Whitney Houston

D'Whitney Elizabeth Houston, gebuer den 9. August 1963 zu Newark, New Jersey, a gestuerwen den 11. Februar 2012 zu Beverly Hills, Kalifornien, war eng US-amerikanesche R&B-, Soul- a Popmusek-Sängerin, Schauspillerin a Filmproduzentin.

Whitney Houston
am Joer 2009
Gebuertsnumm	Whitney Elizabeth Houston
Gebuer	9. August 1963 Newark
Gestuerwen	11. Februar 2012 Beverly Hilton Hotel
Doudesursaach	Iwwerdosis
Nationalitéit	USA
Aktivitéit	Sänger, Schauspiller, Filmproduzent, Pianist, Museker, Filmschauspiller, Mannequin, Museksproduzent, Komponist, Produzent, Discographesche Kënschtler, Televisiounsschauspiller
Famill
Bestuet mat	Bobby Brown
Geschwëster	Gary Garland
Kanner	Bobbi Kristina Brown

Mat iwwer 170 Millioune verkaafte Placken an CDen an iwwer 200 Gold-, Platin-, Sëlwer-, an Diamantschallplacken a sechs Grammyen huet d'Whitney Houston zu de Sängerinne mat deem meeschte Succès an den 1980er an 1990er Jore gezielt.^[1],[2] Si hat eng Stëmm iwwer 3 Oktaven. Zu hire gréisste Succèsen hu Lidder wéi Saving All My Life for You, I Wanna Dance with Somebody oder I Will Always Love You aus dem Soundtrack vum Film The Bodyguard (an deem se och matgespillt huet) gehéiert.