Hortus zoologicus

Hortus zoologicus^[1] sive virid(i)arium zoologicum^[2] (a verbo Graeco ζῷον 'animal') est magnum opus plerumque paradisi instar instructum, ut ibi publice varia animalia monstrentur.^[3] Zoologici praecipue ii horti tantum appellantur, qui ratione scientifica gubernantur.

Tales horti hodie toto orbe terrarum sunt plus quam 1000, quorum circiter 80 centesimae in urbibus inveniuntur.

Horti zoologici studiis, otio et animalium tutelae (ut puta fetura animalium rarorum) sunt; quod autem hortorum adversarii variis causis maxime infitiantur.

Appellationes similes

vīvārium: receptaculum sive claustrum ad animalia (ut puta feras, pisces etc.) asservanda. Multa vivaria antiqua hodie rationibus scientificis respondere student, ut ex re in hortos zoologicos immutata sint.
- vivavirum aprorum
- vivarium murenarum
leporarium: Graece λαγωτροφειον; ad verbum locus leporibus destinatus, sed etiam pro paradiso sive vivario adhibitum^[4]
thērotrophīum sive theriotropheum: Graece θηριοτροφειον; magnum leporarium sive vivarium^[5]
roborarium: est vivarium robore saeptum^[6]
paradisus: Graece παράδεισος (quod primum est vocabulum Persicum); magnus hortus arboribus animalibusque plenus^[7]
viridarium sive viridiarium (< viridis): hortus ad animos recreandos instructus, sive parvus (hortus domesticus) sive permagnus (paradisus)
saeptum venationis: locus, ubi ferae inclusae sunt, ut venationi usui sint.
piscīna (< piscis)
ornīthōn (-ōnis, acc. -ōna, m.): Graece ὀρνιθών; est idem ac aviarium^[8]
aviārium: domus avium domesticarum^[9]
- aviarium phasianorum
Serpentarium

Exempla

Vivarium Belli Fontis, Vindobonae situs, est hortus zoologicus antiquissimus orbis terrarum (ab anno 1752 plebi apertus)
Opus zoologicum amplissum mundi est Paradisus Ferarum Didacopolitanus (San Diego Wild Animal Park), qui plus quam 700 hectaria patet.
Hortus Zoologicus Berolinensis ex duobus vivariis constans plurima animalium genera (14 126 animalia, 1462 genera) habet.
Maxima piscina publica mundi Aquarium Georgianum (Georgia Aquarium) Atlantae habetur, quod circiter 30 000 000 litrorum comprehendit.
In Thuringia valde laetificat homines Hortus zoologicus Erfordiensis, quod nemo non intellegat.

Nexus interni

Nexus externi

Vicimedia Communia plura habent quae ad hortos zoologicos spectant.

Notae

[1]

[2]

[3]

[4]

[5]

[6]

[7]

[8]

[9]

Search