Blondie
Blondie — ამერიკული როკ-ჯგუფი, დაარსებული ვოკალისტ დები ჰარის და გიტარისტ კრის სტაინის მიერ.[1] იგი ამერიკაში იყო ახალი ტალღის და პანკ-როკის პიონერი, 1970-იან წლებში. მისი პირველი ალბომი შეიცავდა ორივე ჟანრის სიმღერებს. თუმცა, მიუხედავად დიდ ბრიტანეთსა და ავსტრალიაში წარმატებისა, Blondie აშშ-ში ანდერგრაუნდულ ჯგუფად ითვლებოდა - სანამ 1978 წელს Parallel Lines-ს გამოსცემდა. შემდეგი სამი წლის განმავლობაში მათ დისკოგრაფიას რამდენიმე ჰიტ-სინგლი შეემატა[2], მათ შორის "Call Me", "Atomic" და "Heart of Glass". აღსანიშნავი იყო მათ მუსიკაში დისკოს,[3][4] პოპის,[3][4][5] რეპის,[4][6] და რეგის,[4] გამოჩენა, თუმცა კოლექტივი ახალი ტალღის მიმდინარეობას არასოდეს აცდენილა.
Blondie | |
---|---|
ჯგუფი 1977 წელს, მარცხნიდან: გერი ვალენტაინი, კლემ ბერკი, დები ჰარი, კრის სტაინი და ჯიმი დესტრი | |
ბიოგრაფია | |
წარმოშობა | ნიუ-იორკი, აშშ |
ჟანრ(ებ)ი | |
აქტიური | 1974–1982 1997–დღემდე |
ლეიბლ(ებ)ი | |
წევრები | დები ჰარი კრის სტაინი კლემ ბერკი ლი ფოქსი მეტ კეტც-ბოენი ტომი კესლერი |
საიტი | blondie.net |
Blondie ვიკისაწყობში |
ჯგუფი დაიშალა მეექვსე სტუდიური ალბომის The Hunter შემდეგ, 1982 წელს. დები ჰარიმ სოლო კარიერა დაიწყო, თუმცა რამდენიმე წელი აგრეთვე ზრუნავდა კრის სტაინზე, რომელიც მისი პარტრნიორიც იყო - მუსიკოსს დაუდგინეს კანის აუტოიმუნური დაავადება, პემფიგუსი.[7]
1997 წელს Blondie აღდგა, წარმატებულად დაბრუნდა სცენაზე და გამოსცა შემდგომში ბრიტანეთში #1 ჰიტად ქცეული "Maria".
მომდევნო წლების განმავლობაში Blondie-ს მსოფლიოში მრავალი კონცერტი აქვს ჩატარებული[8] და ის 2006 წელს შეიყვანეს როკ-ენ-როლის დიდების დარბაზში.[9], ხოლო საერთო ჯამში გაყიდული ჩანაწერების რაოდენობა 40 მილიონს აღწევს[10][11] და კვლავ მატულობს.
დისკოგრაფია
- სტუდიური ალბომები
- Blondie (1976)
- Plastic Letters (1978)
- Parallel Lines (1978)
- Eat to the Beat (1979)
- Autoamerican (1980)
- The Hunter (1982)
- No Exit (1999)
- The Curse of Blondie (2003)
- Panic of Girls (2011)
- Ghosts of Download (2014)
- Pollinator (2017)
რესურსები ინტერნეტში
- ოფიციალური საიტი
- სრული დისკოგრაფია დაარქივებული 2009-06-03 საიტზე Wayback Machine.
- Blondie საიტზე 45cat.com
- დისკოგრაფია საიტზე Discogs