მოკლედინგა ჩვეულებრივი დელფინი

მოკლედინგა ჩვეულებრივი დელფინი (ლათ. Delphinus delphis) — ძუძუმწოვარი ცხოველი დელფინისებრთა ოჯახისა. მისი სხეულის სიგრძე 2,5 მ აღწევს, წონა 60-იდან 75 კგ-მდე. ზურგი შავი ან მოყავისფროა, მუცელი ღია ფერისაა. გვერდებზე ზოლები გასდევს, რომელიც ღია-მოყვითალოდან ნაცრისფერში გადადის. ვიწრო და გრძელი დინგი აქვს, წვრილი კბილები. ფართოდ არის გავრცელებული თბილი და ზომიერი სარტყლის ზღვებში. მოკლედინგა ჩვეულებრივი დელფინი — ღია ზღვის მობინადრეა. ძირითადად იკვებება წვრილი თევზებით, ჯოგებად ცხოვრობს. შავ ზღვაში შეწყვილება ხდება ივლის-აგვისტოში. მაკეობა გრძელდება 10-11 თვე. ჩვეულებრივ, დედალი შობს ერთ ნაშიერს, რომლის სხეულის სიგრძეა დაახლოებით 90 სმ. მოკლედინგა ჩვეულებრივი დელფინი რეწვის ობიექტია; გამოიყენება მისი ქონი და ტყავი.

მოკლედინგა ჩვეულებრივი დელფინი
მოკლედინგა ჩვეულებრივი დელფინი
მეცნიერული კლასიფიკაცია
სამეფო:  ცხოველები ტიპი:  ქორდიანები კლასი:  ძუძუმწოვრები ქვერიგი:  კბილიანი ვეშაპები ოჯახი:  დელფინისებრნი
ლათინური სახელი
Delphinus delphis
დაცვის სტატუსი
ყველაზე ნაკლები საფრთხის ქვეშ IUCN 3.1 Least Concern : 134817215
გავრცელება
სისტემატიკა ვიკისახეობებში სურათები ვიკისაწყობში ITIS   180438 NCBI   9728 EOL   46559240 FW   64534