ಗಣಿಗಾರಿಕೆ

ಇತಿಹಾಸಪೂರ್ವ ಗಣಿಗಾರಿಕೆ

ನಾಗರೀಕತೆಯ ಪ್ರಾರಂಭದಿಂದ ಜನರು, ಕಲ್ಲು, ಸಿರಾಮಿಕ್ ಗಳನ್ನೂ ಉಪಯೋಗಿಸುತ್ತಿದ್ದರು, ಮತ್ತು ನಂತರ, ಭೂಮಿಯ ಮೇಲ್ಪದರದಲ್ಲಿ ಲೋಹಗಳು ಕಂಡವು.

ಇವುಗಳನ್ನು ಪ್ರಾಚೀನ ಸಲಕರಣೆಗಳು ಮತ್ತು ಆಯುಧಗಳನ್ನು ತಯಾರಿಸಲು ಉಪಯೋಗಿಸುತ್ತಿದ್ದರು, ಉದಾಹರಣೆಗೆ ಫ್ರಾನ್ಸ್ನ ಉತ್ತರ ಭಾಗದಲ್ಲಿ ಕಂಡುಬಂದ ಚಕಮಕಿ ಕಲ್ಲು, ಇಂಗ್ಲೆಂಡ್ನ ದಕ್ಷಿಣ ಭಾಗದಲ್ಲಿ ಕಲ್ಲಿನ ಸಲಕರಣೆಗಳನ್ನು ತಯಾರಿಸಲು ಉಪಯೋಗಿಸುತ್ತಿದ್ದರು.^[೧] ಚಕಮಕಿ ಕಲ್ಲಿನ ಗಣಿಗಳು ಸೀಮೆಸುಣ್ಣ ಪದರಗಳಲ್ಲಿ ಕಂಡುಬಂದವು, ಅಲ್ಲಿ ಕಲ್ಲಿನ ಸ್ತರಗಳು ಬಾಣಗಳು ಮತ್ತು ಗ್ಯಾಲರಿಗಳಿಂದ ಭೂಮಿಯೊಳಗಡೆ ಅನುಸರಿಸಲ್ಪಡುತ್ತವೆ.

ಗ್ರಿಮ್ಸ್ ಗ್ರೆವ್ಸ್ ನಲ್ಲಿರುವ ಗಣಿಗಳು ವಿಶೇಷವಾಗಿ ಜನಪ್ರಿಯವಾಗಿವೆ, ಮತ್ತು ಇತರ ಹೆಚ್ಚಿನ ಕಲ್ಲಿನ ಗಣಿಗಳಂತೆ ಇವು ಮೂಲತಃ ನವಶಿಲಾಯುಗದ್ದಾಗಿವೆ (ಕ್ರಿಸ್ತ ಪೂರ್ವ ca 4000-ಕ್ರಿಸ್ತ ಪೂರ್ವ ca 3000)

ಇಂಗ್ಲೀಷ್ ಲೇಕ್ ಡಿಸ್ಟ್ರಿಕ್ಟ್ ನಲ್ಲಿ ಆಧಾರವಾಗಿರುವ ಲಾಂಗ್‍ದಲೆ ಅಕ್ಸ್ ಇಂಡಸ್ಟ್ರಿಯ ಹಸಿರುಕಲ್ಲುನ್ನು ಕೊಡಲಿಗಳನ್ನು ಮಾಡಲು ಹೊರತೆಗೆದ ಅಥವಾ ಸಂಗ್ರಹಿಸಿದ ಇತರ ಬಿರುಸಾದ ಕಲ್ಲುಗಳು ಒಳಗೊಂಡಿವೆ.

ಪುರಾತತ್ವ ಶಾಸ್ತ್ರೀಯ ದಾಖಲೆಗಳ ಪ್ರಕಾರ ಸ್ವಾಜಿಲ್ಯಾಂಡಿನ "ಲಯನ್ ಕೇವ್" ಅತ್ಯಂತ ಹಳೆಯ ಗಣಿಗಾರಿಕೆಯಾಗಿದೆ. ಈ ಸ್ಥಳ ಸುಮಾರು 43,000 ವರ್ಷ ಹಳೆಯದು ಎಂದು ರೇಡಿಯೋ ಕಾರ್ಬನ್ ಕಾಲ ನಿರ್ಣಯ ಸಾಬೀತು ಪಡಿಸುತ್ತದೆ, ಪೂರ್ವ ಶಿಲಾಯುಗಕ್ಕೆ ಸಂಬಂಧಿಸಿದ ಜನರು ಗಣಿಯಿಂದ ಹೆಮಟೈಟ್ ಖನಿಜವನ್ನು ಹೊರತೆಗೆದರು, ಇದು ಕಬ್ಬಿಣ ಮತ್ತು ಕೆಂಪು ವರ್ಣದ ಕಾವಿಮಣ್ಣನ್ನು ತಯಾರಿಸಲು ಬೇಕಾಗುವ ಕಚ್ಚಾವಸ್ತುಗಳನ್ನು ಒಳಗೊಂಡಿತ್ತು.^[೨][೩]

ಇದೇ ಸಮಯದಲ್ಲಿ ಹಂಗೇರಿಯ ನೀಂದರ‍್ಥಲ್ ನ್ನಲ್ಲಿ ಆಯುಧಗಳು ಮತ್ತು ಸಲಕರಣಗಳಿಗಾಗಿ ಕಲ್ಲನ್ನು ಹೊರತೆಗೆದಿರಬಹುದು ಎಂದು ನಂಬಲಾಗಿದೆ. ^{[ಸೂಕ್ತ ಉಲ್ಲೇಖನ ಬೇಕು]}

ಪ್ರಾಚೀನ ಈಜಿಪ್ಟ್‌

ಪ್ರಾಚೀನ ಈಜಿಪ್ಟಿಯನ್ನರು ಮಾದಿಯಲ್ಲಿ ಮೆಲಾಕೈಟನ್ನು ಹೊರತೆಗೆದರು.^[೪]

ಮೊದಲ ಬಾರಿಗೆ ಈಜಿಪ್ಟಿಯನ್ನರು ಪ್ರಕಾಶಮಾನವಾದ ಹಸಿರು ಮೆಲಾಕೈಟ್‍ನ ಕಲ್ಲನ್ನು ಅಲಂಕಾರಿಕ ಸಾಮಗ್ರಿಗಳು ಮತ್ತು ಮಡಿಕೆಗಳನ್ನು ತಯಾರಿಸಲು ಉಪಯೋಗಿಸಿದರು.

ನಂತರ, ಕ್ರಿಸ್ತ ಪೂರ್ವ 2,613 ಮತ್ತು 2,494ರ ನಡುವೆ, ವಾಡಿ ಮಘರದ ಪ್ರದೇಶಗಳಲ್ಲಿ "ಈಜಿಪ್ಟಿನಲ್ಲಿ ಸಿಗದ ಖನಿಜಗಳು ಮತ್ತು ಇತರ ಸಂಪನ್ಮೂಲಗಳನ್ನು ರಕ್ಷಿಸಲು" ದೊಡ್ಡದಾಗಿ ನಿರ್ಮಾಣವಾಗುತ್ತಿರುವ ಪ್ರಾಜೆಕ್ಟುಗಳಿಗೆ ಎಲ್ಲ ಕಡೆಗೂ ವಿಶೇಷ ಕಾರ್ಯಯಾತ್ರೆಯ ಅವಶ್ಯಕತೆ ಇತ್ತು.^[೫]

ಕ್ವೆರಿಗಳಿಗೆ ಪಚ್ಚೆಕಲ್ಲು ಮತ್ತು ತಾಮ್ರಗಳು ಸಹ "ವಾಡಿ ಹಮಮತ್, ತುರ, ಅಸ್ವಾನ್ ಮತ್ತು ವಿವಿಧ ನುಬಿಯನ್ ಪ್ರದೇಶಗಳಲ್ಲಿ"^[೫] ಸಿನೈ ಪೆನೆನ್ಸುಲ ಮತ್ತು ಟಿಮ್ನಗಳಲ್ಲಿ ಕಂಡುಬಂದವು.

ಪ್ರಾಚೀನ ಮನೆತನಗಳಿಂದ ಈಜಿಪ್ಟಿನಲ್ಲಿ ಗಣಿಗಾರಿಕೆ ಪ್ರಾರಂಭವಾಯಿತು, ಪ್ರಾಚೀನ ಈಜಿಪ್ಟಿನಲ್ಲಿ ನುಬಿಯಾದ ಚಿನ್ನದ ಗಣಿಗಳು ಇವುಗಳಲ್ಲಿ ದೊಡ್ಡ ಪ್ರಮಾಣದ ಮತ್ತು ವ್ಯಾಪಕವಾದ ಗಣಿಯಾಗಿತ್ತು, ಮತ್ತು ಗ್ರೀಕಿನ ಲೇಖಕ ದೈಯೋದೊರಸ್ ಸಿಕ್ಯುಲಸ್ ಇವುಗಳನ್ನು ವಿವರಿಸಿದ್ದಾರೆ.

ಚಿನ್ನವನ್ನು ಹೊಂದಿರುವ ಕಠಿಣ ಬಂಡೆಗಳನ್ನು ಒಡೆಯಲು ಬೆಂಕಿ ಹಾಕುವ ಒಂದು ವಿಧಾನವನ್ನು ಉಪಯೋಗಿಸುತ್ತಿದ್ದರು ಎಂದು ಅವರು ಉಲ್ಲೇಖಿಸಿದ್ದಾರೆ.

ಪ್ರಾಚೀನ ನಕ್ಷೆಗಳಲ್ಲಿ ಒಂದರಲ್ಲಿ ಸಂಕೀರ್ಣಗಳಲ್ಲಿ ಒಂದನ್ನು ತೋರಿಸಲಾಗಿದೆ.

ಚಿನ್ನದ ಹುಡಿಗೆ ಪುಡಿಯನ್ನು ತೊಳೆಯುವ ಮೊದಲು ಅವರು ಅದಿರುಗಳನ್ನು ಚಚ್ಚಿ ನುಣುಪಾದ ಪುಡಿ ಮಾಡುತ್ತಿದ್ದರು.

ಪ್ರಾಚೀನ ಗ್ರೀಸ್ ಮತ್ತು ರೋಮ್

ಯೂರೋಪಿನ ಗಣಿಗಾರಿಕೆ ಬಹಳ ಕಾಲದ ಇತಿಹಾಸವನ್ನು ಹೊಂದಿದೆ, ಇದಕ್ಕೆ ಉದಾಹರಣೆ ಎಂದರೆ ಲೌರಿಯಂನ ಬೆಳ್ಳಿಯ ಗಣಿ, ಇದು ಅಥೆನ್ಸಿನ ಗ್ರೀಕರ ರಾಜ್ಯದ ನಗರವನ್ನು ಅನುಮೋದಿಸುತ್ತದೆ.

ಆದಾಗ್ಯೂ, ರೋಮನ್ನರು ದೊಡ್ಡ ಪ್ರಮಾಣದಲ್ಲಿ ಗಣಿಗಾರಿಕೆಯ ವಿಧಾನಗಳನ್ನು ಅಭಿವೃದ್ಧಿಗೊಳಿಸಿದರು, ವಿಶೇಷವಾಗಿ ಬಹಳ ಕಾಲುವೆಗಳ ಮೂಲಕ ದೊಡ್ಡ ಪ್ರಮಾಣದ ನೀರನ್ನು ಮೈನ್‍ಹೆಡ್‍ಗೆ ತರಲು ಉಪಯೋಗಿಸುವುದು.

ನೀರನ್ನು ವಿವಿಧ ಉದ್ದೇಶಗಳಿಗೆ ಉಪಯೋಗಿಸಲಾಗುತ್ತಿತ್ತು, ಹೈಡ್ರೋಲಿಕ್ ಮೈನಿಂಗ್ ಎಂದು ಕರೆಯುವ, ಅತಿಯಾದ ಹೊರೆ ಮತ್ತು ಕಲ್ಲಿನ ಭಗ್ನಾವಶೇಷಗಳನ್ನು ತೆಗೆದುಹಾಕಲು ಉಪಯೋಗಿಸುವುದನ್ನು ಒಳಗೊಂಡಂತೆ, ಪುಡಿಮಾಡಿದ ಅಥವಾ ಜಜ್ಜಿದ ಅದಿರುಗಳನ್ನು ತೊಳೆಯಲು ಮತ್ತು ಸರಳ ಯಂತ್ರಗಳನ್ನು ಚಲಾಯಿಸಲು ಸಹ ಉಪಯೋಗಿಸುತ್ತಿದ್ದರು.

ಅದಿರಿನ ಸ್ತರಗಳನ್ನು ಅನ್ವೇಷಿಸಲು ಹೈಡ್ರೋಲಿಕ್ ಗಣಿಗಾರಿಕಾ ವಿಧಾನಗಳನ್ನು ದೊಡ್ಡ ಪ್ರಮಾಣದಲ್ಲಿ ಉಪಯೋಗಿಸಿದರು, ವಿಶೇಷವಾಗಿ ಹಶಿಂಗ್ ಎನ್ನುವ ಈಗ ಬಳಕೆಯಲ್ಲಿಲ್ಲದ ಗಣಿಗಾರಿಕಾ ವಿಧಾನ.

ಮೈನ್‍ಹೆಡ್‍ಗೆ ನೀರನ್ನು ಒದಗಿಸಲು ಬಹಳ ಕಾಲುವೆಗಳನ್ನು ನಿರ್ಮಿಸಿ, ಅಲ್ಲಿ ನೀರನ್ನು ಜಲಾಶಯಗಳು ಮತ್ತು ದೊಡ್ಡ ತೊಟ್ಟಿಗಳಲ್ಲಿ ಶೇಖರಿಸಿಡಲಾಗುತ್ತಿತ್ತು.

ತುಂಬಿದ ತೊಟ್ಟಿಯನ್ನು ತೆರೆದಾಗ, ನೀರಿನ ಅಲೆಯು ಅಡಿಯಲ್ಲಿರುವ ಮತ್ತು ಯಾವುದೇ ಹೊನ್ನಿನ ಬಣ್ಣದ ಸ್ತರಗಳ ಆಧಾರ ಶಿಲೆಯನ್ನು ಹೊರತೆಗೆಯುವುದಕ್ಕೆ ಹೆಚ್ಚಿನ ಹೊರೆಗೆ ಭರ್ತಿ ನೀರು ಬಿಡುತ್ತದೆ.

ಕಲ್ಲನ್ನು ಬಿಸಿ ಮಾಡಲು ಕಲ್ಲಿಗೆ ಬೆಂಕಿ ಹಾಕಲಾಗುತ್ತಿತ್ತು, ಇದನ್ನು ನೀರನ್ನು ಪ್ರವಹಿಸಿ ನಂದಿಸಲಾಗುತ್ತಿತ್ತು.

ಶಾಖದ ಆಘಾತದಿಂದ ಕಲ್ಲು ಒಡೆಯುತ್ತಿತ್ತು, ಇದನ್ನು ತೆಗೆದುಹಾಕಲು ಎತ್ತರದ ತೊಟ್ಟಿಗಳಿಂದ ನೀರನ್ನು ಪ್ರವಹಿಸುತ್ತಿದ್ದರು.

ಪೆನಿನಸ್ ನಲ್ಲಿನ ಸೀಸದ ಅದಿರು ಮತ್ತು ಕಾರ್ನ್ವಾಲ್ ನಲ್ಲಿರುವ ಕಸಿಟರೈಟ್‍ನ್ನು ಹೊರತೆಗೆಯಲು ಸಹ ಅವರು ಇದೇ ರೀತಿಯ ವಿಧಾನವನ್ನು ಉಪಯೋಗಿಸುತ್ತಿದ್ದರು.

ಕ್ರಿಸ್ತಶಕ 25ರಲ್ಲಿ ಸ್ಪೈನಿನಲ್ಲಿ ರೋಮನ್ನರು ವ್ಯಾಪಕವಾದ ಅಲ್ಯುವಿಯಲ್ ಚಿನ್ನದ ಗಣಿಯನ್ನು ಲಾಭಕರವಾಗಿ ಬಳಸಿಕೊಳ್ಳಲು ಗಣಿಗಾರಿಕಾ ವಿಧಾನಗಳನ್ನು ಅಭಿವೃದ್ಧಿಗೊಳಿಸಿದರು, ಚಿನ್ನದ ಗಣಿಯ ವಿಶಾಲವಾದ ಪ್ರದೇಶ ಲಾಸ್ ಮೆದುಲಾಸ್ ನಲ್ಲಿತ್ತು, ಅಲ್ಲಿನ ಪ್ರಾಂತೀಯ ನದಿಗಳನ್ನು ಉಪಯೋಗಿಸಿಕೊಳ್ಳಲು ಮತ್ತು ಶೇಖರಿಸಿದ ನೀರನ್ನು ಹರಿಸಲು ಉದ್ದವಾದ ಏಳು ಕಾಲುವೆಗಳನ್ನು ನಿರ್ಮಿಸಿದರು.

ಹೆಚ್ಚು ಪ್ರಮುಖವಾದ ಗಣಿಗಾರಿಕಾ ಪ್ರದೇಶಗಳಲ್ಲಿ ಸ್ಪೇನ್ ಒಂದಾಗಿತ್ತು, ಆದರೆ ರೋಮನ್ ಸಾಮ್ರಾಜ್ಯದ ಎಲ್ಲ ಪ್ರದೇಶಗಳನ್ನು ಬಳಸಿಕೊಳ್ಳಲಾಗಿತ್ತು.

ರಿಯೋ ಟಿಂಟೊನಲ್ಲಿರುವಂತಹ ಅವರ ಆಳವಾದ ಗಣಿಗಳಿಂದ ನೀರನ್ನು ಹೊರ ತೆಗೆಯಲು ಹಿಂಚಾಲನ ನೀರಿನ ಧಾರಾ ಚಕ್ರಗಳನ್ನು ಅವರು ಉಪಯೋಗಿಸುತ್ತಿದ್ದರು.

ಗ್ರೇಟ್ ಬ್ರಿಟನ್ನಿನ ಸ್ಥಳೀಯರು ಮಿಲೆನಿಯಕ್ಕೆ ಖನಿಜಗಳನ್ನು ಹೊರತೆಗೆಯುತ್ತಿದ್ದರು,^[೬] ಆದರೆ ರೋಮನ್ನರು ಬಂದಾಗ, ಕಾರ್ಯಾಚರಣೆಯ ಪ್ರಮಾಣ ನಾಟಕೀಯವಾಗಿ ಬದಲಾಯಿತು.

ವಿಶೇಷವಾಗಿ ಬ್ರಿಟೆನ್ ಹೊಂದಿರುವ ಚಿನ್ನ, ಬೆಳ್ಳಿ, ತವರ ಮತ್ತು ಸೀಸ ರೋಮನ್ನರಿಗೆ ಬೇಕಾಗಿತ್ತು.

ರೋಮನ್ನರ ಕಾರ್ಯವಿಧಾನ ಭೂಮಿಯ ಮೇಲ್ಮೈನ ಗಣಿಗಾರಿಕೆಗೆ ಮಾತ್ರ ಸೀಮಿತವಾಗಿರಲಿಲ್ಲ.

ಒಂದುಬಾರಿ ಅವರು ನೆಲದಡಿಯಲ್ಲಿರುವ ಅದಿರಿನ ಸ್ತರಗಳ ಗಣಿಗಾರಿಕೆಯನ್ನು ಅನುಸರಿಸಿದ ನಂತರ ಹೊರಮೈ ಗಣಿಗಾರಿಕೆ ಹೆಚ್ಚುಕಾಲ ಸಾಧ್ಯವಾಗಲಿಲ್ಲ. ಡೊಲೊಕೌಥಿಯಲ್ಲಿ ಅವರು ಹರಿಸುವಿಕೆಯನ್ನು ನಿಲ್ಲಿಸಿದರು ಮತ್ತು ಬಂಜರು ಬಂಡೆಗಳ ಮೂಲಕ ಪ್ರವೇಶಗಳನ್ನು ಬರಿದುಮಾಡಲು ಗಣಿಯೊಳಗಿನ ಮಾರ್ಗವನ್ನು ಅನುಸರಿಸಿದರು.

ಇದೇ ರೀತಿಯ ಮಾರ್ಗಗಳನ್ನು ಕೆಲಸಗಳಿಗೆ ಗಾಳಿ ಬೆಳಕು ಬರಲು ಉಪಯೋಗಿಸುತ್ತಿದ್ದರು, ವಿಶೇಷವಾಗಿ ಬೆಂಕಿ ಹಾಕಿದಾಗ ಮುಖ್ಯವಾಗಿ ಉಪಯೋಗಿಸುತ್ತಿದ್ದರು.

ಪ್ರದೇಶದ ಇತರ ಭಾಗಗಳಲ್ಲಿ, ಅವು ನೀರಿನ ಟೇಬಲನ್ನು ನುಗ್ಗಿಹೊಗುತ್ತವೆ ಮತ್ತು ಹಿಂಚಾಲನ ನೀರಿನ ಧಾರಾ ಚಕ್ರಗಳಂತಹ ಕೆಲವು ಯಂತ್ರಗಳನ್ನು ಉಪಯೋಗಿಸಿ ನೀರನ್ನು ಹೊರತೆಗೆಯುತ್ತಾರೆ.

ಸ್ಪೈನಿನ ರಿಯೋ ಟಿಂಟೊದ ತಾಮ್ರದ ಗಣಿಗಳಲ್ಲಿ ಇವುಗಳನ್ನು ದೊಡ್ಡ ಪ್ರಮಾಣದಲ್ಲಿ ಉಪಯೋಗಿಸುತ್ತಿದ್ದರು, ಅಲ್ಲಿ ನೀರನ್ನು ಎತ್ತುವ ಸಲುವಾಗಿ ಒಂದು ಸರಣಿ, ಜೋಡಿಗಳಲ್ಲಿ ಹೊಂದಿಸಲಾದ 16 ಅಂತಹ ಚಕ್ರಗಳನ್ನು ಹೊಂದಿದೆ.80 feet (24 m) ಎತ್ತರದ ಹಲಗೆಗಳ ಮೇಲೆ ನಿಂತು ಅವು ಗಣಿಗಾರರ ಜೊತೆ ಟ್ರೆಡ್‍ಮಿಲ್‍ಗಳಂತೆ ಕೆಲಸ ಮಾಡುತ್ತಿದ್ದವು.

ಈ ರೀತಿಯ ಸಾಧನಗಳಿಗೆ ಬಹಳ ಉದಾಹರಣೆಗಳು ಹಳೆಯ ರೋಮನ್ ಗಣಿಗಳಲ್ಲಿ ದೊರೆತಿವೆ ಮತ್ತು ಕೆಲವು ಸಾಧನಗಳನ್ನು ಈಗ ಬ್ರಿಟಿಷ್ ಮ್ಯೂಸಿಯಂ ಮತ್ತು ನ್ಯಾಷನಲ್ ಮ್ಯೂಸಿಯಂ ಆಫ್ ವೇಲ್ಸ್ ಗಳಲ್ಲಿ ಸಂರಕ್ಷಿಸಿಡಲಾಗಿದೆ.^[೭]

ಮಧ್ಯಕಾಲೀನ ಯುರೋಪ್

ಮಧ್ಯಕಾಲೀನ ಯುರೋಪಿನಲ್ಲಿ ಗಣಿಗಾರಿಕೆ ಒಂದು ಕೈಗಾರಿಕೆಯಾಗಿ ನಾಟಕೀಯ ಬದಲಾವಣೆಗಳನ್ನು ಕಂಡಿತು.

ಗಣಿಗಾರಿಕಾ ಉದ್ಯಮ ಮಧ್ಯಕಾಲೀನ ಯುಗದ ಪ್ರಾರಂಭದಲ್ಲಿ ಮುಖ್ಯವಾಗಿ ತಾಮ್ರ ಮತ್ತು ಕಬ್ಬಿಣವನ್ನು ಹೊರತೆಗೆಯುವುದರ ಮೇಲೆ ಲಕ್ಷವಹಿಸಿತ್ತು.

ಇತರ ಬೆಲೆಬಾಳುವ ಲೋಹಗಳನ್ನೂ ಸಹ ಗಿಲೀಟು ಮಾಡಲು ಅಥವಾ ನಾಣ್ಯಗಳನ್ನು ತಯಾರಿಸಲು ಉಪಯೋಗಿಸಲಾಗುತ್ತಿತ್ತು. ಪ್ರಾರಂಭದಲ್ಲಿ, ಬಹಳ ಲೋಹಗಳನ್ನು ಓಪನ್-ಪಿಟ್ ಗಣಿಗಾರಿಕೆ ಮೂಲಕ ಪಡೆಯಲಾಗುತ್ತಿತ್ತು, ಆಳವಾದ ಗಣಿ ಮಾರ್ಗಗಳನ್ನು ಅಗೆಯುವುದರ ಬದಲು, ಮೊದಲಿಗೆ ಅದಿರನ್ನು ಕಿರಿದಾದ ಆಳಗಳ ಮೂಲಕ ಹೊರ ತೆಗೆಯಲಾಗುತ್ತಿತ್ತು.

ಸುಮಾರು 14ನೆ ಶತಮಾನದ ಅವಧಿಯಲ್ಲಿ, ಆಯುಧಗಳು, ಕವಚ, ಕುದುರೆಲಾಳಗಳು ಮತ್ತು ಕುದುರೆ ಸವಾರಿ ಮಾಡುವಾಗ ಪಾದಗಳಿಗೆ ಆಧಾರವಾಗಿ ಧರಿಸುವ ಕಬ್ಬಿಣದ ಬಳೆಗಳ ಬೇಡಿಕೆಗಳು ಕಬ್ಬಿಣಕ್ಕೆ ಬೇಡಿಕೆಯನ್ನು ಬಹಳ ಹೆಚ್ಚಿಸಿದವು.

ಉದಾಹರಣೆಗೆ ಮಧ್ಯ ಕಾಲೀನ ಸೈನಿಕರು ಕೆಲವೊಮ್ಮೆ ಖಡ್ಗಗಳು, ಈಟಿಗಳು ಮತ್ತು ಇತರ ಆಯುಧಗಳ ಜೊತೆ ಚೈನುಗಳನ್ನು ಹೊಂದಿರುವ ಕವಚಗಳು ಅಥವಾ ಫಲಕಗಳ 100 ಪೌಂಡುಗಳ ಭಾರವನ್ನು ಹೊತ್ತಿರುತ್ತಿದ್ದರು.^[೮]

ಮಿಲಿಟರಿ ಉದ್ದೇಶಗಳಿಗೆ ಕಬ್ಬಿಣದ ಮೇಲೆ ಅಗಾಧ ಅವಲಂಬನೆ ಕಬ್ಬಿಣದ ಉತ್ಪಾದನೆ ಮತ್ತು ಹೊರತೆಗೆಯುವ ಕಾರ್ಯಾಚರಣೆಗಳು ಹೆಚ್ಚಾಗಲು ಸಹಾಯ ಮಾಡಿತು.

11ರಿಂದ 14ನೇ ಶತಮಾನಗಳಲ್ಲಿ, ಈ ಹೊಸ ಮಿಲಿಟರಿ ಅನ್ವಯಿಸುವಿಕೆಗಳು ಯೂರೋಪಿನ ತುಂಬ ಜನಸಂಖ್ಯಾ ಸ್ಫೋಟದ ಜೊತೆ ತಾಳೆಹೊಂದಿದವು, ಇದು ನಾಣ್ಯಗಳ ಅಭಾವವನ್ನು ತುಂಬಲು ಅಮೂಲ್ಯ ಲೋಹಗಳಿಗೆ ಬೇಡಿಕೆಯನ್ನು ಪುಷ್ಟೀಕರಿಸಿತು.^[೯]

ಲಭ್ಯವಿರುವ ತಾಂತ್ರಿಕತೆಯಲ್ಲಿ ಗಣಿಯನ್ನು ಪ್ರವೇಶಿಸುವ ಮಾರ್ಗಗಳು ಪಂಪ್ ಮಾಡಲು ಸಾಧ್ಯವಾಗದೆ ಎಲ್ಲಾ ಗಣಿಗಳು ತಳವನ್ನು ಮುಟ್ಟಿದಾಗ 1465ರ ಬೆಳ್ಳಿಯ ಬಿಕ್ಕಟ್ಟು ಉಂಟಾಯಿತು.^[೧೦]

ಆದಾಗ್ಯೂ ಈ ಅವಧಿಯಲ್ಲಿ ಬ್ಯಾಂಕ್ ನೋಟುಗಳ ಬಳಕೆ ಮತ್ತು ಕ್ರೆಡಿಟ್‍ನ ಬಳಕೆ ಅಮೂಲ್ಯ ಲೋಹಗಳ ಮೌಲ್ಯ ಮತ್ತು ಅವಲಂಬನೆಗಳನ್ನು ಕಡಿಮೆ ಮಾಡಿವೆ, ಮಧ್ಯಕಾಲೀನ ಗಣಿಗಾರಿಕೆಯಿಂದ ಈ ರೀತಿಯ ನಾಣ್ಯ ಪದ್ಧತಿ ಇನ್ನೂ ಚಲಾವಣೆಯಲ್ಲಿದೆ.

ಬೀಸು ಯಂತ್ರಗಳ ಪ್ರಕಾರದಲ್ಲಿ ನೀರಿನ ಶಕ್ತಿಯನ್ನು ಉಪಯೋಗಿಸುವುದು ವ್ಯಾಪಕವಾಗಿತ್ತು; ಅವುಗಳು ಅದಿರನ್ನು ಪುಡಿ ಮಾಡುವುದು, ಗಣಿಗಳಿಂದ ಅದಿರನ್ನು ಮೇಲೆತ್ತುವುದು ಮತ್ತು ಹೆಚ್ಚಿನ ಶಕ್ತಿಯ ಗಾಳಿ ಒದಗಿಸುವ ಸಾಧನದ ಮೂಲಕ ಗಾಳಿ ಬೆಳಕು ಒದಗಿಸುವುದನ್ನು ಮಾಡುತ್ತಿದ್ದವು.

1627ರಲ್ಲಿ ಕಪ್ಪು ಪೌಡರನ್ನು ಮೊದಲು ಈಗ ಸ್ಲೊವೇಕಿಯಾದ ಬನ್‍ಸ್ಕ ಸ್ಟೀವ್‍ನಿಕ ಆಗಿರುವ ಹಂಗೇರಿಯ ರಾಜ್ಯವಾಗಿದ್ದ ಸೆಲ್‍ಮೆಕ್‌ಬನ್ಯದಲ್ಲಿ ಉಪಯೋಗಿಸಿದ್ದರು.^[೧೧]

ಕಲ್ಲನ್ನು ಸಿಡಿಸಲು ಮತ್ತು ಭೂಮಿಯನ್ನು ಸಡಿಲಗೊಳಿಸಲು ಮತ್ತು ಅದಿರಿನ ಶಿರೆಗಳನ್ನು ಹೊರತೆಗೆಯಲು ಕಪ್ಪು ಪೌಡರ್ ಅವಕಾಶ ಮಾಡಿಕೊಡುತ್ತದೆ, ಇದು ಬೆಂಕಿ ಹಾಕುವುದಕ್ಕಿಂತ ಹೆಚ್ಚು ವೇಗವಾಗಿ ಮಾಡುತ್ತದೆ, ಇದರಲ್ಲಿ ಕಲ್ಲು ಶಾಖಕ್ಕೆ ತೆರೆದುಕೊಳ್ಳುತ್ತಿತ್ತು ಮತ್ತು ನಂತರ ತಣ್ಣೀರಿನಲ್ಲಿ ತೋಯಿಸಲಾಗುತ್ತಿತ್ತು.

ಮೊದಲು ತೂರಲಾಗದ ಲೋಹಗಳು ಮತ್ತು ಅದಿರುಗಳ ಗಣಿಗಾರಿಕೆಗೆ ಕಪ್ಪು ಪೌಡರ್ ಅವಕಾಶ ಕಲ್ಪಿಸುತ್ತದೆ.^[೧೨]

1762ರಲ್ಲಿ ವಿಶ್ವದ ಮೊದಲ ಗಣಿಗಾರಿಕಾ ಅಕಾಡೆಮಿ ಅದೇ ನಗರದಲ್ಲಿ ಪ್ರಾರಂಭವಾಯಿತು.

ಕಬ್ಬಿಣದ ನೇಗಿಲಿನ ಮೊಳೆಯಂತಹ ಕೃಷಿಯ ಆವಿಷ್ಕಾರಗಳ ಹೆಚ್ಚಿನ ಅಳವಡಿಕೆ, ಕಟ್ಟಡದ ಕೆಲಸಗಳಿಗೆ ಲೋಹದ ವಸ್ತುಗಳ ಬಳಕೆ, ಇವುಗಳು ಈ ಅವಧಿಯಲ್ಲಿ ಕಬ್ಬಿಣದ ಕೈಗಾರಿಕೆಗಳಲ್ಲಿ ಮಹತ್ತರ ಬೆಳವಣಿಗೆಗಳಿಗೆ ಒತ್ತು ನೀಡಿದವು. ಅರೆಸ್ಟ್ರಾ ದಂತಹ ಆವಿಷ್ಕಾರಗಳನ್ನು ಸ್ಪ್ಯಾನಿಷರು ಅದಿರನ್ನು ಹೊರತೆಗಗೆದ ನಂತರ ಪುಡಿ ಮಾಡಲು ಉಪಯೋಗಿಸುತ್ತಿದ್ದರು.

ಈ ಉಪಕರಣ ಪ್ರಾಣಿಗಳ ಬಲದಿಂದ ಮತ್ತು ಪ್ರಾಚೀನ ಮಧ್ಯ ಪೂರ್ವದ ಧಾನ್ಯ ಒಕ್ಕುವ ತಾಂತ್ರಿಕತೆಯನ್ನು ಹೋಲುವ ಯಾಂತ್ರಿಕ ತತ್ವಗಳನ್ನು ಉಪಯೋಗಿಸಿಕೊಂಡು ನಡೆಯುತ್ತಿತ್ತು.^[೧೩]

ಮಧ್ಯ ಕಾಲೀನ ಯುಗದ ಗಣಿಗಾರಿಕಾ ವಿಧಾನಗಳ ಹೆಚ್ಚಿನ ವಿವರಗಳು ಬಿರಿಂಗುಶಿಯೋರ ಪಿರೊತೆಕ್ನಿಯ ಪುಸ್ತಕ ಮತ್ತು ಮುಖ್ಯವಾಗಿ ಜಾರ್ಜ್ ಎಗ್ರಿಕೊಲರ ದೆ ರೆ ಮೆಟಲಿಕ (1556) ಪುಸ್ತಕಗಳಿಂದ ಸಿಕ್ಕಿದವು.

ಜರ್ಮನಿ ಮತ್ತು ಸಕ್ಸನ್ ಗಣಿಗಳಲ್ಲಿ ಉಪಯೋಗಿಸಿದ ಬಹಳ ವಿವಿಧ ಗಣಿಗಾರಿಕಾ ವಿಧಾನಗಳನ್ನು ಈ ಪುಸ್ತಕಗಳು ವಿವರಿಸುತ್ತವೆ.

ಗಣಿಯನ್ನು ಪ್ರವೇಶಿಸುವ ಮಾರ್ಗಗಳಿಂದ ನೀರನ್ನು ಹೊರ ತೆಗೆಯುವುದು (ಇದರ ಬಗ್ಗೆ ಎಗ್ರಿಕೊಲ ವಿಶದವಾಗಿ ಹೇಳಿದೆ) ಮಧ್ಯಕಾಲೀನ ಗಣಿಗಾರರ ಎದುರು ನಿಂತ ಪ್ರಮುಖ ವಿಷಯಗಳಲ್ಲಿ ಒಂದಾಗಿತ್ತು.

ಹೊಸ ಸ್ತರಗಳನ್ನು ಪಡೆಯಲು ಗಣಿಗಾರರು ಆಳಕ್ಕೆ ಅಗೆದಂತೆ, ಪ್ರವಾಹ ಬರುವುದು ಸಹಜವಾದ ಅಡಚಣೆಯಾಯಿತು.

ಇದರ ಪರಿಣಾಮವಾಗಿ ಗಣಿಗಾರಿಕಾ ಕೈಗಾರಿಕೆಯಲ್ಲಿ ಅನಿರೀಕ್ಷಿತವಾಗಿ ಪರಿಣಾಮಕಾರಿಯಾಗಿ ಮತ್ತು ಯಶಸ್ವಿಯಾಗಿ ಬೆಳೆಯಿತು, ವಿವಿಧ ಯಂತ್ರಗಳ ಬಳಕೆ ಮತ್ತು ಪ್ರಾಣಿಗಳು ಎಳೆಯುವ ಪಂಪುಗಳನ್ನು ಅಳವಡಿಸಲಾಯಿತು.

ಉತ್ತರ ಮತ್ತು ದಕ್ಷಿಣ ಅಮೆರಿಕ

ಉತ್ತರ ಅಮೇರಿಕಾದಲ್ಲಿ ಪ್ರಾಚೀನ, ಇತಿಹಾಸಪೂರ್ವ ತಾಮ್ರದ ಗಣಿಗಳು ಲೇಕ್ ಸುಪಿರಿಯರ‍್ನ ಉದ್ದಕ್ಕೂ ಇವೆ.^{[೧೪][೧೫]}

"ಭಾರತೀಯರು 5000 ವರ್ಷಗಳ ಹಿಂದಿನಿಂದ ಪ್ರಾರಂಭವಾದ ಈ ತಾಮ್ರದ ಪ್ರಯೋಜನ ಪಡೆದರು,"^[೧೪] ಮತ್ತು ತಾಮ್ರದ ಸಲಕರಣೆಗಳು, ಬಾಣದ ತುದಿಗಳು, ಮತ್ತು ಇತರ ಕಲಾಕೃತಿಗಳು ಪ್ರಾಂತೀಯ ವ್ಯಾಪಾರದ ವ್ಯವಸ್ಥೆಯ ಭಾಗವಾಗಿತ್ತು.

ಇದರ ಜೊತೆಗೆ, ಕಾರ್ಗಲ್ಲು, ಚಕಮಕಿ ಕಲ್ಲು, ಮತ್ತು ಇತರ ಖನಿಜಗಳನ್ನು ಹೊರತೆಗೆದು, ಹದಮಾಡಿ ಮಾರಲಾಯಿತು.^[೧೫]

ಕೆಲವು ಪ್ರದೇಶಗಳಲ್ಲಿ ಸಾಗಿಸುವ ತೊಂದರೆಯಿಂದ ಲೋಹಗಳು ಉಪಯೋಗಕ್ಕೆ ಬರದಿರುವುದನ್ನು ಮುಂಚಿನ ಫ್ರೆಂಚ್ ಪರಿಶೋಧಕರು ಎದುರಿಸಿದರು,^[೧೫] ತಾಮ್ರವು ಕೊನೆಯದಾಗಿ ಇಡೀ ಖಂಡದ ತುಂಬ ಮುಖ್ಯ ನದಿಯ ಮಾರ್ಗಗಳಲ್ಲಿ ಮಾರಾಟವಾಯಿತು.

ಮನಿತೊಬ, ಕೆನಡಗಳಲ್ಲಿ ಸಹ ವಾಡಿ ಲೇಕ್‍ನ ಹತ್ತಿರ ಮತ್ತು ಸುತ್ತಲಿನ ಪ್ರದೇಶಗಳಲ್ಲಿ ಪ್ರಾಚೀನ ಸ್ಫಟಿಕಶಿಲೆಯ ಗಣಿಗಳಿದ್ದವು.^[೧೬]

ಅಮೇರಿಕಾದ ಮುಂಚಿನ ವಸಾಹತಿನ ಇತಿಹಾಸದಲ್ಲಿ, "ಪ್ರಾಂತೀಯ ಚಿನ್ನ ಮತ್ತು ಬೆಳ್ಳಿಗಳನ್ನು ಅಪಹರಿಸಿ ಚಿನ್ನದ ಹಡಗುಗಳಲ್ಲಿ ಮತ್ತು ಭಾರವಾದ ಬೆಳ್ಳಿಯ ಗ್ಯಾಲನ್‍ಗಳಲ್ಲಿ ಸ್ಪೈನ್‍ಗೆ ಕಳುಹಿಸಲಾಯಿತು"^[೧೭] ಮುಖ್ಯವಾಗಿ ಕೇಂದ್ರ ಮತ್ತು ದಕ್ಷಿಣ ಅಮೇರಿಕಾದ ಗಣಿಗಳಿಂದ.

ಅಮೇರಿಕಾದ ಪೂರ್ವ ಕೊಲಂಬಿಯದಲ್ಲಿ ಕ್ರಿಸ್ತಶಕ 700ರಲ್ಲಿ ಪಚ್ಚೆಕಲ್ಲಿನ ಗಣಿಗಾರಿಕೆ ಮಾಡಲಾಯಿತು; ಹೊಸ ಮೆಕ್ಸಿಕೋದ ಸೆರಿಲೋಸ್ ಗಣಿಗಾರಿಕೆ ಜಿಲ್ಲೆಯಲ್ಲಿ 1700ಕ್ಕಿಂತ ಮೊದಲು ಕಲ್ಲಿನ ಸಲಕರಣೆಗಳನ್ನು ಉಪಯೋಗಿಸಿ ಸುಮಾರು 15000 ಟನ್ ಕಲ್ಲನ್ನು ಚಲ್ಚಿಹ್ಯುತ್ಲ್ ಪರ್ವತದಿಂದ ಹೊರತೆಗೆಯಲಾಗಿತ್ತು ಎಂದು ಅಂದಾಜಿಸಲಾಗಿದೆ.^{[೧೮][೧೯]}

19ನೇ ಶತಮಾನದಲ್ಲಿ ಸಂಯುಕ್ತ ಸಂಸ್ಥಾನಗಳಲ್ಲಿ ಗಣಿಗಾರಿಕೆ ಸಾಮಾನ್ಯವಾಯಿತು, ಸಂಯುಕ್ತ ರಾಷ್ಟ್ರದ ಭೂಮಿಗಳಲ್ಲಿ ಗಣಿಗಾರಿಕೆಯನ್ನು ಉತ್ತೇಜಿಸಲು 1872ರ ಜನರಲ್ ಮೈನಿಂಗ್ ಏಕ್ಟ್ ನ್ನು ಅಂಗೀಕರಿಸಲಾಯಿತು.^[೨೦] 1800 ರ ದಶಕದ ಮಧ್ಯದಲ್ಲಿ ಕ್ಯಾಲಿಫೋರ್ನಿಯಾ ಗೋಲ್ಡ್ ರಷ್‌ನ ಜೊತೆ ಖನಿಜಗಳಿಗಾಗಿ ಮತ್ತು ಅಮೂಲ್ಯವಾದ ಲೋಹಗಳಿಗಾಗಿ ಯಾವುದೇ ಕೃಷಿ ಕ್ಷೇತ್ರದ ಜೊತೆಗೆ ಗಣಿಗಾರಿಕೆಗಳು ಪಶ್ಚಿಮ ಕಡೆಗಿನ ವಿಸ್ತರಣೆಯಲ್ಲಿ ಪೆಸಿಫಿಕ್ ಕರಾವಳಿ ತೀರದ ಕಡೆಗೆ ನಡೆಸುವ ಒಂದು ಸಂಗತಿಯಾಗಿತ್ತು. ಪಶ್ಚಿಮದ ಪರಿಶೋಧನೆಯ ಜೊತೆ, ಗಣಿಗಾರಿಕಾ ಶಿಬಿರಗಳು ಸ್ಥಾಪಿಸಲ್ಪಟ್ಟವು ಮತ್ತು "ಒಂದು ವಿಭಿನ್ನವಾದ ಚೇತನವನ್ನು, ಹೊಸ ದೇಶಕ್ಕೆ ಒಂದು ಅನುಭವದ ಸ್ವತ್ತನ್ನು ಯಥಾವತ್ತಾಗಿ ವಿವರಿಸುತ್ತದೆ;" ಗೋಲ್ಡ್ ರಷ್‌ಗಳು ಅವರನ್ನು ಹಿಂದೆ ಹಾಕುವ ಅಶಾಶ್ವತ ಪಶ್ಚಿಮದ ಲ್ಯಾಂಡ್ ರಷರ್ಸ್‌ಗಳ ಇದೇ ರೀತಿಯಾದ ಸಮಸ್ಯೆಗಳನ್ನು ಅನುಭವಿಸುತ್ತವೆ.^[೨೧] ರೈಲ್ವೇ ರಸ್ತೆಗಳಿಂದ ಸಂಯೋಜಿಸಲ್ಪಟ್ಟ ಕಾರಣದಿಂದ ಹಲವಾರು ಜನರು ಗಣಿಗಾರಿಕೆಯಲ್ಲಿನ ಕೆಲಸದ ಅವಕಾಶಗಳಿಗಾಗಿ ಪಶ್ಚಿಮದ ಕಡೆಗೆ ಪ್ರಯಾಣ ಮಾಡಿದರು. ಡೆನ್ವರ್ ಮತ್ತು ಸೆಕ್ರಮೆಂತೊನಂತಹ ಪಶ್ಚಿಮ ಭಾಗದ ನಗರಗಳು ಗಣಿಗಾರಿಕಾ ಪಟ್ಟಣಗಳಾಗಿ ಜನ್ಮತಾಳಿದವು.

ಗಣಿ ಅಭಿವೃದ್ಧಿಯ ಹಂತಗಳು

ಅದಿರಿನ ಗಣಿಯನ್ನು ಅನ್ವೇಷಿಸಿ ಖನಿಜಗಳ ಹೊರತೆಗೆಯುವಿಕೆಯಿಂದ ಹಿಡಿದು ಕೊನೆಯದಾಗಿ ಭೂಮಿಯನ್ನು ಮೊದಲಿನ ಸ್ಥಿತಿಗೆ ತರುವವರೆಗೆ ಗಣಿಗಾರಿಕಾ ಕಾರ್ಯಾಚರಣೆ ಹಲವಾರು ಹಂತಗಳನ್ನು ಒಳಗೊಂಡಿದೆ.

ಮೊದಲು ಅದಿರಿನ ಗಣಿಯನ್ನು ಅನ್ವೇಷಿಸುವುದು, ಇದು ಅನ್ವೇಷಿಸಲು ಹುಡುಕುವುದು ಅಥವಾ ಪರಿಶೋಧನೆಯ ಮೂಲಕ ನಡೆಯುವುದು, ನಂತರ ವಿಸ್ತಾರ, ಪ್ರದೇಶ ಮತ್ತು ಅದಿರಿನ ಗಣಿಯ ಮೌಲ್ಯಗಳನ್ನು ನಿರ್ಧರಿಸುವುದು.

ಇದರಿಂದ ನಿಕ್ಷೇಪದ ಮಟ್ಟ ಮತ್ತು ಪ್ರಮಾಣವನ್ನು ಅಂದಾಜಿಸಲು ಗಣಿತೀಯ ಮೂಲಸಂಪತ್ತಿನ ಅಂದಾಜು ಸಾಧ್ಯವಾಗುತ್ತದೆ.

ಅದಿರಿನ ನಿಕ್ಷೇಪದ ಸೈದ್ಧಾಂತಿಕ ಆರ್ಥಿಕತೆಯನ್ನು ನಿರ್ಧರಿಸಲು ಪೂರ್ವ-ಕಾರ್ಯಸಾಧ್ಯತಾ ಅಧ್ಯಯನವನ್ನು ನಡೆಸಲು ಈ ಅಂದಾಜು ಉಪಯೋಗವಾಗುತ್ತದೆ.

ಪ್ರಾರಂಭದ ಹಂತದಲ್ಲಿ, ಅಂದಾಜಿಸಿದ್ದರಲ್ಲಿ ಬಂಡವಾಳ ಹೂಡಿಕೆ ಮತ್ತು ಇಂಜನೀಯರಿಂಗ್ ಅಧ್ಯಯನ ಸಮರ್ಥವಾಗಿದೆಯೇ ಎಂದು ಇದು ಗುರುತಿಸುತ್ತದೆ ಮತ್ತು ಮುಂದಿನ ಕೆಲಸಗಳಿಗೆ ಜಾಗಗಳನ್ನು ಮತ್ತು ಹಾನಿ ಸಂಬವನೀಯತೆಗಳನ್ನು ಗುರುತಿಸುತ್ತದೆ.

ಆರ್ಥಿಕ ಸ್ಥಿತಿ, ತಾಂತ್ರಿಕ ಮತ್ತು ಆರ್ಥಿಕ ತೊಂದರೆಗಳು ಮತ್ತು ಪ್ರಾಜೆಕ್ಟಿನ ಪ್ರಾಬಲ್ಯಗಳನ್ನು ಪರೀಕ್ಷಿಸಲು ಕಾರ್ಯಸಾಧ್ಯತಾ ಅಧ್ಯಯನವನ್ನು ನಡೆಸುವುದು ಮುಂದಿನ ಹಂತವಾಗಿದೆ.

ಆಗ ಗಣಿಗಾರಿಕಾ ಕಂಪೆನಿ ಗಣಿಗಾರಿಕೆಯನ್ನು ಪ್ರಾರಂಭಿಸಬೇಕೋ ಅಥವಾ ಪ್ರಾಜೆಕ್ಟಿನಿಂದ ದೂರ ಸರಿಯಬೇಕೋ ಎಂಬುದನ್ನು ನಿರ್ಧರಿಸುತ್ತದೆ.

ಇದು ಆರ್ಥಿಕವಾಗಿ ಮರಳಿಪಡೆಯಬಹುದಾದ ನಿಕ್ಷೇಪದ ಭಾಗವನ್ನು ಪರೀಕ್ಷಿಸಲು ಯೋಜಿಸುವುದು, ಲೋಹ ರಚನೆಯ ಅಧ್ಯಯನ ಮತ್ತು ಅದಿರನ್ನು ಪುನಃ ಪಡೆಯಲು ಸಾಧ್ಯವಿರುವಿಕೆ, ಮಾರುಕಟ್ಟೆಯ ಸಾಧ್ಯತೆಗಳು ಮತ್ತು ಅದಿರು ಸಾಂದ್ರಣದ ವೇತನದ ಸಾಧ್ಯತೆ, ಇಂಜನೀಯರಿಂಗ್ ಸಂಬಂಧಪಟ್ಟ ವಿಷಯಗಳು, ಹಿಟ್ಟುಮಾಡುವ ಮತ್ತು ಅಧಾರ ರಚನೆಯ ವೆಚ್ಚಗಳು, ಹಣಕಾಸು ಮತ್ತು ಷೇರುಗಳ ಅವಶ್ಯಕತೆಗಳು ಮತ್ತು ತೋಡುಗೆಲಸದ ಪ್ರಾರಂಭದಿಂದ ಉದ್ಧರಣದವರೆಗೆ ಸೂಚಿಸಿದ ಗಣಿಯ ವಿಶ್ಲೇಷಣೆಗಳನ್ನು ಒಳಗೊಂಡಿದೆ.

ಅದಿರಿನ ನಿಕ್ಷೇಪ ಹೊರತೆಗೆಯಲು ಯೋಗ್ಯವಾಗಿದೆ ಎಂದು ವಿಶ್ಲೇಷಣೆ ನಿರ್ಧರಿಸಿದ ನಂತರ, ಅದಿರಿನ ನಿಕ್ಷೇಪವನ್ನು ಪಡೆಯುವ ಅಭಿವೃದ್ಧಿ ಕಾರ್ಯ ಪ್ರಾರಂಭವಾಗುತ್ತದೆ.

ಗಣಿ ಕಟ್ಟಡಗಳು ಮತ್ತು ಕಾರ್ಯಾಚರಣೆಯ ಯಂತ್ರಗಳನ್ನು ನಿರ್ಮಿಸಲಾಗುವುದು ಮತ್ತು ಇತರ ಅವಶ್ಯಕ ಸಲಕರಣೆಗಳನ್ನು ಪಡೆಯಲಾಗುತ್ತದೆ.

ಅದಿರನ್ನು ಪಡೆಯಲು ಗಣಿಗಾರಿಕಾ ಕಾರ್ಯಾಚರಣೆ ಪ್ರಾರಂಭವಾಗುತ್ತದೆ ಮತ್ತು ಎಲ್ಲಿಯವರೆಗೆ ಕಂಪನಿ ಗಣಿಯ ಕಾರ್ಯಾಚರಣೆಯನ್ನು ಆರ್ಥಿಕವಾಗಿ ಮಾಡಬಹುದು ಎಂದು ಯೋಚಿಸುತ್ತದೆಯೋ ಅಲ್ಲಿಯವರೆಗೆ ಮುಂದುವರೆಯುತ್ತದೆ

ಒಂದುಸಲ ಗಣಿಯಿಂದ ಉತ್ಪಾದನೆಯಾದ ಎಲ್ಲ ಅದಿರನ್ನು ಲಾಭಕರವಾಗಿ ಪಡೆದ ಮೇಲೆ, ಮುಂದಿನ ಬಳಕೆಗೆ ಅನುವಾಗುವಂತೆ ಗಣಿಗಾರಿಕೆಗೆ ಉಪಯೋಗಿಸಿದ ಭೂಮಿಯ ಉದ್ಧರಣ ಕಾರ್ಯ ಪ್ರಾರಂಭವಾಗುತ್ತದೆ.

ಗಣಿಗಾರಿಕೆ ಕಾರ್ಯವಿಧಾನಗಳು

ಗಣಿಗಾರಿಕೆಯ ಕಾರ್ಯವಿಧಾನಗಳನ್ನು ಎರಡು ಉತ್ಖನನ ಗುಂಪುಗಳಾಗಿ ವಿಭಾಗಿಸಲಾಗಿದೆ: ಮೇಲ್ಮೈ ಗಣಿಗಾರಿಕೆ ಮತ್ತು ಉಪಮೆಲ್ಮೈ (ನೆಲದಡಿಯ) ಗಣಿಗಾರಿಕೆ.

ಮೇಲ್ಮೈ ಗಣಿಗಾರಿಕೆ ಹೆಚ್ಚು ಸಾಮಾನ್ಯವಾಗಿದೆ, ಉದಾಹರಣೆಗೆ ಸಂಯುಕ್ತ ಸಂಸ್ಥಾನಗಳಲ್ಲಿ 98% ಲೋಹಿಯ ಅದಿರುಗಳನ್ನು ಒಳಗೊಂಡಂತೆ ಖನಿಜಗಳ 85% ನ್ನು (ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲವನ್ನು ಬಿಟ್ಟು) ಉತ್ಪಾದಿಸುತ್ತದೆ.

ಪ್ರಮಾಣವನ್ನು ಮೂಲ ವಸ್ತುಗಳ ಎರಡು ಸಾಮಾನ್ಯ ಗುಂಪುಗಳಾಗಿ ವಿಭಾಗಿಸಲಾಗಿದೆ: ಪ್ಲೇಸರ್ ನಿಕ್ಷೇಪಗಳು ಇದು ನದಿಯ ಜಲ್ಲಿ ಕಲ್ಲುಗಳಲ್ಲಿ, ಸಮುದ್ರ ತೀರದ ಮರಳುಗಳಲ್ಲಿ ಅಡಕವಾಗಿರುವ ಅಮೂಲ್ಯವಾದ ಖನಿಜಗಳು, ಮತ್ತು ಇತರ ಅಸಂಯೋಜಿತ ವಸ್ತುಗಳನ್ನು ಒಳಗೊಂಡಿದೆ; ಮತ್ತು ಭಾರದ ನಿಕ್ಷೇಪಗಳು , ಅಲ್ಲಿ ಪದರುಗಳಲ್ಲಿ ಅತ್ಯಮೂಲ್ಯವಾದ ಖನಿಜಗಳು ಕಂಡುಬಂದವು, ಪದರಗಳಲ್ಲಿ, ಅಥವಾ ಖನಿಜಗಳ ದೊರಕುವಿಕೆಯು ಸಾಮಾನ್ಯವಾಗಿ ಸ್ವಾಭಾವಿಕ ಕಲ್ಲುಗಳ ಸಮೂಹಗಳ ಮೂಲಕ ಪೂರ್ತಿ ಜಾಗದಲ್ಲಿ ವಿಂಗಡಿಸಲ್ಪಟ್ಟಿರುತ್ತವೆ.

ಪ್ಲೇಸರ್ ಅಥವಾ ಲೋಹ ರೇಖೆ, ಎರಡೂ ರೀತಿಯ ಅದಿರಿನ ನಿಕ್ಷೇಪಗಳನ್ನು ಮೇಲ್ಮೈ ಮತ್ತು ನೆಲದಡಿಯ ಗಣಿಗಾರಿಕೆ ಎರಡೂ ವಿಧಾನಗಳಿಂದ ಹೊರ ತೆಗೆಯುತ್ತಾರೆ.

ಪ್ಲೇಸರ್ ಅದಿರಿನ ವಸ್ತುಗಳ ಕಾರ್ಯಾಚರಣೆ ಸ್ಲುಯಿಸ್ ಬಾಕ್ಸಸ್‍ನಂತಹ ಗುರುತ್ವ ಆಧಾರದ ಬೇರ್ಪಡಿಸುವ ವಿಧಾನಗಳನ್ನು ಒಳಗೊಂಡಿದೆ.

ಕಾರ್ಯಾಚರಣೆಯ ಮೊದಲು ಮರಳು ಅಥವಾ ಜಲ್ಲಿ ಕಲ್ಲುಗಳನ್ನು ಬೇರ್ಪಡಿಸಲು ಜರಡಿ ಹಿಡಿಯುವ ಅಥವಾ ತೊಳೆಯುವ ಅವಶ್ಯಕತೆ ಬರಬಹುದು.

ಮೇಲ್ಮೈ ಅಥವಾ ಉಪಮೇಲ್ಮೈ ಗಣಿಗಾರಿಕೆ ಯಾವುದಿದ್ದರೂ, ಲೋಹ ರೇಖೆ ಗಣಿಯ ಅದಿರಿನ ಕಾರ್ಯಾಚರಣೆಗೆ, ಬೆಲೆಬಾಳುವ ಖನಿಜಗಳನ್ನು ಹೊರತೆಗೆಯಲು ಪ್ರಾರಂಭಿಸುವ ಮೊದಲು ಕಲ್ಲು ಅದಿರನ್ನು ಒಡೆಯುವುದು ಮತ್ತು ಪುಡಿ ಮಾಡುವ ಅವಶ್ಯಕತೆ ಇದೆ.

ಲೋಹ ರೇಖೆ ಅದಿರನ್ನು ಒಡೆದ ನಂತರ, ಬೆಲೆಬಾಳುವ ಖನಿಜಗಳನ್ನು ಒಂದು ಅಥವಾ ಕೆಲವು ಯಾಂತ್ರಿಕ ಮತ್ತು ರಾಸಾಯನಿಕ ವಿಧಾನಗಳ ಸಂಯೋಗದಲ್ಲಿ ಪಡೆಯಲಾಗುತ್ತದೆ.

ಕೆಲವು ಗಣಿಗಾರಿಕೆ, ಯುರೇನಿಯಂ ಗಣಿಗಾರಿಕೆ ಮತ್ತು ಇತ್ತೀಚಿನ ದಿನಗಳಲ್ಲಿ ಮಾಡುತ್ತಿರುವ ಭೂಮಿಯ ಅಪರೂಪದ ವಸ್ತುಗಳ ಗಣಿಗಾರಿಕೆಗಳಂತಹ ಕೆಲವು ಗಣಿಗಾರಿಕೆಗಳನ್ನು ಇನ್-ಸಿತು ಲೀಚ್ ನಂತಹ ವಿಶೇಷ ವಿಧಾನಗಳ ಮೂಲಕ ಮಾಡಲಾಗುತ್ತದೆ: ಈ ವಿಧಾನದಲ್ಲಿ ಮೇಲ್ಮೈ ಮತ್ತು ನೆಲದಡಿಯಲ್ಲಿ ಎಲ್ಲೂ ಅಗೆಯುವುದಿಲ್ಲ.

ಈ ವಿಧಾನದಲ್ಲಿ ಸಿಗುವ ಖನಿಜಗಳನ್ನು ಹೊರತೆಗೆಯಲು ಲೀನವಾಗಬಲ್ಲ ಪೊಟ್ಯಾಶ್, ಪೊಟ್ಯಾಶಿಯಮ್ ಕ್ಲೋರೈಡ್, ಸೋಡಿಯಮ್ ಕ್ಲೋರೈಡ್, ಸೋಡಿಯಮ್ ಸಲ್ಫೇಟ್ ಮತ್ತು ಯುರೇನಿಯಮ್ ಆಕ್ಸೈಡ್‍ಗಳ ಅವಶ್ಯಕತೆ ಇದೆ, ಇವು ನೀರಿನಲ್ಲಿ ಕರಗುತ್ತವೆ.^{[೨೨][೨೩]}

ಹುದುಗಿದ್ದ ಅದಿರಿನ ನಿಕ್ಷೇಪವನ್ನು ತಲುಪಲು ಮೇಲ್ಮೈನ ಗಿಡ ಮರ ಸಸ್ಯಗಳು, ಕೊಳೆಯನ್ನು, ಅವಶ್ಯಕತೆಯಿದ್ದರೆ ತಳಪಾಯದ ಸ್ತರಗಳನ್ನು ತೆಗೆದು (ಹೊದಿಕೆಯನ್ನು ತೆಗೆದು) ಮೇಲ್ಮೈ ಗಣಿಗಾರಿಕೆಯನ್ನು ಮಾಡುತ್ತಾರೆ.

ಮೇಲ್ಮೈ ಗಣಿಗಾರಿಕೆಯ ಕಾರ್ಯಾಚರಣೆ ಇವುಗಳನ್ನು ಒಳಗೊಂಡಿದೆ; ಓಪನ್ ಪಿಟ್ ಗಣಿಗಾರಿಕೆ, ಇದರಲ್ಲಿ ನೆಲದಲ್ಲಿನ ತೆರೆದ ಹೊಂಡದ ಮೂಲಕ ವಸ್ತುಗಳನ್ನು ಪಡೆಯುವುದು, ನಿರ್ಮಾಣದ ಸಾಮಗ್ರಿಗಳನ್ನು ಓಪನ್ ಪಿಟ್ ಗಣಿಯಿಂದ ಒಟ್ಟುಗೂಡಿಸುವುದು ಅಥವಾ ಕಲ್ಲುತೆಗೆಯುವಿಕೆ, ಸ್ಟ್ರಿಪ್ ಗಣಿಗಾರಿಕೆ, ಇದರಲ್ಲಿ ಅಡಿಯಲ್ಲಿರುವ ಅದಿರನ್ನು ತೆಗೆಯಲು ಮೇಲ್ಮೈ ಪದರುಗಳನ್ನು ತೆಗೆಯಲಾಗುವುದು, ಮತ್ತು ಕಲ್ಲಿದ್ದಲು ಗಣಿಗಾರಿಕೆಯಲ್ಲಿ ಸಾಮಾನ್ಯವಾಗಿ ಉಪಯೋಗಿಸುವ ಮೌಂಟೇನ್‍ಟಾಪ್ ರಿಮೂವಲ್, ಇದರಲ್ಲಿ ಆಳದಲ್ಲಿರುವ ಅದಿರಿನ ನಿಕ್ಷೇಪವನ್ನು ತಲುಪಲು ಪರ್ವತದ ತುದಿಯನ್ನು ತೆಗೆದುಕೊಂಡು ಪ್ರಾರಂಭಿಸುವುದು.

ಆಳದಲ್ಲಿ ಹುದುಗಿರದ ಕಾರಣದಿಂದ, ಹೆಚ್ಚಿನ (ಆದರೆ ಎಲ್ಲವೂ ಅಲ್ಲ) ಪ್ಲೇಸರ್ ನಿಕ್ಷೇಪಗಳನ್ನು ಮೇಲ್ಮೈ ವಿಧಾನಗಳ ಮೂಲಕ ಗಣಿಗಾರಿಕೆ ಮಾಡಲಾಗುವುದು.

ಕೊನೆಯದಾಗಿ ಲ್ಯಾಂಡ್‍ಫಿಲ್ ಗಣಿಗಾರಿಕೆ, ಇದರಲ್ಲಿ ಗಣಿಗಾರಿಕೆ ಮಾಡುವ ಸ್ಥಳದಲ್ಲಿ ಲ್ಯಾಂಡ್‍ಫಿಲ್‍ಗಳನ್ನು ತೆಗೆದುಹಾಕಿ ಕಾರ್ಯಾಚರಣೆ ಮಾಡಲಾಗುವುದು.^[೨೪]

Open-pit mine near Garzweiler, ಜರ್ಮನಿ

ಉಪ-ಮೇಲ್ಮೈ ಗಣಿಗಾರಿಕೆಯಲ್ಲಿ, ಹುದುಗಿರುವ ಅದಿರಿನ ನಿಕ್ಷೇಪಗಳನ್ನು ತೆಗೆಯಲು ಸುರಂಗಗಳನ್ನು ಅಥವಾ ತೋಡುದಾರಿಗಳನ್ನು ಭೂಮಿಯಲ್ಲಿ ಮಾಡಲಾಗುವುದು. ಸುರಂಗಗಳು ಮತ್ತು ತೋಡುದಾರಿಗಳ ಮೂಲಕ ಅದಿರನ್ನು ಕಾರ್ಯಾಚರಣೆಗೆ, ನಿರುಪಯುಕ್ತ ಕಲ್ಲನ್ನು ಎಸೆಯಲು ಮೇಲೆ ತರಲಾಗುವುದು.

ಖನಿಜದ ಗಣಿಯನ್ನು ತಲುಪಲು ಉಪಯೋಗಿಸಲಾದ ವಿಧಾನ ಅಥವಾ ಹೊರತೆಗೆದ ವಿಧಾನ, ಯಾವ ರೀತಿಯ ತೋಡುದಾರಿಗಳನ್ನು ಉಪಯೋಗಿಸಲಾಗಿದೆ ಎನ್ನುವುದರ ಆಧಾರದ ಮೇಲೆ ಉಪ-ಮೇಲ್ಮೈ ಗಣಿಗಾರಿಕೆಯನ್ನು ವಿಭಾಗಿಸಲಾಗಿದೆ.

ಡ್ರಿಫ್ಟ್ ಗಣಿಗಾರಿಕೆ ಸಮತಲವಾದ ಪ್ರವೇಶದ ಸುರಂಗಗಳನ್ನು ಉಪಯೋಗಿಸುತ್ತವೆ, ಸ್ಲೋಪ್ ಗಣಿಗಾರಿಕೆ ಕರ್ಣೀಯವಾದ (ಓರೆಯಾದ) ಇಳಿಜಾರು ಪ್ರವೇಶ ಮಾರ್ಗಗಳನ್ನು ಉಪಯೋಗಿಸುತ್ತವೆ, ಮತ್ತು ಶಾಫ್ಟ್ ಗಣಿಗಾರಿಕೆ ಲಂಬವಾದ ಪ್ರವೇಶ ಮಾರ್ಗಗಳನ್ನು ಹೊಂದಿರುತ್ತದೆ.

ಇತರ ವಿಧಾನಗಳು ಶ್ರಿಂಕೆಜ್ ಸ್ಟೋಪ್ ಗಣಿಗಾರಿಕೆಯಲ್ಲಿ ಇಳಿಜಾರಾದ ನೆಲಮಾಳಿಗೆಯನ್ನು ನಿರ್ಮಿಸಿ ಮೇಲೆ ಗಣಿಗಾರಿಕೆಯನ್ನು ಮಾಡಲಾಗುವುದು, ಲಾಂಗ್ ವಾಲ್ ಗಣಿಗಾರಿಕೆಯಲ್ಲಿ ನೆಲದಡಿಯ ಮೇಲ್ಮೈನ ವಿಸ್ತಾರವಾದ ಅದಿರನ್ನು ಪುಡಿ ಮಾಡಲಾಗುವುದು ಮತ್ತು ರೂಂ ಮತ್ತು ಪಿಲ್ಲರ್ ಇದರಲ್ಲಿ ರೂಮಿನ ಛಾವಣಿಗೆ ಆಸರೆ ನೀಡುವ ಜಾಗದಲ್ಲಿ ಕಂಬಗಳನ್ನು ಬಿಡುವಾಗ ರೂಮ್‍ಗಳಿಂದ ಅದಿರನ್ನು ಹೊರತೆಗೆಯಲಾಗುವುದು.

ರೂಂ ಮತ್ತು ಪಿಲ್ಲರ್ ಗಣಿಗಾರಿಕೆ ಕೆಲವೊಮ್ಮೆ ರಿಟ್ರೀಟ್ ಗಣಿಗಾರಿಕೆಗೆ ಆಸ್ಪದ ನೀಡುತ್ತದೆ, ಇದು ರೂಮುಗಳಿಗೆ ಆಧಾರವಾಗಿರುವ ಕಂಬಗಳನ್ನು ತೆಗೆದುಹಾಕಿ ಹೆಚ್ಚು ಅದಿರನ್ನು ಸಡಿಲಗೊಳಿಸಿ ಗುಹೆಯೊಳಗಿನ ರೂಮ್‌ಗಳನ್ನು ಅನುಮತಿಸುತ್ತ, ಹೆಚ್ಚು ಅದಿರುಗಳನ್ನು ಬಿಡುಗಡೆ ಮಾಡುತ್ತವೆ.

ಉಪ-ಮೇಲ್ಮೈ ಗಣಿಗಾರಿಕೆಯ ಇತರ ವಿಧಾನಗಳೆಂದರೆ, ಹಾರ್ಡ್ ರಾಕ್ ಗಣಿಗಾರಿಕೆ ಇದು ಗಟ್ಟಿಯಾಗಿರುವ ವಸ್ತುಗಳ ಗಣಿಗಾರಿಕೆ ಮಾಡುತ್ತದೆ, ಬೋರ್ ಹೋಲ್ ಗಣಿಗಾರಿಕೆ, ಡ್ರಿಫ್ಟ್ ಎಂಡ್ ಫಿಲ್ ಗಣಿಗಾರಿಕೆ, ಲಾಂಗ್ ಹೋಲ್ ಸ್ಲೋಪ್ ಗಣಿಗಾರಿಕೆ, ಸಬ್ ಲೆವೆಲ್ ಕೇವಿಂಗ್ ಮತ್ತು ಬ್ಲಾಕ್ ಕೇವಿಂಗ್.

ಯಂತ್ರೋಪಕರಣಗಳು

ಪರಿಶೋಧನೆ ಮತ್ತು ಅಭಿವೃದ್ಧಿ, ನಿರುಪಯುಕ್ತವನ್ನು ತೆಗೆದುಹಾಕಲು, ವಿವಿಧ ಕಠಿಣ ಮತ್ತು ಬಲವಾದ ಬಂಡೆಗಳನ್ನು ಒಡೆಯಲು ಮತ್ತು ತೆಗೆದುಹಾಕಲು, ಅದಿರಿನ ಕಾರ್ಯಾಚರಣೆ ಮತ್ತು ಗಣಿಗಾರಿಕೆ ಮುಗಿದ ನಂತರ ಭೂಮಿಯನ್ನು ಮೊದಲಿನ ಸ್ಥಿತಿಗೆ ತರಲು ಗಣಿಗಾರಿಕೆಯಲ್ಲಿ ಭಾರಿ ಯಂತ್ರೋಪಕರಣಗಳು ಬೇಕಾಗುತ್ತವೆ.

ಭೂಮಿಯನ್ನು ಅಗೆಯಲು ಬುಲ್ಡೊಜರ‍್ಗಳು, ಡ್ರಿಲ್‍ಗಳು, ಸ್ಫೋಟಕಗಳು ಮತ್ತು ಟ್ರಕ್‍ಗಳ ಅವಶ್ಯಕತೆ ಇದೆ. ಪ್ಲೇಸರ್ ಗಣಿಗಾರಿಕೆಯ ದೃಷ್ಟಾಂತದಲ್ಲಿ, ಅಸಂಯೋಜಿತ ಜಲ್ಲಿ ಗರಸು ಅಥವಾ ನೆರೆಮಣ್ಣು, ಇವುಗಳು ಒಂದು ಹಾಪರ್ ಮತ್ತು ಒಂದು ಅಲುಗಾಡುವ ಪರದೆ ಅಥವಾ ಟ್ರೊಮ್ಮೆಲ್ ಅನ್ನು ಒಳಗೊಂಡಿರುವ ಯಂತ್ರೋಪಕರಣಗಳಿಗೆ ಒದಗಿಸುತ್ತವೆ, ಅವು ಅನುಪಯುಕ್ತ ಜಲ್ಲಿ ಗರಸುಗಳಿಂದ ಬೇಕಾದ ಖನಿಜಗಳನ್ನು ಬಿಡುಗಡೆ ಮಾಡುತ್ತದೆ.

ನೀರಿನ ಕಾಲುವೆಗಳು ಅಥವಾ ಜಿಗ್‍ಗಳನ್ನು ಉಪಯೋಗಿಸಿ ಖನಿಜಗಳನ್ನು ಕೇಂದ್ರೀಕರಿಸಲಾಗುವುದು.

ವಿಶ್ಲೇಷಣೆಗೆ ಮಾದರಿಯನ್ನು ಪಡೆಯಲು, ಸ್ಟೋಪ್‍ಗಳನ್ನು ತೆಗೆಯಲು, ಕೊಳವೆಗಳನ್ನು ಇಳಿಸಲು ದೊಡ್ಡ ಡ್ರಿಲ್‍ಗಳನ್ನು ಉಪಯೋಗಿಸುತ್ತಾರೆ. ಗಣಿಗಾರರ, ಖನಿಜಗಳ ಮತ್ತು ನಿರುಪಯುಕ್ತಗಳ ಸಾರಿಗೆಗೆ ಟ್ರಾಮುಗಳನ್ನು ಉಪಯೋಗಿಸುತ್ತಾರೆ.

ಗಣಿಗಾರರು ಗಣಿಯ ಒಳಗೆ ಹೋಗಲು ಮತ್ತು ಹೊರ ಬರಲು, ಬಂಡೆಗಳನ್ನು ಸಾಗಿಸಲು ಮತ್ತು ಅದಿರನ್ನು ಹೊರತೆಗೆಯಲು, ಯಂತ್ರಗಳನ್ನು ನೆಲದಡಿಯ ಗಣಿಗಳಿಗೆ ಸಾಗಿಸಲು ಮತ್ತು ಹೊರತರುವ ಕೆಲಸವನ್ನು ಲಿಫ್ಟ್ ಗಳು ಮಾಡುತ್ತವೆ.

ಮೇಲ್ಮೈ ಗಣಿಗಾರಿಕೆಯಲ್ಲಿ ದೊಡ್ಡ ಟ್ರಕ್‍ಗಳು, ಶೊವೆಲ್‍ಗಳು ಮತ್ತು ಕ್ರೇನ್‍ಗಳು ದೊಡ್ಡ ಪ್ರಮಾಣದ ನಿರುಪಯುಕ್ತಗಳು ಮತ್ತು ಅದಿರನ್ನು ಚಲಿಸುವ ಕೆಲಸ ಮಾಡುತ್ತವೆ.

ಕಾರ್ಯಾಚರನೆಯಾಗುತ್ತಿರುವ ಪ್ರದೇಶಗಳು ಖನಿಜಗಳು ಹೆಚ್ಚಾಗಿ ಹೊಂದಿರುವ ವಸ್ತುವನ್ನು ಒಂದುಗೂಡಿಸಲು ಮತ್ತು ಅದಿರಿನಿಂದ ಬೇಕಾದ ಸಂಯೋಗಗಳು ಮತ್ತು ಲೋಹಗಳನ್ನು ಪಡೆಯಲು ದೊಡ್ಡ ಕ್ರಶರ‍್ಗಳು, ಮಿಲ್‍ಗಳು, ರಿಯೆಕ್ಟರ‍್ಗಳು, ರೋಸ್ಟರ‍್ಗಳು ಮತ್ತು ಇತರ ಉಪಕರಣಗಳನ್ನು ಬಳಸುತ್ತವೆ

ಸಾರದಂಥ ಲೋಹಶಾಸ್ತ್ರ

extractive ಲೋಹಶಾಸ್ತ್ರದ ವಿಜ್ಞಾನ ಲೋಹಶಾಸ್ತ್ರದ ವಿಜ್ಞಾನದಲ್ಲಿ ಒಂದು ಮುಖ್ಯವಾದ ವಿಷಯ, ಇದು ವಿಶೇಷವಾಗಿ ರಾಸಾಯನಿಕ ಮತ್ತು ಯಾಂತ್ರಿಕ ರೂಪದಲ್ಲಿ ಅದಿರುಗಳಿಂದ ಬೆಲೆಬಾಳುವ ಲೋಹಗಳನ್ನು ಪಡೆಯುವುದನ್ನು ಅಭ್ಯಸಿಸುತ್ತದೆ.

ಖನಿಜ ಕಾರ್ಯಾಚರಣೆ (ಅಥವಾ ಮಿನರಲ್ ಡ್ರೆಸ್ಸಿಂಗ್) ಇದು ಲೋಹಶಾಸ್ತ್ರದ ವಿಜ್ಞಾನದಲ್ಲಿ ಒಂದು ವಿಶೇಷವಾದ ವಿಷಯ, ಇದು ಬೆಲೆಬಾಳುವ ಲೋಹಗಳು ಅಥವಾ ಖನಿಜಗಳನ್ನು ಅವುಗಳ ಅದುರು ಕಸ (ನಿರುಪಯುಕ್ತ ವಸ್ತು) ನಿಂದ ಬೇರ್ಪಡಿಸಲು (ಉದ್ಧರಣ ಲೋಹಶಾಸ್ತ್ರ) ಸಾಧ್ಯ ಮಾಡುವ ಯಾಂತ್ರಿಕ ರೂಪದ ಒಡೆಯುವುದು, ಪುಡಿ ಮಾಡುವುದು, ಮತ್ತು ತೊಳೆಯುವುದರ ಅಧ್ಯಯನ ನಡೆಸುತ್ತದೆ.

ಹೆಚ್ಚು ಲೋಹಗಳು ಅದಿರಿನಲ್ಲಿ ಆಕ್ಸೈಡ್‍ಗಳು ಅಥವಾ ಸಲ್ಫೈಡ್‍ಗಳ ರೂಪದಲ್ಲಿರುತ್ತವೆ, ಲೋಹದ ಲೋಹೀಯ ಗುಣವನ್ನು ಕಡಿಮೆ ಮಾಡುವ ಅವಶ್ಯಕತೆ ಇದೆ.

ಅದಿರನ್ನು ಕರಗಿಸುವಂತಹ ರಾಸಾಯನಿಕ ರೂಪದಲ್ಲಿ ಅಥವಾ ಅಲ್ಯೂಮಿನಿಯಂನ್ನು ಬೇರ್ಪಡಿಸುವ ಸಂದರ್ಭದಲ್ಲಿ ವಿದ್ಯುದ್ವಿಚ್ಛೇದನದ ಸಂಕೊಚನದ ಮೂಲಕ ಇದನ್ನು ಮಾಡಲಾಗುತ್ತದೆ.

ಭೂಲೋಹಶಾಸ್ತ್ರ, ಭೂಗರ್ಭಿಕ ವಿಜ್ಞಾನದ ಜೊತೆ ... ಲೋಹಶಾಸ್ತ್ರ ಮತ್ತು ಗಣಿಗಾರಿಕೆಯನ್ನು ಸಂಯೋಜಿಸುತ್ತದೆ.

ಗಣಿಗಾರಿಕಾ ಕಾರ್ಯಾಚರಣೆಗಳ ರಾಸಾಯನಿಕಗಳಿಂದ ಭೂಸವೆತ, ಸಿಂಖೋಲ್‌ಗಳ ನಿರ್ಮಾಣ, ಜೈವಿಕವೈವಿಧ್ಯದ ನಾಶ, ಮತ್ತು ಮಣ್ಣು, ಭೂಜಲ ಮತ್ತು ಮೇಲ್ಮೈ ನೀರಿನ ಕಶ್ಮಲೀಕರಣ ಇವುಗಳನ್ನು ಪರಿಸರೀಯ ವಿಷಯಗಳು ಒಳಗೊಂಡಿವೆ. ಕೆಲವು ಸಂದರ್ಭಗಳಲ್ಲಿ, ಗಣಿಗಾರಿಕೆಯ ಸಮೀಪದ ಪ್ರದೇಶಗಳಲ್ಲಿ ಶಿಲಾಖಂಡರಾಶಿ ಮತ್ತು ಮಣ್ಣಿನಲ್ಲಿ ನಿರ್ಮಿತ ಸಂಗ್ರಹಗಳಿಗಾಗಿ ದೊರಕುವ ಜಾಗವನ್ನು ಹೆಚ್ಚಿಸುವ ಸಲುವಾಗಿ ಕಾಡಿನ ಮರಗಳನ್ನು ಕತ್ತರಿಸುವುದನ್ನು ಮಾಡಲಾಯಿತು.^[೨೫]

ರಾಸಾಯನಿಕಗಳ ಸೋರಿಕೆಯಿಂದ ಆದ ಕಶ್ಮಲೀಕರಣವನ್ನು ಸರಿಯಾಗಿ ನಿಯಂತ್ರಿಸದಿದ್ದರೆ ಇದು ಸ್ಥಳೀಯ ಜನರ ಆರೋಗ್ಯದ ಮೇಲೆ ದುಷ್ಪರಿಣಾಮ ಬೀರಬಹುದು.^[೨೬]

^[೨೭] 1992 ರಲ್ಲಿ ರಾಷ್ಟ್ರದ ಗಡಿಯಾಚೆಗಿನ ಕಂಪನಿಗಳಿಗಾಗಿ ಬರೆಯಲ್ಪಟ್ಟ ಒಂದು ನೀತಿ ಸಂಹಿತೆಯನ್ನು ರಿಯೋ ಅರ್ಥ್ ಸಮಿತ್‌ನಲ್ಲಿ ಯುಎನ್ ಕೇಂದ್ರದಿಂದ ರಾಷ್ಟ್ರದ ಗಡಿಯಾಚೆಗಿನ ಕಂಪನಿಗಳಿಗಾಗಿ (UNCTC) ಸೂಚಿಸಲ್ಪಟ್ಟಿತು, ಆದರೆ ಸಮರ್ಥನೀಯ ಅಭಿವೃದ್ದಿಗಾಗಿ ವ್ಯವಹಾರ ಮಂಡಳಿಯು (BCSD) ಅಂತರಾಷ್ಟ್ರೀಯ ವಾಣಿಜ್ಯ ಮಂಡಳಿಯ (ICC) ಜೊತೆ ಅದಕ್ಕೆ ಬದಲಾಗಿ ಸ್ವಯಂ-ನಿರ್ವಹಣೆಯ ಪರವಾಗಿ ಯಶಸ್ವಿಯಾಗಿ ವಾದಿಸಿತು.^[೨೮] ಪರಿಸರೀಯ ಪರಿಣಾಮಗಳು ಮತ್ತು ಮಾನವ ಆರೋಗ್ಯದ ಮೇಲಾಗುವ ದುಷ್ಪರಿಣಾಮಗಳನ್ನು ಕಡಿಮೆ ಮಾಡಲು ಹೆಚ್ಚು ದೇಶಗಳಲ್ಲಿ ಗಣಿಗಾರಿಕಾ ಕಂಪನಿಗಳು ಬಿಗಿಯಾದ ಪರಿಸರೀಯ ಮತ್ತು ಪುನರ್ವಸತಿಗೊಳಿಸುವ ನಿಯಮಗಳನ್ನು ಪಾಲಿಸುವ ಅವಶ್ಯಕತೆ ಇದೆ

ಈ ಎಲ್ಲ ಸಂಹಿತೆಗಳು ಮತ್ತು ನಿಯಮಾವಳಿಗಳಿಗೆ ಸಾಮಾನ್ಯ ಕ್ರಮಗಳ ಅವಶ್ಯಕತೆಯಿದೆ, ಅವು ಪರಿಸರೀಯ ಪರಿಣಾಮ ನಿರ್ಧರಿಸುವಿಕೆ, ಪರಿಸರ ವ್ಯವಸ್ಥೆಯ ಯೋಜನೆಗಳ ಅಭಿವೃದ್ಧಿ, ಗಣಿಯ ಮುಚ್ಚುವಿಕೆಯ ಯೋಜನೆಗಳು (ಇದನ್ನು ಗಣಿಗಾರಿಕೆ ಕಾರ್ಯಾಚರಣೆಯನ್ನು ಪ್ರಾರಂಭಿಸುವ ಮೊದಲು ಮಾಡಲೇಬೇಕು), ಮತ್ತು ಕಾರ್ಯಾಚರಣೆಯ ಸಮಯದಲ್ಲಿ ಮತ್ತು ಮುಕ್ತಾಯದ ನಂತರ ಪರಿಸರೀಯ ಪರಿವೀಕ್ಷಣೆ.

ಆದಾಗ್ಯೂ, ಕೆಲವು ಪ್ರದೇಶಗಳಲ್ಲಿ, ವಿಶೇಷವಾಗಿ ಅಭಿವೃದ್ಧಿ ಹೊಂದುತ್ತಿರುವ ಜಗತ್ತಿನಲ್ಲಿ, ಸರ್ಕಾರ ನಿಯಮಾವಳಿಗಳನ್ನು ಸರಿಯಾಗಿ ಜಾರಿಗೊಳಿಸಿಲ್ಲ.

ಪ್ರಮುಖ ಗಣಿಗಾರಿಕೆ ಕಂಪನಿಗಳಿಗೆ, ಅಂತರಾಷ್ಟ್ರೀಯ ಹಣಕಾಸನ್ನು ಪಡೆಯುತ್ತಿರುವ ಯಾವುದೇ ಕಂಪನಿಗಳಿಗೆ ಒಳ್ಳೆಯ ಪರಿಸರೀಯ ಮೌಲ್ಯಗಳನ್ನು ಜಾರಿಮಾಡಲು ಹಲವಾರು ಇತರ ಯಾಂತ್ರಿಕವ್ಯವಸ್ಥೆಗಳಿರುತ್ತವೆ. ಇಕ್ವೇಟರ್ ಸಿದ್ಧಾಂತಗಳು, ಐಎಫ್‍ಸಿ ಪರಿಸರೀಯ ಮೌಲ್ಯಗಳು, ಸಾಮಾಜಿಕ ಜವಬ್ದಾರಿಯ ವಿನಿಯೋಗಕ್ಕೆ ಮಾನದಂಡದಂತಹ ಹಣಕಾಸು ಮೌಲ್ಯಗಳಿಗೆ ಇವುಗಳು ಸಂಬಂಧಿಸಿವೆ. ಗಣಿಗಾರಿಕಾ ಕಂಪನಿಗಳು ಈ ಹಣಕಾಸಿನ ಉದ್ದಿಮೆಗಳ ಮೇಲ್ವಿಚಾರಣೆಯನ್ನು ಒಂದು ಹಂತದ ಸ್ವಯಂ-ನಿರ್ದೇಶನವನ್ನು ಮಾಡಿಕೊಳ್ಳಲು ವಾದಿಸುವುದಕ್ಕಾಗಿ ಬಳಸಿಕೊಂಡವು.ಇದು ವಿಶ್ವ ವ್ಯಾಪಕ ಗಣಿಗಾರಿಕಾ ತೊಡಗುವಿಕೆಯನ್ನು ಅನುಸರಿಸಿತ್ತು, ಒಂಭತ್ತು ಅತ್ಯಂತ ವ್ಯಾಪಕವಾದ ಲೋಹಗಳು ಮತ್ತು ಗಣಿಗಾರಿಕಾ ಕಂಪನಿಗಳ ಮೂಲಕ ಇದು ಪ್ರಾರಂಭವಾಗಿತ್ತು, ಮತ್ತು ಅಂತರರಾಷ್ಟ್ರೀಯವಾಗಿ ಗಣಿಗಾರಿಕೆ ಮತ್ತು ಲೋಹಗಳ ಕೈಗಾರಿಕೆಯಲ್ಲಿ ಸಾಮಾಜಿಕ ಮತ್ತು ಪರಿಸರೀಯ ಕಾರ್ಯ ನಿರ್ವಹಣಾ ಸುಧಾರಣೆಗೆ "ಕ್ರಿಯಾವರ್ಧಕದಂತೆ ಕೆಲಸ ಮಾಡಲು" ಗಣಿಗಾರಿಕೆ ಮತ್ತು ಲೋಹಗಳ ಮೇಲೆ ಅಂತರರಾಷ್ಟ್ರೀಯ ಕೌನ್ಸಿಲನ್ನು ರಚಿಸಲು ಮುಂದಾಗಿತ್ತು.^[೨೭]

ಗಣಿಗಾರಿಕಾ ಕೈಗಾರಿಕೆ ವಿವಿಧ ಸಂರಕ್ಷಣಾ ಗುಂಪುಗಳಿಗೆ ಹಣ ಒದಗಿಸಿದೆ, ಇದರಲ್ಲಿ ಕೆಲವು ಸಂರಕ್ಷಣಾ ಕಾರ್ಯಕ್ರಮಗಳ ಜೊತೆ ಕೆಲಸ ಮಾಡುತ್ತಿವೆ ಅವು ಸ್ಥಳೀಯ ವ್ಯಕ್ತಿ ಹಕ್ಕನ್ನು ಹೊಂದಿರುವ ಗೋಚರ ಸಮ್ಮತಿಯ ಜೊತೆ ವಿಚಿತ್ರ ರೀತಿಯಲ್ಲಿರಲ್ಪಡುತ್ತವೆ - ಮುಖ್ಯವಾಗಿ ಭೂ ಉಪಯೋಗ ನಿರ್ಧಾರಗಳನ್ನು ಮಾಡುವ ಹಕ್ಕುಗಳು.^[೨೯]

ಅದಿರಿನ ಮಿಲ್ಲುಗಳು ಹೆಚ್ಚಿನ ಪ್ರಮಾಣದ ನಿರುಪಯುಕ್ತಗಳನ್ನು ಉತ್ಪಾದಿಸುತ್ತವೆ, ಇವನ್ನು ಉಳಿಕೆಗಳು ಎನ್ನುವರು.

ಉದಾಹರಣೆಗೆ, ಪ್ರತಿ ಒಂದು ಟನ್ ತಾಮ್ರಕ್ಕೆ 99 ಟನ್ ನಿರುಪಯುಕ್ತ ಉತ್ಪಾದನೆಯಾಗುತ್ತದೆ, ಚಿನ್ನದ ಗಣಿಗಾರಿಕೆಯಲ್ಲಿ (ಉದ್ಧರಣ ಬೇಕಾಗುತ್ತದೆ) ಈ ಪ್ರಮಾಣ ಇನ್ನೂ ಹೆಚ್ಚು. ಈ ಉಳಿಕೆಗಳು ವಿಷಕಾರಿಯಾಗಿರಬಹುದು.

ಸಾಮಾನ್ಯವಾಗಿ ಸ್ಲರಿಯ ರೂಪದಲ್ಲಿ ಉತ್ಪಾದನೆಯಾಗುವ ಉಳಿಕೆಗಳನ್ನು ಹೆಚ್ಚಾಗಿ ನೈಸರ್ಗಿಕವಾಗಿರುವ ಕಣಿವೆಗಳಲ್ಲಿ ಮಾಡಿದ ಹೊಂಡಗಳಲ್ಲಿ ಬಿಸಾಡಲಾಗುತಿತ್ತು.^[೩೦]

ಈ ಹೊಂಡಗಳನ್ನು ಸ್ವತ್ತು ನಿಷೇಧಗಳ (ಅಣೆಕಟ್ಟುಗಳು ಅಥವಾ ಒಡ್ಡು ಹಾಕಿದ ಅಣೆಕಟ್ಟುಗಳು) ಮೂಲಕ ಸುರಕ್ಷಿತ ಮಾಡಿರುತ್ತಾರೆ.^[೩೦] 2000ದಲ್ಲಿ, ಅಂದಾಜಿನ ಪ್ರಕಾರ ಉಳಿಕೆಗಳ ಸ್ವತ್ತು ನಿಷೇಧಗಳು 3,500 ಇತ್ತು, ಮತ್ತು ಪ್ರತಿ ವರ್ಷ 2 ರಿಂದ 5 ಪ್ರಮುಖ ವೈಫಲ್ಯಗಳು ಮತ್ತು 35 ಸಣ್ಣ ವೈಫಲ್ಯಗಳು (ಉದ್ಧರಣ ಬೇಕಾಯಿತು) ಸಂಭವಿಸಿದವು; ಉದಾಹರಣೆಗೆ, ಮರ್ಕೊಪ್ಪರ್ ಗಣಿಗಾರಿಕಾ ದುರಂತದಲ್ಲಿ ಕಡಿಮೆ ಅಂದರೂ 2 ಮಿಲಿಯನ್ ಟನ್‍ಗಳಷ್ಟು ಉಳಿಕೆಗಳು ಅಲ್ಲಿನ ನದಿಗೆ ಬಿಡಲಾಗಿತ್ತು.^[೩೧]

ನೀರಿನಡಿಯಲ್ಲಿ ಉಳಿಕೆಗಳ ವಿಲೇವಾರಿ ಮತ್ತೊಂದು ಆಯ್ಕೆಯಾಗಿದೆ.^[೩೦]

ಉಳಿಕೆಗಳನ್ನು ಸಮುದ್ರದಲ್ಲಿ ವಿಲೇವಾರಿ ಮಾಡುವ ಸಬ್‍ಮರೈನ್ ಟೇಲಿಂಗ್ಸ್ ಡಿಸ್‍ಪೊಸಲ್ (ಎಸ್‍ಟಿಡಿ)ಪರಿಪೂರ್ಣವಾಗಿದೆ ಎಂದು ಗಣಿಗಾರಿಕಾ ಕೈಗಾರಿಕೆ ಪ್ರತಿಪಾದಿಸಿತು ಏಕೆಂದರೆ ಇದು ಉಳಿಕೆಗಳ ಹೊಂಡಗಳ ತೊಂದರೆಗಳನ್ನು ದೂರವಾಗಿಸುತ್ತದೆ; ಆದರೂ ಸಂಯುಕ್ತ ಸಂಸ್ಥಾನ ಮತ್ತು ಕೆನಡಗಳಲ್ಲಿ ಇದು ನ್ಯಾಯಸಮ್ಮತವಲ್ಲ, ಇದನ್ನು ಅಭಿವೃದ್ಧಿ ಹೊಂದುತ್ತಿರುವ ಪ್ರದೇಶದಲ್ಲಿ ಉಪಯೋಗಿಸುತ್ತಾರೆ.^[೩೨]

ಇಂಟರ‍್ನ್ಯಾಷನಲ್ ಆರ್ಗನೈಜೇಶನ್ ಫಾರ್ ಸ್ಟ್ಯಾಂಡರ್ಡೈಜೇಶನ್ (ಆಯ್‍ಎಸ್‍ಒ)ದ ಮೂಲಕ ಆಯ್‍ಎಸ್‍ಒ 9000 ಮತ್ತು ಆಯ್‍ಎಸ್‍ಒ 14001ನಂತೆ ಒಳ್ಳೆಯ ಬಳಕೆಗಳ ಜೊತೆ ಗಣಿಗಳ ಧೃಡೀಕರಣ ಆಗುತ್ತದೆ, ಇದು 'ಧೃಢೀಕರಿಸಬಹುದಾದ ವಾತಾವರಣ ನಿರ್ವಹಣಾ ವ್ಯವಸ್ಥೆ' ಎಂದು ಧೃಡೀಕರಿಸುತ್ತದೆ; ಈ ದೃಡೀಕರಣ ಚಿಕ್ಕ ತನಿಖೆಗಳನ್ನು ಒಳಗೊಂಡಿರುತ್ತದೆ, ಆದಾಗ್ಯೂ ಇದು ಬಿಗಿತದ ಕೊರತೆಯ ಆರೋಪವನ್ನು ಹೊಂದಿದೆ.^{[೨೭]: 183–4}

ಧೃಡೀಕರಣ ಸೆರೆಸ್' ಗ್ಲೋಬಲ್ ರಿಪೋರ್ಟಿಂಗ್ ಇನಿಶಿಯೇಟಿವ್ ಮೂಲಕ ಸಹ ದೊರೆಯುತ್ತದೆ, ಆದರೆ ಈ ವರದಿಗಳು ಸ್ವಇಚ್ಛಿತ ಮತ್ತು ಪರಿಶೀಲಿಸದವುಗಲಾಗಿರುತ್ತವೆ.

ಹಲವು ರೀತಿಯ ಇತರ ಧೃಡೀಕರಣ ಕಾರ್ಯಕ್ರಮಗಳು ವಿಶಿಷ್ಟವಾಗಿ ಲಾಭಾಪೇಕ್ಷೆಯಿಲ್ಲದ ಗುಂಪುಗಳ ಮೂಲಕ ವಿವಿಧ ಪ್ರಾಜೆಕ್ಟುಗಳಿಗೆ ಅಸ್ತಿತ್ವದಲ್ಲಿವೆ.^{[೨೭]: 185–6}

1955ರಿಂದ ಗಣಿಗಾರಿಕಾ ಪ್ರಕ್ರಿಯೆಯಲ್ಲಿ ವಿಶ್ವ ಬ್ಯಾಂಕ್ ತೊಡಗಿಸಿಕೊಂಡಿದೆ, ಮುಖ್ಯವಾಗಿ ಇದರ ಪುನರ್ನಿರ್ಮಾಣ ಮತ್ತು ಅಭಿವೃದ್ಧಿಗೆ ಅಂತರರಾಷ್ಟ್ರೀಯ ಬ್ಯಾಂಕಿನಿಂದ ಹಣ ನೀಡುವ ಮೂಲಕ, ಜೊತೆಗೆ ಬ್ಯಾಂಕಿನ ಮಲ್ಟಿಲ್ಯಾಟರಲ್ ಇನ್‍ವೆಸ್ಟ್ಮೆಂಟ್ ಗ್ಯಾರಂಟಿ ಎಜೆನ್ಸಿ ಪಾಲಿಟಿಕಲ್ ರಿಸ್ಕ್ ಇನ್ಸುರೆನ್ಸ್ ನ್ನು ಒದಗಿಸುತ್ತದೆ.^[೩೩]

1955 ಮತ್ತು 1990ರ ನಡುವೆ ಇದು ಸುಮಾರು 2 ಬಿಲಿಯನ್ ಡಾಲರ‍್ಗಳನ್ನು ಐವತ್ತು ಗಣಿಗಾರಿಕಾ ಪ್ರಾಜೆಕ್ಟುಗಳಿಗೆ ಒದಗಿಸಿದೆ, ಸುಧಾರಣೆ ಮತ್ತು ಪುನರ್ವಸತಿ, ಹಸಿರುಭೂಮಿಯ ಗಣಿ ನಿರ್ಮಾಣ, ಖನಿಜದ ಕಾರ್ಯಾಚರಣೆ, ತಾಂತ್ರಿಕ ನೆರವು, ಮತ್ತು ಇಂಜನಿಯರಿಂಗ್ ಎಂದು ಮುಖ್ಯವಾಗಿ ವರ್ಗೀಕರಿಸಿದೆ.

ಈ ಪ್ರಾಜೆಕ್ಟುಗಳನ್ನು ವಿಮರ್ಶಿಸಲಾಗಿದೆ, ಮುಖ್ಯವಾಗಿ 1981ರಲ್ಲಿ ಆರಂಭಗೊಂಡ ಬ್ರೆಜಿಲ್ಲಿನ ಫೆರೋ ಸರಜಸ್ ಪ್ರಾಜೆಕ್ಟ್.^[೩೪]

ವಿದೇಶಿ ಬಂಡವಾಳ ಹೂಡಿಕೆಯನ್ನು ಹೆಚ್ಚಿಸುವ ಉದ್ದೇಶದಿಂದ ಬ್ಯಾಂಕು ಗಣಿಗಾರಿಕಾ ಕೋಡುಗಳನ್ನು ಪ್ರಾರಂಭಿಸಿತು, 1988ರಲ್ಲಿ ಅದರ ತೊಡಗಿಸಿಕೊಳ್ಳುವಿಕೆಯನ್ನು ಹೇಗೆ ಹೆಚ್ಚಿಸಬೇಕು ಎನ್ನುವುದರ ಮೇಲೆ 45 ಗಣಿಗಾರಿಕಾ ಕಂಪನಿಗಳಿಂದ ಕೋರಿಕೆಯ ಪ್ರತಿಕ್ರಿಯೆ ದೊರೆಯಿತು.^{[೨೭]: 20}

1992ರಲ್ಲಿ ಬ್ಯಾಂಕು ಹೊಸ ಸಂಹಿತೆಗಳ ಜೊತೆ ಸರ್ಕಾರ ನಡೆಸುತ್ತಿರುವ ಗಣಿಗಾರಿಕಾ ಕಂಪನಿಗಳ ಖಾಸಗೀಕರಣವನ್ನು ಉತ್ತೇಜಿಸುವುದನ್ನು ಪ್ರಾರಂಭಿಸಿತು, ಇದರ ವರದಿಯನ್ನು ಆಫ್ರಿಕಾದ ಗಣಿಗಾರಿಕೆಗೆ ತಂತ್ರ ಗಳ ಜೊತೆ ಪ್ರಾರಂಭವಾಯಿತು.

1997ರಲ್ಲಿ, ಲ್ಯಾಟಿನ್ ಅಮೇರಿಕಾದ ದೊಡ್ಡ ಗಣಿಗಾರ ಕಂಪಾನಿಯೋ ವಲ್ ದೊ ರಿಯೊ ಡೋಸ್ (ಸಿವಿಆರ‍್ಡಿ) ಖಾಸಗಿಗೊಳಿಸಿದ.

ಇವು ಮತ್ತು ಫಿಲಿಫೈನ್ಸ್ 1995 ಮೈನಿಂಗ್ ಏಕ್ಟ್ ನಂತಹ ಇತರ ಬದಲಾವಣೆಗಳು ವಿಶ್ವ ಬ್ಯಾಂಕ್ ಮೂರನೇ ವರದಿ (ಸದಸ್ಯ ದೇಶಗಳಲ್ಲಿ ಖನಿಜಗಳ ಕ್ಷೇತ್ರದ ಅಭಿವೃದ್ಧಿ ಮತ್ತು ಸುಧಾರಣೆಗೆ ಸಹಾಯ ) ಪ್ರಕಟಿಸುವಂತೆ ಮಾಡಿದವು, ಇದು ಸ್ಥಳೀಯ ಜನರಿಗೆ ನಿರ್ಭಂದಕ ಪರಿಸರದ ಪರಿಣಾಮದ ನೆರವು ಮತ್ತು ಗಮನವನ್ನು ನಮೂದಿಸಿದೆ.

ಈ ವರದಿಯ ಆಧಾರದ ಮೇಲಿರುವ ಸಂಹಿತೆಗಳು ಅಭಿವೃದ್ಧಿ ಹೊಂದುತ್ತಿರುವ ದೇಶಗಳ ಶಾಸನದಲ್ಲಿ ಪ್ರಭಾವ ಬೀರಿದವು. ಹೊಸ ಸಂಹಿತೆಗಳು ಟ್ಯಾಕ್ಸ್ ಹಾಲಿಡೆಯ್ಸ್, ಝೀರೊ ಕಸ್ಟಮ್ ಡ್ಯೂಟಿ, ಕಡಿಮೆ ಆದಾಯ ತೆರಿಗೆಗಳು, ಮತ್ತು ಸಂಬಂಧಿತ ಕ್ರಮಗಳ ಮೂಲಕ ಹೆಚ್ಚು ಅಭಿವೃದ್ಧಿಗೊಳಿಸುವ ಉದ್ದೇಶ ಹೊಂದಿದ್ದವು.^{[೨೭]: 22}

ಈ ಸಂಹಿತೆಗಳ ಫಲಿತಾಂಶಗಳನ್ನು ಕ್ಯುಬೆಕ್‍ನ ವಿಶ್ವವಿದ್ಯಾಲಯದ ಗುಂಪಿನ ಮೂಲಕ ವಿಶ್ಲೇಷಿಸಲಾಯಿತು, ಸಂಹಿತೆಗಳು ವಿದೇಶಿ ಬಂಡವಾಳ ಹೂಡಿಕೆಯನ್ನು ಹೆಚ್ಚಿಸಿದವು ಆದರೆ "ಸಮ್ಮತಿ ನೀಡುವ ಮುಂದುವರೆಯಬಲ್ಲ ಬೆಳವಣಿಗೆಯ ಹೆಚ್ಚಿನ ಕೊರತೆ".^[೩೫]

ನೈಸರ್ಗಿಕ ಸಂಪನ್ಮೂಲಗಳು ಮತ್ತು ಆರ್ಥಿಕ ಅಭಿವೃದ್ಧಿಯ ನಡುವಿನ ಗಮನಿಸಿದ ಋಣಾತ್ಮಕ ಸಂಬಂಧವನ್ನು ಸಂಪನ್ಮೂಲ ಶಾಪ ಎನ್ನುವರು.

ಗಣಿಗಾರಿಕೆ ಬಹಳ ದೇಶಗಳಲ್ಲಿ ಅಸ್ತಿತ್ವದಲ್ಲಿದೆ ಆದರೆ ಆಸ್ಟ್ರೇಲಿಯ ಮತ್ತು ಕೆನಡಗಳು ದೇಶೀಯ ಗಣಿಗಾರಿಕಾ ಪರಿಣಿತಿಗೆ ಪ್ರಸಿದ್ಧಿಯನ್ನು ಹೊಂದಿವೆ, ಮತ್ತು ಲಂಡನ್ ರಿಯೊ ಟಿಂಟೊ, ಬಿಎಚ್‍ಪಿ ಬಿಲಿಟನ್, ಮತ್ತು ಆಂಗ್ಲೊ ಅಮೆರಿಕನ್ ಪಿಎಲ್‍ಸಿಗಳಂತಹ ವಿಶ್ವವ್ಯಾಪಿ "ಗಣಿಗಾರಿಕಾ ನೆಲೆಗಳ" ರಾಜಧಾನಿ ಎಂದು ಕರೆಯಲ್ಪಡುತ್ತದೆ.^[೩೬]

ಸಂಯುಕ್ತ ಸಂಸ್ಥಾನದ ಗಣಿ ಕೈಗಾರಿಕೆ ಸಹ ದೊಡ್ಡದಾಗಿದೆ ಆದರೆ ಇದು ಕಲ್ಲಿದ್ದಲು ಮತ್ತು ಅಲೋಹ ಖನಿಜಗಳು ಪ್ರಧಾನವಾಗಿವೆ, ಮತ್ತು ಸಂಯುಕ್ತ ಸಂಸ್ಥಾನದಲ್ಲಿ ಗಣಿಗಾರಿಕೆಯ ಪ್ರಾಮುಖ್ಯತೆಯನ್ನು ಕಡಿಮೆ ಮಾಡಲು ಹಲವಾರು ನಿಯಮಾವಳಿಗಳನ್ನು ಮಾಡಲಾಗಿದೆ.^[೩೬]

2007ರಲ್ಲಿ ಗಣಿ ಕಂಪನಿಗಳ ಒಟ್ಟೂ ಮಾರುಕಟ್ಟೆಯ ಬಂಡವಾಳ 962 ಬಿಲಿಯನ್ ಯುಎಸ್ ಡಾಲರ್ ಆಗಿತ್ತು, 2007ರಲ್ಲಿ ವಿಶ್ವವ್ಯಾಪಿ ಪಬ್ಲಿಕ್ ಟ್ರೇಡೆಡ್ ಕಂಪನಿಗಳ ಮಾರುಕಟ್ಟೆಯ ಬಂಡವಾಳ 50 ಟ್ರಿಲಿಯನ್ ಯುಎಸ್ ಡಾಲರ್ ಆಗಿತ್ತು.^[೩೭]

ಖಾಸಗಿ ಉದ್ಯಮಿಗಳು ಅಥವಾ ಸಣ್ಣ ಉದ್ಯಮಗಳು ಕೆಲವೊಮ್ಮೆ ಪರಿಶೋಧನೆ ಮತ್ತು ಗಣಿಗಾರಿಕೆಯನ್ನು ನಡೆಸಬಹುದಿತ್ತು, ಆಧುನಿಕ ದಿನಗಳಲ್ಲಿ ಗಣಿಯನ್ನು ಪ್ರಾರಂಭಿಸಲು ದೊಡ್ಡ ಉದ್ಯಮಗಳಿಗೆ ಹೆಚ್ಚಿನ ಬಂಡವಾಳ ಬೇಕಾಗುತ್ತದೆ. ಪರಿಣಾಮವಾಗಿ, ಕೈಗಾರಿಕೆಯ ಗಣಿಗಾರಿಕಾ ವಲಯವನ್ನು ಬೃಹತ್ ಕಂಪನಿಗಳು, ಕೆಲವೊಮ್ಮೆ ಸಾರ್ವಜನಿಕವಾಗಿ ದಾಖಲಾದ ಹೆಚ್ಚಿನ ಅಂತರರಾಷ್ಟ್ರೀಯ ಕಂಪನಿಗಳು ನಿಯಂತ್ರಿಸುತ್ತವೆ. ಒಂದು ಯಾದಿಗಾಗಿ ಗಣಿಗಾರಿಕಾ ಕಂಪನಿಗಳನ್ನು ನೋಡಿ.

ಗಣಿಗಾರಿಕಾ ಕೈಗಾರಿಕೆ ಎಂದರೆ ಏನು ಎಂದು ಚರ್ಚಿಸಲಾಗಿದೆ, ಇದರಲ್ಲಿ ನಿಜವಾಗಿ ಎರಡು ವಿಭಾಗಗಳಿವೆ, ಒಂದು ಹೊಸ ಸಂಪನ್ಮೂಲಗಳಿಗೆ ಪರಿಶೋಧನೆ, ಇನ್ನೊಂದು ಆ ಸಂಪನ್ಮೂಲಗಳ ಗಣಿಗಾರಿಕೆ.

ಪರಿಶೋಧನಾ ವಲಯ ವಿಶಿಷ್ಟವಾಗಿ ಏಕವ್ಯಕ್ತಿಗಳು ಮತ್ತು ಸಾಹಸೋದ್ಯಮ ಬಂಡವಾಳದ ಮೇಲೆ ಅವಲಂಬಿತವಾಗಿರುವ ಚಿಕ್ಕ ಖನಿಜ ಸಂಪನ್ಮೂಲ ಕಂಪನಿಗಳಿಂದ ("ಕೆಳ ದರ್ಜೆಯ") ಕೂಡಿದೆ.

ಗಣಿಗಾರಿಕಾ ವಲಯ ವಿಶಿಷ್ಟವಾಗಿ ಗಣಿಗಾರಿಕಾ ಕಾರ್ಯಾಚರಣೆಯಿಂದ ಖನಿಜಗಳನ್ನು ಉತ್ಪತ್ತಿ ಮಾಡುವ ಮೂಲಕ ನಡೆಯುವ ಬೃಹತ್ ಮತ್ತು ಅಂತರರಾಷ್ಟ್ರೀಯ ಕಂಪನಿಗಳಿಂದ ಕೂಡಿದೆ.

ಈ ಎರಡು ವಲಯಗಳ ಜೊತೆ ಪ್ರಪಂಚದ ತುಂಬಾ ಉಪಕರಣ ತಯಾರಿಕೆ, ಪರಿಸರೀಯ ಸಮೀಕ್ಷೆಗಳು ಮತ್ತು ಲೋಹ ಶಾಸ್ತ್ರದ ವಿಶ್ಲೇಷಣೆಗಳಂತಹ ವಿವಿಧ ಇತರ ಕೈಗಾರಿಕೆಗಳು ಸಹ ಗಣಿಗಾರಿಕಾ ಕೈಗಾರಿಕೆಯನ್ನು ಅನುಮೊದಿಸುತ್ತವೆ ಮತ್ತು ಅವಲಂಬಿತವಾಗಿವೆ. ಕೆನಡದ ಶೇರು ಪೇಟೆಗಳು ಗಣಿಗಾರಿಕಾ ಕಂಪನಿಗಳ ಮೇಲೆ ವಿಶೇಷ ಗಮನ ಹರಿಸಿವೆ, ಅದರಲ್ಲೂ ಟಿಎಸ್‍ಎಕ್ಸ್ ವೆಂಚರ್ ಎಕ್ಸ್ಚೇಂಜ್ ಮೂಲಕ ಕೆಳದರ್ಜೆಯ ಪರಿಶೋಧನಾ ಕಂಪನಿಗಳ ಮೇಲೆ; ಕೆನಡದ ಕಂಪನಿಗಳು ಈ ಎಕ್ಸ್ಚೇಂಜ್‍ಗಳ ಮೇಲೆ ಬಂಡವಾಳವನ್ನು ಹೆಚ್ಚಿಸುತ್ತಾರೆ ಮತ್ತು ವಿಶ್ವವ್ಯಾಪಿಯಾಗಿ ಪರಿಶೋಧನೆಯಲ್ಲಿ ಹಣವನ್ನು ತೊಡಗಿಸುತ್ತಾರೆ.^[೩೬] ಜ್ಯೂನಿಯರ್‌ಗಳ ಕೆಳಗೆ ಅಲ್ಲಿ ವಸ್ತುಗಳ ಬೆಲೆಗಳನ್ನು ಬದಲಾಯಿಸುವುದರ ಮೇಲೆ ಪ್ರಮುಖವಾಗಿ ಕೇಂದ್ರೀಕೃತಗೊಂಡ ಕಾನೂನು ಸಮ್ಮತವಲ್ಲದ ಒಂದು ಸಂಭವನೀಯ ವಿಭಾಗವು ಅಸ್ತಿತ್ವದಲ್ಲಿವೆ ಎಂದು ಕೆಲವರು ವಾದಿಸಿದರು.^[೩೬]

ಗಣಿಗಾರಿಕಾ ಕಾರ್ಯಾಚರಣೆಯನ್ನು ಅವುಗಳ ಮೂಲಸಂಪತ್ತಿಗನುಗುಣವಾಗಿ ಐದು ಮುಖ್ಯ ಗುಂಪುಗಳಾಗಿ ವಿಂಗಡಿಸಬಹುದು. ಅವು ಎಣ್ಣೆ ಮತ್ತು ನೈಸರ್ಗಿಕ ಅನಿಲಗಳ ಉದ್ಧರಣ, ಕಲ್ಲಿದ್ದಲು ಗಣಿಗಾರಿಕೆ, ಲೋಹದ ಅದಿರಿನ ಗಣಿಗಾರಿಕೆ, ಅಲೋಹ ಖನಿಜ ಗಣಿಗಾರಿಕೆ ಮತ್ತು ಕಲ್ಲುತೆಗೆಯುವುದು, ಮತ್ತು ಗಣಿಗಾರಿಕೆಗೆ ಸಹಕರಿಸುವ ಇತರ ಕಾರ್ಯಗಳು.^[೩೮]

ಈ ಎಲ್ಲ ಗುಂಪುಗಳಲ್ಲಿ ಎಣ್ಣೆ ಮತ್ತು ನೈಸರ್ಗಿಕ ಅನಿಲಗಳ ಉದ್ಧರಣ ಇದರ ವಿಶ್ವವ್ಯಾಪಿ ಆರ್ಥಿಕ ಪ್ರಾಮುಖ್ಯತೆಯಿಂದಾಗಿ ಒಂದು ಬೃಹತ್ ಗುಂಪಾಗಿ ಉಳಿದಿದೆ.

ಸಂಭವನೀಯ ಗಣಿಗಾರಿಕೆ ಪ್ರದೇಶಗಳನ್ನು ಪರಿವೀಕ್ಷಿಸಲು, ಈಗ ಗಣಿಗಾರಿಕಾ ಕೈಗಾರಿಕೆಗಳು ಭೂಕಂಪನದ ಪರಿವೀಕ್ಷಣೆ ಮತ್ತು ದೂರದ ಸಂಜ್ಞೆಯನ್ನು ನೀಡುವ ಸೆಟಲೈಟ್‍ಗಳಂತಹ ಕೃತಕವಾದ ಹೊಸ ತಂತ್ರಜ್ಞಾನಗಳನ್ನು ಉಪಯೋಗಿಸುತ್ತಿದೆ.

ಕಾರ್ಪೊರೇಟ್ ವರ್ಗೀಕರಣ

ಗಣಿಗಾರಿಕಾ ಕಂಪನಿಗಳನ್ನು ಅವುಗಳ ಗಾತ್ರ ಮತ್ತು ಆರ್ಥಿಕ ಸಾಮರ್ಥ್ಯದ ಆಧಾರದ ಮೇಲೆ ವರ್ಗೀಕರಿಸಬಹುದು:

ಬೃಹತ್ ಕಂಪನಿಗಳು ಎಂದು ಪರಿಗಣಿಸುವ ಕಂಪನಿಗಳು ಕಂದಾಯಕ್ಕನುಗುಣವಾಗಿ 500 ಮಿಲಿಯನ್ ಯುಎಸ್ ಡಾಲರ‍್ಗಿಂತ ಹೆಚ್ಚು ವಾರ್ಷಿಕ ಗಣಿಗಾರಿಕೆಯನ್ನು ಹೊಂದಿರುತ್ತವೆ ಮತ್ತು ಸ್ವಂತವಾಗಿ ಒಂದು ಪ್ರಮುಖ ಗಣಿಯನ್ನು ಅಭಿವೃದ್ಧಿಗೊಳಿಸುವ ಆರ್ಥಿಕ ಸಾಮರ್ಥ್ಯವನ್ನು ಹೊಂದಿರುತ್ತವೆ.

ಮಧ್ಯಮ ಕಂಪನಿಗಳು 50 ಮಿಲಿಯನ್ ಯುಎಸ್ ಡಾಲರ‍್ಗಿಂತ ಹೆಚ್ಚು ಆದರೆ 500 ಮಿಲಿಯನ್ ಯುಎಸ್ ಡಾಲರ‍್ಗಿಂತ ಕಡಿಮೆ ವಾರ್ಷಿಕ ಕಂದಾಯವನ್ನು ಹೊಂದಿರುತ್ತವೆ.

ಸಣ್ಣ ಕಂಪನಿಗಳು ಅವುಗಳ ಉದ್ಧರಣದ ನಿಧಿಯ ಅಸಲಿನ ಹಣಕ್ಕೆ ಇಕ್ವಿಟಿ ಷೇರುಗಳ ಮೇಲೆ ಅವಲಂಬಿತವಾಗಿರುತ್ತವೆ.

ಸಣ್ಣ ಕಂಪನಿಗಳು ಮುಖ್ಯವಾಗಿ ಅಪ್ಪಟ ಉದ್ಧರಣ ಕಂಪನಿಗಳು, ಆದರೆ ಸಣ್ಣ ಪ್ರಮಾಣದಲ್ಲಿ ಉತ್ಪಾದಿಸುತ್ತವೆ, ಮತ್ತು 50 ಮಿಲಿಯನ್ ಯುಎಸ್ ಡಾಲರ್ ಕಂದಾಯವನ್ನು ಹೊಂದಿರುವುದಿಲ್ಲ.^[೩೯]

ಗಣಿಗಾರಿಕೆ ವ್ಯವಹಾರದಲ್ಲಿ ಅದರಲ್ಲೂ ಮುಖ್ಯವಾಗಿ ಉಪ-ಮೇಲ್ಮೈ ಗಣಿಗಾರಿಕೆಯಲ್ಲಿ ಸುರಕ್ಷತೆ ಬಹಳ ಕಾಲದಿಂದಲೂ ವಿವಾದಾತ್ಮಕ ವಿಷಯವಾಗಿದೆ.

ಹಿಂದಿನ ದಶಕಗಲ್ಲಿ ಇದ್ದಿದ್ದಕ್ಕಿಂತ ಇಂದಿನ ಕಾಲದ ಗಣಿಗಾರಿಕೆ ಗಣನೀಯವಾಗಿ ಸುರಕ್ಷಿತವಾಗಿದೆ, ಗಣಿಗಾರಿಕಾ ಅಪಘಾತ ಬಹಳ ಹೆಚ್ಚಾಗಿದೆ, 2002ರಲ್ಲಿ ಕ್ವೆಕ್ರೀಕ್ ಗಣಿ ರಕ್ಷಣೆ ಗಣಿಯಲ್ಲಿ ಸಿಕ್ಕಿಕೊಂಡ 9 ಪೆನ್ಸಿಲ್ವೇನಿಯದ ಕಲ್ಲಿದ್ದಲು ಗಣಿಗಾರರನ್ನು ಕಾಪಾಡಿತು.

ಗಣಿಗಾರಿಕೆಯಲ್ಲಿ ಗಾಳಿ ಬೆಳಕನ್ನು ಸರಿಯಾಗಿ ಹಾಯಿಸುವುದು ಬಹಳ ಗಣಿಗಾರರಿಗೆ ಒಂದು ಮಹತ್ವದ ಸುರಕ್ಷತಾ ವಿಧಾನ.

ಗಣಿಗಳಲ್ಲಿ ಗಾಳಿ ಬೆಳಕಿನ ಕೊರತೆಯಿಂದ ಹಾನಿಕಾರಕ ಅನಿಲಗಳು, ಶಾಖ ಮತ್ತು ಧೂಳು ಉಪ-ಮೇಲ್ಮೈ ಗಣಿಗಳ ಒಳಗಿಂದ ಹೊರಬೀಳುತ್ತವೆ.

ಇವು ಸಾವಿನಿಂದ ಹಿಡಿದು ಇತರ ಹಾನಿಕಾರಕ ದೈಹಿಕ ತೊಂದರೆಗಳಿಗೆ ಕಾರಣವಾಗಬಹುದು. ಭೂಮಿಯಡಿಯಲ್ಲಿರುವ ಮೀಥೇನ್ ಮತ್ತು ಇತರ ವಾಯುನಿರ್ಮಿತ ಕಲುಷಿತಗಳ ಸಾಂದ್ರಣವು ಸಾಮಾನ್ಯವಾಗಿ ಸಾರಗುಂದಿಸುವಿಕೆ(ಗಾಳಿ ಬೆಳಕನ್ನು ಹಾಯಿಸುವುದು), ಸಮೂಹ ವಾಯು ಮಾರ್ಗವನ್ನು ಪ್ರವೇಶಿಸಿವುದಕ್ಕೆ ಮುಂಚೆ ಹಿಡಿಯುವುದು (ಮೀಥೇನ್ ನಾಲೆ-ವ್ಯವಸ್ಥೆ), ಅಥವಾ ವಿಭಜನೆ (ಮುಚ್ಚುವಿಕೆ ಮತ್ತು ನಿಲ್ಲಿಸುವಿಕೆ) ಗಳ ಮೂಲಕ ನಿಯಂತ್ರಿಸಲ್ಪಡುತ್ತದೆ.^[೪೦]

ಕಾಯಿಸಿದ ಮಿಥೇನ್ ಅನಿಲ ಕಲ್ಲಿದ್ದಲು ಗಣಿಗಳಲ್ಲಿ ಸಿಡಿತದ ಸಾಮಾನ್ಯ ಮೂಲವಾಗಿದೆ, ಅಥವಾ ಹೆಚ್ಚು ತೀವ್ರವಾದ ಕಲ್ಲಿದ್ದಲ ಧೂಳಿನ ಸಿಡಿತಗಳು.

ಗಣಿಗಳಲ್ಲಿ ಅನಿಲಗಳು ಸಹ ಕೆಲಸಗಾರರಿಗೆ ವಿಷವಾಗಬಹುದು ಅಥವಾ ಗಣಿಯಲ್ಲಿ ಆಮ್ಲಜನಕವನ್ನು ಸ್ಥಳಾಂತರಿಸಬಹುದು, ಪರಿಣಾಮವಾಗಿ ಆಸ್ಫಿಕ್ಸಿಯೇಷನ್ ಉಂಟಾಗುತ್ತದೆ.^[೪೦]

ಈ ಕಾರಣಕ್ಕಾಗಿ, ಗಣಿಗಾರರ ಗುಂಪುಗಳಲ್ಲಿ ಕೆಲಸಗಾರರು ಅನಿಲವನ್ನು ಪತ್ತೆಮಾಮಾಡುವ ಉಪಕರಣವನ್ನು ಹೊಂದಿರಲು ಎಮ್‍ಎಚ್‍ಎಸ್‍ಎ ಅಗತ್ಯವಾಗಿರುತ್ತದೆ.

CO, O2, H2S ನಂತಹ ಸಾಮಾನ್ಯ ಅನಿಲಗಳನ್ನು ಮತ್ತು % ಲೋವರ್ ಎಕ್ಸ್ಪ್ಲೋಸಿವ್ ಲಿಮಿಟ್ ಗಳನ್ನು ಇದು ಪತ್ತೆಮಾಡುತ್ತದೆ.

ಜೊತೆಗೆ, ಹೆಚ್ಚು ಅನಿಲವನ್ನು ಪತ್ತೆಹಚ್ಚಲು ನ್ಯಾನೊಟೆಕ್ನಾಲಜಿಯನ್ನು ಪರಿಚಯಿಸಿದಂತೆ ಹೊಸ ತಾಂತ್ರಿಕತೆಗೆ ಹೆಚ್ಚಿನ ನಿಯಂತ್ರಣಗಳನ್ನು ಕೋರಲಾಗಿದೆ.

ಅಧಿಕ ಉಷ್ಣತೆ ಮತ್ತು ಆರ್ದ್ರತೆಗಳು ಉಷ್ಣಾಘಾತವನ್ನು ಒಳಗೊಂಡಂತೆ ಶಾಖಕ್ಕೆ ಸಂಬಂಧಿಸಿದ ವ್ಯಾಧಿಗಳಿಗೆ ಕಾರಣವಾಗಬಹುದು, ಇದು ಪ್ರಾಣಾಂತಿಕವಾಗಬಹುದು.

ಧೂಳುಗಳು ಸಿಲಿಕೊಸಿಸ್, ಅಸ್ಬಸ್ಟೊಸಿಸ್ ಮತ್ತು ನ್ಯುಮೊಕೊನಿಯೋಸಿಸ್ (ಗಣಿಗಾರ ಶ್ವಾಸಕೋಶ ಅಥವಾ ಕಪ್ಪು ಶ್ವಾಸಕೋಶ ರೋಗ ಎಂದೂ ಸಹ ಕರೆಯುತ್ತಾರೆ) ನಂತಹ ಶ್ವಾಸಕೋಶಗಳ ತೊಂದರೆಗೆ ಕಾರಣವಾಗಬಹುದು.

ಗಣಿ ಕೆಲಸ ಮಾಡುವ ಕ್ಷೇತ್ರದ ಮೂಲಕ ಗಾಳಿಯನ್ನು ಹಾಯಿಸಲು ಗಾಳಿ ಬೆಳಕಿನ ವ್ಯವಸ್ಥೆ ಮಾಡಲಾಗಿರುತ್ತದೆ.

ಗಾಳಿಯ ಪ್ರಸರಣ ಗಣಿಯ ಪರಿಣಾಮಕಾರಿ ಗಾಳಿ ಬೆಳಕಿನ ವ್ಯವಸ್ಥೆಗೆ ಅಗತ್ಯವಾಗಿದೆ, ಇದನ್ನು ಸಾಮಾನ್ಯವಾಗಿ ಭೂಮಿಯ ಮೇಲೆ ಸ್ಥಾಪಿಸಿದ ಒಂದು ಅಥವಾ ಹೆಚ್ಚು ದೊಡ್ಡ ಗಣಿ ಫ್ಯಾನುಗಳು ಒದಗಿಸುತ್ತವೆ.

ಪ್ರತಿಯೊಂದು ಮುಖ್ಯ ಕೆಲಸದ ಜಾಗವು ಸ್ಥಿರವಾಗಿ ತಾಜಾ ಗಾಳಿಯನ್ನು ಪಡೆಯಲು ಗಣಿಯ ಸುತ್ತಲೂ ಸುತ್ತುಹಾಕಲು ಗಾಳಿಯನ್ನು ಒಮ್ಮುಖವಾಗಿ ಮಾತ್ರ ಹಾಯಿಸಲಾಗುವುದು.

ಗಣಿಗಾರಿಕೆಯ ಸಮಯದಲ್ಲಿ ಕೊಳಕನ್ನು ತೆಗೆದುಹಾಕಲು ಮತ್ತು ಬಂಡೆಯನ್ನು ಅದರ ನೈಜ ಸ್ಥಾನದಿಂದ ಹೊರತೆಗೆಯಲು ದೊಡ್ಡ ಖಾಲಿ ಹೊಂಡಗಳು, ರೂಮ್ಸ್ ಮತ್ತು ಸುರಂಗಗಳು, ಗಣಿಯ-ಒಳಗಿನವುಗಳನ್ನು ಗಳನ್ನು ಗಣಿಯೊಳಗೆ ಮಾಡುವುದು ಅಗತ್ಯವಾಗಿದೆ.

ಆಧುನಿಕ ವಿಧಾನಗಳು ಉಪ-ಮೇಲ್ಮೈ ಗಣಿಗಳಲ್ಲಿ ನಾಟ ಮಾಡುವುದು and ಬ್ರೇಸಿಂಗ್ ಗೋಡೆಗಳು ಮತ್ತು ಛಾವಣಿಗಳಿಗೆ ಗುಹೆಯ-ಒಳಗಿನವುಗಳಿಂದಾಗುವ ಘಾತಕ ಪರಿಣಾಮಗಳನ್ನು ಕಡಿಮೆ ಮಾಡಿದೆ, ಆದರೆ ಅಪಘಾತಗಳು ಇನ್ನೂ ಸಂಭವಿಸುತ್ತವೆ.^{[ಸೂಕ್ತ ಉಲ್ಲೇಖನ ಬೇಕು]}

ಕೆಲವು ಪ್ರದೇಶಗಳಲ್ಲಿ ಭಾರಿ ಉಪಕರಣದಿಂದ ಸಹ ಗಣಿಗಾರರಿಗೆ ತೊಂದರೆಯಾಗುವ ಸಂಭವವಿದೆ, ಮತ್ತು ಸುರಕ್ಷತಾ ಕ್ರಮಗಳಿಗೆ ಆಧುನಿಕ ಸುಧಾರಣೆಗಳ ಹೊರತಾಗಿಯೂ ಪ್ರಪಂಚದ ತುಂಬ ಗಣಿಗಾರಿಕೆ ಅಪಾಯಕಾರಿಯಾಗಿದೆ.

ಪರಿತ್ಯಕ್ತ ಗಣಿಗಳು

ಸಂಯುಕ್ತ ಸಂಸ್ಥಾನ ಒಂದರಲ್ಲೇ ಸಾರ್ವಜನಿಕ ಮತ್ತು ಖಾಸಗಿ ಭೂಮಿಗಳಲ್ಲಿ 560,000 ಹೆಚ್ಚಾಗಿ ಪರಿತ್ಯಕ್ತ ಗಣಿಗಳಿವೆ.^{[೪೧][೪೨]}

ಸರಿಯಾದ ತಿಳುವಳಿಕೆ ಮತ್ತು ಸುರಕ್ಷತೆಯ ತರಬೇತಿ ಇಲ್ಲದೆ ಪರಿತ್ಯಕ್ತ ಗಣಿಗಳನ್ನು ಶೋಧಿಸುವ ಪ್ರಯತ್ನ ಮಾಡುವವರಿಗೆ ಅವು ಅಪಾಯಕಾರಿಯಾಗಿವೆ.

ಹಳೆಯ ಗಣಿಗಳು ಕೆಲವೊಮ್ಮೆ ಅಪಾಯಕಾರಿಯಾಗಿರುತ್ತವೆ ಮತ್ತು ನಿರ್ಜೀವ ಅನಿಲಗಳನ್ನು ಹೊಂದಿರುತ್ತವೆ.

ಸೋರುವಿಕೆ ಅಥವಾ ಅಂತರಾಕ್ರಮಣದಿಂದ ಗಣಿಗಳಲ್ಲಿ ನಿಂತ ನೀರು ಆಳವಾದ ಹೊಂಡಗಳನ್ನು ಕಾಣದಂತೆ ಮಾಡುತ್ತದೆ ಮತ್ತು ನೀರಿನ ಕೆಳಗಿನ ಅಪಾಯ ಅನಿಲಗಳಂತಹ ಮುಖ್ಯ ತೊಂದರೆಯನ್ನುಂಟುಮಾಡುತ್ತದೆ.

ಜೊತೆಗೆ, ಹವಾಮಾನವು ಮೇಲ್ಮೈಯನ್ನು ಸವೆಸುವ ಕಾರಣದಿಂದ ಅದರ ಸುತ್ತಲಿರುವ ಬಂಡೆ ಮತ್ತು ಭೂಮಿಯನ್ನು, ಹಳೆಯ ಗಣಿಯನ್ನು ಪ್ರವೇಶಿಸುವುದು ಬಹಳ ಅಪಾಯಕಾರಿಯಾಗಬಹುದು.

ಹಳೆಯ ಗಣಿ ಕಾರ್ಯಗಳು, ಗವಿಗಳು ಮುಂತಾದವುಗಳು ಗಾಳಿಯಲ್ಲಿ ಆಮ್ಲಜನಕದ ಕೊರತೆಯ ಕಾರಣದಿಂದ ಸಾಮಾನ್ಯವಾಗಿ ಅಪಾಯಕರವಾಗಿರುತ್ತವೆ, ಗಣಿಗಳಲ್ಲಿನ ಈ ಸ್ಥಿತಿಯನ್ನು ಬ್ಲ್ಯಾಕ್‍ಡಂಪ್ ಎನ್ನುವರು.

ಶಬ್ಧ ಗೃಹಣದ ನಾಶ

ಭೂಮಿಯ ತೊಗಟೆಯ ಅತ್ಯಂತ ಗಟ್ಟಿಯಾದ ಸ್ತರಗಳನ್ನು ಸೀಳಲು ಗಣಿಗಾರರು ಸಾಕಷ್ಟು ಬಲವಾದ ಸಲಕರಣೆಗಳನ್ನು ಉಪಯೋಗಿಸುತ್ತಾರೆ.

ಈ ಸಲಕರಣೆಯನ್ನು ನೆಲದಡಿಯಲ್ಲಿ ಗಣಿಗಾರರು ಕೆಲಸ ಮಾಡುವ ಸ್ಥಳದಲ್ಲಿ ಉಪಯೋಗಿಸಲಾಗುವುದು, ಇದರಿಂದ ಶಬ್ದ ಗ್ರಹಣದ ನಾಶವಾಗಬಹುದು.^[೪೩]

ಉದಾಹರಣೆಗೆ, ರೂಫ್ ಬೊಲ್ಟರ್ (ಸಾಮಾನ್ಯವಾಗಿ ಗಣಿಯ ರೂಫ್ ಬೋಲ್ಟರ್ ಕೆಲಸ ಮಾಡುವವರು ಉಪಯೋಗಿಸುತ್ತಾರೆ) 115 ಡಿಬಿ ವರೆಗಿನ ಶಬ್ದ ಶಕ್ತಿಯ ಹಂತದವರೆಗೆ ತಲುಪಬಹುದು.^[೪೩]

ಪ್ರತಿಧ್ವನಿಸುವ ಪರಿಣಾಮಗಳ ಜೊತೆ ಸೇರಿಕೊಂಡಿರುವ ನೆಲದಡಿಯ ಗಣಿಗಳ ಕೆಲಸಗಾರ ಸರಿಯಾದ ಗೃಹಣ ಸುರಕ್ಷತೆಯನ್ನು ತೆಗೆಕೊಂಡಿರದಿದ್ದರೆ ಶಬ್ದ ಗೃಹಣ ನಾಶದ ತೊಂದರೆ ಮಾತ್ರ ಅಲ್ಲ,^[೪೩] ಒಎಸ್‍ಎಚ್‍ಎ ಸ್ಟ್ಯಾಂಡರ್ಡ್ಸ್ ನ ವಿರುದ್ಧ ಸಹ ಹೋಗುತ್ತದೆ.^[೪೪]

2008ರಿಂದ ಪ್ರಪಂಚದ ಅತ್ಯಂತ ಆಳವಾದ ಗಣಿ 3,774 ಮೀಟರ್ ಆಳವಿರುವ ದಕ್ಷಿಣ ಆಫ್ರಿಕಾದ ಉತ್ತರ ಪಶ್ಚಿಮ ಪ್ರಾವೆನ್ಸಿನ ಸವುಕ ಗಣಿಯ ^[೪೫] ಬದಲಾಗಿ 3.9 ಕಿಲೋಮೀಟರ‍್ಗಳಿರುವ ದಕ್ಷಿಣ ಆಫ್ರಿಕಾದ ಕಾರ್ಲೆತೊನ್‍ವಿಲೆಯಲ್ಲಿನ ತೌತೊನ ಆಗಿದೆ.^[೪೬]

ದಕ್ಷಿಣ ಆಫ್ರಿಕಾದ ಬಾಕ್ಸಬರ್ಗ್ ನಲ್ಲಿರುವ ಈಸ್ಟ್ ರ್ಯಾಂಡ್ ಗಣಿ ಸಂಕ್ಷಿಪ್ತವಾಗಿ 3,585 ಮೀಟರ್ ಹೊಂದಿರುವ ದಾಖಲೆ ಹೊಂದಿತ್ತು, ಮತ್ತು ತೌತೊನ್ 3,581 ಮೀಟರ್ ಆಳವಿದ್ದಾಗಲೂ ಸಹ ಇದನ್ನು ಪ್ರಪಂಚದಲ್ಲಿ ಅತ್ಯಂತ ಆಳವಾದ ಮೊದಲ ಗಣಿ ಎಂದು ಪ್ರಕಟಿಸಲಾಗಿತ್ತು.

1,444 ಮೀಟರ್ ಇರುವ ಫಿನ್‍ಲ್ಯಾಂಡಿನ ಪ್ಯ್ಹಜರ್ವಿಯಲ್ಲಿನ ಪ್ಯ್ಹಸಲ್ಮಿ ಗಣಿ ಯುರೋಪಿನಲ್ಲಿ ಅತ್ಯಂತ ಆಳವಾದ ಗಣಿಯಾಗಿದೆ.

1,400 ಮೀಟರ್ (ಸುರಂಗ ಮಾರ್ಗದ ಆಳ 1,100 ಮೀಟರುಗಳು) ಇರುವ ಇಂಗ್ಲೆಂಡಿನ ಬೌಲ್ಬಿ ಗಣಿ ಯುರೋಪಿನಲ್ಲಿ ಎರಡನೇ ಹೆಚ್ಚು ಆಳವಾದ ಗಣಿಯಾಗಿದೆ.

1,200 ಮೀಟರ್ ಇರುವ ಸಂಯುಕ್ತ ಸಂಸ್ಥಾನಗಳ ಉತಃದ ಬಿಂಗಮ್ ಕೆನ್ಯೊನ್‍ನಲ್ಲಿನ ಬಿಂಗಮ್ ಕೆನ್ಯೊನ್ ಗಣಿ ಪ್ರಪಂಚದ ಅತ್ಯಂತ ಆಳದ ಓಪನ್ ಪಿಟ್ ಗಣಿಯಾಗಿದೆ.

900 ಮೀಟರ್ ಇರುವ ಚಿಲಿಯ ಚುಕ್ವಿಕಮತ್‍ನ ಚುಕ್ವಿಕಮತ್ ಪ್ರಪಂಚದ ದೊಡ್ಡ ಮತ್ತು ಎರಡನೇ ಆಳವಾದ ಓಪನ್ ಪಿಟ್ ತಾಮ್ರದ ಗಣಿಯಾಗಿದೆ, ಇದು ವಾರ್ಷಿಕವಾಗಿ 940,600 ಟನ್ ತಾಮ್ರ ಮತ್ತು 17,700 ಟನ್ ಮೊಲಿಬ್ಡನಮ್‍ನ್ನು ಉತ್ಪಾದಿಸುತ್ತದೆ. ^{[ಸೂಕ್ತ ಉಲ್ಲೇಖನ ಬೇಕು]}

ಸಮುದ್ರ ಮಟ್ಟಕ್ಕನುಗುಣವಾಗಿ ಆಳವಾದ ಓಪನ್ ಪಿಟ್ ಗಣಿ ಜರ್ಮನಿಯ ತಗೆಬು ಹಂಬಚ್ ಆಗಿದೆ, ಹೊಂಡದ ಆಳ ಸಮುದ್ರ ಮಟ್ಟಕ್ಕಿಂತ 293 ಮೀಟರ್ ಇದೆ.

ದೊಡ್ಡ ನೆಲದಡಿಯ ಗಣಿ: ಚಿಲಿಯ ರ್ಯಾನ್‍ಕಗ್ವದಲ್ಲಿನ ಎಲ್ ತೆನಿಯೆಂತ್, 2,400 ಕಿಲೋಮೀಟರ್ ನೆಲದಡಿಯ ಹರಿವುಗಳು, ವಾರ್ಷಿಕವಾಗಿ 418,000 ಟನ್ ತಾಮ್ರವನ್ನು ಉತ್ಪಾದಿಸುತ್ತದೆ.

12,262 ಮೀಟರ್ ಇರುವ ಕೊಲ ಸುಪರ‍್ಡೀಪ್ ಬೋರ‍್ಹೋಲ್ ಪ್ರಪಂಚದ ಆಳವಾದ ಬೋರ‍್ಹೋಲ್ ಆಗಿದೆ.

ಇದು ಗಣಿಗಾರಿಕೆ ವಿಷಯಕ್ಕೆ ಸಂಬಂಧಿಸಿಲ್ಲ ಆದರೂ ವೈಜ್ಞಾನಿಕ ಡ್ರಿಲ್ಲಿಂಗ್‍ಗೆ ಸಂಬಂಧಿಸಿದೆ.

• ಹಲವು ಕಾರ್ಮಿಕರು ಮಣ್ಣಿನಡಿ ಸಿಲುಕಿರುವ ಶಂಕೆ;ಗಣಿ ಕುಸಿತ: 10 ಕಾರ್ಮಿಕರು ಸಾವು;31 Dec, 2016^{[ಶಾಶ್ವತವಾಗಿ ಮಡಿದ ಕೊಂಡಿ]}
• ಕಲ್ಲಿದ್ದಲು ಗಣಿಗಳಲ್ಲಿ ದುರಂತ. Archived 2017-01-03 ವೇಬ್ಯಾಕ್ ಮೆಷಿನ್ ನಲ್ಲಿ.

• ಅಲೀ, ಸಲೀಮ್ ಎಚ್. (2003) ಮೈನಿಂಗ್, ದ ಎನ್ವಿರಾನ್ಮೆಂಟ್ ಆ‍ಯ್‌೦ಡ್ ಇಂಡಿಜೀನಿಯಸ್ ಡೆವಲಪ್ಮೆಂಟ್ ಕನ್ಫ್ಲಿಕ್ಟ್ . ಟಕ್ಸನ್ ಎಝಡ್: ಅರಿಜೋನಾ ವಿಶ್ವವಿದ್ಯಾಲಯ ಮುದ್ರಣಾಲಯ ಪ್ರೆಸ್ .
• ಅಲೀ, ಸಲೀಮ್ ಎಚ್. (2009) ಟ್ರೆಶರ್ಸ್ ಆಫ್ ದ ಅರ್ಥ್: ನೀಡ್, ಗ್ರೀಡ್ ಅ‍ಯ್‌೦ಡ್ ಎ ಸಸ್ಟೇನೇಬಲ್ ಫ್ಯೂಚರ್ . ನ್ಯೂ ಹ್ಯಾವನ್‌ ಮತ್ತು ಲಂಡನ್‌: ಯೇಲ್‌ ವಿಶ್ವವಿದ್ಯಾಲಯ ಮುದ್ರಣಾಲಯ‌.
• Even-Zohar, Chaim (2002). From Mine to Mistress: Corporate Strategies and Government Policies in the International Diamond Industry. Mining Journal Books. p. 555. ISBN 0953733610.
• ಗಿಯೋಬ್ಯಾಕ್ಟರ್ ಪ್ರೊಜೆಕ್ಟ್: ಗೋಲ್ಡ್ ಮೈನ್ಸ್ ಮೇ ಓವ್ ದೇರ್ ಒರಿಜಿನ್ಸ್ ಟು ಬ್ಯಾಕ್ಟೇರಿಯಾ Archived 2017-03-08 ವೇಬ್ಯಾಕ್ ಮೆಷಿನ್ ನಲ್ಲಿ. (ಪಿಡಿಎಫ್ ವಿಧಾನದಲ್ಲಿ)
• ಗ್ಯಾರೆಟ್,ಡೆನ್ನಿಸ್ ಅಲಾಸ್ಕಾ ಪ್ಲೇಸರ್ ಮೈನಿಂಗ್
• Jayanta, Bhattacharya (2007). Principles of Mine Planning (2nd ed.). Wide Publishing. p. 505. ISBN 81-7764-480-7.
• ಮಾರಿಸನ್,ಟಾಮ್(1992) ಹಾರ್ಡ್‌ಡ್ರಾಕ್ ಗೋಲ್ಡ್: ಎ ಮೈನರ್ಸ್ ಟೇಲ್ . ISBN 0-521-22515-9.

Mining ಸಂಬಂಧಿತ ಮೀಡಿಯಾ ವಿಕಿಮೀಡಿಯ ಕಾಮನ್ಸ್‌ನಲ್ಲಿ ಲಭ್ಯವಿದೆ.

• ಗಣಿಗಾರಿಕೆ ಎಂದರೆ ಏನು?
• ಸಮಾಜಕ್ಕಾಗಿ ಗಣಿಗಾರಿಕೆ,ಲೋಹಶಾಸ್ತ್ರ,ಮತ್ತು ಪರಿಶೋಧನೆ