ხლაკუნასებრნი

ხლაკუნასებრნი (ლათ. Cobitidae) — თევზების ოჯახი კობრისნაირთა რიგისა. აქვთ წაგრძელებული, წვრილი ქერცლით დაფარული ან შიშველი (ტიბეტური გოჭალა – ლათ. Nemachilus stoliczkai) სხეული. მათთვის დამახასიათებელია დამატებითი სუნთქვა (ნაწლავით). ხლაკუნასებრთა ოჯახი მოიცავს 30 გვარის 150-მდე სახეობას, რომლებიც გავრცელებულია ევროპის, აზიისა და აფრიკის კონტინენტურ წყლებში. საქართველოს მტკნარ წყლებში ბინადრობს ორი გვარის (გოჭალა და გველანა) 4 სახეობა. ესენია:

ანგორული გოჭალა (ლათ. Nemachilus angorae)
მტკვრის გოჭალა (ლათ. Nemachilus brandti)
ამიერკავკასიური გველანა (ლათ. Cobitis taenia)
წინააზიური გველანა (ლათ. Cobitis aurata)

უმრავლესობა წყალსატევის ფსკერზე ცხოვრობს. მცირე ზომის გამო (სიგრძე 8-10 სმ, მასა 4-5 გ) სარეწაო მნიშვნელობა არ აქვს.

ლიტერატურა

მ. დემეტრაშვილი, ქართული საბჭოთა ენციკლოპედია, ტ. 11, თბ., 1987. — გვ. 487.

გალერეა

Cobitis bilineata
Cobitis paludica
ამიერკავკასიური გველანა
Pangio kuhlii
Lepidocephalichthys hasselti
ჩვეულებრივი ხლაკუნა
Sabanejewia bulgarica