Andreas Gromyko

Andreas Andreae filius Gromyko (Russice: Андрей Андреевич Громыко, tr. Andrej Andreevič Gromyko; natus in familia cognominis Burmakov^[1] in vico Starye Gromyki tunc gubernii Mohiloviensis Imperii Russici et nunc regionis Homelensis Rutheniae Albae die 5 Iulii 1909 secundum calendarium Iulianum - die 18 Iulii 1909 secundum Gregorianum; mortuus est Moscuae die 2 Iulii 1989), legatus et politicorum peritus Sovieticus, fuit ab anno 1957 usque ad annum 1985 negotiorum externorum minister et ab anno 1985 usque ad annum 1988 praeses Praesidii Concilii Supremi Unionis Sovieticae fuit. Titulo Herois Laboris Socialistici (bis, annis 1969 et 1979), Praemio Leniniano (anno 1982) et Praemio Publico URSS (anno 1984) multisque aliis signis laudis ornatus est.