Camtschatca
Camtschatca[1] seu Camtschatka[2] (Russice Камчатка, tr. Kamčatka), seu phonetice nostris auribus melius Camsatca[3] et Camptiadica[4], est paeninsula in Asia septentrionali et orientali, inter mare Ochotense ad occidentem et mare Beringianum oceanumque Pacificum ad orientem sita. In dicione Russiae est, in cuius territorio Camsatico includitur.
Vide etiam paginam discretivam: Camtschatca (discretiva)
Geographia
Camsatca, aream circa 270 milia chm2 habens, secunda a maxima paeninsula Russica est. Maximum paeninsulae flumen etiam Camsatca vocatur. Iugum Medium (Sredinnyj) paeninsulam dimidiat.
Vulcanismus
In Camtschatca sunt plus centum et sexaginta vulcani, quorum sexaginta octo sunt activi.[5] Mons Fontinalis altissimus est; prope quem et mons Innominatus stat; mons Avaczensis et mons Coraecicus in parte Camtschatcae meridiana prope portum Petri et Pauli siti sunt. In paeninsula Kronokiensi[6] prope montem igniferum Kronokiensem et Vallis scauturiginum geyzerianarum, aquarum calidarum salientium abundans, sita est. Shivelucz est montium igniferorum Camtschatkae erumpentium maxime septentrionalis.
Notae
Nexus externi
 | Vicimedia Communia plura habent quae ad Camtschatcam paeninsulam spectant. |
 | Situs geographici et historici: Locus: 57°0′0″N 160°0′0″E • OpenStreetMap • GeoNames • Store norske Lexikon • Treccani |
