Steam (პროგრამა)

Steam — ციფრული დისტრიბუციის პლატფორმა, რომელიც მომხმარებლებს სთავაზობს საავტორო უფლებების დაცვის ტექნიკური საშუალების, ქსელური თამაშებისა და სოციალური ქსელების სერვისებს. იგი შექმნილი არის ცნობილ ვიდეო თამაშების დეველოპერის Valve Corporation-ის მიერ. Steam ასრულებს აქტივაციის მოსამსახურეობის, ინტერნეტიდან გადმოწერის, ავტომატურ განახლებების და სიახლეების, როგორც თვითონ Valve-სი ასევე სხვა დეველოპერების (Valve-ს ნებართვით) ფუნქციას. იგი ხელმისაწვდომი არის 23 ენაზე.

Steam
ავტორი	Valve Corporation
გამოვიდა	12 სექტემბერი, 2003
ბოლო გამოშვება	1465948400, Steam API: v017 / 28 მარტი, 2016[1]
საცდელი გამოშვება	1467242272, Steam API: v017 / 29 ივნისი, 2016
პროგრამირების ენა	C++, Objective-C (OS X) Java (Android)
პლატფორმა	PC, PlayStation 3, Mac OS X, Android, iOS, Linux, SteamOS, Windows Phone
ენა	23 ენაზე[2]
სტატუსი	აქტიური
ჟანრი	ციფრული დისტრიბუცია საავტორო უფლებების დაცვის ტექნიკური საშუალება სოციალური ქსელი
ლიცენზია	პროპრიატული
საიტი	ოფიციალური საიტი
Alexa	194 (მარტი, 2016) (მაღაზია)[3] 199 (მარტი, 2016) (საზოგადოება)[4]

თავდაპირველად პროგრამა ხელმისწვდომი იყო მხოლოდ Microsoft Windows-ზე, ხოლო მოგვიანებით შეიმუშავეს სხვა ოპერაციული სისტემებისთვის, მათ შორის OS X-ისა და Linux-ისთვის და ასევე მობილური ოპერაციული სისტემებისთვის: iOS, Android, Windows Phone და SteamOS.

2015 წლის მონაცემით სტიმზე განთავსებული არის 6.464 Windows-ის თამაში, 2,323 OS X-ის თამაში და 1,500 Linux-ის თამაში^[5]. სერვის ჰყავს 125 მილიონი დარეგისტრირებული მომხმარებელი^[6]. სტიმი ითვლება ყველაზე მსხვილ ციფრული დისტრიბუციის პლატფორმად პერსონალურ კომპიუტერზე; 2013 წლის Screen Digest-ის შეფასებით, ინტერნეტის საშუალებით გაყიდული თამაშების 75 პროცენტი შესყიდული იქნა სტიმის მეშვეობით^[7]. სერვისის წარმატებამ განაპირობა ვიდეო თამაშების კონსოლის Steam Machine-ისა და ლინუქსზე დაფუძნებული ოპერაციული სისტემის SteamOS-ის შემუშავება.

თავდაპირველად, სერვისის მეშვეობით ვრცელდებოდა მხოლოდ ვიდეო თამაშები, ტრეილერები და მოდიფიკაციები, თუმცა Valve-მა განაცხადა, რომ მომავლისთვის იგი გეგმავს გააფართოვოს სერვისის სპეციალიზაცია და მისი მეშვეობით გაავრცელოს მუსიკა და სრულმეტრაჟიანი ფილმები^[8][9].