ფლორენს პიუ
ფლორენს პიუ (ინგლ. Florence Pugh; დ. 3 იანვარი, 1996) — ინგლისელი მსახიობი. დაიბადა ოქსფორდში. მისი სამსახიობო დებიუტი შედგა 2014 წელს, დრამატულ ფილმში „დაცემა“. პიუმ აღიარება მოიპოვა 2016 წელს, დამოუკიდებელ დრამაში „ლედი მაკბეტი“, მოძალადე ახალგაზრდა პატარძლის მთავარი როლისთვის, რომელმაც ბრიტანეთის დამოუკიდებელი კინოს ჯილდო მოიგო. 2018 წლის ფილმებში, „დაცემა“ და „კანონგარეშე მეფე“ მონაწილეობის შემდეგ, მან მოწონება დაიმსახურა 2018 წლის მინისერიალ „პატარა დრამერი გოგონა-ში“ შესრულებული მთავარი როლისთვის. იმავე წელს მიიღო BAFTA Rising Star Award-ის ნომინაცია.
ფლორენს პიუ | |
---|---|
ფლორენს პიუ 2022 წელს | |
მშობლიური სახელი | Florence Pugh |
დაბადების თარიღი | 3 იანვარი, 1996 ოქსფორდი, ინგლისი |
მოქალაქეობა | დიდი ბრიტანეთი |
საქმიანობა | მსახიობი |
აქტიური | 2014-დღემდე |
ადრეული ცხოვრება
ფლორენს პიუ დაიბადა 1996 წლის 3 იანვარს, ოქსფორდში, ინგლისი. დედამისი, დებორა არის მოცეკვავე, ხოლო მამამისი, კლინტონ პიუ, რესტორატორი.[1] ჰყავს სამი დედმამიშვილი: მსახიობი და მუსიკოსი ტობი სებასტიანი, მსახიობი არაბელა გიბინსი და რაფაელა „რაფი“ პიუ. მას ბავშვობაში ტრაქეომალაცია აწუხებდა, რის გამოც ხშირად იწვა საავადმყოფოში. როდესაც ფლორენსი სამი წლის იყო, ოჯახი გადავიდა ესპანეთში, სოტოგრანდში, იმ იმედით, რომ თბილი ამინდი გააუმჯობესებდა მის ჯანმრთელობას. ისინი იქ ცხოვრობდნენ სანამ ფლორენსი ექვსი წლის გახდებოდა, შემდეგ კი დაბრუნდნენ ოქსფორდში. ასევე ექვსი წლის ასაკში პიუმ ითამაშა მარიამ ღვთისმშობლის როლი სკოლის საშობაო სპექტაკლში, სადაც მან ისაუბრა იორკშირული აქცენტით.[2] მან კერძო განათლება მიიღო უიჩვუდისა და წმინდა ედუარდის სკოლაში, ოქსფორდში. თუმცა, არ მოსწონდა, რომ სკოლები არ უჭერდნენ მხარს მის სამსახიობო ამბიციებს.[2]
კარიერა
ადრეული როლები (2014–2018)
ჯერ კიდევ მეექვსე კლასში ყოფნისას, პიუს პროფესიონალური სამსახიობო დებიუტი შედგა 2014 წლის დრამაში, „დაცემა“, რომელშიც თამაშობდა მოზარდის როლს მეიზი უილიამსის წინააღმდეგ. [2][3] ტარა ბრეიდმა პიუ „შესანიშნავად“ მიიჩნია, ხოლო IndieWire-ის ოლივერ ლიტელტონმა მას „გამაოგნებელი“ უწოდა.[4][5] იმავე წელს, მსახიობი დააჯილდოვეს როგორც, BFI ლონდონის კინოფესტივალზე საუკეთესო ბრიტანელი ახალბედა. ასევე წლის ახალგაზრდა ბრიტანელ/ირლანდიელ შემსრულებელად იყო ნომინირებული ლონდონის კინოკრიტიკოსთა წრეში.[6]
2016 წელს პიუმ ითამაშა დამოუკიდებელ დრამაში, „ლედი მაკბეტი“, ფილმში, რომელიც გადაღებულია ნიკოლაი ლესკოვის ნოველის მიხედვით. იგი გამოჩნდა ITV დეტექტიური სერიალის „მარსელას“ პირველ სერიაში. პირველად მან ითამაშა კეტრინი, უბედურად დაქორწინებული თინეიჯერი პატარძალი, რომელიც მოძალადე ხდება. ფილმის მიმოხილვისას „გაი ლოჯმა“ შეაქო მის მიერ ასახული პერსონაჟის კომპლექსური, კანქვეშა ტრანსფორმაცია. როლისთვის მან მოიპოვა BIFA-ს ჯილდო ბრიტანულ დამოუკიდებელ ფილმში ქალის საუკეთესო როლისთვის. [7]
2018 წელს პიუმ მოიპოვა ნომინაცია BAFTA-ს ამომავალი ვარსკვლავის ჯილდოზე ბრიტანეთის კინოაკადემიის 71-ე დაჯილდოებაზე. [8] შემდეგ მან ითამაშა კორდელია, ენტონი ჰოპკინსის ტიტულოვანი მეფე ლირისთვის, რიჩარდ ეირის სატელევიზიო ფილმში „მეფე ლირი“ და გამოჩნდა მოკლემეტრაჟიან ფილმში Leading Lady Parts-ის ინიციატივის მხარდასაჭერად. [2] [9] იმავე წელს მოგვიანებით, მან განასახიერა ელისაბედ დე ბურგი Netflix-ის ისტორიულ ფილმში „კანონგარეშე მეფე“. შემდეგ მან ითამაშა ჯონ ლე კარეს ჯაშუშური რომანის „პატარა დრამერი გოგონას“ ექვსნაწილიან მინისერიალში, რომელშიც მან განასახიერა მსახიობი, რომელიც 1970-იან წლებში ჯაშუშთა შეთქმულებაში ჩაერთო. [10] „Vanity Fair“-ის წარმომადგენელმა, რიჩარდ ლოუსონმა დასძინა, რომ იგი „ჭკვიანურად ურევს მიწიერებას, დახვეწილობას, სიბრძნეს და გულუბრყვილობას“. [11]
ფილმოგრაფია
წელი | ქართულად | მშობლიური სახელწოდება | როლი | |
---|---|---|---|---|
2014 | ფ | დაცემა | The Falling | ები მორტიმერი |
2015 | ტფ | — | Studio City | კატა |
2016 | ს | მარსელა | Marcella | კარა ტომასი |
2016 | ფ | ლედი მაკბეთი | Lady Macbeth | კეთრინი |
2018 | ფ | მგზავრი | The Commuter | გვენი |
2018 | ფ | ბრძოლა ჩემს ოჯახთან ერთად | Fighting with My Family | სარა „პეიჯი“ ნაიტი |
2018 | ტფ | მეფე ლირი | King Lear | კორდელია |
2018 | ფ | გარიყული მეფე | Outlaw King | ელისაბედ დე ბურგი |
2018 | ს | პატარა დრამერი გოგონა | The Little Drummer Girl | ჩარმიან „ჩარლი“ როსი |
2018 | ფ | შეაჩერე ბოროტება | Malevolent | ანჯელა |
2019 | ფ | პატარა ქალები | Little Women | ემი მარჩი |
2019 | ფ | მიდსომარი | Midsommar | დენი |
2021 | ფ | შავი ქვრივი | Black Widow | ელენა ბელოვა / შავი ქვრივი |
2021 | ს | ქორისთვალა | Hawkeye | ელენა ბელოვა / შავი ქვრივი |
2022 | ფ | არ ინერვიულო ძვირფასო, ძვირფასო | Don’t Worry Darling | ელისი |
2023 | ფ | ოპენჰეიმერი | Oppenheimer | ჯინ ტეტლოკი |
რესურსები ინტერნეტში
- შეგიძლიათ იხილოთ მედიაფაილები თემაზე „ფლორენს პიუ“ ვიკისაწყობში.
- ფლორენს პიუ კინოფილმების ინტერნეტ-მონაცემთა ბაზაში