ಯುನೈಟೆಡ್‌ ಸ್ಟೇಟ್ಸ್‌ನ ಸಂಸ್ಕೃತಿ

ಯುನೈಟೆಡ್‌ ಸ್ಟೇಟ್ಸ್‌ ಒಕ್ಕೂಟದ ಮಟ್ಟದಲ್ಲಿ ಯಾವುದೇ ಅಧಿಕೃತ ಭಾಷೆಯನ್ನು ಹೊಂದಿಲ್ಲವಾದರೂ, 30 ರಾಜ್ಯಗಳು ಆಂಗ್ಲ ಭಾಷೆಯನ್ನು ಅಧಿಕೃತ ಭಾಷೆಯನ್ನಾಗಿ ಘೋಷಿಸುವ ಶಾಸನವನ್ನು ಅಂಗೀಕರಿಸಿದ್ದು ವ್ಯಾಪಕವಾಗಿ ಅದನ್ನೇ ವಸ್ತುತಃ ರಾಷ್ಟ್ರೀಯ ಭಾಷೆಯನ್ನಾಗಿ ಪರಿಗಣಿಸಲಾಗುತ್ತಿದೆ. ಸ್ಪ್ಯಾನಿಷ್‌ ಭಾಷೆಯು ಪ್ರಮುಖ ಸಂಭಾಷಣಾ ಭಾಷೆಯಾಗಿರುವ ಪೊರ್ಟೊ ರಿಕೊ ಕಾಮನ್‌ವೆಲ್ತ್‌/ಸಂಸ್ಥಾನ ಹಾಗೂ ಇತರೆ ಅನೇಕ ರಾಷ್ಟ್ರದಾದ್ಯಂತ ಪರಾವೃತ ಪ್ರದೇಶಗಳಲ್ಲಿ ಸ್ಪ್ಯಾನಿಷ್‌ ಭಾಷೆಯು ಅಧಿಕೃತ ಸ್ಥಾನಮಾನವನ್ನು ಹೊಂದಿದೆ.^[೧] ದ್ವಿಭಾಷಿ ಸಂಭಾಷಿಗರು ಆಂಗ್ಲ ಭಾಷೆ ಹಾಗೂ ಸ್ಪ್ಯಾನಿಷ್‌ ಭಾಷೆಗಳೆರಡನ್ನೂ ಯುಕ್ತವಾಗಿಯೇ ಬಳಸುವರಾದರೂ ತಮ್ಮ ಸಂಭಾಷಣಾ ಜೊತೆಗಾರರು ಅಥವಾ ಸಂದರ್ಭಕ್ಕನುಗುಣವಾಗಿ ಭಾಷೆ ಬದಲಿಸುತ್ತಾರೆ. ಕೆಲವರು ಈ ವಿದ್ಯಮಾನವನ್ನು ಸ್ಪ್ಯಾಂಗ್ಲಿಷ್‌ ಎಂದು ಕರೆಯುತ್ತಾರೆ.

ಯುನೈಟೆಡ್‌ ಸ್ಟೇಟ್ಸ್‌ನ ಸ್ಥಳೀಯ ಭಾಷೆಗಳಲ್ಲಿ ಸ್ಥಳೀಯ ಅಮೇರಿಕನ್‌ ಭಾಷೆಗಳು, ರಾಷ್ಟ್ರದ ಅನೇಕ ಭಾರತೀಯ ಮೀಸಲು ಪ್ರದೇಶಗಳಲ್ಲಿ ಹಾಗೂ ಸ್ಥಳೀಯ ಅಮೇರಿಕನ್‌ ಸಾಂಸ್ಕೃತಿಕ ಸಮಾರಂಭ/ಘಟನೆಗಳಲ್ಲಿ ಪೌವ್‌ ವೌವ್‌ಗಳು; ಹವಾಯ್‌ ರಾಜ್ಯದಲ್ಲಿ ಅಧಿಕೃತ ಸ್ಥಾನಮಾನ ಹೊಂದಿರುವ ಹವಾಯ್‌ ಭಾಷೆ; ಗುವಾಂ ಹಾಗೂ ಉತ್ತರ ಮರಿಯಾನಾ ದ್ವೀಪಗಳ ಕಾಮನ್‌ವೆಲ್ತ್‌/ಸಂಸ್ಥಾನಗಳಲ್ಲಿ ಅಧಿಕೃತ ಸ್ಥಾನಮಾನವನ್ನು ಹೊಂದಿರುವ ಛಾಮೊರ್ರೋ ಭಾಷೆ ; ಉತ್ತರ ಮಾರಿಯಾನಾ ದ್ವೀಪಗಳ ಕಾಮನ್‌ವೆಲ್ತ್‌/ಸಂಸ್ಥಾನಗಳಲ್ಲಿ ಅಧಿಕೃತ ಸ್ಥಾನಮಾನವನ್ನು ಹೊಂದಿರುವ ಕೆರೋಲಿನಿಯನ್‌ ಭಾಷೆ; ಹಾಗೂ, ಕಾಮನ್‌ವೆಲ್ತ್‌/ಸಂಸ್ಥಾನ ಅಮೇರಿಕನ್‌ ಸಮೋವಾದ ಕಾಮನ್‌ವೆಲ್ತ್‌/ಸಂಸ್ಥಾನಗಳಲ್ಲಿ ಅಧಿಕೃತ ಸ್ಥಾನಮಾನವನ್ನು ಹೊಂದಿರುವ ಸಮೋವಾನ್‌ ಭಾಷೆ ಸೇರಿವೆ.

ಯುನೈಟೆಡ್‌ ಸ್ಟೇಟ್ಸ್‌ನಲ್ಲಿನ ಸ್ಥಳೀಯ ಭಾಷೆಗಳ ಅಂಕಿಅಂಶಗಳು

ಕೆಳಕಂಡ ಮಾಹಿತಿಯು ಅಂದಾಜು ಮಾತ್ರವಾಗಿದ್ದು ವಾಸ್ತವ ಅಂಕಿಅಂಶಗಳು ನಿರಂತರ ವ್ಯತ್ಯಾಸಗೊಳ್ಳುವ ಸಾದ್ಯತೆಯನ್ನು ಹೊಂದಿರುತ್ತವೆ.

CIAನ,^[೨] ಪ್ರಕಾರ ಯುನೈಟೆಡ್‌ ಸ್ಟೇಟ್ಸ್‌ನಲ್ಲಿನ ಸ್ಥಳೀಯ ಭಾಷೆಗಳನ್ನಾಡುವ ಜನಸಂಖ್ಯೆಯ ಒಟ್ಟಾರೆ ಶೇಕಡಾವಾರು ಅಂಕಿ ಅಂಶಗಳು ಕೆಳಕಂಡಂತಿವೆ :

• ಆಂಗ್ಲ ಭಾಷೆ (82.1%)
• ಸ್ಪ್ಯಾನಿಷ್‌ ಭಾಷೆ (10.7%)
• ಇತರೆ ಭಾರತೀಯ-ಐರೋಪ್ಯ ಭಾಷೆಗಳು (3.8%)
• ಇತರೆ ಏಷ್ಯನ್‌ ಅಥವಾ ಪೆಸಿಫಿಕ್‌ ಐಸ್‌ಲ್ಯಾಂಡರ್‌/ದ್ವೀಪಗಳ ಭಾಷೆಗಳು (2.7%)
• ಇತರೆ ಭಾಷೆಗಳು (0.7%)

ಹತ್ತೊಂಬತ್ತನೇ ಶತಮಾನ ಆದಿಭಾಗ ಮತ್ತು ಹದಿನೆಂಟನೇ ಶತಮಾನಗಳ ಬಹಳಷ್ಟು ಅಮೆರಿಕದ ಕಲೆ ಮತ್ತು ಸಾಹಿತ್ಯವು ಯುರೋಪ್‌ನಿಂದ ಪ್ರಭಾವಿತವಾದದ್ದು. ತನ್ನ ಪ್ರಾಚೀನ ಇತಿಹಾಸದ ಸಂದರ್ಭದಲ್ಲಿ, ಅಮೇರಿಕಾವು ಪ್ರಸ್ತುತ ಯುನೈಟೆಡ್‌ ಸ್ಟೇಟ್ಸ್‌ನ ಪೂರ್ವ ಕರಾವಳಿಯಲ್ಲಿನ ಬ್ರಿಟಿಷ್‌ ವಸಾಹತುಗಳ ಸರಣಿಯಾಗಿತ್ತು. ಆದ್ದರಿಂದ, ಅದರ ಸಾಹಿತ್ಯದ ಸಂಪ್ರದಾಯವು ವ್ಯಾಪಕವಾಗಿ ಆಂಗ್ಲ ಸಾಹಿತ್ಯಕ್ಕೆ ಸಂಪರ್ಕ ಹೊಂದಿರುವ ರೀತಿಯಲ್ಲಿ ಪ್ರಾರಂಭವನ್ನು ಹೊಂದಿದೆ. ಆದಾಗ್ಯೂ, ಅತುಲ ಅಮೇರಿಕನ್‌ ಲಕ್ಷಣಗಳು ಹಾಗೂ ಅದರ ಉತ್ಪಾದನೆ/ಕೃತಿಗಳ ವ್ಯಾಪ್ತಿಯು ಸಾಧಾರಣವಾಗಿ ಪ್ರತ್ಯೇಕ ಪಥ ಹಾಗೂ ಸಂಪ್ರದಾಯಗಳ ಪರಿಗಣಿಸುವ ಹಾಗೆ ಮಾಡಿದೆ. ನಥಾನಿಯಲ್ ಹಾವ್‌ಥೊರ್ನ್‌, ಎಡ್ಗರ್‍ ಅಲೆನ್‌ ಪೋ ಮತ್ತು ಹೆನ್ರಿ ಡೇವಿಡ್ ಥೋರಿಯೋರಂತಹಾ ಲೇಖಕರು ಹತ್ತೊಂಭತ್ತನೇ ಶತಮಾನದ ಮಧ್ಯ ಭಾಗದಲ್ಲಿ ಅಮೇರಿಕದ ವಿಶೇಷ ಸಾಹಿತ್ಯಿಕ ಸ್ವರೂಪವನ್ನು ಒಡಮೂಡಿಸಿದರು. ಶತಮಾನದ ಉತ್ತರ ಭಾಗದಲ್ಲಿ ಮಾರ್ಕ್‌ ಟ್ವೈನ್‌ ಹಾಗೂ ಕವಿ ವಾಲ್ಟ್‌‌ ವಿಟ್‌‌ಮನ್‌ಗಳು ಪ್ರಮುಖ ವ್ಯಕ್ತಿಗಳಾಗಿದ್ದರು; ಎಮಿಲಿ ಡಿಕಿನ್‌ಸನ್‌‌, ತನ್ನ ಜೀವಿತ ಕಾಲದಲ್ಲಿ ಅವಾಸ್ತವವಾಗಿ ಅಪರಿಚಿತರಾಗೇ ಉಳಿದಿದ್ದ ಇವರು, ನಂತರ ಅಮೇರಿಕಾ'ದ ಮತ್ತೋರ್ವ ಪ್ರಮುಖ ಕವಯಿತ್ರಿಯಾಗಿ ಗುರುತಿಸಲ್ಪಟ್ಟರು. ಹನ್ನೊಂದು ಮಂದಿ U.S. ನಾಗರೀಕರು ಸಾಹಿತ್ಯಕ್ಕೆ ನೀಡಲಾಗುವ ನೊಬೆಲ್‌ ಪ್ರಶಸ್ತಿಯನ್ನು ಪಡೆದಿದ್ದಾರೆ; ಅವರಲ್ಲಿ ಇತ್ತೀಚಿನವರೆಂದರೆ 1993ರಲ್ಲಿ ಪ್ರಶಸ್ತಿ ಪಡೆದ ಟೋನಿ ಮಾರ್ರಿಸನ್‌‌. 1954ರ ನೊಬೆಲ್‌ ಪ್ರಶಸ್ತಿ ವಿಜೇತರಾದ ಅರ್ನೆಸ್ಟ್‌ ಹೆಮಿಂಗ್‌ವೇಯವರನ್ನು ಅನೇಕವೇಳೆ ಇಪ್ಪತ್ತನೇ ಶತಮಾನದ ಬಹು ಪ್ರಭಾವೀ ಲೇಖಕ/ಕಿ ಎನ್ನಲಾಗುತ್ತದೆ.^[೩] ರಾಷ್ಟ್ರೀಯ ಸಂವೇದನೆ ಹಾಗೂ ಲಕ್ಷಣಗಳ ಮೂಲಭೂತ ಮಗ್ಗಲುಗಳನ್ನು ಸೆರೆಹಿಡಿಯುವಂತಹಾ ಕೃತಿಗಳೆನ್ನಲಾದ ಹರ್ಮನ್‌ ಮೆಲ್‌ವಿಲ್ಲೆ'ರ ಮೋಬಿ-ಡಿಕ್‌ ‌ (1851), ಟ್ವೈನ್‌‌'ರ ದ ಅಡ್ವೆಂಚರ್ಸ್‌‌‌ ಆಫ್‌‌ ಹಕಲ್‌ಬರ್ರಿ ಫಿನ್‌ (1885), ಹಾಗೂ F. ಸ್ಕಾಟ್‌ ಫಿಟ್ಜ್‌ಗೆರಾಲ್ಡ್‌‌'ರವರ ದ ಗ್ರೇಟ್‌ ಗಾಟ್ಸ್‌‌ಬಿ ಗಳನ್ನೆಲ್ಲಾ (1925)—"ಶ್ರೇಷ್ಠ ಅಮೇರಿಕನ್‌ ಕಾದಂಬರಿ"ಗಳೆನ್ನಬಹುದಾಗಿದೆ. ಯುನೈಟೆಡ್‌ ಸ್ಟೇಟ್ಸ್‌ನಲ್ಲಿ ರಚಿಸಲಾದ ಪಾಶ್ಚಿಮಾತ್ಯ ಹಾಗೂ ನಿರ್ದಯದ ಅಪರಾಧ ಕಾದಂಬರಿಗಳು ಜನಪ್ರಿಯ ಸಾಹಿತ್ಯ ಪ್ರಭೇದಗಳಾಗಿವೆ.

ಅಭಿವೃದ್ಧಿ ಹೊಂದಿದ ರಾಷ್ಟ್ರಗಳಲ್ಲಿಯೇ, ಅಲ್ಲಿನ ಜನತೆಯ ಅಭಿಪ್ರಾಯದ ಪ್ರಕಾರ US ಒಂದು ಧಾರ್ಮಿಕ ರಾಷ್ಟ್ರವಾಗಿದೆ. 2002ರಲ್ಲಿ ನಡೆದ ಪ್ಯೂ ಗ್ಲೋಬಲ್‌ ಅಟ್ಟಿಟ್ಯೂಡ್ಸ್‌‌‌ ಪ್ರಾಜೆಕ್ಟ್‌‌ನ ಅಧ್ಯಯನದ ಪ್ರಕಾರ, ಲ್ಯಾಟಿನ್‌ ಅಮೇರಿಕಾದಲ್ಲಿನ ಅದರ ನೆರೆಹೊರೆ ರಾಷ್ಟ್ರಗಳಲ್ಲಿ ಕಾಣಬರುವ ದೃಷ್ಟಿಕೋನಕ್ಕೆ ಸಮಾನವಾದ ನಾಗರಿಕರಲ್ಲಿ ಬಹುತೇಕರು ಧರ್ಮವು ತಮ್ಮ ಜೀವನದಲ್ಲಿ "ಪ್ರಮುಖ ಪಾತ್ರವನ್ನು" ವಹಿಸುತ್ತದೆಂಬ ಭಾವನೆಯನ್ನು ಸಮೀಕ್ಷೆಯೊಂದರಲ್ಲಿ ವ್ಯಕ್ತಪಡಿಸಿರುವ ಏಕೈಕ ಅಭಿವೃದ್ಧಿ ಹೊಂದಿದ ರಾಷ್ಟ್ರ US ಆಗಿದೆ.^[೪]

ಮೂಲ ಹದಿಮೂರು ವಸಾಹತುಗಳಲ್ಲಿ ಅನೇಕವುಗಳನ್ನು ಸ್ಥಾಪಿಸಿದ್ದು ಯೂರೋಪ್‌ನಲ್ಲಿನ ಧಾರ್ಮಿಕ ವೈಪರೀತ್ಯದ ಪಕ್ಷಪಾತ ಅಥವಾ ಉಪದ್ರವಗಳಿಲ್ಲದ ತಮ್ಮದೇ ಆದ ಧರ್ಮವನ್ನು ಆಚರಿಸಿಚ್ಛಿಸಿದ ಆಂಗ್ಲ ಭಾಷಿಕರು ಹಾಗೂ ನೆಲೆನಿಂತ ಐರಿಷ್‌ ಜನರು : ಪೆನ್ಸಿಲ್‌ವೇನಿಯಾವನ್ನು ಕ್ವೇಕರ್‌ಗಳು, ಮೇರಿಲ್ಯಾಂಡ್‌‌ ಅನ್ನು ರೋಮನ್‌ ಕ್ಯಾಥೊಲಿಕರು ಹಾಗೂ ಮೆಸ್ಸಾಚುಸೆಟ್ಸ್‌‌ ಖಾರಿ ವಸಾಹತನ್ನು/ಕಾಲೊನಿಯನ್ನು ಪ್ಯೂರಿಟನ್‌ರು ಸ್ಥಾಪಿಸಿದ್ದರು. ಹದಿಮೂರು ವಸಾಹತು/ಕಾಲೊನಿಗಳಲ್ಲಿ ಒಂಬತ್ತು ತಮ್ಮದೇ ಆದ ಅಧಿಕೃತ ಸಾರ್ವಜನಿಕ ಧರ್ಮಗಳನ್ನು ಹೊಂದಿವೆ. 1787ರ ಫಿಲಡೆಲ್ಫಿಯಾ ಒಪ್ಪಂದದ ವೇಳೆಗೆ, ವಿಶ್ವದಲ್ಲಿನ ಧಾರ್ಮಿಕ ಸ್ವಾತಂತ್ರ್ಯವನ್ನು ಕಾನೂನಿನಲ್ಲಿ ಅಳವಡಿಸಿದ ಕೆಲವೇ ಪ್ರಥಮ ರಾಷ್ಟ್ರಗಳಲ್ಲಿ ಯುನೈಟೆಡ್‌ ಸ್ಟೇಟ್ಸ್‌ ಒಂದಾಯಿತು, ಆದಾಗ್ಯೂ ಇದು ಮೂಲತಃ ಒಕ್ಕೂಟ ಸರ್ಕಾರಕ್ಕೆ ಮಾತ್ರ ಸಂಬಂಧಪಟ್ಟಿದ್ದಾಗಿದ್ದು ರಾಜ್ಯ ಸರ್ಕಾರಗಳು ಅಥವಾ ಅವುಗಳ ರಾಜಕೀಯ ಉಪವಿಭಾಗಗಳಿಗೆ ಅನ್ವಯವಾಗುವುದಿಲ್ಲ.

ಧಾರ್ಮಿಕ ಸ್ವಾತಂತ್ರ್ಯದ ವರ್ಜೀನಿಯಾ ಕಾಯಿದೆಗೆ ಸಂಬಂಧಪಟ್ಟ ಹಾಗೆ ನಿಬಂಧನೆಗಳನ್ನು ರೂಪಿಸುವಾಗ ಯುನೈಟೆಡ್‌ ಸ್ಟೇಟ್ಸ್‌ ಸಂವಿಧಾನದ ಶಿಲ್ಪಿಗಳು ಕಛೇರಿಗಳಲ್ಲಿ ಧಾರ್ಮಿಕ ಪರೀಕ್ಷೆಯನ್ನು ತಿರಸ್ಕರಿಸಿದ್ದರು, ಹಾಗೂ ಪ್ರಥಮ ತಿದ್ದುಪಡಿಯು ಕೇಂದ್ರ ಸರ್ಕಾರಕ್ಕೆ ನಿರ್ದಿಷ್ಟವಾಗಿ ಯಾವುದೇ ಧರ್ಮದ ಸ್ಥಾಪನೆಯನ್ನು ಗೌರವಿಸುವ ಅಥವಾ ಅದರ ಮುಕ್ತ ಆಚರಣೆಯನ್ನು ನಿರ್ಬಂಧಿಸುವ ಯಾವುದೇ ಕಾನೂನುಗಳನ್ನು ಜಾರಿಗೆ ತರುವ ಯಾವುದೇ ಅಧಿಕಾರವನ್ನು ನೀಡಿರುವುದಿಲ್ಲ. ನಂತರದ ದಶಕಗಳಲ್ಲಿ, ಸಂವಿಧಾನದ ಸ್ಥಾಪನಾ ವಿಧಿಯ ಚಟುವಟಿಕೆಯ ಹಿಂದಿನ ಪ್ರೇರಣೆಯು ಸದಸ್ಯರಾಜ್ಯಗಳಲ್ಲಿ ಅಧಿಕೃತ ಧರ್ಮಗಳ ವ್ಯವಸ್ಥೆಯನ್ನು ಕೊನೆಗೊಳಿಸುವುದಕ್ಕೆ ಕಾರಣವಾಯಿತು. ನಿರ್ಮಾತೃಗಳು ಪ್ರಮುಖವಾಗಿ ಜಾತ್ಯತೀತ, ಜ್ಞಾನೋದಯಗಳ ಆದರ್ಶಗಳಿಂದ ಪ್ರಭಾವಿತರಾಗಿದ್ದರಲ್ಲದೇ ಅಲ್ಪಸಂಖ್ಯಾತ ಧಾರ್ಮಿಕ ಸಮೂಹಗಳ ತಮ್ಮನ್ನು ಪ್ರತಿನಿಧಿಸದ ರಾಷ್ಟ್ರಧರ್ಮದಡಿಯಲ್ಲಿ ಅಥವಾ ಅದರ ಪ್ರಭಾವದಲ್ಲಿರಲು ಬಯಸದ ವ್ಯಾವಹಾರಿಕ ಹಿತಾಸಕ್ತಿಯನ್ನು ಕೂಡಾ ಪರಿಗಣಿಸಿದ್ದರು.^[೫] ಥಾಮಸ್‌ ಜೆಫರ್‌ಸನ್‌, ಸ್ವಾತಂತ್ರ್ಯದ ಘೋಷಣೆ/ ಡಿಕ್ಲರೇಷನ್‌ ಆಫ್‌ ಇಂಡಿಪೆಂಡೆನ್ಸ್‌ ನ ನಿರ್ಮಾತೃ/ಲೇಖಕ "ಪುರೋಹಿತವರ್ಗವು ಎಂದಿಗೂ ಸ್ವಾತಂತ್ರ್ಯಕ್ಕೆ ವಿರೋಧಿಯೇ. ಅವರು ದಬ್ಬಾಳಿಕೆಯ ಪರವಾಗಿರುತ್ತಾರೆ" ಎಂದು ಹೇಳುತ್ತಾರೆ."^[೬]

ಯುನೈಟೆಡ್‌ ಸ್ಟೇಟ್ಸ್‌ನ ಧಾರ್ಮಿಕ ಅಂಕಿಅಂಶಗಳು

ಕೆಳಕಂಡ ಮಾಹಿತಿಯು ಅಂದಾಜು ಮಾತ್ರವಾಗಿದ್ದು ವಾಸ್ತವ ಅಂಕಿಅಂಶಗಳು ನಿರಂತರ ವ್ಯತ್ಯಾಸಗೊಳ್ಳುವ ಸಾದ್ಯತೆಯನ್ನು ಹೊಂದಿರುತ್ತವೆ ಎಂಬುದನ್ನು ಗಮನಿಸತಕ್ಕದ್ದು.

CIAನ,^[೭] ಪ್ರಕಾರ ಯುನೈಟೆಡ್‌ ಸ್ಟೇಟ್ಸ್‌ ನಲ್ಲಿನ ವಿವಿಧ ಧರ್ಮಗಳನ್ನು ಆಚರಿಸುವವರ ಅಂಕಿ ಅಂಶಗಳು ಕೆಳಕಂಡಂತಿವೆ :

• ಕ್ರೈಸ್ತರು: (79.5%)
  • ಪ್ರೊಟೆಸ್ಟೆಂಟರು (51.4%)
  • ರೋಮನ್‌ ಕ್ಯಾಥೊಲಿಕರು (23.9%)
  • ಮಾರ್ಮನ್‌ ಪಂಥದವರು (1.7%)
  • ಪರಂಪರಾಗತ ಸಿದ್ಧಾಂತ ಅನುಸಾರಿಗಳು (1.6%)
• ನಾಸ್ತಿಕರು/ನಿರೀಶ್ವರವಾದಿಗಳು (3%)
• ಯಹೂದ್ಯರು (1.7%)
• ಬೌದ್ಧರು (0.7%)
• ಮುಸ್ಲಿಮರು (0.5%)
• ಇತರೆ/ಅನಿರ್ದಿಷ್ಟ (14.6%)

US ಇತಿಹಾಸದಲ್ಲಿನ ಘಟನೆಗಳಿಗೆ, ಧಾರ್ಮಿಕ ಸಂಪ್ರದಾಯಗಳಿಗೆ ಹಾಗೂ ರಾಷ್ಟ್ರೀಯ ಪ್ರವರ್ತಕರುಗಳಿಗೆ ಸಂಬಂಧಿಸಿದ ದಿನಗಳನ್ನು ರಜಾದಿನಗಳಾಗಿ ಯುನೈಟೆಡ್‌ ಸ್ಟೇಟ್ಸ್‌ ಆಚರಿಸುತ್ತದೆ.

ಕೃತಜ್ಞತಾ ನಿವೇದನೆಯು ಸಾಂಪ್ರದಾಯಿಕ ಆಂಗ್ಲ ಭಾಷಿಕ ಯಾತ್ರಿಗಳು ತಮ್ಮ ಯೋಗಕ್ಷೇಮಕ್ಕಾಗಿ "ಕೃತಜ್ಞತಾ ನಿವೇದನೆ" ನಡೆಸುವ ಪ್ರವೃತ್ತಿಯಿಂದಾಗಿ ವಿಕಸನಗೊಂಡು ಅಮೇರಿಕನ್‌ ರಜಾದಿನವಾಗಿಬಿಟ್ಟಿದೆ. ಪ್ರಸ್ತುತವಾಗಿ ಕೃತಜ್ಞತಾ ನಿವೇದನೆಯನ್ನು ಸಾರ್ವತ್ರಿಕವಾಗಿ ಕುಟುಂಬ ಸದಸ್ಯರ ಮರುಮಿಲನದ ಮಹಾ ಭೋಜನೋತ್ಸವವಾಗಿ ಆಚರಿಸಲಾಗುತ್ತಿದೆ. ಐರೋಪ್ಯ ವಸಾಹತೀಕರಣವು ಈಸ್ಟರ್‌, ಲೆಂಟ್‌ ಹಬ್ಬ, St. ಪ್ಯಾಟ್ರಿಕ್‌ರ ದಿನ, ಹಾಗೂ ಕ್ರಿಸ್‌ಮಸ್‌‌ನಂತಹಾ ಅನೇಕ ಸಾಂಪ್ರದಾಯಿಕ ಕ್ರೈಸ್ತ ರಜಾದಿನಗಳನ್ನು ವ್ಯಾಪಕವಾಗಿ ಆಚರಿಸಲು ಕಾರಣವಾಗಿದೆಯಲ್ಲದೇ, ಅನೇಕರು ಈ ದಿನಮಾನದಲ್ಲಿ ಅವುಗಳನ್ನು ಜಾತ್ಯತೀತ ರೀತಿಯಲ್ಲಿ ಆಚರಿಸುತ್ತಿದ್ದಾರೆ.

ಸ್ವಾತಂತ್ರ್ಯ ದಿನವನ್ನು (ಆಡುಭಾಷೆಯಲ್ಲಿ ಜುಲೈ4 ಎಂದು ಪರಿಚಿತವಾದ) ಗ್ರೇಟ್‌ ಬ್ರಿಟನ್‌‌ನ ಸಾಮ್ರಾಜ್ಯದಿಂದ ರಾಷ್ಟ್ರವು ಸ್ವಾತಂತ್ರ್ಯವನ್ನು ಘೋಷಿಸಿಕೊಂಡುದುದರ ವಾರ್ಷಿಕೋತ್ಸವವಾಗಿ ಆಚರಿಸಲಾಗುತ್ತದೆ. ಇದನ್ನು ಸಾಧಾರಣವಾಗಿ ಇಡೀದಿನದ ಪಥಸಂಚಲನೆ ಹಾಗೂ ರಾತ್ರಿಯಲ್ಲಿ ಬಾಣಬಿರುಸು ಪ್ರದರ್ಶನಗಳ ಮೂಲಕ ಆಚರಿಸಲಾಗುತ್ತದೆ.

ಹಾಲೊವಿನ್‌ಅನ್ನು ಐರಿಷ್‌ ಜನರು ನೆಲೆನಿಂತ ಅಮೇರಿಕನ್‌ ವಸಾಹತು/ಕಾಲೊನಿಗಳಲ್ಲಿ ಪರಿಚಯಿಸಲಾದ ಪ್ರಾಚೀನ ಕೆಲ್ಟಿಕ್‌ ಹಬ್ಬ ಸಮ್‌ಹೈನ್‌‌‌‌‌ದಿಂದ ವಿಕಸನವಾದುದೆಂದು ಭಾವಿಸಲಾಗುತ್ತದೆ. ಮಕ್ಕಳು ಹಾಗೂ ಹದಿಹರೆಯದವರು ಸಾಂಪ್ರದಾಯಿಕ ದಿರಿಸುಗಳನ್ನು ಧರಿಸಿಕೊಂಡು "ಟ್ರಿಕ್‌ ಆರ್‌ ಟ್ರೀಟ್‌/ತಂತ್ರ ಅಥವಾ ಆತಿಥ್ಯ" ಎಂಬ ಪದಗಳನ್ನು ಹೇಳುತ್ತಾ ಮನೆಮನೆಗೆ ಹೋಗಿ ಮಿಠಾಯಿಗಳನ್ನು ವಿನಿಮಯ ಮಾಡಿಕೊಳ್ಳುತ್ತಾ ವ್ಯಾಪಕವಾಗಿ ಆಚರಿಸುತ್ತಾರೆ. ಈ ಸಂದರ್ಭದಲ್ಲಿ ಮೂಢನಂಬಿಕೆಯ ಹಾಗೂ ಭಯ ಹುಟ್ಟಿಸುವ ನಗರದ ದಂತಕಥೆಗಳು ಹಾಗೂ ಚಲನಚಿತ್ರಗಳ ಪ್ರಸಾರ ಹೆಚ್ಚುತ್ತವೆ. ಹಾಲೊವಿನ್‌ನ ಆಚರಣೆಯ ಜನಪ್ರಿಯತೆಯು USನಲ್ಲಿನ ವಿಶ್ವವಿದ್ಯಾಲಯ ವಿದ್ಯಾರ್ಥಿಗಳಲ್ಲಿ ಹೆಚ್ಚುತ್ತಲಿದೆ. ವಿಸ್ಕಾನ್‌ಸಿನ್‌-ಮ್ಯಾಡಿಸನ್‌‌ ವಿಶ್ವವಿದ್ಯಾಲಯ ಹಾಗೂ ಓಹಿಯೋನ ಅಥೆನ್ಸ್‌‌ನಲ್ಲಿರುವ ಓಹಿಯೋ ವಿಶ್ವವಿದ್ಯಾಲಯಗಳೆರಡೂ USನಾದ್ಯಂತ ತಮ್ಮ ಹಾಲೊವಿನ್‌ ರಸ್ತೆ ಜಾತ್ರೆಗಳಿಗೆ ಪ್ರಸಿದ್ಧವಾಗಿದೆ.

ಇವುಗಳೊಂದಿಗೆ, ಕ್ಯಾಥೊಲಿಕ್‌ನ ಕಾರ್ನಿವಲ್‌ ಸಂಪ್ರದಾಯದಿಂದ ವಿಕಸನಗೊಂಡ ಮರ್ಡಿ ಗ್ರಾಸ್‌‌, ನ್ಯೂ ಅರ್ಲಿಯೆನ್ಸ್‌‌‌, St. ಲೂಯಿಸ್‌, ಹಾಗೂ ಮೊಬೈಲ್‌‌, AL ಮುಂತಾದ ಇತರೆ ಅನೇಕ ನಗರಗಳಲ್ಲಿ ಗಮನಾರ್ಹವಾಗಿ ಆಚರಿಸಲಾಗುತ್ತಿದೆ. ಟೆಕ್ಸಾಸ್‌‌ ಈಗಲೂ ಮೆಕ್ಸಿಕೋದಿಂದ ತನ್ನ ಸ್ವಾತಂತ್ರ್ಯ ದಿನದ ಆಚರಣೆಯನ್ನು ಆಚರಿಸುತ್ತಲಿದೆ.

ಒಕ್ಕೂಟ ವ್ಯವಸ್ಥೆಯಲ್ಲಿ ಅಂಗೀಕೃತವಾದ ರಜಾದಿನಗಳ ಪಟ್ಟಿ ಕೆಳಕಂಡಂತಿವೆ:

• U.S. ಸಿಬ್ಬಂದಿ ನಿರ್ವಹಣೆಯ ಇಲಾಖಾ ಕಚೇರಿಯ ಒಕ್ಕೂಟದ ರಜಾದಿನಗಳ ಪಂಚಾಂಗ Archived 2010-02-12 ವೇಬ್ಯಾಕ್ ಮೆಷಿನ್ ನಲ್ಲಿ..

ಮುಖ್ಯವಾಹಿನಿಯ ಅಮೇರಿಕನ್‌ ಪಾಕಕಲೆಗಳು ಇತರೆ ಪಾಶ್ಚಿಮಾತ್ಯ ರಾಷ್ಟ್ರಗಳನ್ನು ಹೋಲುತ್ತವೆ. ಗೋಧಿಯು ಅಲ್ಲಿನ ಪ್ರಮುಖ ಏಕದಳ ಧಾನ್ಯ. ಅಮೇರಿಕನ್‌ ಭಾರತೀಯರು ಹಾಗೂ ಹಿಂದಿನ ಐರೋಪ್ಯ ವಸತಿದಾರರು ಬಳಸುತ್ತಿದ್ದ ಟರ್ಕಿ ಕೋಳಿ, ಬಿಳಿ ಬಾಲದ ಜಿಂಕೆ ಮಾಂಸ, ಆಲೂಗೆಡ್ಡೆಗಳು, ಸಿಹಿಗೆಣಸುಗಳು, ಮುಸುಕಿನ ಜೋಳ, ಕುಂಬಳಕಾಯಿ ಹಾಗೂ ಮೇಪಲ್‌ ಪಾನಕ, ಸ್ಥಳೀಯ ತಿನಿಸುಗಳಂತಹಾ ಸಾಂಪ್ರದಾಯಿಕ ಅಮೇರಿಕನ್‌ ಪಾಕಪದ್ಧತಿಯು ಹೊಂದಿದೆ. ಹಂದಿಯ ಮತ್ತು ದನದ ನಿಧಾನವಾಗಿ ಬೇಯಿಸಿದ ಮಾಂಸದೊಂದಿಗೆ ಆಚರಿಸುವ ವನಭೋಜನದ ಮೋಜಿನ ಕೂಟ, ಏಡಿಯ ಬಿಲ್ಲೆಗಳು, ಆಲೂಗೆಡ್ಡೆ ಚಿಪ್ಸ್‌ ಮತ್ತು ಚಾಕೊಲೇಟ್‌ ಚಿಪ್‌ಗಳ ಸಿಹಿ ಬನ್ನುಗಳ ಅಡಿಗೆಯು ಅಮೆರಿಕನ್ನರ ವಿಶೇಷ ಶೈಲಿಯಾಗಿದೆ. ನೀಗ್ರೋ/ಸತ್ವಯುತ ಆಹಾರವು ಆಫ್ರಿಕನ್ ಜೀತದಾಳುಗಳಿಂದ ಅಭಿವೃದ್ಧಿಗೊಂಡಿತು. ಇದು ದಕ್ಷಿಣದ ಎಲ್ಲ ಕಡೆ ಹಾಗೂ ಉಳಿದೆಡೆಗಳಲ್ಲಿ ಹರಡಿಹೋಗಿರುವ ಕೆಲ ಆಫ್ರಿಕನ್ ಅಮೆರಿಕನ್ನರಲ್ಲಿ ಜನಪ್ರಿಯವಾಯಿತು. ಸಿಂಕ್ರೆಟಿಕ್ ಪಾಕಪದ್ಧತಿಯಾದ ಲೂಸಿಯಾನ ಕ್ರಿಯೋಲ್, ಕಾಜುನ್, ಟೆಕ್ಸ್-ಮೆಕ್ಸ್‌ಗಳು ಪ್ರಾದೇಶಿಕವಾಗಿ ಮುಖ್ಯವಾದವು. ಪ್ರಸಿದ್ಧ ಅಮೇರಿಕನ್‌ ತಿನಿಸುಗಳಾದ ಸೇಬಿನ ಕಡುಬು, ಸುಟ್ಟ ಕೋಳಿ, ಪಿಜ್ಜಾ, ಹ್ಯಾಂಬರ್ಗರ್‌ಗಳು, ಹಾಗೂ ಬಿಸಿಮಾಂಸದ ಭಕ್ಷ್ಯಗಳೆಲ್ಲವನ್ನೂ ವಿವಿಧ ವಲಸೆಗಾರರು ಹಾಗೂ ಸ್ಥಳೀಯರ ನವೀನ ಪಾಕವಿಧಾನಗಳಿಂದ ರೂಪುಗೊಂಡಿವೆ. ಫ್ರೆಂಚ್‌ಫ್ರೈಸ್‌‌ ಎಂದು ಕರೆಯಲಾಗುವ ತಿನಿಸು, ಬರ್ರಿಟೋ ಹಾಗೂ ಟಾಕೋಗಳಂತಹಾ ಮೆಕ್ಸಿಕೋದ ತಿನಿಸುಗಳು ಹಾಗೂ ಇಟಲಿಯ ಮೂಲಗಳಿಂದ ಮುಕ್ತವಾಗಿ ಅಳವಡಿಸಿಕೊಳ್ಳಲಾದ ಶಾವಿಗೆ ತಿಂಡಿಗಳನ್ನು ವ್ಯಾಪಕವಾಗಿ ಸೇವಿಸಲಾಗುತ್ತದೆ.^[೧೨] ಸಾಧಾರಣವಾಗಿ ವಯಸ್ಕರ ಪೈಕಿ ಅರ್ಧಕ್ಕಿಂತ ಹೆಚ್ಚು ಪ್ರತಿದಿನ ಕನಿಷ್ಟ ಒಂದು ಕಪ್‌ ಸೇವಿಸುವ ಅಮೇರಿಕನ್ನರು ಟೀಯ ಬದಲಾಗಿ ಕಾಫಿಯನ್ನು ಇಷ್ಟಪಡುತ್ತಾರೆ.^[೧೩] U.S. ಉದ್ಯಮಗಳ ಪ್ರಚಾರವು ಕಿತ್ತಳೆ ಪಾನಕ ಹಾಗೂ ಹಾಲನ್ನು (ಈಗ ಅನೇಕವೇಳೆ ಅಲ್ಪ-ಕೊಬ್ಬಿನ) ಸರ್ವವ್ಯಾಪಿ ತಿಂಡಿಗಳ ಜೊತೆಗೆ ಸೇವಿಸುವ ಪಾನೀಯಗಳಾಗಿವೆ.^[೧೪] 1980ರ ಹಾಗೂ 1990ರ ದಶಕಗಳಲ್ಲಿ, ಅಮೇರಿಕನ್ನರ' ಆಹಾರಸೇವನೆ ಪ್ರಮಾಣವು ಕ್ಯಾಲೊರಿ ಪ್ರಮಾಣದಲ್ಲಿ 24%ರಷ್ಟು ಏರಿಕೆಯಾಗುತ್ತದೆ ;^[೧೨] ಫಾಸ್ಟ್‌ಫುಡ್‌ ತಾಣಗಳಲ್ಲಿ ಆಗ್ಗಾಗ್ಗೆ ಆಹಾರ ಸೇವನೆಯು ಆರೋಗ್ಯಾಧಿಕಾರಿಗಳು ಅಮೇರಿಕನ್‌ "ಬೊಜ್ಜಿನ ಸಾಂಕ್ರಾಮಿಕ ಪೀಡೆ" ಎಂದು ಕರೆಯಲ್ಪಡುವ ತೊಂದರೆಗೆ ಪ್ರಮುಖ ಕಾರಣವಾಗಿದೆ. ವಿಪರೀತ ಸಿಹಿಯಿರುವ ಪಾನೀಯಗಳು ವ್ಯಾಪಕ ಜನಪ್ರಿಯವಾಗಿವೆ; ಸಕ್ಕರೆ ಹಾಕಿರುವ ಪಾನೀಯಗಳು ಸರಾಸರಿ ಅಮೇರಿಕನ್ನರ ದೈನಂದಿನ ಕ್ಯಾಲೊರಿ ಪ್ರಮಾಣದ 9%ರಷ್ಟಿದೆ.^[೧೫]

• ಸಾಧಾರಣ ಅಮೇರಿಕನ್ ಆಹಾರಗಳು
• 
  ಸಾಂಪ್ರದಾಯಿಕ ಕೃತಜ್ಞತಾ ನಿವೇದನೆ ಟರ್ಕಿಕೋಳಿಯ ತಿನಿಸು, ಉಡಿಗೆಗಳು, ಸಿಹಿ ಗೆಣಸುಗಳು, ಹಾಗೂ ಕ್ರಾನ್‌ಬೆರ್ರಿ ಸಾಸ್‌ಗಳನ್ನು ಒಳಗೊಂಡ ಮಧ್ಯಾಹ್ನದ ಭೋಜನದ ಮೂಲಕ ಆಚರಣೆಗೊಳ್ಳುತ್ತದೆ.
• 
  ಸುಟ್ಟ ಮೀನು, ಸೀಗಡಿ, ಮೆಕ್ಕೆಜೋಳದ ರೊಟ್ಟಿ ಹಾಗೂ ಕರಿದ ಮಾಂಸಗಳನ್ನೊಳಗೊಂಡ ಪ್ರಾತಿನಿಧಿಕ ಅಮೇರಿಕನ್‌ ಸಮುದ್ರ ಆಹಾರ.
• 
  ಸೀಜರ್‌ ಸಾಲಡ್‌.
• 
  ಹ್ಯಾಂಬರ್ಗರ್‌‌, ಕರಿದ ಮಾಂಸಗಳು, ಹಾಗೂ ಕೋಕ್‌ ಪಾನೀಯಗಳು.
• 
  ಕೋಳಿಯ ಮಾಂಸ ಹುರಿದ ಗೋಮಾಂಸ (ಪರ್ಯಾಯವಾಗಿ ದೇಶೀಯವಾಗಿ ಕರಿದ ಗೋಮಾಂಸವೆಂದು ಕರೆಯಲಾಗುತ್ತದೆ.)
• 
  ಅವಕಾಡೋಗಳು ಹಾಗೂ ಟೊಮಾಟೋಗಳೊಂದಿಗಿನ ಕ್ಯಾಲಿಫೋರ್ನಿಯಾ ಕ್ಲಬ್‌ ಪಿಜ್ಜಾ .
• 
  ಟೋಸ್ಟ್‌ ಆಗಿರುವ ಟರ್ಕಿ ಕೋಳಿಯ ಸ್ಯಾಂಡ್‌ವಿಚ್‌.
• 
  ತೆಳು ದೋಸೆಗಳು, ಮೇಪಲ್‌ ಪಾನೀಯ, ಸಾಸೇಜ್‌ ಕೊಂಡಿಗಳು, ಹಂದಿ ಮಾಂಸದ ಪಟ್ಟೆಗಳು, ಹಾಗೂ ಹುರಿದ/ಸುಟ್ಟ ಮೊಟ್ಟೆಗಳು ಇರುವ ಅಮೇರಿಕನ್‌ ಶೈಲಿಯ ಉಪಹಾರ.
• 
  ಕೋಳಿಮೊಟ್ಟೆ ಮಸಾಲೆ ತಿನಿಸು, ಈರುಳ್ಳಿ ಹಾಗೂ ಉಪ್ಪಿನಕಾಯಿ ವ್ಯಂಜನಗಳೊಂದಿಗಿನ "ಮನೆಯಲ್ಲಿ ತಯಾರಿಸಿದ " ಬ್ರೆಡ್‌ನಲ್ಲಿ ಮಾಂಸ ತುಂಬಿರುವ ಸಾಸೇಜ್.
• 
  ಹಿಕರಿ ಮರದ ಧೂಮದಿಂದ ಕೂಡಿದ ಮರಿಗಳ ಪಕ್ಕೆಲುಬಿನ ಮಾಂಸ.
• 
  ಟೊಮೆಟೋ ಸಾಸ್‌‌ ಪೂರಿತ ಮಾಂಸದ ತುಂಡು.

ಯುನೈಟೆಡ್‌ ಸ್ಟೇಟ್ಸ್‌ನಲ್ಲಿ ಕ್ರೀಡೆಗಳು ಅಮೇರಿಕನ್‌ ಸಂಸ್ಕೃತಿಯ ಪ್ರಮುಖ ಭಾಗವಾಗಿವೆ. ಆದಾಗ್ಯೂ, U.S.ನ ಕ್ರೀಡಾ ಸಂಸ್ಕೃತಿಯು ಇನ್ನೂ ಅನೇಕ ರಾಷ್ಟ್ರಗಳಿಗಿಂತ ಭಿನ್ನವಾಗಿದೆ. ಇತರ ಯಾವುದೇ ರಾಷ್ಟ್ರಕ್ಕೆ ಹೋಲಿಸಿದರೆ ಕ್ರೀಡೆಗಳ ಬಗೆಗಿನ ಅಮೇರಿಕನ್ನರ ಒಲವು ವಿಶ್ವದ ಇತರೆ ರಾಷ್ಟ್ರಗಳಿಗಿಂತ ಭಿನ್ನವಾಗಿದೆ. ಉದಾಹರಣೆಗೆ, ವೃತ್ತಿಪರ ಕಾಲ್ಚೆಂಡಾಟವು ಯುನೈಟೆಡ್‌ ಸ್ಟೇಟ್ಸ್‌ನಲ್ಲಿ ವಿಶ್ವದ ಇತರೆ ರಾಷ್ಟ್ರಗಳಷ್ಟು ಜನಪ್ರಿಯವಲ್ಲ.

ಬೇಸ್‌ಬಾಲ್‌ ಪ್ರಮುಖ ಅಮೇರಿಕನ್‌ ತಂಡಕ್ರೀಡೆಗಳಲ್ಲಿಯೇ ಹಳೆಯದಾದುದು. ವೃತ್ತಿಪರ ಬೇಸ್‌ಬಾಲ್‌ 1869ನಷ್ಟು ಹಳೆಯದಾಗಿದ್ದು 1960ರ ದಶಕದವರೆಗೆ ಜನಪ್ರಿಯತೆಯಲ್ಲಿ ಸಮೀಪದ ಪ್ರತಿಸ್ಪರ್ಧಿಗಳನ್ನು ಹೊಂದಿರಲಿಲ್ಲ; ಬೇಸ್‌ಬಾಲ್‌ ಜನಪ್ರಿಯ ಕ್ರೀಡೆಯಾಗಿ ಉಳಿದಿಲ್ಲವಾದರೂ "ರಾಷ್ಟ್ರೀಯ ಕಾಲಕ್ಷೇಪ"ವಾಗಿ ಇದಕ್ಕೆ ಈಗಲೂ ಆದ್ಯತೆ ಇದೆ. U.S.ನ ಇತರೆ ಜನಪ್ರಿಯ ವೀಕ್ಷಕ ಕ್ರೀಡೆಗಳ ವೃತ್ತಿಪರ ಮಟ್ಟದ ತಂಡಗಳ ಹಾಗಲ್ಲದೇ ಪ್ರಮುಖ ಲೀಗ್‌ ಬೇಸ್‌ಬಾಲ್‌ ತಂಡಗಳು ಏಪ್ರಿಲ್‌ನಿಂದ ಅಕ್ಟೋಬರ್‌‌ನವರೆಗೆ ಬಹುತೇಕ ಪ್ರತಿದಿನ ಆಡುತ್ತವೆ. ಅಮೇರಿಕನ್‌ ಫುಟ್‌ಬಾಲ್‌ ಈಗ ಬೇಸ್‌ಬಾಲ್‌ಗಿಂತ ಹೆಚ್ಚಿನ ಕಿರುತೆರೆ ವೀಕ್ಷಕರನ್ನು ಆಕರ್ಷಿಸುತ್ತದೆ ; ಆದಾಗ್ಯೂ, ನ್ಯಾಷನಲ್‌‌‌ ಫುಟ್‌ಬಾಲ್‌ ಲೀಗ್‌ ತಂಡಗಳು ಪ್ರತಿವರ್ಷ ಕೇವಲ 16 ವಿಧಿಬದ್ಧ -ಋತುಗಳ ಆಟಗಳನ್ನು ಆಡುತ್ತವಾದ್ದರಿಂದ, ಬೇಸ್‌ಬಾಲ್‌ ಟಿಕೆಟ್‌ ಮಾರಾಟದಲ್ಲಿ ಮುಂಚೂಣಿಯಲ್ಲಿದೆ.

ಬ್ಯಾಸ್ಕೆಟ್‌ಬಾಲ್‌ ಮತ್ತೊಂದು ಪ್ರಮುಖ ಕ್ರೀಡೆಯಾಗಿದ್ದು, ನ್ಯಾಷನಲ್‌ ಬ್ಯಾಸ್ಕೆಟ್‌ಬಾಲ್‌ ಅಸೋಸಿಯೇಷನ್‌ನಿಂದ ವೃತ್ತಿಪರವಾಗಿ ಪ್ರತಿನಿಧಿಸಲ್ಪಡುತ್ತಿದೆ. 1891ರಲ್ಲಿ ಮೆಸ್ಸಾಚುಸೆಟ್ಸ್‌‌ನ ಸ್ಪ್ರಿಂಗ್‌ಫೀಲ್ಡ್‌‌ನಲ್ಲಿ, ಜೇಮ್ಸ್‌ ನೈಸ್ಮಿತ್‌ ಎಂಬ ಕೆನಡಾಜಾತ ದೈಹಿಕ ಶಿಕ್ಷಣ ತರಬೇತುದಾರರು ಇದನ್ನು ಸೃಷ್ಟಿಸಿದರು.

ಗ್ರಿಡೈರನ್‌ ಎಂಬ ಹೆಸರಿನಲ್ಲಿ ಅನೇಕ ಆಂಗ್ಲಭಾಷಿಕ ರಾಷ್ಟ್ರಗಳಲ್ಲಿ ಪರಿಚಿತವಾಗಿರುವ ಅಮೇರಿಕನ್‌ ಫುಟ್‌ಬಾಲ್‌, ಯುನೈಟೆಡ್‌ ಸ್ಟೇಟ್ಸ್‌ನಲ್ಲಿನ ಅತ್ಯಂತ ಜನಪ್ರಿಯ ಕ್ರೀಡೆಯಾಗಿ ಪರಿಗಣಿಸಲ್ಪಡುತ್ತದೆ. 32-ತಂಡಗಳ ನ್ಯಾಷನಲ್‌ ಫುಟ್‌ಬಾಲ್‌ ಲೀಗ್‌ (NFL) ಅತ್ಯಂತ ಜನಪ್ರಿಯವಾದ ಹಾಗೂ ಏಕೈಕ ಪ್ರಮುಖ ವೃತ್ತಿಪರ ಅಮೇರಿಕನ್‌ ಫುಟ್‌ಬಾಲ್‌ ಲೀಗ್‌ ಆಗಿದೆ. ಅದರ ಚಾಂಪಿಯನ್‌ಶಿಪ್‌ ಪಂದ್ಯವಾದ ಸೂಪರ್‌ ಬೌಲ್‌, ಯುನೈಟೆಡ್‌ ಸ್ಟೇಟ್ಸ್‌ನಲ್ಲಿ ಆಯೋಜಿಸಲಾಗುವ ಅತಿದೊಡ್ಡ ವಾರ್ಷಿಕ ಕ್ರೀಡಾ ಪಂದ್ಯಾವಳಿಯಾಗಿದೆ. ದಶಲಕ್ಷಗಳಷ್ಟು ಹೆಚ್ಚಿನ ಜನರು ಶರದೃತುವಿನ ತಿಂಗಳುಗಳ ಪೂರ್ತಿ ನಡೆಯುವ ಕಾಲೇಜ್‌ ಫುಟ್‌ಬಾಲ್‌ಗಳನ್ನೂ ನೋಡುತ್ತಾರಲ್ಲದೇ ನಿರ್ದಿಷ್ಟವಾಗಿ ಗ್ರಾಮೀಣ ಪ್ರದೇಶಗಳಲ್ಲಿನ ಕೆಲ ಸಮುದಾಯಗಳು ತಮ್ಮ ಸ್ಥಳೀಯ ಪ್ರೌಢಶಾಲಾ ತಂಡಗಳಿಗೆ ಹೆಚ್ಚಿನ ಪ್ರಾಧಾನ್ಯತೆ ನೀಡುತ್ತಾರೆ. ಅಮೇರಿಕನ್‌ ಫುಟ್‌ಬಾಲ್‌ ಪಂದ್ಯಗಳು ಸಾಮಾನ್ಯವಾಗಿ ವಿರಾಮದ ಸಮಯದಲ್ಲಿ ಶಾಲೆಯವರಿಗೆ ಸ್ಫೂರ್ತಿ ನೀಡುವ ಹಾಗೂ ಪ್ರೇಕ್ಷಕರಿಗೆ ಮನರಂಜನೆಯನ್ನು ನೀಡುವ ಉದ್ದೇಶಗಳಿಂದ ಚೀರ್‌ಲೀಡರ್‌ಗಳನ್ನು ಹಾಗೂ ಬ್ಯಾಂಡಿನ ಕವಾಯತುಗಳನ್ನು ನಡೆಸಲಾಗುತ್ತದೆ.

ಅನೇಕ ಅಮೇರಿಕನ್ನರು ನಾಲ್ಕನೇ ಕ್ರೀಡೆಯೊಂದನ್ನು ಅಂಗೀಕರಿಸುತ್ತಾರೆ - ಹಿಮ/ಐಸ್‌ ಹಾಕಿ. ಯಾವಾಗಲೂ ಪ್ರಮುಖವಾಗಿ ಮಹಾ ಸರೋವರಗಳು ಹಾಗೂ ನವೀನ ಇಂಗ್ಲೆಂಡ್‌-ಪ್ರದೇಶ ಸಂಸ್ಕೃತಿಗಳ ಆಧಾರಸ್ತಂಭವಾಗಿರುವ, ಈ ಕ್ರೀಡೆಯು ನ್ಯಾಷನಲ್‌ ಹಾಕಿ ಲೀಗ್‌ ವಿಸ್ತರಣೆಯ ಕಾರ್ಯನೀತಿಯನ್ನು ಪರಿಶೀಲಿಸುತ್ತಿರುವ ಕಾರಣ ಇತ್ತೀಚಿನ ವರ್ಷಗಳಲ್ಲಿ ಅಮೇರಿಕದ ದಕ್ಷಿಣ ಭಾಗದ ಪ್ರದೇಶಗಳಲ್ಲಿ ನವುರಾದ ಆಸರೆಯನ್ನು ಪಡೆದುಕೊಳ್ಳುತ್ತಲಿದೆ.

1990ರ ದಶಕದ ಆದಿಯಲ್ಲಿ ಆರಂಭವಾದ ಮಿಶ್ರ ಸಮರಕಲೆಗಳ ತ್ವರಿತವಾಗಿ ಅಭಿವೃದ್ಧಿ ಹೊಂದುತ್ತಲಿರುವ ಕ್ರೀಡೆಯು ಅಮೇರಿಕಾದಲ್ಲಿ ನಿಂತುಹೋಗಿದೆ. ಇಂದು ಅಲ್ಟಿಮೇಟ್‌‌ ಫೈಟಿಂಗ್‌‌ ಚಾಂಪಿಯನ್‌ಶಿಪ್‌ ರಾಷ್ಟ್ರದ ಅತ್ಯಂತ ಹೆಚ್ಚು ಲಾಭತರುವ ಸಂಸ್ಥೆಗಳಲ್ಲಿ ಒಂದಾಗಿದೆ.

ಕ್ರೀಡೆಗಳು ಹಾಗೂ ಸಮುದಾಯ ಸಂಸ್ಕೃತಿ

ಹೋಮ್‌ಕಮಿಂಗ್‌/ತವರಿಗೆ ಮರಳುವಿಕೆಯು ಯುನೈಟೆಡ್‌ ಸ್ಟೇಟ್ಸ್‌ನ ವಾರ್ಷಿಕ ಸಂಪ್ರದಾಯವಾಗಿದೆ. ಜನರು, ಪಟ್ಟಣಗಳು, ಪ್ರೌಢಶಾಲೆಗಳು ಹಾಗೂ ಮಹಾವಿದ್ಯಾಲಯಗಳು ಒಟ್ಟಿಗೆ ಸೇರಿ, ಸಾಧಾರಣವಾಗಿ ಸೆಪ್ಟೆಂಬರ್‌ನ ಅಂತ್ಯ ಅಥವಾ ಅಕ್ಟೋಬರ್‌‌ನ ಆದಿಯಲ್ಲಿ, ಹಳೆಯ ನಿವಾಸಿಗಳು ಹಾಗೂ ಹಳೆಯ ವಿದ್ಯಾರ್ಥಿಗಳನ್ನು ಸ್ವಾಗತಿಸುತ್ತಾರೆ. ಔತಣಕೂಟ, ಮೆರವಣಿಗೆ, ಹಾಗೂ ಬಹು ಆಗ್ಗಾಗ್ಗೆ, ಅಮೇರಿಕನ್‌ ಫುಟ್‌ಬಾಲ್‌ನ ಪಂದ್ಯ, ಅಥವಾ, ಕೆಲವೊಮ್ಮೆ ಬ್ಯಾಸ್ಕೆಟ್‌ಬಾಲ್‌, ಅಥವಾ ಹಿಮ/ಐಸ್ ಹಾಕಿಯಂತಹಾ ಪ್ರಧಾನ ಚಟುವಟಿಕೆಯ ಸಂದರ್ಭದಲ್ಲಿ ಇದನ್ನು ಆಯೋಜಿಸಲಾಗುತ್ತದೆ. ಶಾಲೆಗಳು ಇದನ್ನು ಆಚರಿಸಿದಾಗ ಚಟುವಟಿಕೆಗಳು ವ್ಯಾಪಕ ಭಿನ್ನತೆ ಹೊಂದಿರುತ್ತವೆ. ಆದಾಗ್ಯೂ, ಅವು ಸಾಧಾರಣವಾಗಿ ಶಾಲೆಯ ತವರು ಫುಟ್‌ಬಾಲ್‌ ಮೈದಾನದಲ್ಲಿ ಆಡಲ್ಪಡುವ ಫುಟ್‌ಬಾಲ್‌ ಪಂದ್ಯವನ್ನು, ವಿದ್ಯಾರ್ಥಿಗಳು ಹಾಗೂ ಹಳೆಯ ವಿದ್ಯಾರ್ಥಿಗಳಿಗೆ ಚಟುವಟಿಕೆಗಳನ್ನು, ಶಾಲೆಯ ಬ್ಯಾಂಡ್‌‌ ಕವಾಯತು ಹಾಗೂ ಕ್ರೀಡಾ ತಂಡಗಳ ಮೆರವಣಿಗೆ ಹಾಗೂ ತವರಿಗೆ ಮರಳುತ್ತಿರುವ ರಾಣಿ(ಹಾಗೂ ಕೆಲವು ಶಾಲೆಗಳಲ್ಲಿ ಮರಳುತ್ತಿರುವ ರಾಜ)ನ/ಯ, ಕಿರೀಟಧಾರಣೆಯ ಚಟುವಟಿಕೆಗಳನ್ನು ಒಳಗೊಂಡಿರುತ್ತವೆ.

ವೈಜ್ಞಾನಿಕ ಪ್ರಗತಿಗಳು ಹಾಗೂ ತಾಂತ್ರಿಕ ನಾವೀನ್ಯತೆಗಳ ಬಗ್ಗೆ ಅಮೇರಿಕನ್‌ ಸಂಸ್ಕೃತಿಯಲ್ಲಿ ಉತ್ತಮ ಒಲವಿದೆ. ಈ ಯತ್ನಗಳಲ್ಲಿ ಅನೇಕವು ಸಿಲಿಕಾನ್‌ ವ್ಯಾಲಿಯಲ್ಲಿ ಕೇಂದ್ರೀಕೃತಗೊಂಡಿವೆ. ಇತರೆ ಪ್ರಬಲ ವೈಜ್ಞಾನಿಕ ಕ್ಷೇತ್ರಗಳೆಂದರೆ ಪರಮಾಣು ಸಂಶೋಧನೆ, ಅಂತರಿಕ್ಷ (ನಾಸಾ), ಸೇನಾ ಸಂಶೋಧನೆ, ಹಾಗೂ ಜೈವಿಕ ತಂತ್ರಜ್ಞಾನ. ವೈಜ್ಞಾನಿಕ ಪ್ರಗತಿಯ ಬಗ್ಗೆ ಈಗಲೂ USನಲ್ಲಿ ಹೆಚ್ಚಿನ ಗೌರವವಿದ್ದು ಪ್ರಾಥಮಿಕ ಶಾಲೆಗಳಷ್ಟು ಮುಂಚೆಯೇ ಸ್ಪರ್ಧಾತ್ಮಕತೆಯ ಅನುಷ್ಟಾನ ನಡೆಯುತ್ತದೆ.

ಅಮೇರಿಕನ್‌ ಸಂಸ್ಕೃತಿಯು ತಜ್ಞ ವಿಜ್ಞಾನಿಗಳ ವಲಸೆಯಿಂದಲೂ ಗಮನಾರ್ಹ ಲಾಭಗಳನ್ನು ಪಡೆದಿದೆ. ಉದಾಹರಣೆಗೆ, ಐರೋಪ್ಯ ಪ್ರಾಜ್ಞವರ್ಗದ ಅನೇಕ ಸದಸ್ಯರು ವಿಶ್ವಸಮರ IIರ ಅವಧಿಯಲ್ಲಿ ಫ್ಯಾಸಿಸ್ಟರ ಕಿರುಕುಳದಿಂದ ತಪ್ಪಿಸಿಕೊಳ್ಳಲು ವಲಸೆ ಹೋದರು. ಆ ಸಮಯದಲ್ಲಿ U.S. ತಪ್ಪಿಸಿಕೊಂಡು ಸುರಕ್ಷಿತವಾಗಿರಬಹುದಾದ ಕೆಲವೇ ರಾಷ್ಟ್ರಗಳಲ್ಲಿ ಒಂದಾಗಿತ್ತು.

ಹದಿನೆಂಟನೇ ಶತಮಾನದ ಅಂತ್ಯ ಹಾಗೂ ಹತ್ತೊಂಬತ್ತನೇ ಶತಮಾನದ ಆದಿಯಲ್ಲಿ, ಅಮೇರಿಕನ್‌ ಕಲಾಕಾರರು ಪ್ರಮುಖವಾಗಿ ಭೂದೃಶ್ಯ ಚಿತ್ರಣ ಹಾಗೂ ಭಾವಚಿತ್ರಗಳನ್ನು ನೈಜ ಶೈಲಿಯಲ್ಲಿ ಚಿತ್ರಿಸುತ್ತಿದ್ದರು. ಇದಕ್ಕೆ ಸಮಾಂತರವಾಗಿ ಗ್ರಾಮೀಣ ಅಮೇರಿಕಾದಲ್ಲಿ ನಡೆದ ಬೆಳವಣಿಗೆಯೆಂದರೆ ಕೈಗಾರಿಕಾ/ಔದ್ಯಮಿಕ ಕ್ರಾಂತಿಗೆ ಪ್ರತಿಕ್ರಿಯೆಯಾಗಿ ಆರಂಭಗೊಂಡ ಅಮೇರಿಕನ್‌ ಕರಕುಶಲ ಚಳುವಳಿಯ ರೂಪುಗೊಳ್ಳುವಿಕೆ. ಯೂರೋಪ್‌ನ ಆಧುನಿಕ ಕಲೆಯಲ್ಲಿನ ಪ್ರಗತಿಗಳೆಲ್ಲವೂ ಅಮೇರಿಕಾಗೆ 1913ರಲ್ಲಿ ನಡೆದ ಶಸ್ತ್ರಾಸ್ತ್ರ ಪ್ರದರ್ಶನದಂತಹಾ ನ್ಯೂಯಾರ್ಕ್‌ ಮಹಾನಗರದಲ್ಲಿ ನಡೆಯುವಂತಹಾ ಪ್ರದರ್ಶನಗಳ ಮೂಲಕ ಬಂದವು. ವಿಶ್ವ ಸಮರ IIರ ನಂತರ, ನ್ಯೂಯಾರ್ಕ್‌ ಕಲಾವಿಶ್ವದ ಕೇಂದ್ರವಾಗಿ ಹೊರಹೊಮ್ಮಿತು. ^{[ಸೂಕ್ತ ಉಲ್ಲೇಖನ ಬೇಕು]}ಯುನೈಟೆಡ್‌ ಸ್ಟೇಟ್ಸ್‌ನಲ್ಲಿ ಚಿತ್ರಕಲೆಯು ಪ್ರಸ್ತುತ ವ್ಯಾಪಕ ಶೈಲಿಗಳನ್ನು ಹೊಂದಿದೆ.

ವಾಸ್ತುಕಲೆ/ಶಿಲ್ಪಶಾಸ್ತ್ರ

USನಲ್ಲಿನ ವಾಸ್ತುಕಲೆ/ಶಿಲ್ಪಶಾಸ್ತ್ರವು ಪ್ರಾದೇಶಿಕವಾಗಿ ವೈವಿಧ್ಯಮಯವಾಗಿದ್ದು ಕೇವಲ ಆಂಗ್ಲ ಭಾಷೆಯಲ್ಲದೇ ಅನೇಕ ಅನೇಕ ಬಾಹ್ಯ ಶಕ್ತಿಗಳಿಂದ ರೂಪುಗೊಂಡಿದೆ. ಆದ್ದರಿಂದ US ವಾಸ್ತುಕಲೆ/ಶಿಲ್ಪ ಶಾಸ್ತ್ರವನ್ನು ಅಂತಹಾ ಬಹುಸಾಂಸ್ಕೃತಿಕ ಸಮಾಜದಲ್ಲಿ ಆಶ್ಚರ್ಯಕರವಲ್ಲದ ರೀತಿಯಲ್ಲಿ ಸಾರಸಂಗ್ರಹಿ ಎನ್ನಬಹುದಾಗಿದೆ.^[೧೬] ಮೆಕ್ಸಿಕೋ ಅಥವಾ ಪೆರುಗಳಲ್ಲಿನ ಜನರಂತಹಾ ಸ್ಥಳೀಯರ ಏಕೈಕ ಬೃಹತ್‌ ಪ್ರಮಾಣದ ವಾಸ್ತುಕಲೆ/ಶಿಲ್ಪಶಾಸ್ತ್ರೀಯ ಪ್ರಭಾವಗಳ ಅನುಪಸ್ಥಿತಿಯಲ್ಲಿ ವಿನ್ಯಾಸಕಾರರುಗಳ ತಲೆಮಾರುಗಳು ವಿಶ್ವದಾದ್ಯಂತದ ಪ್ರಭಾವಗಳನ್ನು ಒಡಮೂಡಿಸಿವೆ. ಪ್ರಸ್ತುತವಾಗಿ, ಅಮೇರಿಕನ್‌ ವಾಸ್ತುಕಲೆ/ಶಿಲ್ಪ ಶಾಸ್ತ್ರದ ಆದ್ಯ ಶೈಲಿಯೆಂದರೆ ಆಧುನಿಕತೆ : 20ನೇ ಶತಮಾನದ ಗಗನಚುಂಬಿಗಳು ಇದಕ್ಕೆ ಉತ್ತಮ ಉದಾಹರಣೆಯಾಗಿವೆ.

ಆದಿ ನವ ಕ್ಲಾಸಿಕಲ್‌ ಪಂಥದವರು ಸ್ಥಾಪಕ ಪಿತಾಮಹರ ಕಲ್ಪನೆಯಾದ ಐರೋಪ್ಯ ಜ್ಞಾನೋದಯವನ್ನು ಜೊತೆಗೂಡಿಸಿಕೊಂಡು, ಅದನ್ನು ಸಾರ್ವಜನಿಕ ಕಟ್ಟಡಗಳಿಗೆ ಹಾಗೂ ಬೃಹತ್‌ ಭವನಗಳಿಗೆ ಬಳಸುವ ಪ್ರಧಾನವಾದ ವಾಸ್ತುಕಲೆ/ಶಿಲ್ಪ ಶೈಲಿಯನ್ನಾಗಿ ಮಾಡಿದರು. ಆದಾಗ್ಯೂ ಇತ್ತೀಚಿನ ವರ್ಷಗಳಲ್ಲಿ, ಉಪನಗರೀಕರಣ ಹಾಗೂ ದಕ್ಷಿಣ ಹಾಗೂ ನೈಋತ್ಯ ನಗರಗಳಿಗೆ ಸಾಮೂಹಿಕ ವಲಸೆಗಳು ವಾಸ್ತುಕಲೆ/ಶಿಲ್ಪ ಶಾಸ್ತ್ರವು ಮೆಡಿಟರೇನಿಯನ್‌ ಶೈಲಿಯನ್ನು ಕೂಡಾ ಮೂಡಿಸಲು ಕಾರಣವಾಗಿದೆ.

ಶಿಲ್ಪಕಲೆ

ಯುನೈಟೆಡ್‌ ಸ್ಟೇಟ್ಸ್‌ನಲ್ಲಿನ ಶಿಲ್ಪಕಲೆಯ ಇತಿಹಾಸವು ರಾಷ್ಟ್ರದ 18ನೇ ಶತಮಾನದ ರೋಮನ್‌‌ ಗಣತಂತ್ರ ನಾಗರಿಕ ಮೌಲ್ಯಗಳ ತಳಹದಿಯನ್ನು ಹಾಗೂ ಪ್ರೊಟೆಸ್ಟೆಂಟ್‌ ಕ್ರೈಸ್ತಮತವನ್ನು ಪ್ರತಿನಿಧಿಸುತ್ತವೆ.^{[ಸೂಕ್ತ ಉಲ್ಲೇಖನ ಬೇಕು]} ಪ್ರಾಯಶಃ ಪ್ರಧಾನ ಅಮೇರಿಕನ್‌ ಪ್ರಾತಿನಿಧಿಕವೆಂದರೆ ಮೌಂಟ್‌ ರಷ್‌ಮೋರ್‌ ನ್ಯಾಷನಲ್‌ ಮೆಮೋರಿಯಲ್‌ ಎಂಬ ರಷ್‌ಮೋರ್‌ ಪರ್ವತದಲ್ಲಿಯೇ ಗ್ರಾನೈಟ್‌ ಶಿಲೆಯಲ್ಲಿ ಕೆತ್ತಿರುವ 18m ಎತ್ತರದ ನಾಲ್ವರು US ಅಧ್ಯಕ್ಷರುಗಳ'ಮುಖಗಳುಳ್ಳ ಉಬ್ಬುಶಿಲ್ಪ ಸ್ಮಾರಕ.

ಅಮೇರಿಕದ ಜನಪ್ರಿಯ ಸಂಸ್ಕೃತಿಯು ತನ್ನನ್ನು ಚಲನಚಿತ್ರಗಳು, ಸಂಗೀತ, ಹಾಗೂ ಕ್ರೀಡೆಗಳು ಸೇರಿದಂತೆ ಬಹುತೇಕ ಎಲ್ಲಾ ಮಾಧ್ಯಮಗಳಲ್ಲೂ ವ್ಯಕ್ತಪಡಿಸಿಕೊಂಡಿದೆ.

ಆಹಾರ (i.e. ಪಿಜ್ಜಾ, ಹ್ಯಾಂಬರ್ಗರ್‌ಗಳು, ಹಾಗೂ ಹಿಬಾಚಿ), ಹಾಗೂ ಸಾಂಸ್ಕೃತಿಕ ಪ್ರಾತಿನಿಧಿಕಗಳನ್ನು (ಮಿಕಿ ಮೌಸ್‌, ಬಗ್ಸ್‌ ಬನ್ನಿ)ಯಂತಹಾ ವಿವಿಧ ಇತರೆ ಸಂಸ್ಕೃತಿಗಳ ಅನೇಕ ಅಂಶಗಳನ್ನು ವಿಕಾಸಗೊಳಿ/ಅಳವಡಿಸಿಕೊಳ್ಳುವುದಕ್ಕೆ ಕೂಡಾ U.S. ಜನಪ್ರಿಯವಾಗಿದೆ.

ಫ್ಯಾಷನ್‌/ವಸ್ತ್ರವಿನ್ಯಾಸಶೈಲಿ

ವೃತ್ತಿಪರ ಉದ್ಯಮ ಪೋಷಾಕುಗಳಲ್ಲದೇ, ಯುನೈಟೆಡ್‌ ಸ್ಟೇಟ್ಸ್‌ನಲ್ಲಿನ ಫ್ಯಾಷನ್‌/ವಸ್ತ್ರವಿನ್ಯಾಸಶೈಲಿಯು ಸಾರಸಂಗ್ರಹಿಯಾಗಿದ್ದು ಪ್ರಧಾನವಾಗಿ ಅನೌಪಚಾರಿಕ ಉಡಿಗೆಗಳನ್ನು ಹೊಂದಿರುತ್ತದೆ. ^{[ಸೂಕ್ತ ಉಲ್ಲೇಖನ ಬೇಕು]}1850ರ ದಶಕದಲ್ಲಿ ಕಾರ್ಯಸ್ಥಳದ ಉಡುಪುಗಳಾಗಿ ನೀಲಿ ಜೀನ್ಸ್‌ ವಸ್ತ್ರಗಳನ್ನು ಸ್ಯಾನ್‌ ಫ್ರಾನ್ಸಿಸ್ಕೋನಲ್ಲಿನ ಜರ್ಮನ್‌ ವಲಸೆಗಾರ ವ್ಯಾಪಾರಿ ಲೆವಿ ಸ್ಟ್ರಾಸ್‌ ಎಂಬಾತ ಜನಪ್ರಿಯಗೊಳಿಸಿದರು, ಹಾಗೂ ಇದನ್ನು ಒಂದು ಶತಮಾನದ ನಂತರ ಅನೇಕ ಅಮೇರಿಕನ್‌ ಹದಿಹರೆಯದವರು ಅಳವಡಿಸಿಕೊಂಡರು. ಈಗ ಅವುಗಳನ್ನು ವ್ಯಾಪಕವಾಗಿ ಎಲ್ಲಾ ರಾಜ್ಯಗಳಲ್ಲೂ ಎಲ್ಲಾ ವಯಸ್ಸಿನವರೂ ಹಾಗೂ ಸಾಮಾಜಿಕ ವರ್ಗದವರೂ ಧರಿಸುತ್ತಿದ್ದಾರೆ. ^{[ಸೂಕ್ತ ಉಲ್ಲೇಖನ ಬೇಕು]} ಸಾರ್ವತ್ರಿಕವಾಗಿ ಬಹು-ಪ್ರಚಾರದ ಅನೌಪಚಾರಿಕ ಉಡುಪುಗಳ ಜೊತೆಗೆ ನೀಲಿ ಜೀನ್ಸ್‌ ವಸ್ತ್ರಗಳು ನಿರ್ವಿವಾದವಾಗಿ ಜಾಗತಿಕ ಫ್ಯಾಷನ್‌/ವಸ್ತ್ರವಿನ್ಯಾಸಶೈಲಿಗೆ U.S. ಸಂಸ್ಕೃತಿಯ ಪ್ರಧಾನ ಕೊಡುಗೆಯಾಗಿದೆ.^[೧೭] ರಾಲ್ಫ್‌ ಲಾರೆನ್‌ ಹಾಗೂ ಕ್ಯಾಲ್ವಿನ್‌ ಕ್ಲೇನ್‌ನಂತಹಾ ಮುಂಚೂಣಿಯ ಡಿಸೈನರ್‌ ವಸ್ತ್ರವಿನ್ಯಾಸ ಕಂಪೆನಿಗಳ ಪ್ರಧಾನ ಕಚೇರಿಗಳಿಗೆ ಕೂಡಾ ನೆಲೆಯಾಗಿತ್ತು. ಆಬರ್‌ಕ್ರಾಂಬಿ & ಫಿಚ್‌, ಅಮೇರಿಕನ್‌ ಈಗಲ್‌, ಹಾಗೂ ಹಾಲಿಸ್ಟರ್‌ನಂತಹಾ ಕಂಪೆನಿಗಳು ಅನೇಕ ಸ್ಥಾಪಿತ ಮಾರುಕಟ್ಟೆಗಳ ಅಗತ್ಯಗಳನ್ನು ಪೂರೈಸುತ್ತವೆ.

ಅಮೇರಿಕನ್‌ ಫ್ಯಾಷನ್‌/ವಸ್ತ್ರವಿನ್ಯಾಸಶೈಲಿಯ ಮತ್ತಷ್ಟು ಪ್ರಾತಿನಿಧಿಕಗಳೆಂದರೆ T-ಷರ್ಟ್‌ ಹಾಗೂ ಬೇಸ್‌ಬಾಲ್‌ ಟೊಪ್ಪಿಗೆ.

ರಂಗಮಂದಿರ/ನಾಟಕಕಲೆ

ಯುನೈಟೆಡ್‌ ಸ್ಟೇಟ್ಸ್‌ನ ನಾಟಕಕಲೆಯು ಪಾಶ್ಚಿಮಾತ್ಯ ಸಂಪ್ರದಾಯದ ಮೇಲೆ ಆಧಾರಿತವಾಗಿದ್ದು ಬಹುತೇಕ ಯೂರೋಪ್‌ನಲ್ಲಿ ವಿಶೇಷತಃ ಇಂಗ್ಲೆಂಡ್‌‌ನಲ್ಲಿ ಪ್ರಚಲಿತವಾಗಿರುವ ನಟನಾ ಶೈಲಿಗಳನ್ನು ಎರವಲು ಪಡೆದಿದೆ. ^{[ಸೂಕ್ತ ಉಲ್ಲೇಖನ ಬೇಕು]} ಇದು ಪ್ರಸ್ತುತ, ಅಮೇರಿಕನ್‌ ಸಾಹಿತ್ಯ, ಚಲನಚಿತ್ರ, ಕಿರುತೆರೆ, ಹಾಗೂ ಸಂಗೀತಗಳೊಂದಿಗೆ ಗಾಢವಾಗಿ ಬೆಸೆದುಕೊಂಡಿದ್ದು ಒಂದೇ ಕಥಾನಕವು ಎಲ್ಲಾ ಪ್ರಭೇದಗಳಲ್ಲೂ ಮೂಡಿ ಬರುವುದು ಅಪರೂಪವೇನಲ್ಲ. ಗಮನಾರ್ಹ ಸಂಗೀತಮಯ ಹಿನ್ನೆಲೆ ಹೊಂದಿರುವ ಪ್ರದೇಶಗಳು ಅನೇಕವೇಳೆ ಪ್ರಬಲ ರಂಗಭೂಮಿ ಹಾಗೂ ವೈನೋದಿಕ ಸಂಪ್ರದಾಯಗಳನ್ನು ಕೂಡಾ ಹೊಂದಿರುತ್ತವೆ. ಸಂಗೀತ ನಾಟಕಕಲೆಯು ಬಹು ಜನಪ್ರಿಯ ಸ್ವರೂಪವಾಗಿದೆ : ಇದು ಖಚಿತವಾಗಿ ಬಹು ವರ್ಣಮಯವಾಗಿದ್ದು ಹಾಗೂ ರಂಗದ ಮೇಲೆ ರೂಪಿಸಿದ ಮುಂಚೂಣಿಯ ನಟನಾ ಚತುರತೆಗಳನ್ನು ಚಲನಚಿತ್ರ ಹಾಗೂ ಕಿರುತೆರೆಗಳಿಗೆ ಅಳವಡಿಸಲಾಗಿತ್ತು. ಈ ಕಲಾಪ್ರಕಾರವು ರಾಷ್ಟ್ರದಾದ್ಯಂತ ಕಾಣಿಸಿಕೊಳ್ಳುವುದಾದರೂ ನ್ಯೂಯಾರ್ಕ್‌ ಮಹಾನಗರದಲ್ಲಿ ಬ್ರಾಡ್‌ವೇ ವಾಣಿಜ್ಯ U.S. ರಂಗಮಂದಿರದ ಮುಕುಟಪ್ರಾಯವೆಂದು ಸಾಧಾರಣವಾಗಿ ಪರಿಗಣಿಸಲಾಗುತ್ತದೆ. ಬ್ರಾಡ್‌ವೇ ಆಚೆಯ ಭಾಗ ಹಾಗೂ ಬ್ರಾಡ್‌ವೇಯ ಮತ್ತಷ್ಟು ಆಚೆಯ ಪ್ರಕಾರಗಳು ನ್ಯೂಯಾರ್ಕ್‌ನಲ್ಲಿ ರಂಗ ಅನುಭವವನ್ನು ವೈವಿಧ್ಯಮಯವಾಗಿ ಕಟ್ಟಿಕೊಡುತ್ತವೆ. ನ್ಯೂಯಾರ್ಕ್‌'ನ ನಾಟಕಕಲೆಯ ಜಿಲ್ಲೆಯು ರಾಷ್ಟ್ರದಲ್ಲೇ ಅತ್ಯಂತ ದೊಡ್ಡದಾಗಿದ್ದು ಕ್ಲೀವ್‌ಲ್ಯಾಂಡ್‌ನದು ಎರಡನೇ ಅತಿ ದೊಡ್ಡದಾಗಿದೆ. ಮತ್ತೊಂದು ನಿರ್ದಿಷ್ಟ ಪ್ರಖ್ಯಾತಿಯ ನಗರವೆಂದರೆ ಷಿಕಾಗೋ, ಆಗಿದ್ದು ಬಹುಮಟ್ಟಿಗೆ ವೈವಿಧ್ಯಮಯ ಹಾಗೂ ಸಕ್ರಿಯ ನಾಟಕ ಕಲೆಯ ರಾಷ್ಟ್ರದ ಹಿನ್ನೆಲೆಯನ್ನು ಹೊಂದಿದೆ. ಯುನೈಟೆಡ್‌ ಸ್ಟೇಟ್ಸ್‌ನಲ್ಲಿನ ಪ್ರಾದೇಶಿಕ ಅಥವಾ ನಿವಾಸಿ ರಂಗಮಂದಿರಗಳು ನ್ಯೂಯಾರ್ಕ್‌ ನಗರದ ಹೊರಗಿನ ವೃತ್ತಿಪರ ನಾಟಕ ಕಂಪೆನಿಗಳಾಗಿದ್ದು ತಮ್ಮದೇ ಆದ ಪ್ರದರ್ಶನ ಋತುಗಳನ್ನು ಹೊಂದಿರುತ್ತವೆ. ಗ್ರಾಮೀಣ ಸಣ್ಣ ಸಮುದಾಯಗಳು ಅತಿರಂಜಿತ ನಾಟಕಗಳ ಮೂಲಕ ಪ್ರೇಕ್ಷಕರನ್ನು ವಿಸ್ಮಿತರನ್ನಾಗಿಸುತ್ತವೆ.

ಕಿರುತೆರೆ

ಕಿರುತೆರೆಯು ಯುನೈಟೆಡ್‌ ಸ್ಟೇಟ್ಸ್‌ನ ಪ್ರಧಾನ ಸಮೂಹ ಮಾಧ್ಯಮಗಳಲ್ಲಿ ಒಂದಾಗಿದೆ. ಅಮೇರಿಕದ ತೊಂಬತ್ತೇಳು ಪ್ರತಿಶತ ಗೃಹಗಳು ಕನಿಷ್ಟ ಒಂದು ಕಿರುತೆರೆ ಸಾಧನ/ ಟೆಲಿವಿಷನ್‌ ಸೆಟ್ವನ್ನಾದರೂ ಹೊಂದಿದ್ದು ‌ಬಹುಪಾಲು ಮನೆಗಳು ಮೂರಕ್ಕಿಂತ ಹೆಚ್ಚನ್ನು ಹೊಂದಿರುತ್ತವೆ.^{[ಸೂಕ್ತ ಉಲ್ಲೇಖನ ಬೇಕು]}

USಅನ್ನು ಆಧುನಿಕ ಜಾಲ ಕಿರುತೆರೆಯ ಮೂಲನೆಲೆ ಎನ್ನಬಹುದಾಗಿದೆ.

ಸಂಗೀತ

ಅಮೇರಿಕನ್‌ ಸಮಕಾಲೀನ ಸಂಗೀತವನ್ನು ವಿಶ್ವದ ಎಲ್ಲೆಡೆ MTV, ಚಾನೆಲ್‌ V, VH1, BET ವಾಹಿನಿಗಳ ಮೂಲಕ ಹಾಗೂ ಮೈಕೆಲ್‌ ಜ್ಯಾಕ್ಸನ್‌, ಎಲ್ವಿಸ್‌ ಪ್ರಿಸ್ಲೆ, ಲಿಲ್‌ ವೇನ್‌, ಜಿಮಿ ಹೆಂಡ್ರಿಕ್ಸ್‌, ಪಾಟ್ಸಿ ಕ್ಲೈನ್‌, ಬಿಲ್ಲಿ ಜೋಯೆಲ್‌, ಮೆಟಾಲಿಕಾ, ಗನ್ಸ್‌ N' ರೋಸಸ್‌, ಬಾಬ್‌ ಡೈಲಾನ್‌, ಕ್ರೀಡೆನ್ಸ್‌ ಕ್ಲಿಯರ್‌ವಾಟರ್‌ ರಿವೈವಲ್‌, ಬ್ರೂಸ್‌ ಸ್ಪ್ರಿಂಗ್ಸ್‌ಸ್ಟೀನ್‌, ಬೆನ್ನಿ ಗುಡ್‌ಮನ್‌, ಫ್ರಾಂಕ್‌ ಸಿನಾತ್ರಾ, ರಾಂಡಿ ನ್ಯೂಮನ್‌, ಮಡೋನ್ನಾ, ಎಮಿನೆಮ್‌, ಬ್ಯಾಕ್‌ಸ್ಟ್ರೀಟ್‌ ಬಾಯ್ಸ್‌, ರಿಹಾನ್ನಾ, ಡೀನ್‌ ಮಾರ್ಟಿನ್‌, ಏರೋ ಸ್ಮಿತ್‌, B. B. ಕಿಂಗ್‌, ದ ಡೋರ್ಸ್‌, ಪ್ರಿನ್ಸ್‌, ಬಾನ್‌ ಜೋವಿ, ನಿರ್ವಾಣ, ವಾನ್‌ ಹಾಲೆನ್‌, ಗಾರ್ತ್‌ ಬ್ರೂಕ್ಸ್‌, ವೀಜರ್‌‌, ದ ಕಿಲ್ಲರ್ಸ್‌‌, ದ ರಾಮೋನ್ಸ್‌, ಲಿಂಕಿನ್‌ ಪಾರ್ಕ್‌, ಅವೆಂಜ್‌ಡ್‌ ಸೆವೆನ್‌ಫೋಲ್ಡ್‌, ವು-ಟಾಂಗ್‌ ಕ್ಲಾನ್‌ ಹಾಗೂ ಗ್ರೀನ್‌ ಡೇಗಳಂತಹಾ ಹಾಡುಗಾರರು ಹಾಗೂ ತಂಡಗಳ ಮೂಲಕ ಕೇಳಬಹುದಾಗಿದೆ. ಅಮೇರಿಕನ್‌ ಜನಪ್ರಿಯ ಸಂಗೀತವು USನಲ್ಲಿಯೇ ಸಿದ್ಧಪಡಿಸಿದ ಸಂಗೀತದ ಅನೇಕ ಶೈಲಿಗಳನ್ನು ಹೊಂದಿದ್ದು, ಅವು ಹೊರಬಂದಾಗ ಜನಪ್ರಿಯ ಸಂಗೀತವಾಗಿದ್ದವು (ಅಥವಾ ಈಗಲೂ ಆಗಿವೆ). ಉದಾಹರಣೆಗಳೆಂದರೆ ರಾಕ್‌ & ರಾಲ್‌, ಹಿಪ್‌-ಹಾಪ್‌, ನೃತ್ಯ, ತೀವ್ರ ಧಾಟಿಯ ಸಂಗೀತ, ಜಾಜ್‌, ಬ್ಲೂಸ್‌, ದೇಶೀಯ/ಕಂಟ್ರಿ, R&B, ಫಂಕ್‌, ಪಾಪ್‌, ಹೌಸ್‌, ಹಾಗೂ ಇತರೆ ಅನೇಕವುಗಳು.

ಚಲನಚಿತ್ರಗಳು

ಸ್ಟಾರ್‌ವಾರ್ಸ್ ‌, ದ ಗಾಡ್‌ಫಾದರ್‌ ‌, ದ ಕರಾಟೆ ಕಿಡ್‌‌ , ಷಿಂಡ್ಲರ್ಸ್‌ ಲಿಸ್ಟ್ , ಟೈಟಾನಿಕ್‌‌ ಹಾಗೂ ದ ಮ್ಯಾಟ್ರಿಕ್ಸ್‌ ನಂತಹಾ ಪ್ರಾತಿನಿಧಿಕಗಳನ್ನು ಹೊಂದಿರುವ ಅಮೇರಿಕನ್‌ ಚಲನಚಿತ್ರಗಳು ಬಹಳ ಜನಪ್ರಿಯವಾದಂತಹವುಗಳಾಗಿವೆ. ಟಾಮ್‌ ಹ್ಯಾಂಕ್ಸ್‌‌, ಅಲ್‌ ಪಾಸಿನೊ, ಜ್ಯೂಲಿಯಾ ರಾಬರ್ಟ್ಸ್‌, ಬ್ರಾಡ್‌ ಪಿಟ್‌, ಮರ್ಲಿನ್‌ ಮನ್ರೋ, ಜಾರ್ಜ್‌ ಕ್ಲೂನೆ, ವಿಲ್‌ ಸ್ಮಿತ್‌, ಮೆರಿಲ್‌ ಸ್ಟ್ರೀಪ್‌, ರಾಬರ್ಟ್‌ ಡೆ ನಿರೋ, ಲಿಯೋನಾರ್ಡೋ ಡಿಕ್ಯಾಪ್ರಿಯೋ, ಡೆನ್‌ಜೆಲ್‌ ವಾಷಿಂಗ್ಟನ್‌, ಮರ್ಲೊನ್‌ ಬ್ರಾಂಡೋ, ಜಾನ್ನಿ ಡೆಪ್‌ ಹಾಗೂ ಕ್ಲಿಂಟ್‌ ಈಸ್ಟ್‌ವುಡ್‌ರಂತಹಾ ಅಮೇರಿಕನ್‌ ಚಲನಚಿತ್ರ ನಟನಟಿಯರು ವ್ಯಾಪಕ ಜನಪ್ರಿಯತೆ/ಪರಿಚಯವನ್ನು ಹೊಂದಿದ್ದಾರೆ.^{[ಸೂಕ್ತ ಉಲ್ಲೇಖನ ಬೇಕು]} USನ ಹೊರಗೆ, ಅಮೇರಿಕನ್‌ ಚಲನಚಿತ್ರಗಳನ್ನು ಸಾರ್ವತ್ರಿಕವಾಗಿ ಹಾಲಿವುಡ್‌ ಎಂದು ಕರೆಯಲಾಗುತ್ತದೆ.

ನೃತ್ಯ

ಯುನೈಟೆಡ್‌ ಸ್ಟೇಟ್ಸ್‌ನ ನೃತ್ಯಗಳಲ್ಲಿ ಬಹು ಪ್ರಕಾರಗಳಿವೆಯಾಗಿ ಲಿಂಡಿ ಹಾಪ್‌ ಹಾಗೂ ಅದರಿಂದ ಒಡಮೂಡಿದ ರಾಕ್‌ ಅಂಡ್ ರಾಲ್‌ ಹಾಗೂ ಆಧುನಿಕ ಸ್ಕ್ವೇರ್‌ ನೃತ್ಯ ಪದ್ಧತಿಗಳ ನೆಲೆಯಾಗಿದ್ದು (ರಾಷ್ಟ್ರದಲ್ಲಿನ ಐತಿಹಾಸಿಕ ಬೆಳವಣಿಗೆಯಿಂದಾಗಿ ಯುನೈಟೆಡ್‌ ಸ್ಟೇಟ್ಸ್‌ ಆಫ್‌ ಅಮೇರಿಕಾನೊಂದಿಗೆ ತಳಕು ಹಾಕಲಾಗುತ್ತದೆ—ಹತ್ತೊಂಬತ್ತು U.S. ರಾಜ್ಯಗಳು ಇದನ್ನು ತಮ್ಮ ಅಧಿಕೃತ ನೃತ್ಯಪ್ರಕಾರವಾಗಿ ಘೋಷಿಸಿವೆ) ಆಧುನಿಕ ನೃತ್ಯಪ್ರಕಾರದ ಪ್ರಮುಖ ಕೇಂದ್ರಗಳಲ್ಲಿ ಒಂದಾಗಿದೆ. ಸಾಮಾಜಿಕ ನೃತ್ಯ ಹಾಗೂ ಗಾನಗೋಷ್ಠಿಗಳು ಅಥವಾ ನೃತ್ಯ ಪ್ರದರ್ಶನ ಸ್ವರೂಪಗಳಿದ್ದವಲ್ಲದೇ ಸ್ಥಳೀಯ ಅಮೇರಿಕನ್‌ ನೃತ್ಯ ಪ್ರಕಾರಗಳ ಸಂಪ್ರದಾಯಗಳಿವೆ.

ಬಹುತೇಕ ಇತರೆ ಅಭಿವೃದ್ಧಿ ಹೊಂದಿದ ರಾಷ್ಟ್ರಗಳಿಗೆ ಹೋಲಿಸಿದರೆ, ಯುನೈಟೆಡ್‌ ಸ್ಟೇಟ್ಸ್‌ನಲ್ಲಿನ ಮದ್ದುಗುಂಡು ಶಸ್ತ್ರಾಸ್ತ್ರಗಳಿಗೆ ಸಂಬಂಧಿಸಿದ ಕಾನೂನುಗಳು ಅನುಜ್ಞೇಯವಾಗಿದ್ದು, ಖಾಸಗಿ ಬಂದೂಕು ಮಾಲಿಕತ್ವವು ಸರ್ವೇಸಾಮಾನ್ಯವಾಗಿದ್ದು, ಸುಮಾರು 40%ರಷ್ಟು ಮನೆಗಳು ಕನಿಷ್ಟ ಒಂದು ಬಂದೂಕನ್ನಾದರೂ ಹೊಂದಿರುತ್ತವೆ. ವಸ್ತುತಃ, ತಲಾವಾರು ಪ್ರಮಾಣ ಹಾಗೂ ಒಟ್ಟಾರೆಯಾಗಿ ಎರಡೂ ರೀತಿಗಳಲ್ಲಿ ಕೂಡಾ ವಿಶ್ವದ ಯಾವುದೇ ರಾಷ್ಟ್ರಗಳಿಗಿಂತ ಯುನೈಟೆಡ್‌ ಸ್ಟೇಟ್ಸ್‌ನಲ್ಲಿ ಹೆಚ್ಚು ಖಾಸಗಿ ಮಾಲೀಕತ್ವ ಹೊಂದಿದ ಬಂದೂಕುಗಳಿವೆ.^[೧೮] ಬಂದೂಕು ಮಾಲಿಕತ್ವದ ದರಗಳು ಪ್ರದೇಶಾವಾರು ಹಾಗೂ ರಾಜ್ಯಗಳ ಪ್ರಕಾರ ವ್ಯತ್ಯಾಸಗೊಳ್ಳುತ್ತವಾಗಿ, ಅಲಾಸ್ಕಾ, ಪರ್ವತ ರಾಜ್ಯಗಳು, ಹಾಗೂ ದಕ್ಷಿಣದಲ್ಲಿ ಬಂದೂಕು ಮಾಲಿಕತ್ವವು ಸರ್ವೇಸಾಮಾನ್ಯವಾಗಿದ್ದು ಹವಾಯ್‌ನ ದ್ವೀಪಸ್ತೋಮಗಳಲ್ಲಿ ಹಾಗೂ ಈಶಾನ್ಯ ಮಹಾನಗರಗಳಲ್ಲಿ ಅಪರೂಪವಾಗಿರುತ್ತವೆ.^[೧೯] ಬೇಟೆಯಾಡುವಿಕೆ, ಪ್ಲಿಂಕಿಂಗ್‌ ಹಾಗೂ ಟಾರ್ಗೆಟ್‌ ಷೂಟಿಂಗ್‌/ಲಕ್ಷ್ಯವಿಟ್ಟು ಹೊಡೆಯುವಿಕೆಗಳು ಜನಪ್ರಿಯ ಕಾಲಕ್ಷೇಪಗಳಾಗಿದ್ದು, ಸ್ವರಕ್ಷಣೆಯಂತಹಾ ಪ್ರಯೋಜಕ ಉದ್ದೇಶಗಳಿಗಾಗಿ ಬಂದೂಕುಗಳ ಮಾಲೀಕತ್ವವನ್ನು ಹೊಂದಿರುವುದು ಸರ್ವೇಸಾಮಾನ್ಯವಾಗಿದೆ. ಕೈಬಂದೂಕುಗಳ ಮಾಲೀಕತ್ವವು ಅಪರೂಪವಲ್ಲವಾದರೂ, ಬಂದೂಕುಗಳ ಮಾಲೀಕತ್ವಕ್ಕಿಂತ ಕಡಿಮೆ ಪ್ರಮಾಣದಲ್ಲಿರುತ್ತದೆ. ಬಂದೂಕು ಮಾಲಿಕತ್ವವು ಮಹಿಳೆಯರಿಗಿಂತ ಪುರುಷರಲ್ಲಿ ಪ್ರಚಲಿತವಾಗಿದ್ದು, ಮಹಿಳೆಯರಿಗಿಂತ ನಾಲ್ಕು ಪಟ್ಟು ಹೆಚ್ಚಿನ ಪ್ರಮಾಣದಲ್ಲಿ ಹೊಂದಿರುತ್ತಾರೆ.^[೨೦]

• ಅಮೇರಿಕಾನಾ
• ಅಮೇರಿಕಾ 24/7
• ಬ್ರಾಡ್‌ವೇ ರಂಗಮಂದಿರ
• ದಕ್ಷಿಣ ಯುನೈಟೆಡ್‌ ಸ್ಟೇಟ್ಸ್‌ನ ಸಂಸ್ಕೃತಿ

• US ಸಂಸ್ಕೃತಿಯ ವರದಿ Archived 2010-03-14 ವೇಬ್ಯಾಕ್ ಮೆಷಿನ್ ನಲ್ಲಿ.

Culture of the United States ಸಂಬಂಧಿತ ಮೀಡಿಯಾ ವಿಕಿಮೀಡಿಯ ಕಾಮನ್ಸ್‌ನಲ್ಲಿ ಲಭ್ಯವಿದೆ.