ಜಾನ್ ಮೇಯರ್
ಜಾನ್ ಕ್ಲೆಯ್ಟನ್ ಮೇಯರ್ (pronounced /ˈmeɪ.ər/MAY-ər;[೨] ಜನನ ಅಕ್ಟೋಬರ್ 16, 1977) ಒಬ್ಬ ಅಮೇರಿಕನ್ ಸಂಗೀತಗಾರ. ಈತ ಬ್ರಿಜ್ ಪೋರ್ಟ್, ಕನೆಕ್ಟಿಕಟ್ ನಲ್ಲಿ ಬೆಳೆದು,ಬಾಸ್ಟನ್ ನಲ್ಲಿರುವ ಬರ್ಕ್ಲಿ ಕಾಲೇಜ್ ಆಫ್ ಮ್ಯೂಸಿಕ್ ನಲ್ಲಿ ಅಧ್ಯಯನ ಮಾಡಿದ. ನಂತರ 1997ರಲ್ಲಿ ಜಾರ್ಜಿಯಾದಲ್ಲಿರುವ ಅಟ್ಲಾಂಟ ಗೆ ಸ್ಥಳ ಬದಲಾವಣೆ ಮಾಡಿಕೊಂಡ. ಅಲ್ಲಿ ತನ್ನ ಪ್ರತಿಭೆಯನ್ನು ಉತ್ತಮಪಡಿಸಿಕೊಂಡ ನಂತರ ಕೆಳಕಂಡ ಸಾಧನೆಗಳನ್ನು ಮಾಡಿದ. ಆತನ ಮೊದಲ ಸ್ಟುಡಿಯೋ ಆಲ್ಬಮ್ ಗಳಾದರೂಂ ಫಾರ್ ಸ್ಕ್ವೆರ್ಸ್ ಹಾಗು ಹೆವಿಯರ್ ಥಿಂಗ್ಸ್ ಎರಡೂ ವ್ಯಾಪಾರ ದೃಷ್ಟಿಯಿಂದ ಅಧಿಕ ಲಾಭ ಗಳಿಸುವುದರ ಜೊತೆಗೆ ಮಲ್ಟಿ-ಪ್ಲಾಟಿನಂ(ಎರಡು ಮಿಲಿಯನ್ಗೂ ಹೆಚ್ಚು ಆಲ್ಬಮ್ ಪ್ರತಿಗಳ ಮಾರಾಟ) ದರ್ಜೆಯನ್ನು ಪಡೆಯಿತು. ಕಳೆದ 2003ರಲ್ಲಿ, ಆತನು ಪಾಪ್ ವೋಕಲ್ ಪ್ರದರ್ಶನದ ಅತ್ಯುತ್ತಮ ಗಾಯಕ ಎಂದು ಯುವರ್ ಬಾಡಿ ಇಸ್ ಏ ವಂಡರ್ ಲ್ಯಾಂಡ್ ಎಂಬ ಹಾಡಿಗಾಗಿ ಗ್ರ್ಯಾಮ್ಮಿ ಪ್ರಶಸ್ತಿಯನ್ನು ಗಳಿಸಿದ್ದಾನೆ.
John Mayer | |
---|---|
ಹಿನ್ನೆಲೆ ಮಾಹಿತಿ | |
ಜನ್ಮನಾಮ | John Clayton Mayer |
ಮೂಲಸ್ಥಳ | Atlanta, Georgia, U.S. |
ಸಂಗೀತ ಶೈಲಿ | Pop, rock, blues, soul[೧] |
ವೃತ್ತಿ | Singer-songwriter, musician, columnist |
ವಾದ್ಯಗಳು | Guitar, vocals, keyboards, mandolin |
ಸಕ್ರಿಯ ವರ್ಷಗಳು | 1998–present |
Labels | Aware, Columbia |
Associated acts | John Mayer Trio LoFi Masters |
ಅಧೀಕೃತ ಜಾಲತಾಣ | www.johnmayer.com |
Notable instruments | |
Fender Stratocaster |
ಮೇಯರ್ ತನ್ನ ವೃತ್ತಿ ಜೀವನವನ್ನು ಮುಖ್ಯವಾಗಿ ಅಕೌಸ್ಟಿಕ್ ರಾಕ್ ಹಾಡುಗಳೊಂದಿಗೆ ಪ್ರಾರಂಭ ಮಾಡಿದ. ಆದರೆ ಕ್ರಮೇಣ 2005ರಲ್ಲಿ ಬ್ಲೂಸ್ ಶೈಲಿಗೆ ಬದಲಾವಣೆ ಮಾಡಿಕೊಳ್ಳುವುದರ ಜೊತೆಗೆ ಪ್ರಖ್ಯಾತ ಬ್ಲೂಸ್ ಕಲಾವಿದರಾದ B. B. ಕಿಂಗ್, ಬಡ್ಡಿ ಗಯ್, ಹಾಗು ಎರಿಕ್ ಕ್ಲಾಪ್ಟನ್ ರೊಂದಿಗೆ ಕೆಲಸ ಮಾಡಿದ. ಜೊತೆಗೆ ಜಾನ್ ಮೇಯರ್ ಟ್ರಿಓ ವನ್ನು ಹುಟ್ಟು ಹಾಕಿದ. ಬ್ಲೂಸ್ ಶೈಲಿಯ ಪ್ರಭಾವ ಆತನ ಆಲ್ಬಮ್ ಕಂಟಿನ್ಯಂ ಆಲ್ಬಮ್ ನಲ್ಲಿ ಕೇಳಿಬರುತ್ತದೆ. ಇದು ಸೆಪ್ಟೆಂಬರ್ 2006ರಲ್ಲಿ ಬಿಡುಗಡೆಯಾಯಿತು. ಕಳೆದ 2007ರಲ್ಲಿ ನಡೆದ 49ನೇ ವಾರ್ಷಿಕ ಗ್ರ್ಯಾಮ್ಮಿ ಪ್ರಶಸ್ತಿ ಗಳಲ್ಲಿ ಮೇಯರ್ ಕಂಟಿನ್ಯಂ ಗಾಗಿ ಅತ್ಯುತ್ತಮ ಪಾಪ್ ವೋಕಲ್ ಆಲ್ಬಮ್ ಎಂದು ಪ್ರಶಸ್ತಿ ಗಳಿಸುವುದರ ಜೊತೆಗೆ "ವೇಟಿಂಗ್ ಆನ್ ದಿ ವರ್ಲ್ಡ್ ಟು ಚೇಂಜ್" ಹಾಡಿಗಾಗಿ ಪಾಪ್ ವೋಕಲ್ ಪ್ರದರ್ಶನದ ಅತ್ಯುತ್ತಮ ಗಾಯಕ ಎಂದು ಪ್ರಶಸ್ತಿಯನ್ನೂ ತನ್ನದಾಗಿಸಿಕೊಂಡ. ಆತ ತನ್ನ ನಾಲ್ಕನೇ ಸ್ಟುಡಿಯೋ ಆಲ್ಬಮ್, ಬ್ಯಾಟಲ್ ಸ್ಟಡೀಸ್ ಅನ್ನು ನವೆಂಬರ್ 2009ರಂದು ಬಿಡುಗಡೆ ಮಾಡಿದ.
ಮೇಯರ್ ನ ವೃತ್ತಿಯು ನಿಂತಾಡುವ ಹಾಸ್ಯ, ವಿನ್ಯಾಸ ಹಾಗು ಬರವಣಿಗೆಗಳಿಗೂ ವಿಸ್ತರಿಸಿದೆ; ಆತನು ನಿಯತಕಾಲಿಕಗಳಲ್ಲೂ ಬರೆದಿದ್ದಾನೆ, ಇದರಲ್ಲಿ ಮುಖ್ಯವಾದುದೆಂದರೆ ಎಸ್ಕ್ವೈರ್ ನಿಯತಕಾಲಿಕ. ಆತನು ತನ್ನ "ಬ್ಯಾಕ್ ಟು ಯು" ನಿಧಿಯಿಂದ ಜನೋಪಾಕಾರಿ ಕಾರ್ಯಕ್ರಮದಲ್ಲೂ ಭಾಗಿಯಾಗಿದ್ದಾನೆ. ಪ್ರಚಾರಗೊಂಡ ಹಲವಾರು ಭಾವನಾತ್ಮಕ ಸಂಬಂಧಗಳು ಹಾಗು ಮಾಧ್ಯಮದ ಜೊತೆಗಿನ ಸಂಬಂಧ ಆತನನ್ನು ಪತ್ರಿಕೆಗೆ ಮುಖ್ಯ ವಿಷಯವಾಗುವಂತೆ ಮಾಡಿತು. ಇದು 2006ರಲ್ಲಿ ಪ್ರಾರಂಭವಾಯಿತು.
ಆರಂಭಿಕ ಜೀವನ
ಮೇಯರ್ ಬ್ರಿಜ್ ಪೋರ್ಟ್, ಕನೆಕ್ಟಿಕಟ್ ನಲ್ಲಿ ಅಕ್ಟೋಬರ್ 16, 1977ರಂದು ಜನಿಸಿದ. ಇವನ ತಾಯಿ ಮಾರ್ಗರೆಟ್, ಇಂಗ್ಲಿಷ್ ಶಿಕ್ಷಕಿ ಹಾಗು ತಂದೆ ರಿಚರ್ಡ್, ಪ್ರೌಢ ಶಾಲೆಯ ಪ್ರಾಂಶುಪಾಲರಾಗಿದ್ದರು.[೩] ಇವನು ಮೂರು ಮಂದಿ ಮಕ್ಕಳಲ್ಲಿ ಎರಡನೇಯವನಾಗಿ ಫೈರ್ ಫೀಲ್ಡ್, ಕನೆಕ್ಟಿಕಟ್ ನಲ್ಲಿ ಬೆಳೆದ.[೪] ಮೇಯರ್ ತನ್ನ ತಂದೆಯ ಕಡೆಯಿಂದ ನೋಡಿದರೆ ಒಬ್ಬ ಯಹೂದಿ ಹಾಗು ಆತನು ಹೇಳುವಂತೆ ಅವನು "ಯಹೂದ್ಯ ಮತಕ್ಕೆ ಸಾಹಚರ್ಯವನ್ನು ಹೊಂದಿದ್ದಾನೆ".[೫] ಫೇರ್ ಫೀಲ್ಡ್ ನಲ್ಲಿ ಬೆಳೆಯುತ್ತಿದ್ದ ಹಾಗೆ, ಮೇಯರ್ ಭವಿಷ್ಯದ ಟೆನ್ನಿಸ್ ತಾರೆ ಜೇಮ್ಸ್ ಬ್ಲೇಕ್ ನ ಸ್ನೇಹಿತನಾಗಿದ್ದ.[೬] ಆತನು ನಾರ್ವಾಕ್ನಲ್ಲಿರುವ ಬ್ರಿಎನ್ ಮ್ಯಾಕ್ ಮಹೋನ್ ಪ್ರೌಢಶಾಲೆಯ ಸೆಂಟರ್ ಫಾರ್ ಗ್ಲೋಬಲ್ ಸ್ಟಡೀಸ್ ನಲ್ಲಿ ದಾಖಲಾತಿ ಪಡೆದಿದ್ದರೂ ಮುಂಚಿನ ಫೇರ್ ಫೀಲ್ಡ್ ಪ್ರೌಢಶಾಲೆಯಲ್ಲಿ ಹನ್ನೊಂದನೇ ಗ್ರೇಡ್ ನ ವಿದ್ಯಾಭ್ಯಾಸ ಮಾಡಿದ. (ಇದು ನಂತರ ಸೆಂಟರ್ ಫಾರ್ ಜಪಾನೀಸ್ ಸ್ಟಡೀಸ್ ಅಬ್ರಾಡ್ ಎಂದು ಹೆಸರು ಪಡೆಯಿತು. ಜಪಾನೀಸ್ ಭಾಷೆ ಕಲಿಯಲು ಇಚ್ಚೆಯುಳ್ಳ ವಿದ್ಯಾರ್ಥಿಗಳಿಗೆ ಇದೊಂದು ಮ್ಯಾಗ್ನೆಟ್ ಪ್ರೊಗ್ರಾಮ್ . (ವಿದ್ಯಾರ್ಥಿಗಳು ಇಚ್ಚೆಪಟ್ಟ ಯಾವುದೇ ವಿಷಯವನ್ನು ಕಲಿಸುವ ಕಾರ್ಯಕ್ರಮ).[೭]) ಲೇಟ್ ನೈಟ್ ವಿಥ್ ಕಾನನ್ ಓ'ಬ್ರಿಎನ್ ನ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಸಂದರ್ಭದಲ್ಲಿ, ಮೇಯರ್ ತಾನು ಮಾಧ್ಯಮಿಕ ಶಾಲೆಯಲ್ಲಿ ಓದುವಾಗ ಕ್ಲ್ಯಾರಿನೆಟ್ ನುಡಿಸುತ್ತಿದುದ್ದಾಗಿ ಹೇಳುತ್ತಾನೆ. ಜೊತೆಗೆ ಇದರಲ್ಲಿ ಅಲ್ಪಮಟ್ಟದ ಯಶಸ್ಸನ್ನು ಗಳಿಸುತ್ತಾನೆ. ಬ್ಯಾಕ್ ಟು ದಿ ಫ್ಯೂಚರ್ ನಲ್ಲಿ ಮಾರ್ಟಿ ಮ್ಯಾಕ್ ಫ್ಲೈ ಎಂಬ ಕಾಲ್ಪನಿಕ ಪಾತ್ರವನ್ನು ನಿರ್ವಹಿಸಿದ ಮೈಕಲ್ J. ಫಾಕ್ಸ್ರ ಗಿಟಾರ್ ವಾದನವನ್ನು ವೀಕ್ಷಿಸಿದ ನಂತರ, ಮೇಯರ್ ವಾದ್ಯದ ಬಗ್ಗೆ ಆಕರ್ಷಿತನಾಗುತ್ತಾನೆ. ಆತನಿಗೆ 13 ವರ್ಷ ತುಂಬಿದಾಗ, ಅವನ ತಂದೆ ಅವನಿಗೋಸ್ಕರ ಒಂದು ಗಿಟಾರ್ ಅನ್ನು ಬಾಡಿಗೆಗೆ ಪಡೆಯುತ್ತಾರೆ.[೮][೯]
ಇದಾದ ನಂತರ, ಅವರ ನೆರೆಮನೆಯವರು ಆತನಿಗೆ ಸ್ಟೆವಿ ರೇಯ್ ವುಗ್ಹನ್ ರ ಧ್ವನಿ ಸುರುಳಿಯನ್ನು ನೀಡುತ್ತಾರೆ. ಇದು ಬ್ಲೂಸ್ ಶೈಲಿಯೆಡೆಗೆ ಮೇಯರ್ ನ ಅತೀವ ಪ್ರೀತಿ ಹುಟ್ಟಿಕೊಳ್ಳಲು ಕಾರಣವಾಗುತ್ತದೆ.[೧೦]a[›] ಮೇಯರ್ ಸ್ಥಳೀಯ ಗಿಟಾರ್-ಅಂಗಡಿಯ ಮಾಲಿಕನಿಂದ ಕಲಿಕೆಯನ್ನು ಪ್ರಾರಂಭಿಸುತ್ತಾನೆ. ಜೊತೆಗೆ ವಾದ್ಯವನ್ನು ಸಲೀಸಾಗಿ ನುಡಿಸುವ ಪರಿಣತಿ ಗಳಿಸುತ್ತಾನೆ.[೧೧][೧೨] ಆತನ ಗಮನ ಇದೊಂದರ ಮೇಲೆ ಕೇಂದ್ರಿಕೃತವಾದದ್ದು ಆತನ ಹೆತ್ತವರನ್ನು ಚಿಂತೆಗೀಡುಮಾಡಿತು. ಎರಡು ಬಾರಿ ಮನೋವೈದ್ಯರ ಬಳಿ ಕರೆದುಕೊಂಡು ಹೋಗಲಾಯಿತಾದರೂ ಮೇಯರ್ ಆರೋಗ್ಯವಾಗಿದ್ದಾನೆಂದು ಖಚಿತಪಡಿಸಲಾಯಿತು.[೧೧][೧೨] ಎರಡು ವರ್ಷದ ಕಲಿಕೆಯ ನಂತರ, ಆತನು ಪ್ರೌಢಶಾಲೆಯಲ್ಲಿರುವಾಗಲೇ ಬ್ಲೂ ಬಾರ್ಸ್ ನಲ್ಲಿ ಹಾಗು ಆ ಪ್ರದೇಶದ ಇತರ ಕಡೆಗಳಲ್ಲಿ ನುಡಿಸಲು ಪ್ರಾರಂಭ ಮಾಡಿದ.[೭][೯] ವೈಯುಕ್ತಿಕವಾಗಿ ಪ್ರದರ್ಶನ ನೀಡುವುದರ ಜೊತೆಗೆ, ವಿಲ್ಲನೋವ ಜಂಕ್ಷನ್ (ಇದನ್ನು ಜಿಮಿ ಹೆಂಡ್ರಿಕ್ಸ್ ನ ಹಾಡಿಗೆ ಹೆಸರಿಸಲಾಗಿದೆ) ಎಂಬ ವಾದ್ಯ ತಂಡದಲ್ಲಿ ಟಿಮ್ ಪ್ರೋಕಾಚ್ಸಿನಿ, ಜೊಎ ಬೆಲೆಜ್ನಯ್ ಹಾಗು ರಿಚ್ ವುಲ್ಫ್ ಜೊತೆಗೆ ಒಬ್ಬ ಸದಸ್ಯನಾಗಿದ್ದ.[೧೨][೧೩] ಮೇಯರ್ ಸಂಗೀತದಲ್ಲಿ ತನ್ನ ವೃತ್ತಿಯನ್ನು ಮುಂದುವರಿಸುವ ಉದ್ದೇಶದಿಂದ ಕಾಲೇಜು ಶಿಕ್ಷಣವನ್ನು ಅರ್ಧಕ್ಕೆ ನಿಲ್ಲಿಸುವ ನಿರ್ಧಾರ ಕೈಗೊಂಡ. ಆದರೆ ಹೆತ್ತವರ ಅಸಮ್ಮತಿ ಆತನಿಗೆ ಹಾಗೆ ಮಾಡದಂತೆ ತಡೆಯಿತು.[೧೨]
ಮೇಯರ್ ಹದಿನೇಳು ವರ್ಷದವನಿದ್ದಾಗ, ಆತನು ಕಾರ್ಡಿಯಾಕ್ ಅರ್ರತ್ಮಿಯಾ(ಈ ಪರಿಸ್ಥಿತಿಯಲ್ಲಿ ಹೃದಯದ ನಾಳಗಳು ಸಂಪೂರ್ಣವಾಗಿ ಕಾರ್ಯ ನಿರ್ವಹಿಸುವುದಿಲ್ಲ. ಇದರಿಂದಾಗಿ ಮೆದುಳಿಗೆ ಹಾಗು ಇತರ ಪ್ರಮುಖ ಅಂಗಗಳಿಗೆ ಹೆಚ್ಚಿನ ರಕ್ತ ಸರಬರಾಜಾಗುವುದಿಲ್ಲ)ಗೆ ತುತ್ತಾಗುವುದರ ಜೊತೆಗೆ ಒಂದು ವಾರಾಂತ್ಯದಲ್ಲಿ ಆಸ್ಪತ್ರೆಗೆ ದಾಖಲಾಗಿದ್ದ. ಈ ಘಟನೆಯ ಬಗ್ಗೆ ನೆನೆಯುತ್ತಾ, ಮೇಯರ್ ಹೇಳುತ್ತಾನೆ, "ಈ ಪರಿಸ್ಥಿತಿಯಲ್ಲೇ ನನ್ನೊಳಗೆ ಒಬ್ಬ ಹಾಡುಬರಹಗಾರ ಹುಟ್ಟಿಕೊಂಡ". ಆತ ಆಸ್ಪತ್ರೆಯಿಂದ ಮನೆಗೆ ಹಿಂದಿರುಗಿದ ರಾತ್ರಿ ತನ್ನ ಮೊದಲ ಹಾಡನ್ನು ಬರೆದ.[೧೪] ಇದಾದ ಕೆಲ ಸಮಯದ ನಂತರ, ಆತನು ಪ್ಯಾನಿಕ್ ಅಟ್ಯಾಕ್ ನಿಂದ ಬಳಲಿದ. ಜೊತೆಗೆ ಮಾನಸಿಕ ಆಸ್ಪತ್ರೆಗೆ ದಾಖಲಾಗಬೇಕೆಂಬ ಭಯ ಆತನನ್ನು ಕಾಡಿತ್ತು.[೧೨] ಆತನು Xanax ಎಂಬ ಆತಂಕ-ನಿರೋಧಕ ಮಾತ್ರೆಯನ್ನು ತೆಗೆದುಕೊಳ್ಳುವುದರ ಮೂಲಕ ಈ ಪರಿಸ್ಥಿತಿಯನ್ನು ನಿಭಾಹಿಸುತ್ತಾನೆ.[೧೪][೧೫] ಮೇಯರ್ ಪ್ರಕಾರ ಜಗಳದ ಸ್ವಭಾವದಿಂದ ಕೂಡಿದ ಆತನ ಹೆತ್ತವರ ಸಂಬಂಧ ಅವನಿಗೆ "ತಾನೇ ನಂಬುವ ತನ್ನ ಸ್ವಂತ ಜಗತ್ತಿನಲ್ಲಿ ತನ್ನನ್ನು ತಾನು ಮರೆಯುವಂತೆ ಮಾಡಿತು."[೧೨] ಪದವಿಯ ನಂತರ, ಹದಿನೈದು ತಿಂಗಳ ಕಾಲ ಒಂದು ಗ್ಯಾಸ್ ಸ್ಟೇಶನ್ ನಲ್ಲಿ ಕೆಲಸ ಮಾಡಿ 1996ರ ಸ್ಟೆವಿ ರೇಯ್ ವುಗ್ಹನ್ ರ ಸಿಗ್ನೇಚರ್ ಸ್ಟ್ರಾಟೋಕ್ಯಾಸ್ಟರ್ ಅನ್ನು ಖರೀದಿಸಲು ಹಣ ಉಳಿತಾಯ ಮಾಡಿದ.[೧೬]
ವೃತ್ತಿ ಜೀವನ
ಆರಂಭಿಕ ವೃತ್ತಿ
ಜಾನ್ ಮೇಯರ್ ಬಾಸ್ಟನ್, ಮಾಸ್ಸಚುಸೆಟ್ಸ್ ನ ಬರ್ಕ್ಲೀ ಕಾಲೇಜ್ ಆಫ್ ಮ್ಯೂಸಿಕ್ ನಲ್ಲಿ ದಾಖಲಾತಿ ಪಡೆದ. ಆಗ ಆತನಿಗೆ ಹತ್ತೊಂಬತ್ತು ವರ್ಷ.[೪] ಆದಾಗ್ಯೂ, ಆತನ ಕಾಲೇಜಿನ ಗೆಳೆಯ ಹಾಗು ಅಟ್ಲಾಂಟ, ಜಾರ್ಜಿಯಾದ ನಿವಾಸಿ ಕ್ಲೆಯ್ ಕುಕ್ ನ ಒತ್ತಾಯದ ಮೇರೆಗೆ, ಆತನು ಎರಡು ಸೆಮಿಸ್ಟರ್ ನಂತರ ಶಾಲೆಯನ್ನು ಬಿಟ್ಟು ಕುಕ್ ಜೊತೆ ಅಟ್ಲಾಂಟಗೆ ಸ್ಥಳಾಂತರಗೊಂಡ.[೧೭] ಅಟ್ಲಾಂಟದಲ್ಲಿ ಲೋಫಿ ಮಾಸ್ಟರ್ಸ್ ಹೆಸರಿನ ಇಬ್ಬರ ವಾದ್ಯ ತಂಡವನ್ನು ರೂಪಿಸಿಕೊಂಡು ಸ್ಥಳೀಯ ಕಾಫಿ ಹೋಟೆಲಿನಲ್ಲಿ ಹಾಗು ಕ್ಲಬ್ ಗಳಲ್ಲಿ ಉದಾಹರಣೆಗೆ ಎಡ್ಡಿ'ಸ್ ಅಟ್ಟಿಕ್ ನಲ್ಲಿ ತಮ್ಮ ಪ್ರದರ್ಶನವನ್ನು ಪ್ರಾರಂಭಿಸಿದರು.[೯] ಕುಕ್ ನ ಪ್ರಕಾರ, ಪಾಪ್ ಸಂಗೀತದೆಡೆಗೆ ತಮ್ಮ ಒಲವನ್ನು ಹೆಚ್ಚಿಸಿಕೊಳ್ಳುವ ಮೇಯರ್ ನ ಇಚ್ಚೆಯಿಂದಾಗಿ ಅವರು ಸಂಗೀತದಲ್ಲಿನ ವ್ಯತ್ಯಾಸಗಳನ್ನು ಅನುಭವಿಸಲು ಪ್ರಾರಂಭಿಸಿದರು.[೧೮] ಇದರ ಪರಿಣಾಮವಾಗಿ ಅವರಿಬ್ಬರು ಬೇರೆಯಾದರು. ಅಲ್ಲದೇ ಮೇಯರ್ ತನ್ನ ವೈಯುಕ್ತಿಕ ವೃತ್ತಿ ಜೀವನ ಪ್ರಾರಂಭಿಸಿದ.[೧೭]
ಸ್ಥಳೀಯ ನಿರ್ಮಾಪಕ ಹಾಗು ಇಂಜಿನಿಯರ್ ಗ್ಲೆನ್ನ್ ಮಟುಲ್ಲೋ ಅವರ ಸಹಾಯದೊಂದಿಗೆ, ಮೇಯರ್ ಒಂದು ಸ್ವತಂತ್ರ EP ಇನ್ಸೈಡ್ ವಾಂಟ್ಸ್ ಔಟ್ ಅನ್ನು ಧ್ವನಿ ಮುದ್ರಣ ಮಾಡಿದ. ಕುಕ್ EP ಯಲ್ಲಿನ ಹಲವು ಹಾಡುಗಳಿಗೆ ಸಹ-ಬರಹಗಾರನಾದ. ಇದರಲ್ಲಿ ಮೊದಲು ಮಾರುಕಟ್ಟೆಗೆ ಬಿಡುಗಡೆಯಾದ ಏಕಗೀತೆ "ನೋ ಸಚ್ ಥಿಂಗ್" ಕೂಡ ಒಂದು.[೧೮] EPಯು ಎಂಟು ಹಾಡುಗಳನ್ನು ಒಳಗೊಂಡಿದೆ. ಇದರಲ್ಲಿ ಮೇಯರ್ ಮುಖ್ಯಗಾಯಕನಾಗಿರುವುದರ ಜೊತೆಗೆ ಗಿಟಾರ್ ನುಡಿಸಿದ್ದಾನೆ. ಆದಾಗ್ಯೂ, ಮೇಯರ್ "ಕಂಫರ್ಟಬಲ್" ಹಾಡಿಗೆ ತನ್ನ ಧ್ವನಿ ಮಾತ್ರ ನೀಡಿದ್ದಾನೆ.
ಮೊದಲ ಹಾಡು, "ಬ್ಯಾಕ್ ಟು ಯು" ಗೆ ತಂಡದ ಎಲ್ಲರನ್ನು ಸೇರಿಸಿಕೊಳ್ಳಲಾಯಿತು. ಇದರಲ್ಲಿ EPಯ ಸಹ-ನಿರ್ಮಾಪಕ ಡೇವಿಡ್ "DeLa" ಲಾಬ್ರುಯೆರೆ ಬ್ಯಾಸ್ಸ್ ಗಿಟಾರ್ ಅನ್ನು ನುಡಿಸಿದ.[೧೯] ಮೇಯರ್ ಹಾಗು ಲಾಬ್ರುಯೆರೆ ನಂತರ ಜಾರ್ಜಿಯಾ ಹಾಗು ಹತ್ತಿರದ ರಾಜ್ಯಗಳಲ್ಲಿ ತಮ್ಮ ಪ್ರದರ್ಶನವನ್ನು ಪ್ರಾರಂಭಿಸಿದರು.
ಯಶಸ್ವಿಯಾದ ಪ್ರಮುಖ ಧ್ವನಿಮುದ್ರಣಗಳು
ಮೇಯರ್ ನ ಖ್ಯಾತಿಯು ಬೆಳೆಯತೊಡಗಿತು. ಜೊತೆಗೆ ಮಾರ್ಚ್ 2000ದಲ್ಲಿ ಸೌತ್ ಬೈ ಸೌತ್ವೆಸ್ಟ್ ನ ಪ್ರದರ್ಶನದಲ್ಲಿ ಕಾಣಿಸಿಕೊಂಡ. ಇದು ಧ್ವನಿಮುದ್ರಣ ಮಾಡುವ "ಬಿಡುಗಡೆ" ಸಂಸ್ಥೆ ಅವೇರ್ ರೆಕಾರ್ಡ್ಸ್ ನ ಗಮನ ಸೆಳೆಯಿತು.[೧೧][೨೦][೨೧] ಆತ ಅವೇರ್ ಉತ್ಸವ ಗೋಷ್ಠಿಗಳಲ್ಲಿ ಸೇರಿಕೊಂಡ. ಅಲ್ಲದೇ ಆತನ ಹಾಡುಗಳು ಅವೇರ್ ನ ಸಂಕಲನದಲ್ಲಿ ಒಳಗೊಂಡ ಮೇಲೆ, 2001ರ ಮೊದಲ ಭಾಗದಲ್ಲಿ, ಅವೇರ್ ಮೇಯರ್ ನ ರೂಂ ಫಾರ್ ಸ್ಕ್ವೆರ್ ಎಂಬ ಹೆಸರಿನ ಏಕೈಕ ಇಂಟರ್ ನೆಟ್-ಆಲ್ಬಮ್ ಅನ್ನು ಬಿಡುಗಡೆಮಾಡಿತು. ಆ ಸಮಯದಲ್ಲಿ, ಅವೇರ್ ಕೊಲಂಬಿಯಾ ರೆಕಾರ್ಡ್ಸ್ ಜೊತೆಗೆ ಒಂದು ಒಪ್ಪಂದಕ್ಕೆ ಸಹಿ ಹಾಕಿತು. ಇದರಲ್ಲಿ ಕೊಲಂಬಿಯಾಕ್ಕೆ ಅವೇರ್ ಕಲಾವಿದರನ್ನು ಮೊದಲು ಆಯ್ಕೆ ಮಾಡಿಕೊಳ್ಳುವ ಅವಕಾಶ ದೊರೆಯಿತು. ಹೀಗಾಗಿ ಅದೇ ವರ್ಷದ ಸೆಪ್ಟೆಂಬರ್ ನಲ್ಲಿ, ಕೊಲಂಬಿಯಾ ರೂಂ ಫಾರ್ ಸ್ಕ್ವೆರ್ಸ್ ಅನ್ನು ಮರು ಮಿಶ್ರಿತ ಧ್ವನಿ ಮುದ್ರಣ ಮಾಡುವುದರ ಜೊತೆಗೆ ಮರು ಬಿಡುಗಡೆಮಾಡಿತು.[೨೨] ಪ್ರಮುಖ ಧ್ವನಿಮುದ್ರಣದ "ಪ್ರಥಮಪ್ರದರ್ಶನ" ದ ಭಾಗವಾಗಿ ಆಲ್ಬಮ್ ನ ಚಿತ್ರಗೆಲಸವನ್ನು ಪರಿಷ್ಕರಿಸಲಾಯಿತು. ಜೊತೆಗೆ "3x5" ಎಂಬ ಹಾಡನ್ನು ಸೇರಿಸಲಾಯಿತು. ಮರು-ಬಿಡುಗಡೆಯು ಆತನ ಇಂಡಿ ಆಲ್ಬಮ್ ಇನ್ಸೈಡ್ ವಾಂಟ್ಸ್ ಔಟ್ ನ ಮೊದಲ ನಾಲ್ಕು ಹಾಡುಗಳ ಸ್ಟುಡಿಯೋ ರೂಪಾಂತರದಲ್ಲಿ ಮಾಡಲಾದ ಪುನರ್ ವಿನ್ಯಾಸ ಒಳಗೊಂಡಿತ್ತು.[೨೩]
ಕಳೆದ 2002ರ ಕಡೆಯಲ್ಲಿ, ರೂಂ ಫಾರ್ ಸ್ಕ್ವೆರ್ಸ್ ಹಲವು ರೇಡಿಯೋ ಗೀತೆಗಳಿಗೆ ದಾರಿ ಮಾಡಿಕೊಟ್ಟಿತು. ಇದರಲ್ಲಿ "ನೋ ಸಚ್ ಥಿಂಗ್", "ಯುವರ್ ಬಾಡಿ ಇಸ್ ಏ ವಂಡರ್ ಲ್ಯಾಂಡ್," ಹಾಗು ಅಂತಿಮವಾಗಿ "ವೈ ಜಾರ್ಜಿಯಾ" ಹಾಡುಗಳು ಸೇರಿಕೊಂಡಿವೆ. ಕಳೆದ 2003ರಲ್ಲಿ, ಮೇಯರ್ ಪಾಪ್ ವೋಕಲ್ ಪ್ರದರ್ಶನದ ಅತ್ಯುತ್ತಮ ಗಾಯಕ ಎಂದು ಗ್ರ್ಯಾಮ್ಮಿ ಪ್ರಶಸ್ತಿಯನ್ನು "ಯುವರ್ ಬಾಡಿ ಇಸ್ ಏ ವಂಡರ್ ಲ್ಯಾಂಡ್" ಹಾಡಿಗಾಗಿ ಪಡೆದ. ಪ್ರಶಸ್ತಿ ಸ್ವೀಕರಿಸಿದ ನಂತರ ಮಾತನಾಡುತ್ತಾ, "ಇದು ತುಂಬಾ, ತುಂಬಾ ಬೇಗ ಬಂದಿದೆ, ಹಾಗು ನಾನು ಇದನ್ನು ಉಳಿಸಿಕೊಳ್ಳುವ ಭರವಸೆಯನ್ನು ನೀಡುತ್ತೇನೆ."[೨೪] ಆತನು ಸಂಖ್ಯಾತ್ಮಕವಾಗಿ ತನ್ನದು ಹದಿನಾರೆಂದು ಸೂಚಿಸಿದ. ಈ ಹೇಳಿಕೆಯನ್ನು ಹಲವರು ಆತನಿಗೆ ಆ ಸಮಯದಲ್ಲಿ ಹದಿನಾರು ವರ್ಷ ವಯಸ್ಸಾಗಿತ್ತೆಂದು ತಪ್ಪಾಗಿ ಅರ್ಥೈಸಿಕೊಂಡರು.[೨೫]
ಕಳೆದ 2003ರಲ್ಲಿ, ಮೇಯರ್ ಬಿರ್ಮಿಂಗ್ಹಾಮ್, ಅಲಬಾಮ ನಲ್ಲಿ ನಡೆದ ಸಂಗೀತ ಗೋಷ್ಠಿಯ ನೇರಪ್ರಸಾರದ CD ಹಾಗು DVDಯನ್ನು ಬಿಡುಗಡೆ ಮಾಡಿದ. ಇದರ ಹೆಸರು ಎನಿ ಗಿವೆನ್ ಥರ್ಸ್ ಡೇ . ಸಂಗೀತ ಗೋಷ್ಠಿಯು ಮುಂಚೆ ಧ್ವನಿಮುದ್ರಣವಾಗದ ಹಾಡುಗಳನ್ನು ಒಳಗೊಂಡಿತ್ತು. ಉದಾಹರಣೆಗೆ "ಮ್ಯಾನ್ ಆನ್ ದಿ ಸೈಡ್" (ಕುಕ್ ಜೊತೆ ಬರೆದ ಹಾಡು) ಹಾಗು "ಸಂಥಿಂಗ್'ಸ್ ಮಿಸ್ಸಿಂಗ್", ಇದು ನಂತರ ಹೆವಿಯರ್ ಥಿಂಗ್ಸ್ ನಲ್ಲಿ ಕೇಳಿಬಂದಿತ್ತು. ಸಂಗೀತ ಗೋಷ್ಠಿಯು "ಕವರ್ಡ್ ಇನ್ ರೈನ್" ಹಾಡನ್ನೂ ಸಹ ಒಳಗೊಂಡಿತ್ತು. DVDಯನ್ನು ಜೊತೆಗೂಡಿದ ಸಾಕ್ಷ್ಯಚಿತ್ರದ ಪ್ರಕಾರ, ಈ ಹಾಡು "ಸಿಟಿ ಲವ್" ಹಾಡಿನ "ಎರಡನೇ ಭಾಗ". ಇದು "ಕವರ್ಡ್ ಇನ್ ರೇನ್" ಹಾಡಿನ ಸಾಲುಗಳನ್ನು ಹೊಂದಿದೆ. ವ್ಯಾಪಾರಿ ದೃಷ್ಟಿಯಿಂದ ನೋಡಿದಾಗ, ಆಲ್ಬಮ್ ತ್ವರಿತವಾಗಿ ಬಿಲ್ ಬೋರ್ಡ್ 200ರ ಪಟ್ಟಿಯಲ್ಲಿ ಹದಿನೇಳನೇ ಸ್ಥಾನವನ್ನು ಪಡೆಯಿತು. CD/DVD ಯು ಸಂಪ್ರದಾಯಿಕವಾದ ಆದರೂ ಸುಸಂಗತವಾಗಿದ್ದರಿಂದ ಪ್ರಶಂಸೆ ಗಳಿಸಿತು. ವಿಮರ್ಶಕರು ಆತನ ಪಾಪ್-ಐಡಲ್ ರೂಪ, ಹಾಗು (ಆ ಸಮಯದ)ಅಸ್ತಿತ್ವಕ್ಕೆ ಬಂದ ಅವನ ಗಿಟಾರ್ ಕುಶಲತೆಯ ನಡುವೆ ದ್ವಂದ್ವಕ್ಕೆ ಸಿಲುಕಿದರು. ಎರಿಕ್ ಕ್ರವ್ ಫೋರ್ಡ್ (ಆಲ್ ಮ್ಯೂಸಿಕ್ ನ) ಪ್ರಶ್ನಿಸುವಂತೆ "ಇವನು ಸ್ಟೆವಿ ರೇಯ್ ವುಗ್ಹನ್ ರ 'ಲೆನ್ನಿ' ಯನ್ನು ನುಡಿಸುವ ಒಬ್ಬ ಸಂಪೂರ್ಣವಾದ ಗಿಟಾರ್ ಹಿರೋನ ನಿದರ್ಶನವೇ, ಅಥವಾ 'ಯುವರ್ ಬಾಡಿ ಇಸ್ ಏ ವಂಡರ್ ಲ್ಯಾಂಡ್" ನುಡಿಸಿದ ನಂತರ ಹರೆಯದ ಹುಡುಗಿಯರು ಕೇಕೆ ಹಾಕುತ್ತಾ ಜೋರಾಗಿ ಕೂಗಿಕೊಳ್ಳುವ ಹದಿಹರೆಯದವರ ಆರಾಧ್ಯ-ವ್ಯಕ್ತಿಯೇ?"[೨೬][೨೬][೨೭]
ಮೇಯರ್ ನ ಎರಡನೇ ಆಲ್ಬಮ್, ಹೆವಿಯರ್ ಥಿಂಗ್ಸ್ , 2003ರಲ್ಲಿ ಬಿಡುಗಡೆಯಾಗುವುದರ ಜೊತೆಗೆ ಸಾಮಾನ್ಯವಾಗಿ ಉತ್ತಮ ಪ್ರತಿಕ್ರಿಯೆಯನ್ನೇ ಪಡೆಯಿತು. ರೋಲಿಂಗ್ ಸ್ಟೋನ್, ಆಲ್ ಮ್ಯೂಸಿಕ್ ಹಾಗು ಬ್ಲೆನ್ಡರ್ ಸಕಾರಾತ್ಮಕ ಆದರೂ ಹೆಚ್ಚಾಗಿ ಪ್ರಚಾರ ಮಾಡದೆ ಪ್ರತಿಕ್ರಿಯೆ ನೀಡಿತು. PopMatters ಹೇಳುವಂತೆ "ಇದರಲ್ಲಿ ಒಬ್ಬರು ಊಹಿಸುವ ಹಾಗೆ ಹಲವು ನ್ಯೂನತೆಗಳಿಲ್ಲ".[೨೮] ವ್ಯಾಪಾರ ದೃಷ್ಟಿಯಿಂದ ಆಲ್ಬಮ್ ಯಶಸ್ವಿಯಾಯಿತು. ಜೊತೆಗೆ ರೂಂ ಫಾರ್ ಸ್ಕ್ವೆರ್ಸ್ ನಷ್ಟು ಮಾರಾಟವಾಗದಿದ್ದರೂ, ಇದು US ಬಿಲ್ ಬೋರ್ಡ್ ಪಟ್ಟಿಯಲ್ಲಿ ಅಗ್ರ ಸ್ಥಾನವನ್ನು ಪಡೆಯಿತು. ಮೇಯರ್ ತನ್ನ ಮೊದಲ ಏಕಗೀತೆ "ಡಾಟರ್ಸ್" ಗಾಗಿ ಖ್ಯಾತಿಯನ್ನು ಪಡೆಯುವುದರ ಜೊತೆಗೆ 2005ರಲ್ಲಿ ವರ್ಷದ ಹಾಡು ಎಂದು ಗ್ರ್ಯಾಮ್ಮಿ ಪ್ರಶಸ್ತಿ ಪಡೆದ. ಆತ ತನಗೆ ಸ್ಪರ್ಧೆಯೊಡಿದ್ದ ಅಲಿಸಿಯಾ ಕೀಸ್ ಹಾಗು ಕಾನ್ಯೇ ವೆಸ್ಟ್ ರನ್ನು ಸೋಲಿಸಿದ. ಅವನು ಈ ಪ್ರಶಸ್ತಿಯನ್ನು 2004ರಲ್ಲಿ ನಿಧನರಾದ ತನ್ನ ಅಜ್ಜಿ, ಅನ್ನಿಎ ಹೊಫ್ಫ್ ಮ್ಯಾನ್ ಗೆ ಅರ್ಪಿಸಿದ. ಆತನು ಪಾಪ್ ವೋಕಲ್ ಪ್ರದರ್ಶನದ ಅತ್ಯುತ್ತಮ ಗಾಯಕ ಎಂಬ ಪ್ರಶಸ್ತಿಗೆ ಪಾತ್ರನಾಗುವುದರ ಜೊತೆಗೆ ಪ್ರಶಸ್ತಿಗಾಗಿ ಪೈಪೋಟಿ ನಡೆಸಿದ ಎಲ್ವಿಸ್ ಕಾಸ್ಟೆಲ್ಲೋ, ಪ್ರಿನ್ಸ್, ಹಾಗು ಸೇಅಲ್ ರನ್ನು ಸೋಲಿಸಿದ. ಫೆಬ್ರವರಿ 9, 2009ರಲ್ಲಿ, ದಿ ಎಲ್ಲೆನ್ ಡಿಜೆನೆರೆಸ್ ಶೋ ನ ಸಂದರ್ಶನದಲ್ಲಿ, ಮೇಯರ್ ತಾನು ಗ್ರ್ಯಾಮ್ಮಿ ಪ್ರಶಸ್ತಿ ದೊರಕುವ ಬದಲಾಗಿ ಅಲಿಸಿಯಾ ಕೀಸ್ ಳ ಇಫ್ ಐ ಅಇನ್'ಟ್ ಗಾಟ್ ಯು ಹಾಡಿಗೆ ಪ್ರಶಸ್ತಿ ಬರಬೇಕಾಗಿತ್ತು, ಏಕೆಂದರೆ ಅದು ನನ್ನ ಹಾಡಿಗಿಂತ ಉತ್ತಮವಾಗಿತ್ತೆಂದು ಹೇಳುತ್ತಾನೆ. ಇದರಿಂದಾಗಿ, ಆತನು ಗ್ರ್ಯಾಮ್ಮಿ ಪ್ರಶಸ್ತಿಯ ಪಾರಿತೋಷಕದ ಮೇಲ್ಭಾಗವನ್ನು ತೆಗೆದು ಕೀಸ್ ಗೆ ಕೊಡುತ್ತಾನೆ, ಜೊತೆಗೆ ಕೆಳಭಾಗವನ್ನು ತನಗಾಗಿ ಉಳಿಸಿಕೊಳ್ಳುತ್ತಾನೆ.[೨೯] 37ನೇ ವಾರ್ಷಿಕ ಸಾಂಗ್ ರೈಟರ್ಸ್ ಹಾಲ್ ಆಫ್ ಫೇಮ್ ನ 2006ರ ಪ್ರತಿಷ್ಠಾಪನಾ ಸಮಾರಂಭದಲ್ಲಿ ಮೇಯರ್ ಗೆ ಹಾಲ್ ಡೇವಿಡ್ ಸ್ಟಾರ್ ಲೈಟ್ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.[೩೦]
ಮೇಯರ್ 2004ರಲ್ಲಿ ತನ್ನ U.S ಪ್ರವಾಸದ ಸಂದರ್ಭದಲ್ಲಿ ಮತ್ತೊಮ್ಮೆ ಏಳು ದಿನಗಳ ಕಾಲ ನೇರ ಸಂಗೀತ ಪ್ರದರ್ಶನ ನೀಡಿದ. ಈ ಧ್ವನಿಮುದ್ರಣವನ್ನು ಆಸ್/ಇಸ್ ಶೀರ್ಷಿಕೆಯಡಿಯಲ್ಲಿ iTunes ಸಂಗೀತ ಸಂಸ್ಥೆಯು ಬಿಡುಗಡೆಮಾಡಿತು. ಧ್ವನಿ ಮುದ್ರಣದಲ್ಲಿರುವ ಅಲ್ಪ ದೋಷಗಳನ್ನು ಅಲಕ್ಷಿಸಿ ಬಿಡುಗಡೆ ಮಾಡಲಾಯಿತು. ಕೆಲವು ತಿಂಗಳ ಬಳಿಕ, ಆಸ್/ಇಸ್ ಸಂಗೀತ ರಾತ್ರಿಯಲ್ಲಿ CD ಗಾಗಿ ಆಯ್ದ ಹಾಡುಗಳಲ್ಲಿ "ಉತ್ತಮವಾದುದನ್ನು" ಸಂಕಲಿಸಲಾಯಿತು. ಆಲ್ಬಮ್ ಮೊದಲು ಬಿಡುಗಡೆಗೊಳ್ಳದ ಕವರ್ ನಲ್ಲಿ (ಮುಂಚಿತವಾಗಿ ಧ್ವನಿಮುದ್ರಣ ಮಾಡಿದ ಜನಪ್ರಿಯ ಹಾಡುಗಳ ಮರು ಮುದ್ರಣ) ಮರ್ವಿನ್ ಗಯೇ ಅವರ ಹಾಡು "ಇನ್ನೆರ್ ಸಿಟಿ ಬ್ಲೂಸ್ (ಮೇಕ್ ಮೀ ವಾನ್ನ ಹೊಲ್ಲರ್)" ಹಾಡು ಒಳಗೊಂಡಿತ್ತು. ಇದರಲ್ಲಿ ಜಾಜ್ಜ್ ಹಾಗು ಬ್ಲೂಸ್ ಟರ್ನ್ಟೇಬಲಿಸ್ಟ್, DJ ಲಾಜಿಕ್ ನ ಸಹಾಯದೊಂದಿಗೆ ಮೇಯರ್ ಒಂಟಿಯಾಗಿ ಪ್ರದರ್ಶನ ನೀಡಿದ. ಬಿಡುಗಡೆಯಾದ ಆಸ್/ಇಸ್ ನ ಎಲ್ಲ ಆಲ್ಬಮ್ ಕವರ್ ಗಳು ಮೊಲದ ವೇಷ ಧರಿಸಿದ ಮಾನವಾಕೃತಿಯ ಚಿತ್ರಗಳನ್ನು ಹೊಂದಿತ್ತು.[೩೧]
ಜನಪ್ರಿಯತೆಯು ವ್ಯಾಪಕವಾಗಿ ಬೆಳೆಯುತ್ತಿದ್ದಂತೆ, ಇತರ ಕ್ಷೇತ್ರದಲ್ಲಿನ ಮೇಯರ್ ನ ಪ್ರತಿಭೆಗೆ ಬೇಡಿಕೆ ಬರತೊಡಗಿತು. ಜನವರಿ 2004ರಲ್ಲಿ, ಆಪಲ್ ನ ವಾರ್ಷಿಕ ಮ್ಯಾಕ್ ವರ್ಲ್ಡ್ ಕಾನ್ಫಾರೆನ್ಸ್ & ಎಕ್ಸ್ಪೋ ನ ಪ್ರಧಾನ ಭಾಷಣದಲ್ಲಿ ಸ್ಟೀವ್ ಜಾಬ್ಸ್ ಮೇಯರ್ ಗೆ ಸಂಗೀತ ಪ್ರದರ್ಶನ ನೀಡುವಂತೆ ಆಹ್ವಾನಿಸಿದರು. ಜಾಬ್ಸ್ GarageBand ಎಂಬ ಸಾಫ್ಟ್ ವೇರ್ ಆಪ್ಲಿಕೇಶನ್ ನನ್ನು ಪರಿಚಯಿಸಿದ್ದರು.[೩೨] ಸಮಾರಂಭದಲ್ಲಿ ನಡೆದ ಗಿಗ್ ನಿಂದಾಗಿ ಮೇಯರ್ ಜನರ ಮನಸ್ಸಿನಲ್ಲಿ ಶಾಶ್ವತವಾಗಿ ನೆಲೆಯೂರಿಬಿಟ್ಟ.ಆತನು ಮ್ಯಾಕ್ ವರ್ಲ್ಡ್2007ರ ಕಾರ್ಯಕ್ರಮದಲ್ಲಿ ಜಾಬ್ಸ್ ಜೊತೆ ಮತ್ತೆ ಜೋಡಿಯಾಗಿ ವೇದಿಕೆಯಲ್ಲಿ ಏಕಾಂಗಿ ಪ್ರದರ್ಶನ ನೀಡಿದ. ಇದು iPhone ಬಗ್ಗೆ ಪ್ರಕಟಣೆ ನೀಡುವ ಒಂದು ಕಾರ್ಯಕ್ರಮವಾಗಿತ್ತು.[೩೩] ಮೇಯರ್ ಬೀಟಲ್ ಗಿಟಾರ್ ಮಳಿಗೆಯಲ್ಲಿ ವೋಲ್ಕ್ಸ್ವಗೆನ್ ಜಾಹಿರಾತಿಗಾಗಿ ಹಾಗು ಬ್ಲಾಕ್ ಬೆರಿ ಕರ್ವ್ ಗಾಗಿ ಪ್ರಚಾರನೀಡಲು ಸಮ್ಮತಿ ಸೂಚಿಸಿದ್ದಾನೆ.[೩೪]
ಸಂಗೀತದ ದಿಕ್ಕಿನಲ್ಲಿ ಬದಲಾವಣೆ
ಮೇಯರ್ ವ್ಯಾಪಕವಾಗಿ ತನ್ನ ಶೈಲಿಯವರಲ್ಲದೆ ಇತರ ಕಲಾವಿದರ ಜೊತೆಗೂ ಸಾಮಾನ್ಯವಾಗಿ ಜೊತೆಗೂಡಿ ಕೆಲಸ ಮಾಡಿದ್ದಾನೆ. ಆತನು ಕಾಮನ್'ಸ್ ಹಾಡು "ಗೋ!" ನಲ್ಲಿ ಕಾಣಿಸಿಕೊಂಡಿದ್ದಾನೆ. ಜೊತೆಗೆ ಕಾನ್ಯೇ ವೆಸ್ಟ್ ರ "ಬಿಟ್ಟರ್ ಸ್ವೀಟ್ ಪೋಯಟ್ರಿ" ಯಲ್ಲೂ ಕಾಣಿಸಿಕೊಂಡಿದ್ದಾನೆ.b[›] ಈ ಎಲ್ಲ ಸಹಯೋಗಗಳ ಪರಿಣಾಮವಾಗಿ, ಮೇಯರ್ ರಾಪ್ ಪ್ರಮುಖರಾದ ಜೆಯ್-J ಹಾಗು ನೆಲ್ಲಿ ಯಿಂದ ಮೆಚ್ಚುಗೆಯನ್ನೂ ಗಳಿಸಿದ್ದಾನೆ.[೩೫] ಹಿಪ್ ಹಾಪ್ ಸಮುದಾಯದಲ್ಲಿ ಆತನ ಉಪಸ್ಥಿತಿಯ ಬಗ್ಗೆ ಪ್ರಶ್ನಿಸಿದಾಗ, "ಈಗ ಅಲ್ಲಿ ಸಂಗೀತ ಇಲ್ಲವೆಂದು ಹೇಳುತ್ತಾನೆ, ಹೀಗಾಗಿ, ನನ್ನ ಪ್ರಕಾರ, ಹಿಪ್-ಹಾಪ್ ನಲ್ಲಿ ರಾಕ್ ಅನ್ನು ಬಳಸಬೇಕು."[೩೬]
ಸರಿಸುಮಾರು ಇದೆ ಸಮಯದಲ್ಲಿ ಮೇಯರ್ ತನ್ನ ಸಂಗೀತಾಸಕ್ತಿಯಲ್ಲಿ ಬದಲಾವಣೆಯಾಗುತ್ತಿರುವ ಬಗ್ಗೆ ಸೂಚನೆಯನ್ನು ನೀಡುತ್ತಾನೆ. ಜೊತೆಗೆ "ತನ್ನ ಅಕೌಸ್ಟಿಕ್ ಸೂಕ್ಷ್ಮತೆಯ ಶೈಲಿಯನ್ನು ನಿಲ್ಲಿಸುತ್ತೇನೆಂದು" ಘೋಷಿಸಿದ.[೩೬] ಕಳೆದ 2005ರ ಸುಮಾರಿಗೆ, ಆತ ವಿವಿಧ ಬ್ಲೂಸ್ ಕಲಾವಿದರೊಂದಿಗೆ ಜೊತೆಗೂಡಿ ಕೆಲಸ ಮಾಡಿದ. ಇವರಲ್ಲಿ ಬಡ್ಡಿ ಗಯ್, B.B. ಕಿಂಗ್, ಎರಿಕ್ ಕ್ಲಾಪ್ಟನ್, ಹಾಗು ಜಾಜ್ಜ್ ಸಂಗೀತಗಾರ ಜಾನ್ ಸ್ಕೋಫೀಲ್ಡ್ ಸೇರಿದ್ದಾರೆ. ಆತ ಜಾಜ್ಜ್ ಪಿಯನೋ ವಾದನದ ದಂತಕಥೆ ಹರ್ಬಿ ಹಾನ್ಕಾಕ್ಕ್ ಜೊತೆ ಪ್ರವಾಸ ಕೈಗೊಂಡ. ಪ್ರವಾಸವನ್ನು ಮ್ಯಾನ್ಚೆಸ್ಟರ್, ಟೆನ್ನೆಸ್ಸೀ ಯಲ್ಲಿ ನಡೆದ ಬೋನ್ನರೂ ಸಂಗೀತ ಉತ್ಸವ ಕ್ಕಾಗಿ ಕೈಗೊಳ್ಳಲಾಗಿತ್ತು. ಈ ಸಹಯೋಗವು ಹಲವಾರು ಕಲಾವಿದರ ಜೊತೆ ಧ್ವನಿಮುದ್ರಣ ಮಾಡುವ ಅವಕಾಶಕ್ಕೆ ದಾರಿ ಮಾಡಿಕೊಟ್ಟಿತು. ಉದಾಹರಣೆಗೆ, ಕ್ಲಾಪ್ಟನ್ (ಬ್ಯಾಕ್ ಹೋಂ , ಕ್ರಾಸ್ ರೋಡ್ಸ್ ಗಿಟಾರ್ ಉತ್ಸವ), ಗಯ್ (ಬ್ರಿಂಗ್ 'ಎಂ ಇನ್ ), ಸ್ಕೋಫೀಲ್ಡ್ (ದಟ್'ಸ್ ವಾಟ್ ಐ ಸೆ ), ಹಾಗು ಕಿಂಗ್ (80 ). ಮೇಯರ್ ಒಬ್ಬ ಸೂಕ್ಷ್ಮ ಗಾಯಕ-ಹಾಡುಬರಹಗಾರ ಎಂಬ ಖ್ಯಾತಿ ಪಡೆದಿದ್ದರೂ ಸಹ, ಒಬ್ಬ ಸುಶಿಕ್ಷಿತ ಗಿಟಾರ್ ವಾದಕನೆಂಬ ಮನ್ನಣೆಯನ್ನೂ ಪಡೆದಿದ್ದಾನೆ. ಮೇಲೆ ಉಲ್ಲೇಖಿತರಾಗಿರುವ ಕಲಾವಿದರ ಜೊತೆಗೆ, ಜಿಮಿ ಹೆಂಡ್ರಿಕ್ಸ್, ಸ್ಟೆವಿ ರೇಯ್ ವುಗ್ಹನ್, ರೋಬರ್ಟ್ ಕ್ರಾಯ್, ಹಾಗು ಫ್ರೆಡ್ಡಿ ಕಿಂಗ್ ರಿಂದಲೂ ಪ್ರಭಾವಿತನಾಗಿದ್ದಾನೆ.[೩೮]
ಜಾನ್ ಮೇಯರ್ (ತ್ರಯರು)ಟ್ರೀಓ
ಕಳೆದ 2005ರ ವಸಂತ ಋತುವಿನಲ್ಲಿ, ಮೇಯರ್ ಪಿನೋ ಪಲ್ಲಾಡಿನೊ ಹಾಗು ಡ್ರಮ್ಮರ್ ಸ್ಟೀವ್ ಜೋರ್ಡನ್ ಜೊತೆಗೂಡಿ ಜಾನ್ ಮೇಯರ್ ಟ್ರೀಓ ವನ್ನು ರೂಪಿಸುತ್ತಾನೆ. ಇವರಿಬ್ಬರನ್ನು ಆತ ಮುಂಚೆ ಸ್ಟುಡಿಯೋದಲ್ಲಿ ಸಂಧಿಸಿದ್ದ. ಈ ಮೂವರು(ಟ್ರೀಓ) ರಾಕ್ ಸಂಗೀತ ಹಾಗು ಬ್ಲೂಸ್ ಸಂಗೀತದ ಸಂಯೋಜನೆಯನ್ನು ನುಡಿಸುತ್ತಾರೆ. ಅಕ್ಟೋಬರ್ 2005ರಲ್ಲಿ, ಈ ಮೂವರು ದಿ ರೋಲಿಂಗ್ ಸ್ಟೋನ್ಸ್ ನ ಮಾರಾಟಕ್ಕೆ ತಮ್ಮ ತಂಡದೊಂದಿಗೆ ಪ್ರವಾಸವನ್ನು ಕೈಗೊಳ್ಳುವುದರ ಜೊತೆಗೆ,[೪೦] ನವೆಂಬರ್ ನಲ್ಲಿ ಟ್ರೈ ಎನ್ನುವ ಒಂದು ಲೈವ್ ಆಲ್ಬಮ್ ಅನ್ನು ಬಿಡುಗಡೆಮಾಡಿದರು. ತಂಡವು 2006ರ ಮಧ್ಯದ ಹೊತ್ತಿಗೆ ಕೆಲಕಾಲ ವಿರಾಮ ಪಡೆಯಿತು. ಸೆಪ್ಟೆಂಬರ್ 2006ರಲ್ಲಿ, ಮೇಯರ್ ಟ್ರೀಓ ಮುಂಬರುವ ತಮ್ಮ ಸ್ಟುಡಿಯೋ ಆಲ್ಬಮ್ ನ ಕೆಲಸವನ್ನು ಪ್ರಾರಂಭ ಮಾಡುವ ಯೋಜನೆಯನ್ನು ಪ್ರಕಟ ಪಡಿಸಿದರು.[೪೧]
ಕಂಟಿನ್ಯಂ ಶಕೆ
ಮೇಯರ್ ನ ಕಂಟಿನ್ಯಂ ಹೆಸರಿನ ಮೂರನೇ ಸ್ಟುಡಿಯೋ ಆಲ್ಬಮ್ ಸೆಪ್ಟೆಂಬರ್ 12, 2006ರಂದು ಬಿಡುಗಡೆಯಾಯಿತು. ಇದನ್ನು ಮೇಯರ್ ಹಾಗು ಸ್ಟೀವ್ ಜೋರ್ಡನ್ ನಿರ್ಮಿಸಿದರು. ಮೇಯರ್ ನ ಈ ಆಲ್ಬಮ್ ಆತನ ವಿಶಿಷ್ಟವಾದ ಪಾಪ್ ಸಂಗೀತದ ಜೊತೆಗೆ ಭಾವ, ಇಂಪು, ಜಾಜ್ ಸಂಗೀತದ ಅನುಭವ ಹಾಗು ಬ್ಲೂಸ್ ಶೈಲಿಯ ಸಂವೇದನಾ ಶಕ್ತಿ ಮಿಶ್ರಣ ಮಾಡುವ ಉದ್ದೇಶ ಹೊಂದಿತ್ತೆಂದು ಸೂಚಿಸುತ್ತಾನೆ. ಈ ಶೈಲಿಯಲ್ಲಿ, ಬಿಡುಗಡೆಯಾದ ಆತನ ಮೂರು ಹಾಡುಗಳಲ್ಲಿ ಎರಡು ಟ್ರೈ -ದಿ ಫಂಕಿ "ವಲ್ಚರ್ಸ್" ಹಾಡು ಬ್ಲೂಸ್ ನ ಜನಪ್ರಿಯ ಹಾಡು "ಗ್ರ್ಯಾವಿಟಿ" ಯನ್ನು ಕಂಟಿನ್ಯಂ ನಲ್ಲಿ ಸೇರಿಸಲಾಯಿತು. ಮೇಯರ್ "ಗ್ರ್ಯಾವಿಟಿ" ಯನ್ನು ತಾನು ಹಿಂದೆಂದು ಬರೆಯದ ಅತ್ಯಂತ ಪ್ರಮುಖ ಹಾಡೆಂದು ಹೇಳಿದ್ದಾನೆ.[೪೨][೪೩]
ಕಂಟಿನ್ಯಂ ನ ಮೊದಲ ಏಕಗೀತೆ "ವೇಟಿಂಗ್ ಆನ್ ದಿ ವರ್ಲ್ಡ್ ಟು ಚೇಂಜ್," ದಿ ರಾನ್ ಅಂಡ್ ಫೇಜ್ ಶೋ ನಲ್ಲಿ ಪ್ರಥಮ ಪ್ರದರ್ಶನಗೊಂಡಿತು. ಈ ಹಾಡು ಜುಲೈ 11, 2006ರಲ್ಲಿ ಬಿಡುಗಡೆಯಾಗಿ iTunes ಮ್ಯೂಸಿಕ್ ಮಳಿಗೆಗೆ ಬಂದ ವಾರದಲ್ಲಿ ಡೌನ್ ಲೋಡ್ ಮಾಡಲಾದ ಮೂರನೇ ಅತ್ಯಂತ ಜನಪ್ರಿಯ ಹಾಡೆನಿಸಿತು. ಜೊತೆಗೆ ಬಿಲ್ ಬೋರ್ಡ್ ಹಾಟ್ 100ರ ಪಟ್ಟಿಯಲ್ಲಿ #25 ಸ್ಥಾನದೊಂದಿಗೆ ಪ್ರಥಮಪ್ರದರ್ಶನಗೊಂಡಿತು. ಆಗಸ್ಟ್ 23, 2006ರಲ್ಲಿ, ಮೇಯರ್ ಲಾಸ್ ಏಂಜಲಿಸ್ ನ ಬಾನುಲಿ ಕೇಂದ್ರ ಸ್ಟಾರ್ 98.7 ನಲ್ಲಿ ಸಂಪೂರ್ಣ ಆಲ್ಬಮ್ ನ ಪ್ರಥಮ ಪ್ರದರ್ಶನ ನೀಡುವುದರ ಜೊತೆಗೆ ಪ್ರತಿ ಹಾಡಿಗೂ ವಿವರಣೆ ನೀಡಿದ.[೪೪] ಇದರ ನಂತರದ ರೂಪವು ಮರು ದಿನ ಕ್ಲಿಯರ್ ಚಾನೆಲ್ ಮ್ಯೂಸಿಕ್ ನ ಅಂತರ್ಜಾಲದಲ್ಲಿ ಪೂರ್ವಭಾವಿಯಾಗಿ ಬಿಡುಗಡೆಯಾಗುವುದರ ಜೊತೆಗೆ ಪ್ರಚಾರ ಪಡೆಯಿತು. ಸೆಪ್ಟೆಂಬರ್ 21, 2006ರಲ್ಲಿ, ಮೇಯರ್ CSI ನಲ್ಲಿ ಕಾಣಿಸಿಕೊಳ್ಳುವುದರ ಜೊತೆಗೆ "ವೇಟಿಂಗ್ ಆನ್ ದಿ ವರ್ಲ್ಡ್ ಟು ಚೇಂಜ್" ಹಾಗು "ಸ್ಲೋ ಡಾನ್ಸಿಂಗ್ ಇನ್ ಏ ಬರ್ನಿಂಗ್ ರೂಂ" ನನ್ನು ನುಡಿಸಿದ. "ಗ್ರ್ಯಾವಿಟಿ" ಹಾಡು ಕಿರುತೆರೆ ಸರಣಿ ಹೌಸ್ ನ "ಕೇನ್ & ಏಬಲ್" ಸಂಚಿಕೆ ಹಾಗು Numb3rs ನಲ್ಲಿ ಕೇಳಿಬಂದಿದೆ. ಆತನು ಲೈವ್ ಫ್ರಂ ಅಬ್ಬೆಯ್ ರೋಡ್ ಎಂಬ ಬ್ರಿಟಿಶ್ ಕಾರ್ಯಕ್ರಮದ ಒಂದು ಅವಧಿಗೆ ಅಬ್ಬೆಯ್ ರೋಡ್ ಸ್ಟುಡಿಯೊಸ್ ನಲ್ಲಿ ಅಕ್ಟೋಬರ್ 22, 2006ರಂದು ಧ್ವನಿಮುದ್ರಣ ಮಾಡಿದ.
ಡಿಸೆಂಬರ್ 7, 2006ರಂದು, ಮೇಯರ್ 2007ರ ಗ್ರ್ಯಾಮ್ಮಿ ಪ್ರಶಸ್ತಿಗಳಲ್ಲಿ ಐದು ಪ್ರಶಸ್ತಿಗಳಿಗೆ ನಾಮಕರಣಗೊಂಡ. ಇದರಲ್ಲಿ "ವರ್ಷದ ಆಲ್ಬಮ್" ಎಂಬ ಪ್ರಶಸ್ತಿಯ ನಾಮಕರಣವೂ ಒಂದು. ದಿ ಜಾನ್ ಮೇಯರ್ ಟ್ರೀಓ ಕೂಡ ತಮ್ಮ ಆಲ್ಬಮ್ ಟ್ರೈ ಗೆ ನಾಮಕರಣಗೊಂಡಿತು. ಆತನು ಎರಡು ಪ್ರಶಸ್ತಿಗಳಿಗೆ ಭಾಜನನಾದ: "ವೇಟಿಂಗ್ ಆನ್ ದಿ ವರ್ಲ್ಡ್ ಟು ಚೇಂಜ್" ಗಾಗಿ ಅತ್ಯುತ್ತಮ ಪಾಪ್ ಗಾಯಕ ಪ್ರಶಸ್ತಿ ಹಾಗು ಕಂಟಿನ್ಯಂ ಗಾಗಿ ಅತ್ಯುತ್ತಮ ಪಾಪ್ ಆಲ್ಬಮ್ ಎಂಬ ಪ್ರಶಸ್ತಿ ದೊರೆಯಿತು. ಮೇಯರ್ "ವೇಟಿಂಗ್ ಆನ್ ದಿ ವರ್ಲ್ಡ್ ಟು ಚೇಂಜ್" ಎಂಬ ತನ್ನ ಏಕಗೀತೆಯ ಅಕೌಸ್ಟಿಕ್ ರೂಪವನ್ನು ತನ್ನ ಸಹ ಸಂಗೀತಗಾರ ಬೆನ್ ಹಾರ್ಪರ್ ನ ಗಾಯನದ ಜೊತೆ ಮರು ಮಿಶ್ರಿತ ಧ್ವನಿ ಮುದ್ರಣವನ್ನು ಮಾಡಿದ. ಕಂಟಿನ್ಯಂ ಆಲ್ಬಮ್ ನ ಧ್ವನಿ ಮುದ್ರಣಕ್ಕೆ ತಯಾರಿ ನಡೆಸುವಾಗ, ಮೇಯರ್ ಲಾಸ್ ಏಂಜಲಿಸ್ ನ ವಿಲ್ಲೇಜ್ ರೆಕಾರ್ಡರ್ ಅನ್ನು ಗೊತ್ತು ಮಾಡಿದ. ಇದು ಹೆಸರಾಂತ ಸಂಗೀತಗಾರ ರೊಬ್ಬಿ ಮ್ಯಾಕ್ಇಂತೊಶ್ ಜೊತೆ ತನ್ನ ಹಾಡಿನ ಐದು ಅಕೌಸ್ಟಿಕ್ ರೂಪಗಳನ್ನು ಧ್ವನಿ ಮುದ್ರಣ ಮಾಡುವ ಸಲುವಾಗಿತ್ತು. ಈ ಧ್ವನಿಮುದ್ರಣಗಳು ದಿ ವಿಲ್ಲೇಜ್ ಸೆಷನ್ಸ್ ಎಂಬ ಹೆಸರು ಪಡೆಯಿತು. ಇದು ಒಂದು EP ಡಿಸೆಂಬರ್ 12, 2006ರಂದು ಬಿಡುಗಡೆಯಾಯಿತು. ಯಥಾಪ್ರಕಾರ, ಮೇಯರ್ ಬಿಡುಗಡೆಯಾದ ಧ್ವನಿಮುದ್ರಣದ ಮೇಲಿನ ಚಿತ್ರವನ್ನು ಪರಿಶೀಲಿಸಿದ.[೪೫]
ಮೇಯರ್ ಫೆಬ್ರವರಿ 2007ರಲ್ಲಿ ರೋಲಿಂಗ್ ಸ್ಟೋನ್ (#1020) ಧ್ವನಿ ಮುದ್ರಣದ ಮುಖಪುಟದಲ್ಲಿ ಜಾನ್ ಫ್ರುಸ್ಸಿಂಟೆ ಹಾಗು ಡೆರೆಕ್ ಟ್ರಕ್ಸ್ ಜೊತೆ ಕಾಣಿಸಿಕೊಂಡ. ಆತನನ್ನು "ನ್ಯೂ ಗಿಟಾರ್ ಗಾಡ್ಸ್" ಎಂದು ಹೆಸರಿಸಲಾಯಿತು. ಜೊತೆಗೆ ಕವರ್ ಆತನನ್ನು "ಸ್ಲೋಹ್ಯಾಂಡ್, Jr.," ಎಂದು ಎರಿಕ್ ಕ್ಲಾಪ್ಟನ್ ಗೆ ಹೋಲಿಸುತ್ತಾ ಅಡ್ಡ ಹೆಸರಿನಿದ ಕರೆಯಲಾಯಿತು.[೩೮] ಇದರ ಜೊತೆಗೆ, ಆತನನ್ನು ಟೈಮ್ ನಿಯತಕಾಲಿಕದ ಸಂಪಾದಕರು 2007ರ 100 ಅತ್ಯಂತ ಪ್ರಭಾವಿಶಾಲಿ ವ್ಯಕ್ತಿಗಳಲ್ಲಿ ಒಬ್ಬನೆಂದು ಆಯ್ಕೆ ಮಾಡಿದರು. ಜೊತೆಗೆ ಕಲಾವಿದರು ಹಾಗು ಮನೋರಂಜಕರ ಪಟ್ಟಿಗೆ ಆತನನ್ನು ಸೇರಿಸಿದರು.[೪೬]
ನವೆಂಬರ್ 20, 2007ರಂದು, ಕಂಟಿನ್ಯಂ ನ ಮರು-ಮುದ್ರಣವು ಆನ್ಲೈನ್ ಹಾಗು ಮಳಿಗೆಗಳಲ್ಲಿ ಲಭ್ಯವಾಯಿತು. ಈ ಬಿಡುಗಡೆಯು ಆತನ 2007ರ ಪ್ರವಾಸದ ಆರು ಹಾಡುಗಳನ್ನು ಒಳಗೊಂಡಿತ್ತು: ಐದು ಹಾಡುಗಳು ಕಂಟಿನ್ಯಂ ಆಲ್ಬಮ್ ನಿಂದ ಹಾಗು ರೇಯ್ ಚಾರ್ಲೆಸ್ ರ ಹಾಡು "ಐ ಡೋನ್'ಟ್ ನೀಡ್ ನೋ ಡಾಕ್ಟರ್" ನ ಒಂದು ಕವರ್ ಅನ್ನು ಒಳಗೊಂಡಿತ್ತು.[೪೭] ಆತನ ಹೊಸ ಏಕಗೀತೆ, "ಸೇಯ್," ಕೂಡ iTunes ಮೂಲಕ ಲಭ್ಯವಾಯಿತು. ಡಿಸೆಂಬರ್ 6, 2007ರಲ್ಲಿ, "ಬಿಲೀಫ್" ಹಾಡಿಗೆ 50ನೇ ವಾರ್ಷಿಕ ಗ್ರ್ಯಾಮ್ಮಿ ಪ್ರಶಸ್ತಿ ಗಳಲ್ಲಿ ಅತ್ಯುತ್ತಮ ಪಾಪ್ ವೋಕಲ್ ಗಾಯಕನೆಂದು ನಾಮಕರಣ ಮಾಡಲಾಯಿತು. ಆತನು ಸಮಾರಂಭದಲ್ಲಿ ಅಲಿಸಿಯಾ ಕೀಸ್ ಳ "ನೋ ಒನ್" ಹಾಡಿಗೆ ಗಿಟಾರ್ ನುಡಿಸಿದ.
ಫೆಬ್ರವರಿ 2008ರಲ್ಲಿ, ಮೇಯರ್ ಮೂರು-ದಿನಗಳ ಕ್ಯಾರಿಬಿಅನ್ ವಿಹಾರ ನೌಕಾಯಾನವನ್ನು ನಡೆಸಿಕೊಟ್ಟ. ಇದು ವಿವಿಧ ಸಂಗೀತಗಾರರ ಪ್ರದರ್ಶನಗಳನ್ನು ಒಳಗೊಂಡಿತ್ತು. ಇವರಲ್ಲಿ ಡೇವಿಡ್ ರಯಾನ್ ಹ್ಯಾರ್ರಿಸ್, ಬ್ರೆಟ್ಟ್ ಡೆನ್ನೆನ್ ಹಾಗು ಕೋಲ್ಬಿ ಕೈಲ್ಲಟ್ ಮುಂತಾದವರು ಪಾಲ್ಗೊಂಡಿದ್ದರು. ಈ ಸಮಾರಂಭವನ್ನು "ದಿ ಮೇಯರ್ ಕ್ರಾಫ್ಟ್ ಕ್ಯಾರಿಅರ್" ಎಂದು ಕರೆಯಲಾಯಿತು. ಜೊತೆಗೆ ಕಾರ್ನಿವಲ್ ವಿಕ್ಟರಿ ಎಂಬ ಹೆಸರಿನಿಂದ ವಿದೇಶದಲ್ಲೂ ವಿಹಾರನೌಕಾಯಾನ ನಡೆಸಲಾಯಿತು.[೪೮] ಅದರ ಮುಂದಿನ ವಿಹಾರ ನೌಕಾಯನವನ್ನು "ಮೇಯರ್ ಕ್ರಾಫ್ಟ್ ಕ್ಯಾರಿಅರ್ 2" ಎಂದು ಹೆಸರಿಸಲಾಯಿತು. ಜೊತೆಗೆ ಇದು ಲಾಂಗ್ ಬೀಚ್, ಕ್ಯಾಲಿಫೋರ್ನಿಯಾ ದಿಂದ ಕಾರ್ನಿವಲ್ ಸ್ಪ್ಲೆಂಡರ್ ಗಾಗಿ ಮಾರ್ಚ್ 27-31, 2009ರಲ್ಲಿ ಪಯಣ ಬೆಳಸಿತು.
ಜುಲೈ 1, 2008ರಲ್ಲಿ, ಮೇಯರ್ ವೇರ್ ದಿ ಲೈಟ್ ಇಸ್ ಎಂಬ ತನ್ನ ಸಂಗೀತಗೋಷ್ಠಿಯ ನೇರ ಪ್ರದರ್ಶನದ ಚಿತ್ರವನ್ನು ನೋಕಿಯ ಥಿಯೇಟರ್ L.A. ಲೈವ್ ನಲ್ಲಿ ಡಿಸೆಂಬರ್ 8, 2007ರಂದು ಬಿಡುಗಡೆಮಾಡಿದ. ಚಿತ್ರವನ್ನು ಡಾನ್ನಿ ಕ್ಲಿಂಚ್ ನಿರ್ದೇಶಿಸಿದರು. ಇದು ಒಂದು ಅಕೌಸ್ಟಿಕ್ ಸ್ವರ ಸಂಯೊಜನೆ ಹಾಗು ದಿ ಜಾನ್ ಮೇಯರ್ ಟ್ರೀಓ ದ ಸ್ವರ ಸಂಯೋಜನೆಯ ಜೊತೆಗೆ ಜಾನ್ ತಂಡದ ಕಂಟಿನ್ಯಂ ಆಲ್ಬಮ್ ನ ಸ್ವರ ಸಂಯೋಜನೆಯು ಸೇರಿದೆ. DVD ಹಾಗು ಉಚಿತ ಬ್ಲೂರೇಯ್ ಸಾಧನದಲ್ಲಿ ಮೇಯರ್ ನ ವೇದಿಕೆಯ ಹಿಂಭಾಗದ ದೃಶ್ಯಗಳನ್ನು ಒಳಗೊಂಡಿದೆ ಜೊತೆಗೆ ಮುಲ್ ಹೊಲ್ಲಂಡ್ ಡ್ರೈವ್ ನ ಹೊರಭಾಗದಲ್ಲಿ ಆತನು ಪ್ರದರ್ಶನ ನೀಡುತ್ತಿರುವ ದೃಶ್ಯಗಳೂ ಸಹ ಇವೆ.[೪೯]
ಆಸ್ಟ್ರೇಲಿಯನ್ ಸಂಗೀತಗಾರ ಗೈ ಸೆಬಾಸ್ಟಿಯನ್ ತನ್ನ 2009ರ ಆಲ್ಬಮ್ ಲೈಕ್ ಇಟ್ ಲೈಕ್ ದಟ್ ನ ಮೂರು ಹಾಡುಗಳಿಗೆ ತನ್ನ ಜೊತೆಗೂಡಬೇಕೆಂದು ಆಹ್ವಾನಿಸುತ್ತಾನೆ.[೫೦] ಮೇಯರ್ ಕ್ರಾಸ್ ಬೈ ಲೋಗ್ಗಿನ್ಸ್ ನ ಪ್ರಥಮ LP ಟೈಮ್ ಟು ಮೂವ್ ನ ಶೀರ್ಷಿಕೆ ಗೀತೆಗೆ ಗಿಟಾರ್ ನುಡಿಸಿದ್ದಾನೆ. ಇದು ಜುಲೈ 10, 2009ರಲ್ಲಿ ಬಿಡುಗಡೆಯಾಯಿತು.[೫೧]
ಜುಲೈ 2009ರಲ್ಲಿ, ಮೇಯರ್ ಮೈಕ್ಹಲ್ ಜಾಕ್ಸನ್ ನ ಹ್ಯೂಮನ್ ನೇಚರ್ ಹಾಡಿಗೆ ಜಾಕ್ಸನ್'ಸ್ ಮೆಮೋರಿಯಲ್ ಸರ್ವಿಸ್ ನಲ್ಲಿ ಗಿಟಾರ್ ನುಡಿಸಿದ್ದಾನೆ.[೫೨]
ಬ್ಯಾಟಲ್ ಸ್ಟಡೀಸ್
ನವೆಂಬರ್ 17, 2009ರಲ್ಲಿ, ಮೇಯರ್ ನ ನಾಲ್ಕನೇ ಸ್ಟುಡಿಯೋ ಆಲ್ಬಮ್ ಬ್ಯಾಟಲ್ ಸ್ಟಡೀಸ್ ಬಿಡುಗಡೆಯಾಯಿತು ಜೊತೆಗೆ U.S. ಬಿಲ್ ಬೋರ್ಡ್ 200ರ ಆಲ್ಬಮ್ ಚಾರ್ಟಿನಲ್ಲಿ ಮೊದಲ ಸ್ಥಾನ ಗಳಿಸುವುದರೊಂದಿಗೆ ಪ್ರಥಮ ಪ್ರದರ್ಶನ ನೀಡಿತು.[೫೩] ಆಲ್ಬಮ್ ಒಟ್ಟಾರೆಯಾಗಿ 45 ನಿಮಿಷಗಳ 11 ಹಾಡುಗಳನ್ನು ಒಳಗೊಂಡಿದೆ. ಆಲ್ಬಮ್ ನ ಮೊದಲ ಏಕಗೀತೆ "ಹೂ ಸೇಸ್", ಸೆಪ್ಟೆಂಬರ್ 24, 2009 ರಂದು ಆಲ್ಬಮ್ ನ ಬಿಡುಗಡೆಗೂ ಮುಂಚಿತವಾಗಿ ಬಿಡುಗಡೆಯಾಯಿತು. ನಂತರ ಅಕ್ಟೋಬರ್ 19ರಂದು "ಹಾರ್ಟ್ ಬ್ರೇಕ್ ವಾರ್ ಫೇರ್" ಎಂಬ ಮತ್ತೊಂದು ಏಕಗೀತೆ ಬಿಡುಗಡೆಯಾಯಿತು. ಆಲ್ಬಮ್ ನ ಯಶಸ್ವೀ ವ್ಯಾಪಾರದ ಹೊರತಾಗಿಯೂ, ವಿಮರ್ಶಕರು ಇದಕ್ಕೆ ಮಿಶ್ರ ಪ್ರತಿಕ್ರಿಯೆ ನೀಡಿದರು. ಕೆಲವು ಉತ್ಸಾಹಭರಿತ ಪ್ರತಿಕ್ರಿಯೆಗಳು ಇದನ್ನು ಆತನ "ಅತ್ಯಂತ ಸಾಹಸಭರಿತ" ಸಾಧನೆ ಎಂದು ಕರೆದರೆ,[೧೨][೫೪] ಕೆಲವರು ಆಲ್ಬಮ್ "ಸುರಕ್ಷಿತ" ವೆಂದು ಕರೆದರು. ಜೊತೆಗೆ ಗಾಯಕ-ಹಾಡುಬರಹಗಾರ ಮೇಯರ್ ಹಾಗು ಜನಪ್ರಿಯ ವ್ಯಕ್ತಿಯಾದ ಮೇಯರ್ ನಡುವೆ ಕೆಲವೊಂದು ಬಾರಿ ಅಜಗಜಾಂತರ ಕಂಡುಬರುತ್ತದೆ ಎಂದು ಗುರುತಿಸುತ್ತಾರೆ. ಇವರಿಬ್ಬರು ಒಂದೇ ವ್ಯಕ್ತಿಯೆಂದು ಅನಿಸುವುದಿಲ್ಲ."[೧೨][೫೫][೫೬][೫೭]
ಇತರ ಯೋಜನೆಗಳು
ಜನೋಪಕಾರಿ ಕಾರ್ಯಗಳು
ಮೇಯರ್ 2002ರಲ್ಲಿ, "ಬ್ಯಾಕ್ ಟು ಯು" ನಿಧಿ ಸಂಗ್ರಹದ ಕಾರ್ಯ ಪ್ರಾರಂಭಿಸಿದ. ಇದು ಲಾಭಾಪೇಕ್ಷೆಯಿಲ್ಲದ ಒಂದು ಸಂಸ್ಥೆ. ಸಂಸ್ಥೆಯು ಆರೋಗ್ಯ ಕಾಳಜಿ, ವಿದ್ಯಾಭ್ಯಾಸ, ಕಲೆ ಹಾಗು ಪ್ರತಿಭೆಯ ಬೆಳವಣಿಗೆ ಮುಂತಾದ ಕ್ಷೇತ್ರಗಳಿಗಾಗಿ ನಿಧಿ ಸಂಗ್ರಹಿಸುವ ಉದ್ದೇಶ ಹೊಂದಿದೆ. ಸಂಸ್ಥೆಯು ಜಾನ್ ಮೇಯರ್ ನ ಆಯ್ದ ವಸ್ತುಗಳನ್ನು ಹರಾಜು ಮಾಡಿ ಹಣ ಸಂಗ್ರಹಿಸುತ್ತದೆ. ಉದಾಹರಣೆಗೆ ಗಿಟಾರ್ ಪಿಕ್, ಟಿ-ಶರ್ಟ್ ಹಾಗು ಸಹಿಮಾಡಿದ CDಗಳಿಂದ ಹಣವನ್ನು ಸಂಗ್ರಹಿಸುತ್ತದೆ. ಇವೆಲ್ಲವೂ ಮೇಯರ್ ನ ಹರಾಜು ಜಾಲದಲ್ಲಿ ದೊರಕುತ್ತದೆ. ಹರಾಜು ಯಶಸ್ವಿಯಾಗುವುದರ ಜೊತೆಗೆ ಕೆಲವು ಟಿಕೆಟ್ ಗಳು ಹದಿನೇಳಕ್ಕೂ ಹೆಚ್ಚು ಬಾರಿ ಅದರ ಮುಖಬೆಲೆಗಿಂತ ಹೆಚ್ಚಿನ ಹಣಕ್ಕೆ ಬಿಕರಿಯಾಯಿತು.[೫೮][೫೯]
ಏಪ್ರಿಲ್ 2007ರ ಬ್ಲಾಗ್ ನಲ್ಲಿ, ಮೇಯರ್ ಜಾಗತಿಕ ತಾಪಮಾನವನ್ನು ತಡೆಯುವ ಉದ್ದೇಶದಿಂದ ಒಂದು ಹೊಸ ಪ್ರಯತ್ನಕ್ಕೆ ಕೈಹಾಕುವುದಾಗಿ ಘೋಷಿಸಿದ. ಜೊತೆಗೆ "ಅನದರ್ ಕೈಂಡ್ ಆಫ್ ಗ್ರೀನ್" ನ ಧ್ವನಿಮುದ್ರಿಸಿದ್ದಾನೆ. (ಮೂಲವಾಗಿ ಇದನ್ನು ಲೈಟ್ ಗ್ರೀನ್" ಎಂದು ಹೆಸರಿಸಲಾಗಿತ್ತು, ಆದರೆ ಕಾಪಿರೈಟ್ ನ ಉದ್ದೇಶಕ್ಕಾಗಿ ಹೆಸರು ಬದಲಾಯಿಸಲಾಯಿತು).[೬೦]
ಇದನ್ನು "ಪ್ಲಾಸ್ಟಿಕ್ ನ ಬಳಕೆ ಕಡಿಮೆ ಮಾಡುವ ಉದ್ದೇಶದಿಂದ ಕಡಿಮೆ ಬೆಲೆಯ ವಸ್ತುಗಳು ಹಾಗು ಅದರ ಸುಲಭ ಪರ್ಯಾಯಗಳನ್ನು ಬಳಕೆ ಮಾಡುವ ಗಮನಾರ್ಹ ಉದ್ದೇಶ ಹೊಂದಿದ್ದ". ಜೊತೆಗೆ ತನ್ನ ಬ್ಲಾಗ್ ನ ಮೂಲಕ ಇತರರಿಗೂ ಹೀಗೆ ಮಾಡುವಂತೆ ಪ್ರೋತ್ಸಾಹಿಸುತ್ತಿದ್ದ.[೬೧] ಆತನು ತನ್ನ ಪ್ರವಾಸಿ ಬಸ್ ಅನ್ನು ಸಹ ಬೈಯೋ-ಡೀಸೆಲ್ ಇಂಧನದಿಂದ ಚಲಿಸುವ ಹಾಗೆ ಮಾರ್ಪಾಡು ಮಾಡಿದ್ದ.[೬೧] ಮೇಯರ್ ಸ್ಟ್ ರುದರ್ಫೋರ್ಡ್, ನ್ಯೂ ಜೆರ್ಸಿ ಯಲ್ಲಿ ಹಮ್ಮಿಕೊಳ್ಳಲಾಗಿದ್ದ ಲೈವ್ ಅರ್ಥ್ ಕಾರ್ಯಕ್ರಮದಲ್ಲೂ ಭಾಗವಹಿಸಿದ್ದ. ಇದು ಜುಲೈ 7, 2007ರಂದು ಜಾಗತಿಕ ತಾಪಮಾನದ ಬಗ್ಗೆ ಅರಿವು ಮೂಡಿಸುವ ಒಂದು ಸಂಗೀತ ಆಂದೋಲನ.[೬೨] ಕಳೆದ 2007ರ ಬೇಸಿಗೆ ಕಾಲದಲ್ಲಿ, ಪ್ರಕೃತಿ ಸಮರ್ಥನಾ ತಂಡ ರಿವರ್ಬ್ ಮಾಹಿತಿ ಕೇಂದ್ರ ಸ್ಥಾಪಿಸಿತು. ಜೊತೆಗೆ ಪ್ರವಾಸದ ದಿನಗಳಂದು ಆತನ ತಂಡವು ಶಕ್ತಿಯ ಸಂರಕ್ಷಣೆ ಮಾಡುವುದಕ್ಕೆ ಸಹಾಯ ಮಾಡಿತು.[೬೩]
ಮೇಯರ್ ತನ್ನ ವೃತ್ತಿ ಜೀವನದುದ್ದಕ್ಕೂ ಧರ್ಮಸಂಸ್ಥೆಗಳಿಗಾಗಿ ಅಸಂಖ್ಯಾತ ಸಹಾಯಾರ್ಥ ಪ್ರದರ್ಶನಗಳನ್ನೂ ಹಾಗು ಟೆಲಿತಾನ್ಸ್(ಕಿರುತೆರೆಯ ಮೂಲಕ ಚಂದಾ ಹಣ ಸಂಗ್ರಹಿಸುವ ಕಾರ್ಯ)ಗಳಲ್ಲಿ ಭಾಗಿಯಾಗಿದ್ದಾನೆ. ವರ್ಜೀನಿಯಾ ಟೆಕ್ ಹತ್ಯಾಕಾಂಡಕ್ಕೆ ಉತ್ತರವಾಗಿ, ಮೇಯರ್ (ಡೇವ್ ಮ್ಯಾಥ್ಯೂಸ್ ಬ್ಯಾಂಡ್, ಫಿಲ್ ವಾಸ್ಸರ್ ಹಾಗು NaS ಜೊತೆಗೂಡಿ) ಸೆಪ್ಟೆಂಬರ್ 6, 2007ರಲ್ಲಿ ವರ್ಜೀನಿಯಾ ಟೆಕ್ ನ ಲಾನೇ ಕ್ರೀಡಾಂಗಣದಲ್ಲಿ ಉಚಿತ ಸಂಗೀತ ಕಛೇರಿ ಏರ್ಪಡಿಸಿದ.[೬೪] ಡಿಸೆಂಬರ್ 8, 2007ರಲ್ಲಿ, ಮೇಯರ್ ಮೊದಲ ವಾರ್ಷಿಕ ಚ್ಯಾರಿಟಿ ರಿವ್ಯೂವನ್ನು ನಡೆಸಿಕೊಟ್ಟ. ಈ ಸಂಪ್ರದಾಯವನ್ನು ಪ್ರತಿ ವರ್ಷವೂ ಮುಂದುವರೆಸಿಕೊಂಡು ಬರುತ್ತಿದ್ದಾನೆ. ಈ ಸಹಾಯಾರ್ಥ ಸಂಗೀತ ಕಚೇರಿಗಳಿಂದ ಉಪಯೋಗವನ್ನು ಟಾಯ್ಸ್ ಫಾರ್ ಟಾಟ್ಸ್, ಇನ್ನರ್ ಸಿಟಿ ಆರ್ಟ್ಸ್ ಹಾಗು ಲಾಸ್ ಏಂಜಲಿಸ್ ಮಿಶನ್ ಸಂಸ್ಥೆಗಳು ಪಡೆದುಕೊಂಡಿವೆ.[೬೫] ಮೊದಲ ಸಂಗೀತ ಕಚೇರಿಯ CD ಹಾಗು DVDಗಳೆರಡೂ "ವೇರ್ ದಿ ಲೈಟ್ ಇಸ್" ಹೆಸರಿನಿಂದ ಜುಲೈ 2008ರಂದು ಬಿಡುಗಡೆಯಾಯಿತು. DVDಯಿಂದ ಬಂದಂತಹ ಹಣ ಧರ್ಮಸಂಸ್ಥೆಗಳಿಗೆ ನೀಡಲಾಗುತ್ತದೆಯೇ ಇಲ್ಲವೇ ಎಂಬುದನ್ನು ಇನ್ನು ಬಹಿರಂಗ ಪಡಿಸಲಾಗಿಲ್ಲ.[೬೬] ಮೇಯರ್ ಸಾಂಗ್ಸ್ ಫಾರ್ ಟಿಬೆಟ್ ನಲ್ಲಿ ಕಾಣಿಸಿಕೊಂಡಿದ್ದಾನೆ. ಇದು ಟಿಬೆಟ್ ಹಾಗು ದಲೈ ಲಾಮ ತೆನ್ಜಿನ್ ಗ್ಯಾಟ್ಸೊ ಅವರಿಗೆ ಬೆಂಬಲ ಸೂಚಿಸುವ ಒಂದು ಮೊದಲ ಅತ್ಯುತ್ತಮ ಪ್ರಯತ್ನ.[೬೭]
ವಿನ್ಯಾಸ
John Mayer (AP, 2006)[೬೮]
ರೋಲಿಂಗ್ ಸ್ಟೋನ್ ನ ಒಂದು ಸಂದರ್ಶನದಲ್ಲಿ ಮೇಯರ್, ಮಾಜಿ ಕೊಲಂಬಿಯಾ ರೆಕಾರ್ಡ್ಸ್ ನ ಮುಖ್ಯಸ್ಥ ಡಾನ್ ಇಎಂನೆರ್, ಕಂಟಿನ್ಯಂ ನನ್ನು ಖಂಡಿಸಿದಾಗ,ಆ ಕ್ಷಣದಲ್ಲಿ ಆತ ಸಂಗೀತವನ್ನೇ ತೊರೆದು ಮುಂದೆ,ಪೂರ್ಣಾವಧಿಯ ವಿನ್ಯಾಸದ ಅಧ್ಯಯನದಲ್ಲಿ ತೊಡಗುವ ಗುರಿ ಹೊಂದಿದ್ದರ ಬಗ್ಗೆ ಸ್ಮರಿಸಿಕೊಳ್ಳುತ್ತಾನೆ.[೧೪] ವಿನ್ಯಾಸದ ಬಗೆಗಿರುವ ಮೇಯರ್ ನ ಆಸಕ್ತಿಯು, ಹಲವು ರೀತಿಯಲ್ಲಿ ಸ್ಪಷ್ಟವಾಗಿ ವ್ಯಕ್ತವಾಗಿದೆ. ಕಳೆದ 2003ರಲ್ಲಿ, ಮಾರ್ಟಿನ್ ಗಿಟಾರ್ಸ್ ಮೇಯರ್ ಗೆ ಸಹಿ ಮಾಡಿದ ತನ್ನ ಅಕೌಸ್ಟಿಕ್ ಗಿಟಾರ್ ಮಾಡೆಲ್ OM-28 ಜಾನ್ ಮೇಯರ್ ಅನ್ನು ನೀಡಿದ.[೬೯] ಈ ಗಿಟಾರ್ ಅಟ್ಲಾಂಟದ ಪ್ರದೇಶದ ಗುರುತು 404ರವರೆಗೆ ನುಡಿಸಲು ಮಾತ್ರ ಸೀಮಿತವಾಗಿತ್ತು.[೭೦] ಈ ಮಾದರಿಯು ಮತ್ತೆರೆಡು ಫೆನ್ಡರ್ ವೈಶಿಷ್ಟ್ಯತೆಯುಳ್ಳ ಸ್ತ್ರ್ಯಾಟೋಕ್ಯಾಸ್ಟರ್ ವಿದ್ಯುದ್ಚಾಲಿತ ಗಿಟಾರ್ ಗಳ ಬಿಡುಗಡೆಗೆ ದಾರಿಯಾಯಿತು. ಇದು 2005ರಿಂದ ಚಾಲ್ತಿಯಲ್ಲಿದೆ. ಮೂರನೇ ಸ್ಟ್ರ್ಯಾಟೋಕ್ಯಾಸ್ಟರ್ ಗೆ, ಪಂದ್ಯದಲ್ಲಿ ಬಳಸುವ ಪಟ್ಟೆಯ ತರಹ ಲೋಹದ ಬಣ್ಣದಲ್ಲಿ ರೂಪಿಸಲಾಗಿತ್ತು. ಇದು ಸಹ 100 ಗಿಟಾರ್ ಗಳ ನಿರ್ಮಾಣದೊಂದಿಗೆ ಸೀಮಿತ-ಬಿಡುಗಡೆ ಹೊಂದಿತು. ಜನವರಿ 2006ರಲ್ಲಿ, ಮಾರ್ಟಿನ್ ಗಿಟಾರ್ಸ್ ಮಾರ್ಟಿನ್ OMJM ಜಾನ್ ಮೇಯರ್ ಅಕೌಸ್ಟಿಕ್ ಗಿಟಾರ್ ಅನ್ನು ಬಿಡುಗಡೆಮಾಡಿತು. ಇದು ಮಾರ್ಟಿನ್ OM-28 ಜಾನ್ ಮೇಯರ್ ಗಿಟಾರ್ ನ ಹಲವು ವಿಶಿಷ್ಟ್ಯಗಳನ್ನು ಒಳಗೊಳ್ಳುವ ಉದ್ದೇಶವನ್ನು ಹೊಂದುವುದರ ಜೊತೆಗೆ ಕೈಗೆಟುಕುವ ಬೆಲೆಯಲ್ಲಿ ದೊರೆಯಿತು.[೭೧] ಆಗಸ್ಟ್ 2006ರಲ್ಲಿ, ಫೆನ್ಡರ್ ಜಾನ್ ಮೇಯರ್ ಸ್ಟ್ರ್ಯಾಟೋಕ್ಯಾಸ್ಟರ್ಸ್ II ಆವೃತ್ತಿಯ ತಯಾರಿಕೆಗೆ ಮುಂದಾಯಿತು. ಹೊಸ ಒಲಿಂಪಿಕ್ ಬಿಳಿಯ ಬಣ್ಣದ ಜೊತೆ ಹಸಿರು ಬಣ್ಣದ ಪಿಕ್ ಗಾರ್ಡ್(ಪ್ಲಾಸ್ಟಿಕ್ ಅಥವಾ ರೇಕಾಗಿ ಇತರ ವಸ್ತುಗಳಿಗೆ ಬಳಸುವ ಒಂದು ವಸ್ತು. ಇದನ್ನು ಗಿಟಾರ್ ನ ತಂತಿಗಳ ಕೆಳಗೆ ಅಳವಡಿಸಲಾಗಿರುತ್ತದೆ) ಹಾಗು ಕೆನೆಬಣ್ಣದ ಪ್ಲಾಸ್ಟಿಕ್ ಗಳು ಶೋರ್ ಲೈನ್ ಚಿನ್ನದ ಮಾದರಿಗೆ ಪರ್ಯಾಯವಾದವು.[೭೨] ಜನವರಿ 2007ರಲ್ಲಿ, ಎರಡು ರಾಕ್ ತಂಡಗಳು ಸಾಂಪ್ರದಾಯಿಕವಾಗಿ-ವಿನ್ಯಾಸಗೊಂಡ ಧ್ವನಿವರ್ಧಕಗಳ ಜೊತೆಗೆ ಮೇಯರ್ ನ ಜೊತೆಗೂಡಿದವು. ಸಾರ್ವಜನಿಕವಾಗಿ ಕೇವಲ 25(ಮೇಯರ್ ಖುದ್ದಾಗಿ ಸಹಿ ಮಾಡಿದ) ಮಾತ್ರ ದೊರೆಯುವಂತಾಯಿತು.[೭೩][೭೪] ಜೂನ್ 2007ರಲ್ಲಿ "ಆಲ್ಬಮ್ ಆರ್ಟ್" ಗಿಟಾರ್ ಕಂಟಿನ್ಯಂ ಜೊತೆ ಬಿಡುಗಡೆಯಾಯಿತು. ಉಪಕರಣದ ಹೊರ ಭಾಗದಲ್ಲಿ ಅದೇ ಮಾದರಿಯ ಲಕ್ಷಣಗಳು ಮರುಕಳಿಸಿತು[೭೫] ಜೊತೆಗೆ 500 ಜಾನ್ ಮೇಯರ್ ವಿಶೇಷ ಫೆನ್ಡರ್ ಸ್ಟ್ರ್ಯಾಟೋಕ್ಯಾಸ್ಟರ್ ಸೈಪ್ರೆಸ್-ಮಿಕ ಮಾದರಿಯಲ್ಲಿ ದೊರೆಯಿತು. ಸೀಮಿತವಾದ ಸೈಪ್ರೆಸ-ಮೈಕಾ ಮಾದರಿಯಲ್ಲಿ INCSvsJM ಗಿಗ್ ಬ್ಯಾಗ್ ಗಳನ್ನು ಮೇಯರ್ ಇನ್ ಕೇಸ್ ವಿನ್ಯಾಸದ ಜೊತೆ ಒಳಗೊಂಡಿದ್ದ. ಮೇಯರ್ ಗಿಟಾರ್ ಗಳ ಒಬ್ಬ ದೊಡ್ಡ ಸಂಗ್ರಾಹಕನೆಂಬುದು ಅತಿಶಯೋಕ್ತಿಯಲ್ಲ. 2006ರಲ್ಲಿ ಆತನ ಬಳಿ 200 ಗಿಟಾರ್ ಗಳ ಸಂಗ್ರಹವಿರಬಹುದೆಂದು ಅಂದಾಜಿಸಲಾಗಿದೆ.[೧೪]
ಗಿಟಾರ್ ಗಳ ಜೊತೆಗೆ, ಮೇಯರ್ ಟೀ-ಶರ್ಟ್, ಗಿಟಾರ್ ಚೀಲ ಹಾಗು, ಮನಸ್ಸಿಗೆ ಹಿಡಿಸುವ ಪಾದರಕ್ಷೆಗಳನ್ನು ಸಂಗ್ರಹಿಸುವ ಹವ್ಯಾಸ ಹೊಂದಿದ್ದ. ಆಗಸ್ಟ್ 2006ರಲ್ಲಿ, ಮೇಯರ್ ತಾನೇ ವಿನ್ಯಾಸಗೊಳಿಸಿದ ಒಂದು ಸಣ್ಣ-ಮಟ್ಟದ ಮೇಯರ್-ಶೈಲಿಯ ವಸ್ತ್ರ ವಿನ್ಯಾಸದ ವ್ಯಾಪಾರ ಪ್ರಾರಂಭಿಸಿದ. ಈ ಉತ್ಪನ್ನವು ಆನ್ಲೈನ್ ಮೂಲಕ ಆತನ ಅಂತರ್ಜಾಲ ಮಳಿಗೆಯಲ್ಲಿ ಸದ್ಯ ದೊರಕುತ್ತದೆ.
ಬರವಣಿಗೆ
ಜೂನ್ 1, 2004ರಿಂದ, ಎಸ್ಕ್ವೈರ್ ನ ಒಂದು ಸಂಚಿಕೆಯಲ್ಲಿ, ಮೇಯರ್, "ಮ್ಯೂಸಿಕ್ ಲೆಸನ್ಸ್ ವಿಥ್ ಜಾನ್ ಮೇಯರ್" ಎಂಬ ಅಂಕಣ ಬರೆಯಲು ಪ್ರಾರಂಭಿಸಿದ. ಪ್ರತಿ ಲೇಖನವೂ ಒಂದು ಪಾಠದ ಜೊತೆಗೆ ಆತನ ವೈಯುಕ್ತಿಕ ಹಾಗು ಜನಪ್ರಿಯ ಆಸಕ್ತಿಗಳ ಹಲವು ವಿಷಯಗಳನ್ನೂ ಒಳಗೊಂಡಿತ್ತು. (ಸಾಮಾನ್ಯವಾಗಿ ಹಾಸ್ಯದಿಂದ ಕೂಡಿತ್ತು). ಆಗಸ್ಟ್ 2005ರ ಸಂಚಿಕೆಯಲ್ಲಿ, ಆತನು ಸಂಗೀತ ಸಂಯೋಜಿಸಿ ತಾನೇ ಬರೆದ ಹಾಡುಗಳಿಗೆ ಓದುಗರಿಂದ ಸಂಗೀತ ಸಂಯೋಜನೆಗೆ ಮುಕ್ತ ಆಹ್ವಾನ ನೀಡಿದ.[೭೬] L.A.ನ ಟಿಮ್ ಫಾಗನ್ ರನ್ನು ಅದರ ಮುಂದಿನ ಜನವರಿ ಸಂಚಿಕೆಯಲ್ಲಿ ವಿಜೇತನೆಂದು ಘೋಷಿಸಲಾಯಿತು.[೭೭]
ಮೇಯರ್ ಆನ್ಲೈನ್ ನಲ್ಲಿ ಸಕ್ರಿಯವಾಗಿದ್ದಾನೆ. ಜೊತೆಗೆ ನಾಲ್ಕು ಬ್ಲಾಗ್ ಗಳಲ್ಲಿ ಬರೆಯುತ್ತಾನೆ. a MySpace page, ಆತನ ಅಧಿಕೃತ ಜಾಲದಲ್ಲಿನ ಬ್ಲಾಗ್, ಮತ್ತೊಂದು Honeyee.com, ಜೊತೆಗೆ StunningNikon.com ನಲ್ಲಿ ಒಂದು ಫೋಟೋಬ್ಲಾಗ್ ಸಹ ಇದೆ. ಮೈಕ್ರೋ-ಬ್ಲಾಗಿಂಗ್ ಸೈಟ್ ಟ್ವಿಟರ್ ನ ಅತ್ಯಂತ-ಜಾಸ್ತಿ ಬಳಕೆ ಮಾಡುವ ವ್ಯಕ್ತಿಗಳಲ್ಲಿ ಇವನು ಒಬ್ಬ,[೭೮] ಜನವರಿ 2010ರ ಹೊತ್ತಿಗೆ ಇದು 3 ಮಿಲಿಯನ್ ಜನರನ್ನು ತಲುಪಿದೆ. ಆದಾಗ್ಯೂ ಆತನ ಪೋಸ್ಟ್ ಗಳು ಸಾಮಾನ್ಯವಾಗಿ ವೃತ್ತಿಗೆ-ಸಂಬಂಧಿಸಿದ ವಿಷಯಗಳನ್ನೇ ಒಳಗೊಂಡಿದ್ದರೂ, ಅವುಗಳು ಹಾಸ್ಯ, ದೃಶ್ಯಗಳು, ಛಾಯಾಚಿತ್ರಗಳು, ಆತನ ದೋಷಗಳು ಹಾಗು ಅವನ ವೈಯುಕ್ತಿಕ ಕಾರ್ಯಗಳನ್ನು ಸಹ ಒಳಗೊಂಡಿದೆ. ಇವುಗಳು ಕೆಲವೊಮ್ಮೆ ವಿಷಯದಿಂದಾಚೆಗೂ ಹರಡಿರುತ್ತವೆ. ಆತನು ಪ್ರಚಾರಕನ ಮೂಲಕ ಬರೆಸದೇ ತನ್ನ ಬ್ಲಾಗ್ ಗಳನ್ನೂ ತಾನೇ ಬರೆಯುವುದಕ್ಕೆ ಹೆಸರುವಾಸಿಯಾಗಿದ್ದಾನೆ.[೧೫][೪೬] ಜನವರಿ 23, 2008ರಲ್ಲಿ, ಆತನು ಒಂದು ಬರಹವನ್ನು ಪೋಸ್ಟ್ ಮಾಡುತ್ತಾನೆ. ಅದರಲ್ಲಿ, "ಡನ್ & ಡಸ್ಟೆಡ್ & ಸೆಲ್ಫ್ ಕಾನ್ಷಸ್ & ಬ್ಯಾಕ್ ಟು ವರ್ಕ್" ಎಂದು ಬರೆದಿರುತ್ತಾನೆ. ಆತನ ಅಧಿಕೃತ ಬ್ಲಾಗ್ ನಲ್ಲಿ, ಒಂದು ಉಲ್ಲೇಖ ಪ್ರಕಟವಾಗುತ್ತದೆ "ದೇರ್ ಇಸ್ ಡೇಂಜರ್ ಇನ್ ಥೆರಾಟಿಕಲ್ ಸ್ಪೆಕ್ಯೂಲೇಶನ್ ಆಫ್ ಬ್ಯಾಟಲ್, ಇನ್ ಪ್ರಿಜೂಡಿಸ್, ಇನ್ . ಫಾಲ್ಸ್ ರೀಸನಿಂಗ್, ಇನ್ ಪ್ರೈಡ್, ಇನ್ ಬ್ರಗ್ಗಡೋಕಿಯೊ. ದೇರ್ ಇಸ್ ಒನ್ ಸೇಫ್ ರೀಸೋರ್ಸ್,ದಿ ರಿಟರ್ನ್ ಟು ನೇಚರ್..";c[›] ಮುಂಚಿನ ಎಲ್ಲ ಬ್ಲಾಗ್ ನೋಂದಣಿಯನ್ನು ತೆಗೆದುಹಾಕಲಾಯಿತು.[೭೯]ಕಳೆದ 2000ರದ-ಮಧ್ಯದ ಹೊತ್ತಿಗೆ, ನಿಂತಾಡುವ ಹಾಸ್ಯ ಮೇಯರ್ ನ ಒಂದು ವಿರಳ ಹವ್ಯಾಸವಾಗಿ ಮಾರ್ಪಟ್ಟಿತು.[೭೮] ಆತನು ನ್ಯೂಯಾರ್ಕ್ ನಲ್ಲಿರುವ ಹೆಸರುವಾಸಿಯಾದ ಕಾಮಿಡಿ ಸೆಲ್ಲರ್ ಹಾಗು ಇತರ ಸ್ಥಳಗಳಲ್ಲಿ ಮೇಲಿಂದ ಮೇಲೆ ಪ್ರದರ್ಶನ ನೀಡಿದ್ದಾನೆ. ಇದು ಆತನ ಬರವಣಿಗೆಯನ್ನು ಉತ್ತಮ ಪಡಿಸಿಕೊಳ್ಳಲು ಸಹಾಯಮಾಡುತ್ತದೆ ಎಂದು ಹೇಳುತ್ತಾನೆ[೧೪]. ಆತನ ಪ್ರಕಾರ ಮಾಧ್ಯಮದ ಅತಿಯಾದ ಗಮನದಿಂದಾಗಿ ಅವನು ಹೇಳಬೇಕಾಗಿರುವುದನ್ನು ಎಚ್ಚರಿಕೆಯಿಂದ ಹೇಳಬೇಕಾಗುತ್ತದೆ; ತನಗೆ ಹಾಸ್ಯಪ್ರವೃತ್ತಿಯಿಲ್ಲವೆಂದು ಹೇಳುತ್ತಾನೆ.[೮೦]
ಕಿರುತೆರೆ
ಕಳೆದ 2004ರಲ್ಲಿ, ಮೇಯರ್ ಕಿರುತೆರೆಗಾಗಿ ಅರ್ಧ-ಗಂಟೆಯ ಹಾಸ್ಯ ವಿಶೇಷ VH1 ನಲ್ಲಿ ಜಾನ್ ಮೇಯರ್ ಹ್ಯಾಸ್ ಏ TV ಶೋ ಶೀರ್ಷಿಕೆಯಡಿಯಲ್ಲಿ ಕಾರ್ಯಕ್ರಮ ನಡೆಸಿಕೊಟ್ಟಿದ್ದಾನೆ. ಇದರಲ್ಲಿ ಒಂದು ಕರಡಿಯ ವೇಷಧರಿಸಿ ಹಾಸ್ಯ ಮಾಡುತ್ತಾನೆ. ಇದರ ನಡುವೆ ತನ್ನ ಸಂಗೀತಗೋಷ್ಠಿಗೆ ಬಂದ ಸಂಗೀತಾಸಕ್ತರನ್ನು ಪಾರ್ಕಿಂಗ್ ಪ್ರದೇಶದ ಹೊರಗೆ ಅವರಿಗೆ ತನ್ನ ವೇಷ ಗೊತ್ತಾಗದ ಹಾಗೆ ಕೀಟಲೆ ಮಾಡುತ್ತಾನೆ. CBS ಎಂಬ ಅಮೇರಿಕನ್ ನೆಟ್ವರ್ಕ್ ಸಂಸ್ಥೆಯು ಜನವರಿ 14, 2009ರಂದು ಮೇಯರ್ ಜೊತೆ ಒಂದು ವಿವಿಧ ಕಾರ್ಯಕ್ರಮಗಳನ್ನು ಮಾಡುವ ಪ್ರಸ್ತಾಪ ಪ್ರಕಟಿಸಿತು. ಇದು ಒಂದು ಸಾಮಾನ್ಯ ಅಥವಾ ವಿಶೇಷ ಸರಣಿಯಾಗಿ ಪ್ರಸಾರಗೊಳ್ಳಬಹುದು.[೮೧][೮೨]
ಜನವರಿ 22, 2010ರಂದು ಆನ್ಲೈನ್ ನಲ್ಲಿ ಪ್ರಕಟವಾದ ರೋಲಿಂಗ್ ಸ್ಟೋನ್ ಜೊತೆಗಿನ ಸಂದರ್ಶನದಲ್ಲಿ ಜಾನ್ ಮೇಯರ್ ಹ್ಯಾಸ್ ಏ TV ಶೋ ಎಂಬ ಕಾರ್ಯಕ್ರಮ ಪ್ರಗತಿಯಲ್ಲಿದೆ ಎಂದು ದೃಢಪಡಿಸುವುದರ ಜೊತೆಗೆ ಸಿಬ್ಬಂದಿ ನೇಮಕ ಮಾಡಿಕೊಳ್ಳುತ್ತಿರುವ ಬಗ್ಗೆಯೂ ಹೇಳಿದ್ದಾನೆ. ಆತನು ಈ ಕಲ್ಪನೆಯನ್ನು "ಒಂದು ಅತ್ಯುತ್ತಮ ಗುಣಮಟ್ಟದ ಸಂಗೀತ ಕಾರ್ಯಕ್ರಮ, ಇದಕ್ಕೆ ನಾನು ಸಹ ಸ್ವಲ್ಪ ಮಟ್ಟಿನ ನಿರ್ದೇಶನ ಮಾಡಬಹುದು. ಇದು ಒಂದು ಉನ್ನತ ಕಲಾವಿದರ ಗುಂಪು,ಇದನ್ನು ಚೆನ್ನಾಗಿ ಕಾಣುವ ಹಾಗು ಚೆನ್ನಾಗಿ ಹಾಡುವ ಹಾಗೆ ಮಾಡುವುದು."[೮೩]
ಮೇಯರ್ ಹಲವಾರು ಚರ್ಚಾ ಕಾರ್ಯಕ್ರಮಗಳಲ್ಲಿ ಹಾಗು ಇತರ ಕಿರುತೆರೆ ಕಾರ್ಯಕ್ರಮಗಳಲ್ಲಿ ಭಾಗವಹಿಸಿದ್ದಾನೆ. ಇದರಲ್ಲಿ ಗಮನಾರ್ಹವಾದುದೆಂದರೆ ಚಾಪ್ಪೆಲ್ಲೇ'ಸ್ ಶೋ ಎಂಬ ಹಾಸ್ಯ ವಿಡಂಬನೆ ಹಾಗು ಲೇಟ್ ನೈಟ್ ವಿಥ್ ಕಾನನ್ ಓ'ಬ್ರಿಎನ್ ಕಾರ್ಯಕ್ರಮದ ಅಂತಿಮ ಸಂಚಿಕೆಯಲ್ಲಿ ಭಾಗವಹಿಸಿದ್ದಾನೆ.
ಪ್ರವಾಸ
Official video Mayer performing an acoustic set from his DVD Where the Light Is |
ಮೇಯರ್ ಸಂಗೀತ ತಂಡದೊಂದಿಗೆ ಹಲವು ಪ್ರವಾಸ ಕೈಗೊಂಡಿದ್ದಾನೆ. ಇದರಲ್ಲಿ ಮರೂನ್ 5,[೮೪] ಗುಸ್ಟೆರ್, ಹೊವಿಎ ಡೇ, ಮ್ಯಾಟ್ ಕೆಆರ್ನೇಯ್, ಕೌನ್ಟಿಂಗ್ ಕ್ರೌಸ್,[೮೫] ಬೆನ್ ಫೋಲ್ಡ್ಸ್, ದಿ ವಾಲ್ ಫ್ಲವರ್ಸ್, ಟಿಟುರ್,[೮೬] ಬ್ರೆಟ್ಟ್ ಡೇನ್ನೆನ್, ಶೆರ್ಯ್ಲ್ ಕ್ರೌ, ಕೋಲ್ಬಿ ಕೈಲ್ಲಟ್, ಒನ್ ರೆಪಬ್ಲಿಕ್ ಹಾಗು ಪ್ಯಾರಮೊರ್ ಒಳಗೊಂಡಿದೆ. ಕ್ರೌ ಹಾಗು ಮೇಯರ್, ಇದಕ್ಕೂ ಮುಂಚೆ' ಕಾರ್ಸ್ ಧ್ವನಿಸುರುಳಿ ಯಲ್ಲಿ ಒಟ್ಟಾಗಿ ಕಂಡುಬಂದಿದ್ದರು. ಇವರಿಬ್ಬರು ಜಂಟಿಯಾಗಿ ಪ್ರವಾಸ ಕೈಗೊಂಡರು. ಇದು 2006ರ ಆಗಸ್ಟ್ ನಿಂದ ಅಕ್ಟೋಬರ್ ವರೆಗೂ ನಡೆಯಿತು.[೮೭] ಕಳೆದ 2007ರಲ್ಲಿ, ಮೇಯರ್ ಉತ್ತರ ಅಮೆರಿಕಾದಲ್ಲಿ ತನಗೆ ದೊರೆತ ಜನಪ್ರಿಯತೆಯು ಯುರೋಪ್ ನಲ್ಲೂ ಕೂಡ ದೊರೆಯಬಹುದೆಂಬ ಭರವಸೆಯೊಂದಿಗೆ ಪ್ರವಾಸ ಕೈಗೊಂಡ.[೮೮] ಮೊದಲ ಉತ್ತರ ಅಮೇರಿಕಾ ಕಂಟಿನ್ಯಂ ಪ್ರವಾಸವು ಮ್ಯಾಡಿಸನ್ ಸ್ಕ್ವೆರ್ ಗಾರ್ಡನ್ ನ ಪ್ರದರ್ಶನದ ಮೂಲಕ ಫೆಬ್ರವರಿ 28, 2007ರಂದು ಕೊನೆಗಂಡಿತು. ಈ ಪ್ರದರ್ಶನವನ್ನು ನ್ಯೂ ಯಾರ್ಕ್ ಪೋಸ್ಟ್ "ವೃತ್ತಿಜೀವನದ-ಸ್ಪಷ್ಟ ನಿರೂಪಣೆ" ಎಂದು ವಿವರಿಸಿತು.[೮೯]
ಮೇಯರ್ ತನ್ನ ನೇರ ಪ್ರದರ್ಶನದಲ್ಲಿ ಧ್ವನಿ ಮುದ್ರಿಸಲು ಅವಕಾಶ ನೀಡುವುದರ ಜೊತೆಗೆ ಆ ಧ್ವನಿ ಮುದ್ರಣಗಳನ್ನು ವ್ಯಾಪಾರಕ್ಕಲ್ಲದೆ ಬೇರೆ ರೀತಿಯಾಗಿ ಬಳಸಲು ಅವಕಾಶ ನೀಡುತ್ತಾನೆ. ಆತನು ತನ್ನ ಅಭಿಮಾನಿಗಳು ನೇರ ಪ್ರದರ್ಶನ ಅನುಭವಿಸುವ ಈ ಅವಕಾಶವನ್ನು ನೀಡುವುದರ ಜೊತೆಗೆ ಅಭಿಮಾನಿಗಳ ಜೊತೆ ವೈಯಕ್ತಿಕವಾಗಿ ಮಾತನಾಡಲು ಪ್ರೋತ್ಸಾಹಿಸುತ್ತಾನೆ.[೯೦]
ತಂಡದ ಪ್ರವಾಸಿ ಸದಸ್ಯರು
ವೈಯಕ್ತಿಕ ಜೀವನ
ಮೇಯರ್ ಕ್ರಾವ್ ಮಗಾದ ಶಿಸ್ತನ್ನು ಪಾಲಿಸುತ್ತಾನೆ.[೫][೯೧][೯೨] ಆತನು ವಾರ್ಷಿಕ ಇಂಟರ್ ಫೇತ್ ಬೇಕಿಂಗ್ ಸ್ಪರ್ಧೆ ನಡೆಸಿಕೊಡುತ್ತಾನೆ. ಇದರಲ್ಲಿ ಆತನ ಅಭಿಮಾನಿಗಳು ವರ್ಷದ ಕೊನೆಯ, ರಜಾ ದಿನಗಳಲ್ಲಿ ಕಳುಹಿಸಿದ ಬೇಕ್ಡ್ ತಿಂಡಿಗಳ ಚಿತ್ರಗಳಲ್ಲಿ ತನಗೆ ಇಷ್ಟವಾದುದನ್ನು ಆಯ್ಕೆಮಾಡುತ್ತಾನೆ.
ಮೇಯರ್ ಬಳಿ ಹಲವು ಟಾಟೂಗಳಿವೆ. ಇವುಗಳಲ್ಲಿ: "ಹೋಂ" ಹಾಗು "ಲೈಫ್" ಅನ್ನು ಕ್ರಮವಾಗಿ ಆತನ ಎಡ ಹಾಗು ಬಲ ತೋಳುಗಳ ಮೇಲೆ ಮಚ್ಚೆ ಹೊಂದಿದ್ದಾನೆ. "77"(ಅವನು ಜನಿಸಿದ ವರ್ಷ) ಆತನ ಎದೆಯ ಎಡಭಾಗದಲ್ಲಿ ಹೊಂದಿದ್ದಾನೆ. ಜೊತೆಗೆ ಕೊಇ-ಮಾದರಿಯ ಮೀನಿನ ಟಾಟೂವನ್ನು ಆತನ ಬಲ ಭುಜದ ಮೇಲೆ ಹೊಂದಿದ್ದಾನೆ. ಪೂರ್ತಿಯಾಗಿ ಆತನ ಎಡ ತೋಳು ಸ್ಲೀವ್ ಟಾಟೂ ನಿಂದ ಮುಚ್ಚಲ್ಪಟ್ಟಿದೆ. ಇದು ಆತನನ್ನು ಏಪ್ರಿಲ್ 2008ರಿಂದ ಆರಂಭವಾಗಿ ಕ್ರಮೇಣವಾಗಿ ಆವರಿಸಿದೆ. ಇದರಲ್ಲಿ "SRV" (ಆತನ ಅಚ್ಚುಮೆಚ್ಚಿನ ವ್ಯಕ್ತಿ, ಸ್ಟೆವಿ ರೇಯ್ ವುಗ್ಹನ್ ಗೋಸ್ಕರ) ಎಂದು ಅವನ ಭುಜದ ಮೇಲೆ ಟಾಟೂ ಹಾಕಿಸಿಕೊಳ್ಳುವುದರ ಜೊತೆಗೆ, ರಟ್ಟೆಯ ಮೇಲೆ ಒಂದು ಅಲಂಕೃತವಾದ ಆಯಾತ, ತೋಳಿನ ಒಳಭಾಗಕ್ಕೆ ಒಂದು ಡ್ರಾಗನ್-ಮಾದರಿಯ ಒಂದು ಚಿತ್ರ ಹಾಗು ಇತರ ಹಲವಾರು ಹೂವಿನ ಚಿತ್ತಾರಗಳನ್ನು ಹೊಂದಿದ್ದಾನೆ. ಕಳೆದ 2003ರಲ್ಲಿ, ಆತನು ತನ್ನ ಬಲ ಮುಂದೊಳಿನ ಮೇಲೆ ಮೂರು ಚೌಕಾಕಾರದ ಟಾಟೂಗಳನ್ನೂ ಹಾಕಿಸಿಕೊಂಡಿದ್ದಾನೆ. ಪೂರ್ಣಗೊಳ್ಳದ ಅದನ್ನು ಕ್ರಮೇಣವಾಗಿ ಪೂರ್ತಿಗೊಳಿಸಿಕೊಳ್ಳುವುದಾಗಿ ಆತ ವಿವರಿಸುತ್ತಾನೆ.[೯೩] ಇದರಲ್ಲಿ ಎರಡು 2010ರ ಹೊತ್ತಿಗೆ ಪೂರ್ತಿ ಮಾಡಲಾಗಿದೆ.Expression error: Unexpected < operator.[೯೪]
ಆತನು ಕೈಗಡಿಯಾರಗಳ ಒಬ್ಬ ಅತ್ಯಾಸಕ್ತಿಯ ಸಂಗ್ರಾಹಕ, ಜೊತೆಗೆ ಹತ್ತು ಸಾವಿರ ಡಾಲರ್ ಮೌಲ್ಯದ ಗೋಡೆಗಡಿಯಾರಗಳನ್ನು ಹೊಂದಿದ್ದಾನೆ.[೯೫][೯೬] ಮೇಯರ್ ಬಳಿ ಚಪ್ಪಲಿಗಳ ವ್ಯಾಪಕ ಸಂಗ್ರಹವೇ ಇದೆ. ಇದು (in 2006[update])200 ಜೊತೆಗೂ ಅಧಿಕವಿರಬಹುದೆಂದು ಅಂದಾಜಿಸಲಾಗಿದೆ.[೧೪][೯೭]
ಮೇಯರ್ ನ ಹೆತ್ತವರು ಮೇ 27, 2009ರಲ್ಲಿ ವಿಚ್ಛೇದನ ಪಡೆದರು; ವಿಚ್ಛೇದನ ಅವಿರೋಧವಾಗಿತ್ತು.[೯೮] ವಿಚ್ಛೇದನದ ನಂತರ, ಮೇಯರ್ ತನ್ನ (82-ವರ್ಷದ) ತಂದೆಯನ್ನು ಲಾಸ್ ಏಂಜಲಿಸ್ ನ ವೃದ್ಧಾಶ್ರಮಕ್ಕೆ ಸೇರಿಸಿದ.[೧೨]
ಮೇಯರ್ ಸಮಯವನ್ನು ಲಾಸ್ ಏಂಜಲಿಸ್ ಉಪನಗರದಲ್ಲಿರುವ ತನ್ನ ಮನೆಯಲ್ಲಿ (ತನ್ನ ರೂಂ ಸಂಗಾತಿ ಹಾಗು ಸೌಂಡ್ ಎಂಜಿನಿಯರ್ ಚಾಡ್ ಫ್ರನ್ಸ್ಕೋವಿಯಕ್ ಜೊತೆಗೆ) ಹಾಗು SoHo ಸಮೀಪದಲ್ಲಿರುವ ನ್ಯೂಯಾರ್ಕ್ ನಗರದ ಅಪಾರ್ಟ್ಮೆಂಟ್ ನಲ್ಲಿ ಕಳೆಯುತ್ತಾನೆ.[೧೨][೧೪]
ಡೇಟಿಂಗ್ (ಸಂತೋಷದ ವಿಹಾರ) ಹಾಗು ಮಾಧ್ಯಮದ ಜೊತೆಗಿನ ಸಂಬಂಧ
ಮೇಯರ್ ಜೆನ್ನಿಫೆರ್ ಲವ್ ಹೆವಿಟ್ಟ್ ಳ ಜೊತೆ 2002ರಲ್ಲಿ ಅಲ್ಪಕಾಲದವರೆಗೆ ಸುಖ-ಸಂತೋಷದ ವಿಹಾರ ಮಾಡಿದ. ಮೇ 2006ರಲ್ಲಿ ನಡೆದ ಹಾಲಿವುಡ್ ಲಾಫ್ ಫ್ಯಾಕ್ಟರಿಯ ಹಾಸ್ಯ ನಿಯತ ಕಾರ್ಯಕ್ರಮವೊಂದರಲ್ಲಿ, ಅವರು ತಮ್ಮ ಸಂಬಂಧ ಎಂದಿಗೂ ಪೂರ್ಣವಾಗಿರಲಿಲ್ಲ, ಎಂದು ಹೇಳುತ್ತಾನೆ. ಆತನು ತನ್ನ ಅನಿಯಮಿತವಾದ ಕಾರ್ಯಕ್ರಮದಿಂದ ಆಕೆಯಲ್ಲಿ ತಕ್ಷಣವೇ ಕ್ಷಮೆಯಾಚಿಸಿದ್ದಾಗಿ ಹೇಳುತ್ತಾನೆ.[೧೨][೯೯] ಆದಾಗ್ಯೂ, ಗಾಳಿಸುದ್ದಿಗೆ ವಿರುದ್ದವಾಗಿ, ಮೇಯರ್ 2003ರಲ್ಲಿ ಹಯಿಡಿ ಕ್ಲುಮ್ ಜೊತೆ ಸಂತೋಷ ವಿಹಾರ ನಡೆಸಲಿಲ್ಲ.[೯೩] ಮೇಯರ್ , ಒಂಬತ್ತು ತಿಂಗಳ ಅವಧಿಗೆ ಜೆಸ್ಸಿಕಾ ಸಿಂಪ್ಸನ್ ಜೊತೆ ಸಂತೋಷ ವಿಹಾರ ನಡೆಸಿದ. ಇದು 2006ರ ಮಧ್ಯದಲ್ಲಿ ಪ್ರಾರಂಭವಾಯಿತು. ಅದೇ ವರ್ಷದ ಆಗಸ್ಟ್ ನಲ್ಲಿ ಪೀಪಲ್ ನಿಯತಕಾಲಿಕದಲ್ಲಿ ಪ್ರಕಟವಾದ ಲೇಖನದೊಂದಿಗೆ ಗಾಳಿಸುದ್ದಿಯು ಹಬ್ಬಿತು. ಮೇಯರ್ ಹಾಗು ಸಿಂಪ್ಸನ್ ಹೊಸ ವರ್ಷದ ರಜಾ ಸಮಯವನ್ನು ನ್ಯೂಯಾರ್ಕ್ ನಗರದಲ್ಲಿ ಒಟ್ಟಾಗಿ ಕಳೆಯುವುದರ ಜೊತೆಗೆ ಸುದ್ದಿಗೆ ಇನ್ನಷ್ಟು ಪುಷ್ಟಿ ನೀಡಿದರು. ಇಬ್ಬರು ಕ್ರಿಸ್ಟಿನ ಅಗುಲೆರಾ ಳ ಹೊಸ ವರ್ಷದ ಮುನ್ನಾದಿನದ ಸಂತೋಷಕೂಟದಲ್ಲಿ ಕಂಡುಬಂದರು.[೧೦೦] ರಯಾನ್ ಸೀಕ್ರೆಸ್ಟ್ ಮೇಯರ್ ನನ್ನು 2007ರ ಗ್ರ್ಯಾಮ್ಮಿ ಪ್ರಶಸ್ತಿ ಗಳ ರೆಡ್ ಕಾರ್ಪೆಟ್(ಪ್ರಸಿದ್ದ ವ್ಯಕ್ತಿಗೆ ನೀಡುವ ವಿಶೇಷ ಮರ್ಯಾದೆ) ನಲ್ಲಿ ಆತನ ಹಾಗು ಸಿಂಪ್ಸನ್ ನಡುವಿನ ಸಂಬಂಧದ ಬಗ್ಗೆ ಪ್ರಶ್ನಿಸಿದಾಗ, ಮೇಯರ್ ಜಪಾನೀಸ್ ಭಾಷೆಯಲ್ಲಿ ಪ್ರತಿಕ್ರಯಿಸುತ್ತಾನೆ. ಆರಂಭದಲ್ಲಿ ಕೆಲವು ವಿರುದ್ಧವಾದ ಅನುವಾದದ ಹೊರತಾಗಿಯೂ, ಆತನು, "ಜೆಸ್ಸಿಕಾ ಒಬ್ಬ ಸುಂದರ ಹೆಣ್ಣು, ಹಾಗು ನನಗೆ ಆಕೆ ಜೊತೆಯಿರುವುದು ಸಂತೋಷವನ್ನು ನೀಡಿದೆ." ಎಂದು ಹೇಳುತ್ತಾನೆ [೧೦೧]d[›] ಸಿಂಪ್ಸನ್ ಆತನ 2007ರ ಕಂಟಿನ್ಯಂ ಪ್ರವಾಸದಲ್ಲಿ ಜೊತೆಗೂಡುತ್ತಾಳೆ. ಇಬ್ಬರೂ ಅದೇ ವರ್ಷದ ಮಾರ್ಚ್ ನಲ್ಲಿ ರೋಮ್ ಗೆ ವಿಹಾರಾರ್ಥವಾಗಿ ಪ್ರಯಾಣ ಬೆಳೆಸುತ್ತಾರೆ.[೧೦೨][೧೦೩][೧೦೪] ಆದರೆ, ಮೇ 2007ರಲ್ಲಿ ಜೋಡಿಯು ಬೇರ್ಪಡುತ್ತದೆ.[೧೦೫] ಆತನು ಸೆಪ್ಟೆಂಬರ್ 2007ರಲ್ಲಿ ನಟಿ ಮಿಂಕ ಕೆಲ್ಲಿ ಯ ಜೊತೆ ಸಂತೋಷ ವಿಹಾರ ಪ್ರಾರಂಭಿಸುತ್ತಾನೆ,[೧೦೬] ಆದರೆ ವರ್ಷಾಂತ್ಯಕ್ಕೆ ಮುಂಚೆಯೇ ಅವರಿಬ್ಬರೂ ಬೇರೆಯಾಗುತ್ತಾರೆ.[೧೦೭] ಮೇಯರ್ ನಟಿ ಜೆನ್ನಿಫೆರ್ ಅನಿಸ್ಟನ್ ಜೊತೆ ಏಪ್ರಿಲ್ 2008ರಂದು ಸಂತೋಷ ವಿಹಾರವನ್ನು ಪ್ರಾರಂಭಿಸುತ್ತಾನೆ,[೧೦೮] ಆದರೆ ಮೇಯರ್ ಅದರ ಮುಂದಿನ ಆಗಸ್ಟ್ ನಲ್ಲಿ ಆ ಸಂಬಂಧ ಕಡಿದುಕೊಳ್ಳುತ್ತಾನೆ.[೧೦೯] ಇವರಿಬ್ಬರು ಮುರಿದುಬಿದ್ದ ತಮ್ಮ ಸಂಬಂಧವನ್ನು ಅಕ್ಟೋಬರ್ 2008ರಲ್ಲಿ ಮರು ಪ್ರಾರಂಭಿಸುತ್ತಾರೆ. ಅಲ್ಲದೇ ಮಾರ್ಚ್ 2009ರಲ್ಲಿ ಮತ್ತೆ ಬೇರೆಯಾಗುತ್ತಾರೆ.[೧೧೦][೧೧೧] ಪ್ರಖ್ಯಾತ ನಟಿಯರ ಜೊತೆಗಿನ ಆತನ ಸಂಬಂಧದಿಂದಾಗಿ ಅವನಿಗೆ ಒಬ್ಬ "ವುಮನೈಸರ್"(ಹೆಂಗಸರ ಬೆನ್ನು ಹತ್ತುವವ) ಎಂಬ ಅಪಖ್ಯಾತಿ ದೊರೆತಿದೆ.[೭೮][೧೧೨][೧೧೩]
Mayer, in 2005, on how he avoided tabloid attention.[೧೭]
ಜೆಸ್ಸಿಕಾ ಸಿಂಪ್ಸನ್ ಜೊತೆಗಿನ ಮೇಯರ್ ನ ಸಂಬಂಧವು ಕೆಲವು ವೈಯುಕ್ತಿಕ ವರ್ತನೆಯ ಬದಲಾವಣೆಗಳ ಜೊತೆ ತಾಳೆಯಾಯಿತು. ಇದು ಆತನ ಟ್ಯಾಬ್ಲಾಯ್ಡ್(ಸಾಮಾನ್ಯವಾಗಿ ಜನಪ್ರಿಯ ಸಂಗತಿಗಳನ್ನು ತಿಳಿಸುವ) ಪ್ರಕಟಣೆಯಲ್ಲಿ ಮಹತ್ವವಾದ ಬೆಳವಣಿಗೆಗೆ ಕಾರಣವಾಯಿತು.[೫][೧೧][೧೧೪] ಇದಕ್ಕೆ ಮುಂಚೆ, ಮೇಯರ್ ಮಾದಕದ್ರವ್ಯ, ಮದ್ಯ, ಕ್ಲಬ್ಬಿಂಗ್(ಅತಿಯಾಗಿ ಕ್ಲಬ್ ಗಳಿಗೆ ಹೋಗುವುದು),"ರೆಡ್-ಕಾರ್ಪೆಟ್"(ಪ್ರಸಿದ್ದ ವ್ಯಕ್ತಿಗೆ ನೀಡುವ ವಿಶೇಷ ಮರ್ಯಾದೆ)ಕಾರ್ಯಕ್ರಮಗಳಿಗೆ ಹೋಗುವುದು, ಪ್ರಸಿದ್ದ ನಟಿಯರ ಜೊತೆ ಸಂತೋಷ ವಿಹಾರ ಮಾಡುವುದು ಹಾಗು ಇನ್ನಿತರ ಕೆಲಸಗಳನ್ನು ಸಂಪೂರ್ಣವಾಗಿ ತ್ಯಜಿಸುವ ತೀರ್ಮಾನ ವ್ಯಕ್ತಪಡಿಸಿದ್ದ. ಏಕೆಂದರೆ ಇವೆಲ್ಲವೂ ಆತನನ್ನು ಸಂಗೀತದಿಂದ ದೂರ ಇಡುತ್ತವೆಂಬ ಭಾವನೆ ಹೊಂದಿದ್ದ.[೧೧೫] ಆದರೂ, ಸಂದರ್ಶನಗಳಲ್ಲಿ, ಮೇಯರ್ ಒಂದು ಅತೀವ "ಉದ್ವಿಗ್ನದ ಕ್ಷಣಗಳನ್ನು" ತನ್ನ ಇಪ್ಪತ್ತನೆ ವರ್ಷದಲ್ಲಿ ಅನುಭವಿಸಿದ್ದಾಗಿ ಪ್ರಸ್ತಾಪಿಸುತ್ತಾನೆ. ಇದು ಆತನಿಗೆ ಏಕಾಂಗಿತನ ಕಡಿಮೆಮಾಡಿಕೊಳ್ಳಲು ಪ್ರೇರೇಪಿಸಿತು.[೧೧][೧೨] ಆತನು ನಂತರ ತನಗೆ ಅರಿವಾಗಿದ್ದರ ಬಗ್ಗೆ ಹೇಳುತ್ತಾನೆ."ನಾನು ಜೆಸ್ಸಿಕಾಳನ್ನು ಇನ್ನು ಹೆಚ್ಚಾಗಿ ಸಂಧಿಸಬೇಕಾದರೆ, ನಾನು ಇನ್ನು ಹೆಚ್ಚು ಬೆಳೆಯಬೇಕಾಗುತ್ತದೆ," ಜೊತೆಗೆ ಗಿಟಾರ್ ನುಡಿಸದೆ ಇರಬೇಕು ಎಂಬ ಭಯ ಬೇಡ.[೧೧] ಆತನು ಆಕೆ ಜೊತೆಗಿನ ಸಂಬಂಧವನ್ನು "ಸೆಕ್ಶುಅಲ್ ನೇಪಾಮ್"(ಲೈಂಗಿಕವಾಗಿ ಬಳಕೆಯಾಗುವ ಮಾದಕ ವಸ್ತು) ಎಂದು ಕರೆಯುತ್ತಾನೆ. ಹಾಡು ಆಕೆಗೆ "ಮೌಲ್ಯಗಳನ್ನು [ಆತನ] ಬದಲಾಯಿಸುವ" ಶಕ್ತಿಯಿತ್ತೆಂದು ಹೇಳುತ್ತಾನೆ.[೫] ಆತನು ಲಾಸ್ ಏಂಜಲಿಸ್ ಹಾಗು ನ್ಯೂಯಾರ್ಕ್ ನ ಕ್ಲಬ್ ಗಳಲ್ಲಿ ಕಾಣಿಸಿಕೊಳ್ಳಲು ಪ್ರಾರಂಭಿಸಿದ. (ಇಲ್ಲಿ ಪಪರಜ್ಜಿ ಗಳಿಗಾಗಿ ಹಾಸ್ಯ ಸನ್ನಿವೇಶಗಳನ್ನು ಪ್ರಸ್ತುತಪಡಿಸುತ್ತಿದ್ದ). 2006ರಲ್ಲಿ ರೋಲಿಂಗ್ ಸ್ಟೋನ್ ಜೊತೆಗಿನ ಸಂದರ್ಶನದಲ್ಲಿ ಮೊದಲ ಬಾರಿಗೆ ಮ್ಯಾರಿಹ್ವಾನ(ಭಂಗಿ) ಸೇದುತ್ತಿದ್ದ ಬಗ್ಗೆ ತಿಳಿಸಿದ.[೧೪] ಮೇಯರ್ ಫೆಬ್ರವರಿ 2009ರಲ್ಲಿ ನಡೆದ 81ನೇ ಅಕ್ಯಾಡೆಮಿ ಪ್ರಶಸ್ತಿಗಳಲ್ಲಿ ಅನಿಸ್ಟನ್ ಜೊತೆಗೂಡಿ ಕಾರ್ಯಕ್ರಮವನ್ನು ನಡೆಸಿಕೊಟ್ಟ.[೧೧೬] ಸಂದರ್ಶನಗಳಲ್ಲಿ, ಆತನನ್ನು ಅತಿಲಂಬಿತ ಹಾಗು ಆತ್ಮಪ್ರಜ್ಞ ಎಂದು ಕರೆಯುವುದರ ಜೊತೆಗೆ ಒಬ್ಬ ಸಂದರ್ಶಕನಾಗಿ ತನ್ನದೇ ಶೈಲಿಯಲ್ಲಿ ತನ್ನ ಪಥದಲ್ಲಿ ಸಾಗುತ್ತಿದ್ದಾನೆ ಎಂದು ಹೇಳಲಾಯಿತು.[೧೨][೧೪][೧೧೩] ಮೇಯರ್ ನ ಟ್ಯಾಬ್ಲಾಯ್ಡ್ ಮಾಧ್ಯಮದ ಜೊತೆಗಿನ ಸಂವಾದವು (ಇದರಲ್ಲಿ TMZ ಒಂದು ತುಣುಕನ್ನು ನಡೆಸಿಕೊಟ್ಟ ಬಗ್ಗೆ ಹಾಗು ಪೆರೆಜ್ ಹಿಲ್ಟನ್[೫][೭೮][೧೧೭][೧೧೮] ಜೊತೆ ಟ್ವಿಟರ್ ನಲ್ಲಿ ನಡೆಸಿದ ಸ್ಪರ್ಧೆಯು ಒಳಗೊಂಡಿದೆ) ನ್ಯೂಯಾರ್ಕ್ ನಲ್ಲಿರುವ ಆತನ ವ್ಯಾಯಾಮಶಾಲೆಯ ಹೊರಭಾಗದಲ್ಲಿ ಪೂರ್ವಸಿದ್ದತೆಯಿಲ್ಲದ ಒಂದು ಪತ್ರಿಕಾ ಗೋಷ್ಠಿಯೊಂದಿಗೆ ಕೊನೆಗೊಳ್ಳುತ್ತದೆ. ಅಲ್ಲಿ ಅವನು ಅನಿಸ್ಟನ್ ನಿಂದ ಏಕೆ ಬೇರೆಯಾದನು ಎಂಬುದನ್ನು ವಿವರಿಸುತ್ತಾನೆ. ಈ ಅಗಲಿಕೆಯು ಅನುಕೂಲಕರವಾಗಿರಲಿಲ್ಲ ಜೊತೆಗೆ ಆತನನ್ನು ಒಂದು "ದೌಚೆಬ್ಯಾಗ್";[೫][೭೮] ಮೇಯರ್ ನಂತರದಲ್ಲಿ ಇದನ್ನು, "ನನ್ನ ಜೀವನದ ಅತ್ಯಂತ ಕಹಿ ಕ್ಷಣ" ಎಂದು ಹೇಳುತ್ತಾನೆ [೧೨][೧೧೯]. ಜೊತೆಗೆ ಆಕೆನ್ನು ನೋಯಿಸಿದ್ದಕ್ಕೆ ತಾನೇ ಜವಾಬ್ದಾರ ಎಂದು ಹೇಳುತ್ತಾನೆ.[೫] ಆತನು ಇನ್ನು ಮುಂದೆ ಮಾಧ್ಯಮಕ್ಕೆ ಯಾವುದೇ ಸಂದರ್ಶನ ನೀಡುವುದಿಲ್ಲವೆಂಬ ದೃಢವಾದ ಹೇಳಿಕೆಯ ಹೊರತಾಗಿಯೂ,[೮೩] ಪ್ಲೇಬಾಯ್ ನಿಯತಕಾಲಿಕ ನಡೆಸಿದ ಸಂದರ್ಶನದಲ್ಲಿ (ಫೆಬ್ರವರಿ 10, 2010ರಂದು ತಮ್ಮ ವೆಬ್ ಸೈಟ್ ನಲ್ಲಿ ಪ್ರಕಟಿಸಿದಂತೆ) ಮಾಧ್ಯಮದಲ್ಲಿ ಆತನ ಮೇಲಿರುವ ಆಪಾದನೆಗೆ ಪುಷ್ಟಿ ನೀಡಿತು. ಟ್ವಿಟರ್ ನಲ್ಲಿ ಅವನೊಬ್ಬ ಮಿಸಾಜಿನಿಸ್ಟ್ (ಸ್ತ್ರೀದ್ವೇಷಿ), ಕಿಸ್-ಅಂಡ್-ಟೆಲ್ ಮಾಜಿ-ಬಾಯ್ ಫ್ರೆಂಡ್, ಹಾಗು ಒಬ್ಬ ಜನಾಂಗೀಯವಾದಿಎಂದು ಹೇಳಲಾಗಿದೆ. ಇದು ಜೆಸ್ಸಿಕಾ ಸಿಂಪ್ಸನ್ ಳನ್ನು "ಸೆಕ್ಸುವಲ್ ನೇಪಾಮ್" ಎಂದು ಕರೆದದ್ದರ ಪರಿಣಾಮವಾಗಿತ್ತು. ಜೊತೆಗೆ ಆತನಲೈಂಗಿಕ ವಾದವನ್ನು ಶ್ವೇತ ಪಾರಮ್ಯ ವಾದದ ಡೇವಿಡ್ ಡ್ಯೂಕ್ ಗೆ ಹೋಲಿಸಲಾಗಿದೆ.[೫][೧೨೦] ಆತನು ಟ್ವಿಟರ್ ಮೂಲಕ "ನಿಗರ್"(ನೀಗ್ರೋ) ಎಂಬ ಪದ ಬಳಕೆಗೆ ಕ್ಷಮೆಯಾಚಿಸುತ್ತಾನೆ, "ನಾನು ('N')ಎಂಬ ಪದ ಬಳಸಿದಕ್ಕಾಗಿ ಕ್ಷಮೆಯಾಚಿಸುತ್ತೇನೆ. ಅಲ್ಲದೇ ಇದೊಂದು ನಾನು ಮಾಡಿದ ನಾಚಿಕೆಪಡುವ ಸಂಗತಿ ಏಕೆಂದರೆ ಪದವನ್ನು ಬಳಸುವ ಉತ್ಸಾಹದಲ್ಲಿ ಪದಕ್ಕೆ ವಿರುದ್ದವಾಗಿ ಅರ್ಥವನ್ನು ಕೊಡುವ ಪದವನ್ನು ಬಳಕೆ ಮಾಡಿದ್ದೇನೆ",[೧೨೧] "ಇದು ಬೌದ್ದಿಕವಾಗಿ ಚಿಂತನೆ ಮಾಡಿದಾಗ ನನ್ನ ಗರ್ವದ ಬಗ್ಗೆ ಅರಿವಾಗುತ್ತದೆ... ಆ ಪದ ಎಷ್ಟು ಭಾವನಾತ್ಮಕತೆ ಒಳಗೊಂಡಿದೆ ಎಂಬುದನ್ನು ತೋರಿಸುತ್ತದೆ."[೧೨೨] ಆತನು ತನ್ನ ನ್ಯಾಶ್ ವಿಲ್ಲೆಸಂಗೀತ ಗೋಷ್ಠಿಯ ರಾತ್ರಿ ತನ್ನ ಸಂಗೀತ ತಂಡ ಹಾಗು ಅಭಿಮಾನಿಗಳಿಗೆ ಕಂಬನಿಗರೆಯುತ್ತಾ ಕ್ಷಮೆಯಾಚಿಸುತ್ತಾನೆ.[೧೨೩]
ವೈಯುಕ್ತಿಕ ಧ್ವನಿಮುದ್ರಿಕಾ ಪಟ್ಟಿ
- ರೂಂ ಫಾರ್ ಸ್ಕ್ವೆರ್ಸ್ (2001)
- ಹೆವಿಯರ್ ಥಿಂಗ್ಸ್ (2003)
- ಕಂಟಿನ್ಯಂ (2006)
- ಬ್ಯಾಟಲ್ ಸ್ಟಡೀಸ್ (2009)
ಪ್ರಶಸ್ತಿಗಳು
ವರ್ಷ | ಪ್ರಶಸ್ತಿ | ವಿಭಾಗ |
---|---|---|
2009 | 51ನೇ ವಾರ್ಷಿಕ ಗ್ರ್ಯಾಮ್ಮಿ ಪ್ರಶಸ್ತಿಗಳು |
|
2008 | 50ನೇ ವಾರ್ಷಿಕ ಗ್ರ್ಯಾಮ್ಮಿ ಪ್ರಶಸ್ತಿಗಳು |
|
2007 | 35ನೇ ವಾರ್ಷಿಕ ಅಮೆರಿಕನ್ ಸಂಗೀತ ಪ್ರಶಸ್ತಿಗಳು |
|
23ನೇ ವಾರ್ಷಿಕ TEC ಪ್ರಶಸ್ತಿಗಳು | ಟೂರ್ ಸೌಂಡ್ ಪ್ರೊಡಕ್ಷನ್( ಕಂಟಿನ್ಯಂ ಪ್ರವಾಸಕ್ಕಾಗಿ)
| |
49ನೇ ವಾರ್ಷಿಕ ಗ್ರ್ಯಾಮ್ಮಿ ಪ್ರಶಸ್ತಿಗಳು |
| |
2005 | 33ನೇ ವಾರ್ಷಿಕ ಅಮೇರಿಕನ್ ಸಂಗೀತ ಪ್ರಶಸ್ತಿಗಳು |
|
ವಿಶ್ವ ಸಂಗೀತ ಪ್ರಶಸ್ತಿಗಳು |
| |
ಪೀಪಲ್ಸ್ ಚಾಯ್ಸ್ ಪ್ರಶಸ್ತಿಗಳು |
| |
47ನೇ ವಾರ್ಷಿಕ ಗ್ರ್ಯಾಮ್ಮಿ ಪ್ರಶಸ್ತಿಗಳು |
| |
2004 | BDS ಸರ್ಟಿಫೈಡ್ ಸ್ಪಿನ್ ಪ್ರಶಸ್ತಿಗಳು ಮಾರ್ಚ್ 2004ರ ಪ್ರಶಸ್ತಿ ಪಡೆದವರು |
|
2003 | 20ನೇ ವಾರ್ಷಿಕ ASCAP ಪ್ರಶಸ್ತಿಗಳು |
|
31ನೇ ವಾರ್ಷಿಕ ಅಮೆರಿಕನ್ ಸಂಗೀತ ಪ್ರಶಸ್ತಿಗಳು | ಅತ್ಯುತ್ತಮ ಕಲಾವಿದ - ಪಾಪ್ ಅಥವಾ ರಾಕ್ 'n ರೋಲ್ ಸಂಗೀತ | |
15ನೇ ವಾರ್ಷಿಕ ಬಾಸ್ಟನ್ ಸಂಗೀತ ಪ್ರಶಸ್ತಿ |
| |
45ನೇ ವಾರ್ಷಿಕ ಗ್ರ್ಯಾಮ್ಮಿ ಪ್ರಶಸ್ತಿಗಳು |
| |
MTV ವಿಡಿಯೋ ಸಂಗೀತ ಪ್ರಶಸ್ತಿಗಳು |
| |
ರೇಡಿಯೋ ಸಂಗೀತ ಪ್ರಶಸ್ತಿಗಳು |
| |
ಟೀನ್ ಪೀಪಲ್ ಪ್ರಶಸ್ತಿಗಳು |
| |
ಡ್ಯಾನಿಶ್ ಮ್ಯೂಸಿಕ್ ಪ್ರಶಸ್ತಿಗಳು |
| |
(2002) | MTV ವಿಡಿಯೋ ಮ್ಯೂಸಿಕ್ ಪ್ರಶಸ್ತಿಗಳು |
|
ಒರ್ವಿಲ್ಲೇ H. ಗಿಬ್ಸನ್ ಗಿಟಾರ್ ಪ್ರಶಸ್ತಿಗಳು | ಲೆಸ್ ಪಾಲ್ ಹರೈಜನ್ ಪ್ರಶಸ್ತಿ (ಅತ್ಯಂತ ಭರವಸೆಯ ಗಿಟಾರಿಸ್ಟ್) | |
VH1 ಬಿಗ್ ಇನ್ 2002 ಪ್ರಶಸ್ತಿಗಳು |
| |
ಪೋಲ್ ಸ್ಟಾರ್ ಕಾನ್ಸರ್ಟ್ ಇಂಡಸ್ಸ್ಟ್ರೀ ಪ್ರಶಸ್ತಿಗಳು |
|
ಟಿಪ್ಪಣಿಗಳು
ಅಡಿಟಿಪ್ಪಣಿಗಳು
ಆಕರಗಳು
- ಎಡ್ವರ್ಡ್ಸ್, G. (2006) ಇಸ್ ಟೈನಿ ಡಾನ್ಸರ್ ರಿಯಲಿ ಎಲ್ಟನ್'ಸ್ ಲಿಟಲ್ ಜಾನ್? , ನ್ಯೂಯಾರ್ಕ್: ಕ್ರೌನ್ ಪಬ್ಲಿಷಿಂಗ್ ಗ್ರೂಪ್. ISBN 0-307-34603-X
ಹೊರಗಿನ ಕೊಂಡಿಗಳು
- ಅಧಿಕೃತ
- Official website
- ಜಾನ್ ಮೇಯರ್ on Myspace
- ಅಧಿಕೃತ ಜಾನ್ ಮೇಯರ್ ಅಭಿಮಾನಿ ಸಂಘ - Local-83.com Archived 2010-03-27 ವೇಬ್ಯಾಕ್ ಮೆಷಿನ್ ನಲ್ಲಿ.
- ಜಾನ್ ಮೇಯರ್ ಟ್ವಿಟರ್ ನಲ್ಲಿ
- ಜಾನ್ ಮೇಯರ್ ಹರಾಜು ಜಾಲ Archived 2015-01-31 ವೇಬ್ಯಾಕ್ ಮೆಷಿನ್ ನಲ್ಲಿ.
- ಅಧಿಕೃತ ಜಾನ್ ಮೇಯರ್ ಟ್ರಿಓ ಜಾಲ Archived 2007-01-29 ವೇಬ್ಯಾಕ್ ಮೆಷಿನ್ ನಲ್ಲಿ.
- ಮೇಯರ್ ನ ಬ್ಲಾಗ್ Honeyee.com ನಲ್ಲಿ Archived 2007-07-08 ವೇಬ್ಯಾಕ್ ಮೆಷಿನ್ ನಲ್ಲಿ.
- ಮೇಯರ್ ನ ಫೋಟೋಬ್ಲಾಗ್ StunningNikon.comನಲ್ಲಿ Archived 2008-06-12 ವೇಬ್ಯಾಕ್ ಮೆಷಿನ್ ನಲ್ಲಿ.
- ಬ್ಲಾಕ್ ಬೆರಿ ಪ್ರಾಯೋಜಕತ್ವದ: ಜಾನ್ ಮೇಯರ್ ಅವರ 2008ರ ಬೇಸಿಗೆ ಪ್ರವಾಸ Archived 2009-02-21 ವೇಬ್ಯಾಕ್ ಮೆಷಿನ್ ನಲ್ಲಿ.
- ಮೇಯರ್ ಅವರ ಬರಹ
- ರೋಲಿಂಗ್ ಸ್ಟೋನ್ ಗಾಗಿ ಮೆಯೇರ್ ಜಿಮಿ ಹೆಂಡ್ರಿಕ್ಸ್ ನ ಮೇಲೆ ಒಂದು ವಿಭಾಗ Archived 2007-04-03 ವೇಬ್ಯಾಕ್ ಮೆಷಿನ್ ನಲ್ಲಿ. ದಲ್ಲಿ ಬರೆದಿದ್ದಾರೆ
ರೋಲಿಂಗ್ ಸ್ಟೋನ್ ನಲ್ಲಿ ಮೇಯರ್ ಬ್ರೆಟ್ಟ್ ಡೆನ್ನೆನ್ ಮೇಲೆ ಒಂದು ವಿಭಾಗ Archived 2009-11-15 ವೇಬ್ಯಾಕ್ ಮೆಷಿನ್ ನಲ್ಲಿ. ದಲ್ಲಿ ಬರೆದಿದ್ದಾರೆ
- "ಮ್ಯೂಸಿಕ್ ಲೆಸನ್ಸ್ ವಿಥ್ ಜಾನ್ ಮೇಯರ್"[ಶಾಶ್ವತವಾಗಿ ಮಡಿದ ಕೊಂಡಿ], Esquire.comನ ಎಸ್ಕ್ವೈರ್ ಅಂಕಣದಲ್ಲಿ ಮೇಯರ್ ಅವರ ಸಂಗ್ರಹ.
- ಸಾಮಾನ್ಯ
- ಅಂತರಜಾಲ ಸಿನೆಮಾ ದತ್ತಸಂಚಯದಲ್ಲಿ Mayer
- ಕಾಮ್ಪ್ರಹೆನ್ಸಿವ್ ಜಾನ್ ಮೇಯರ್ ಗಿಟಾರ್ ಟ್ಯಾಬ್ಸ್ Archived 2007-06-01 ವೇಬ್ಯಾಕ್ ಮೆಷಿನ್ ನಲ್ಲಿ.
- "ಸ್ಕ್ವೆರ್ ಪೆಗ್ಡ್" Archived 2007-02-04 ವೇಬ್ಯಾಕ್ ಮೆಷಿನ್ ನಲ್ಲಿ., 2001ರಲ್ಲಿ ಕ್ರೆಯೇಟಿವ್ ಲೋಫಿಂಗ್ ನಲ್ಲಿ ಪ್ರಕಟವಾದ ಮೊದಲ ಬರಹ
- ರೋಲಿಂಗ್ ಸ್ಟೋನ್ Q&A ಪಾಡ್ ಕ್ಯಾಸ್ಟ್: ಜಾನ್ ಮೇಯರ್, ಡಿಸೆಂಬರ್ 2005ರಿಂದ: (ಶ್ರವಣ[ಶಾಶ್ವತವಾಗಿ ಮಡಿದ ಕೊಂಡಿ]) (ಪ್ರತಿಲೇಖನ Archived 2009-06-25 ವೇಬ್ಯಾಕ್ ಮೆಷಿನ್ ನಲ್ಲಿ.)
- ಐಸ್ಬರ್ಗ್ ರೇಡಿಯೋದಲ್ಲಿ ಜಾನ್ ಮೇಯರ್ ಅವರೊಟ್ಟಿಗೆ ಸಂದರ್ಶನ Archived 2007-05-29 ವೇಬ್ಯಾಕ್ ಮೆಷಿನ್ ನಲ್ಲಿ. ಸೆಪ್ಟೆಂಬರ್ 2006ರಿಂದ: ಶ್ರವಣ: (32K) Archived 2007-03-25 ವೇಬ್ಯಾಕ್ ಮೆಷಿನ್ ನಲ್ಲಿ. (64K)[ಶಾಶ್ವತವಾಗಿ ಮಡಿದ ಕೊಂಡಿ]
- ಜಾನ್ ಮೇಯರ್ ಅವರ ವಿಶೇಷ ಪ್ರದರ್ಶನ ಹಾಗು ತೆರೆಮರೆಯ ಹಿಂದಿನ ದೃಶ್ಯಗಳು Archived 2018-12-15 ವೇಬ್ಯಾಕ್ ಮೆಷಿನ್ ನಲ್ಲಿ. AOL ಸೆಷನ್ಸ್ ನಲ್ಲಿ
"ಜಾನ್ ಮೇಯರ್'ಸ್ ಸಾಫ್ಟ್-ಸೆಲ್ 'ವರ್ಲ್ಡ್'", NPR ಬೆಳಗಿನ ಆವೃತ್ತಿ ಮಾರ್ಚ್ 2007ರಿಂದ ಸಂದರ್ಶನ. (ಶ್ರವಣ) (ಓದು)
- ನಿಕೊನ್ ಪಾಡ್ ಕ್ಯಾಸ್ಟ್ #3: Archived 2010-02-06 ವೇಬ್ಯಾಕ್ ಮೆಷಿನ್ ನಲ್ಲಿ. "ಜಾನ್ ಮೇಯರ್ ರೊಂದಿಗೆ ವಿಶೇಷ ಸಂದರ್ಶನ" (ಪೋಸ್ಟೆಡ್ ಸೆಪ್ಟೆಂಬರ್ 9, 2007) (ಶ್ರವಣ Archived 2010-12-07 ವೇಬ್ಯಾಕ್ ಮೆಷಿನ್ ನಲ್ಲಿ.)