Sciensa

A sciénsa^[1] ò scénsa^[2] a l'é o sfòrso scistemàtico ch'o costruìsce e ch'o l'inàndia a conoscénsa inta fórma de spiegaçioìn e prediçioìn in sce l'Univèrso chi se pòssen verificâ^[3][4]. A sciénsa modèrna a vêgne de sòlito spartîa inte tréi ràmmi prinçipæ^[5]: e sciénse naturâli cómme a fìxica, a chìmica e a biologîa, che stùddian o móndo fìxico, e sciénse sociâli, cómme l'economîa, a psicologîa e a sociologîa, che stùddian e persónn-e e-e socjêtæ^[6][7], e-e sciénse formâli, cómme a lògica, a matemàtica e l'informàtica teòrica, che stùddian scistêmi formâli, governæ da asiömi e régole^[8][9]. Però, no gh'é de acòrdio in sciô fæto de consciderâ e sciénse formâli cómme disciplìnn-e scientìfiche^[10][11][12], scicómme no són bazæ in sciâ prêuva enpìrica^[11][13]. In sciâ fìn, gh'é ancón e sciénse aplicæ, ch'én e disciplìnn-e ch'adêuvian a conoscénsa scientìfica pe di fìn pràtichi, cómme l'inzegnerîa e a mêxìnn-a^[14][15][16].

ZE	Quésta pàgina a l'é scrîta in léngoa zenéize A Grafîa adeuviâ a l'é quélla de l'Académia Ligùstica do Brénno