადინა პენიბეიკერი	ტექნიკური ნოკაუტი	4	1999-11-10	ჩესტერი, დასავლეთი ვირჯინია
მოგება	1–0–0	ეპრილ ფოულერი	ნოკაუტი	1	1999-10-08	ვერონა, ნიუ-იორკი	ალის პროფესიონალური დებიუტი

ისეთი კრივი ჩემპიონი, როგორიცაა ენ ვოლფი (24-1)^[11] ინტერვიუებში აცხადებდა, რომ მან მრავალჯერ გამოიწვია ალი ორთაბრძოლისთვის, თუმცა იგი მუდამ არიდებთა თავს არასასურველ მეტოქეებს.^{[12][13][14][15]} ამასთან, ალი ამტკიცებდა რომ მოკრივეები არარაციონალურ თანხებს ითხოვდნენ ასეთი შეხვედრებისთვის, რაც დიდ დაბრკოლებას წარმოადგენდა მატჩების გასამართად.^[16]