ტერეზა ლიზიელი

ტერეზა ლიზიელი (ფრანგ. Thérèse de Lisieux) დაბადების სახელი და გვარია მარი ფრანსუაზ-ტერეზა მარტინი (დ. 2 იანვარი, 1873 — გ. 30 სექტემბერი, 1897), ასევე ცნობილი, როგორც წმინდა ტერეზა ლიზიელი, ტერეზა იესოს ჩვილი ან ტერეზა პატარა — ფრანგი წმინდანი კარმელიტების ორდენიდან. სახალხოდ ცნობილია, როგორც „იესოს პატარა ყვავილი“ ან უბრალოდ, „პატარა ყვავილი“.

ტერეზა ლიზიელი Thérèse de Lisieux
დაიბადა	2 იანვარი, 1873(1873-01-02)[1] [2] [3] [4] [5] [6] [7] [8] [9] [10] ალანსონი[11]
გარდაიცვალა	30 სექტემბერი, 1897(1897-09-30)[1] [2] [3] [4] [5] [6] [7] [8] [9] [10] (24 წლის) ლიზია[11]
დასაფლავებულია	ლიზია
ხსენების დღე	1 ოქტომბერი[12] და 3 ოქტომბერი[13]
მოღვაწეობა	თეოლოგი, დრამატურგი, მწერალი და master of novices
ენა	ფრანგული ენა[14] [15]
ცნობილი ნაშრომები	The Story of a Soul[16] [17]
ტერეზა ლიზიელი ვიკისაწყობში

ტერეზა წმინდანობის ერთ-ერთი ყველაზე მეტად მნიშვნელოვანი მოდელია, რამდენადაც „მარტივი და პრაქტიკულია სულიერი ცხოვრების მიახლოვებისათვის“ მისი მაგალითი კათოლიკე მორწმუნეებისთვის. წმინდა ფრანცისკე ასიზელთან ერთად ეკლესიის ისტორიაში ყველაზე პოპულარული წმინდანია^[18][19]. პაპმა პიუს X-მ მას „თანამედროვეობის უდიდესი წმინდანი“ უწოდა^[20].  

ტერეზა ადრეული ასაკიდანვე ჩართული იყო სულიერ ცხოვრებაში. 1888 წელს 15 წლის ასაკში მონაზვნად აღიკვეცა და შეუერთდა თავის ორ უფროს დას ლიზიის მონასტერში, ნორმანდიაში. ცხრა წლის განმავლობაში სხვადასხვა საქმეს ასრულებდა, როგორიც იყო მონასტრის ხარჯთაღმრიცხველობა, დიასახლისობა და სხვა. გარდაიცვალა ტუბერკულოზით 24 წლის ასაკში ნელი და მტანჯველი სიკვდილით. ხსენების დღეა 1 ოქტომბერი (3 ოქტომბერი).