Aceh
Aceh (abjad Jawoë: اچيه دارالسلام) adolah provinsi di Indonesia nan baibu kota Banda Aceh. Aceh marupokan salah satu provinsi di Indonesia nan diagiah status sabagai daerah istimewa dan juo diagiah kawenangan otonomi khusus. Aceh talatak di ujuang utara pulau Sumatera dan marupokan provinsi paliang barat di Indonesia. Manuruik hasia sensus Badan Pusat Statistik taun 2020, jumlah panduduak provinsi iko kiro-kiro 5.459.891 jiwa.[10] Lataknyo dakek jo Kapulauan Andaman dan Nikobar di India dan tapisahkan dek Lauik Andaman. Aceh babatehan jo Taluak Benggala di sabalah utara, Lautan Hindia di sabalah barat, Selat Malaka di sabalah timur, jo Sumatera Utara di sabalah tenggara jo selatan.
| Aceh | |||
|---|---|---|---|
Provinsi di Indonesia | |||
| Transkripsi bahaso Aceh | |||
| • Abjad Jawoë | اچيه دارالسلام | ||
Dari ateh, kida ka suok: Musajik Raya Baiturrahman, Danau Laut Tawar, Pulau Rubiah, Taman Nasional Gunung Leuser, Gunuang Seulawah Agam, Museum Tsunami Aceh, Taman Sari Gunongan, Replika Pesawat RI-001 Seulawah. | |||
| |||
| Semboyan: "Pancacita" (dari bahaso Sanskerta yang artinya "Lima cita-cita") | |||
 Peta lokasi Aceh | |||
| Nagara |  Indonesia | ||
| Ari jadi | 7 Desember 1956 | ||
| Ibu kota |  Kota Banda Aceh | ||
| Kota gadang lainnyo | |||
| Jumlah satuan pamarintahan[1][2] | Daftar Kabupaten: 18 Kota: 5 Kecamatan: 289 Desa: 6.514 | ||
| Pamarintahan | |||
| • Gubernur | Mayor Jenderal TNI (Purn) Achmad Marzuki | ||
| • Wakia Gubernur | Lowong | ||
| • Sekretaris Daerah | Bustami, SE, M.Si | ||
| • Ketua DPRD | H. Dahlan Jamaluddin, S.I.P[3] | ||
| Laweh | |||
| • Total | 57.956,00 km2 (22,376,94 sq mi) | ||
| • Darek | 57.365,67 km2 (22,149,01 sq mi) | ||
| • Aia | 29.611,11 km2 (11,432,91 sq mi) | ||
| Panduduak (2020)[1] | |||
| • Total | 5.274.871 | ||
| • Paringkek | 14 | ||
| • Kapadatan | 96/km2 (250/sq mi) | ||
| Demografi | |||
| • Etnis | Aceh 70,65% Jawa 8,94% Gayo 7,22% Batak 3,29% Melayu 2,13% Alas 1,49% Aneuk Jamee 1,40% Singkil 1,11% Minangkabau 1,04% Devayan 0,74% Tionghoa 0,10% Lainnya 1,89%[4] | ||
| • Agamo | Islam 98,48% Kristen 1,36% - Protestan 1,26% - Katolik 0,10% Buddha 0,15% Lain-lain 0,01%[5][6] | ||
| • Bahaso | Indonesia (resmi) Aceh (utama) Melayu, Gayo, Jawa, Alas-Kluet, Jamee, Tamiang, Batak, Arab, Devayan, Singkil, Lekon, Sigulai, Haloban, Tionghoa, Tamil, Hindi, Urdu, Bali, Karo, Nias | ||
| • IPM | ▲ 72,18 (2021) Tinggi[7] | ||
| Kode pos | 23xxx-24xxx | ||
| Kode area telepon | Daftar 0627 - Kota Subulussalam 0629 - Kutacane (Kabupaten Aceh Tenggara) | ||
| ISO 3166 | ID-AC | ||
| Plat kandaraan | BL | ||
| Dasa hukum pandirian | UU Nomor 24 Tahun 1956 UU Nomor 11 Tahun 2006 | ||
| APBD | Rp 16.763.469.972.136-,[8] (2021) | ||
| PAD | Rp 2.401.682.455.965,- (2021) | ||
| DAU | Rp 2.010.367.360.000,- (2021)[9] | ||
| DAK | Rp 1.777.891.260.000,- (2021)[9] | ||
| Lagu daerah | Bungong Jeumpa | ||
| Rumah tradisional | Rumoh Aceh, Umah Pitu Ruang | ||
| Sanjato tradisional | Rencong | ||
| Flora | Bunga Jeumpa | ||
| Fauna | Cicempala Kuneng | ||
| Situs web | acehprov.go.id | ||
Aceh dianggap sabagai tampek bamulonyo panyebaran Islam di Indonesia dan punyo tugas pantiang dalam panyebaran Islam di Asia Tenggara. Pado mulo abaik ka-17, Kasultanan Aceh adolah nagara paliang kayo, paliang kuek, sarato paliang makmua di kawasan Selat Malaka. Sijarah Aceh dironoi jo kabebasan politik sarato palawanan kareh kapado kandali urang asiang, tamasuak bakeh panjajah Ulando jo pamarintah Indonesia. Kok dibandiangkan jo provinsi lainnyo, Aceh adolah wilayah nan paliang konservatif (manjunjuang tinggi nilai agamo).[11] Persentase panduduak Muslim-nyo adolah nan paliang tinggi di Indonesia dan iduik manuruik syarak.[12] Babeda jo kabanyakan provinsi lain di Indonesia, Aceh mampunyoi otonomi nan diatua surang dek alasan sijarah.[13]
Aceh mampunyoi sumber dayo alam nan malimpah, tamasuak minyak bumi jo gas alam. Sajumlah analis mampakirokan cadangan gas alam Aceh adolah nan paliang gadang di dunia.[11] Aceh juo tanamo jo utannyo nan talatak di sapanjang jajaran Bukik Barisan dari Kutacane di Aceh Tenggara sampai Ulu Masen di Aceh Jaya. Sabuah taman nasional banamo Taman Nasional Gunung Leuser (TNGL) didirikan di Aceh Tenggara.
Aceh adolah daratan nan paliang dakek jo episentrum gampo bumi Samudra Hindia 2004. Salapeh gampo, galombang tsunami maampeh sabagian gadang pasisia barat provinsi iko. Sakitar 170.000 urang tewas atau hilang dek bancano tasabuik.[14] Bancano iko juo mandorong tabueknyo pajanjian damai antaro pamarintah Republik Indonesia jo Gerakan Aceh Merdeka (GAM).
Pamarintahan
Sistem pamarintahan nan balaku di Aceh kini ado duo, yaitu Sistem Pamarintahan Lokal Aceh jo Sistem Pamarintahan Indonesia. Manuruik janjangnyo, pabedaan nan tampak adolah adonyo Pamarintahan Mukim di antaro kecamatan jo gampong
Aceh sabagai daerah istimewa
Kini satuan pamarintahan daerah nan bastatus Daerah Istimewa di Indonesia hanyo duo provinsi yaitu Aceh (UU Nomor 44 Tahun 1999) dan Provinsi Daerah Istimewa Yogyakarta (UU 13 Tahun 2012). Manuruik status pamarintahan daerah nan basipaik istimewa, UU Nomor 44 Tahun 1999 tentang Penyelenggaraan Keistimewaan bagi Daerah Provinsi Istimewa Aceh alah maagiah legitimasi sacaro yuridis formal kaistimewaan.[15]
Panyelenggaraan kaistimewaan Aceh meliputi:
- Panyelenggaraan kahidupan baragamo;[16]
- Panyelenggaraan kahidupan adat;
- Panyelenggaraan pandidikan; dan
- Peran ulama dalam panatapan kabijakan daerah.[17]
Kaistimewaan di bidang panyelenggaraan kahidupan baragamo dalam bantuak palaksanaan syarak Islam dek pamaluaknyo di Aceh, dengan tatap manjago karukunan iduik antarumaik baragamo, maliputi: ibadah, ahwal alsyakhshiyah (hukum kaluarga), muamalah (hukum perdata), jinayah (hukum pidana), qadha’ (paradilan), tarbiyah (pandidikan), dakwah, syiar, dan pambelaan Islam. Kaistimewaan di bidang panyelenggaraan kahidupan adat maliputi Lembaga Wali Nanggroe jo Lembaga Adat Aceh (misal Majilih Adat Aceh, Imeum mukim, dan Syahbanda).
Kaistimewaan di bidang pandidikan maliputi panyelenggaraan pandidikan nan bakualitas sarato manambah materi muatan lokal sasuai jo syari’at Islam sarato manyelenggarakan pandidikan madrasah ibtidaiyah jo madrasah tsanawiyah. Kaistimewaan di bidang peran ulama maliputi Majelis Permusyawaratan Ulama (MPU) Aceh dan Kabupaten/Kota nan mamiliki tugas jo kuaso untua maagiah fatwa baiak dimintak maupun indak dimintak pado pasoalan pamarintahan, pambangunan, pambinaan masyarakaik, jo ekonomi; dan maagiah arahan pado pabedaan pandapaik di masyarakaik dalam masalah agamo.
Aceh sabagai daerah khusus
Dalam praktik katatanegaraan di Indonesia inggo kini hanyo ampek satuan daerah nan dinyatokan bastatus sabagai Daerah Khusus yaitu Aceh, Daerah Khusus Ibukota (DKI) Jakarta, dan Provinsi Papua sarato Papua Barat.
Kakhususan Aceh alah diatua manuruik UU Nomor 11 Tahun 2006 tentang Pemerintahan Aceh (LN 2006 No 62, TLN 4633) pado hakikaiknyoo manifestasi dari UUD Tahun 1945. Nagara mangakui dan mahoromati satuan-satuan pamarintahan daerah nan basipaik Khusus atau basipaik istimewa nan diatua jo undang undang. Manuruik Undang-undang Pemerintahan Aceh (UU-PA), Sabagai daerah Khusus, kini alah mamiliki 26 Kawenangan Khusus. Aceh mampunyoi 2 (dua) gala yaitu daerah istimewa dan daerah khusus, sainggo namo Aceh dapek diimbau sabagai daerah khusus provinsi Daerah Istimewa Aceh.[18][19]
UU Pemerintahan Aceh iko indak lapeh dari Nota Kasapahaman (Memorandum of Understanding) antaro Pamarintah Republik Indonesia jo Gerakan Aceh Merdeka nan ditandotangani pado tanggal 15 Agustus 2005 di Helsinki dan marupokan suatu bantuak rekonsiliasi sacaro bamartabat manuju pambangunan sosial, ekonomi, sarato politik di Aceh sacaro bakalanjutan. Hal-hal mandasar nan manjadi isi UU Pemerintahan Aceh iko antaro lain:
- Pamarintahan Aceh adolah pamarintahan daerah provinsi dalam sistem NKRI manuruik UUD Tahun 1945 nan manyelenggarakan urusan pamarintahan nan dilaksanakan dek Pamarintah Daerah Aceh jo Dewan Perwakilan Rakyat Daerah Aceh sasuai jo fungsi dan kuaso surang-surang.
- Tatanan otonomi salaweh-lawehnyo nan diterapkan di Aceh manuruik UU Pemerintahan Aceh iko marupokan subsistem dalam sistem pamarintahan sacaro nasional.
- Pangaturan dalam Qanun Aceh maupun Kabupaten/Kota nan banyak diamanaikkan dalam UU Pemerintahan Aceh marupakan ujuik nyato taselenggaranyo kawajiban konstitusional dalam palaksanaan pamarintahan tasabuik.
- Pangaturan parimbangan kauangan pusek jo daerah tacamin malalui pambarian kakuasoan untuak pamanfaatan sumber pandanaan nan ado.
- Implementasi formal panagakan syarak Islam jo asas personalitas ka-Islaman kapado satiok urang nan barado di Aceh jo indak mambedakan kawarganagaraan, kadudukan, dan status dalam wilayah sasuai jo bateh-bateh daerah Aceh.
Namo (nomenklatur) nan digunokan manuruik Pasal 1 angka 2 UU 11/2006 adolah Aceh; jo indak ado kato "provinsi" ataupun frasa "daerah istimewa", Aceh marupokan daerah khusus (dan juo daerah istimewa) dek Aceh adolah satu-satunyo daerah di Indonesia nan basipaik istimewa dan diagiah otonomi khusus; "Aceh adalah daerah provinsi yang merupakan kesatuan masyarakat hukum yang bersifat istimewa dan diberi kewenangan khusus untuk mengatur dan mengurus sendiri urusan pemerintahan dan kepentingan masyarakat setempat sesuai dengan peraturan perundang-undangan dalam sistem dan prinsip Negara Kesatuan Republik Indonesia berdasarkan Undang-Undang Dasar Negara Republik Indonesia Tahun 1945, yang dipimpin oleh seorang Gubernur." Pasal 1 angka 2 UU 11/2006[20]
Kabupaten dan kota
Sajak taun 1999, Aceh alah maalami babarapo pamekaran wilayah inggo kini mancapai 5 pamarintahan kota jo 18 kabupaten sabagai barikuik:
| No. | Kabupaten/kota | Pusek pamarintahan | Bupati/wali kota | Laweh wilayah (km2)[21] | Jumlah panduduak (2019)[22][21] | IPM (2020) [23] | Kecamatan | Gampong | Lambang  | Peta lokasi |
|---|---|---|---|---|---|---|---|---|---|---|
| 1 | Kabupaten Aceh Barat | Meulaboh | Ramli MS | 2.927,95 | 210.113 | 71,38 | 12 | -/322 |  |  |
| 2 | Kabupaten Aceh Barat Daya | Blangpidie | Akmal Ibrahim | 1.490,60 | 150.393 | 66,75 | 9 | -/152 |  |  |
| 3 | Kabupaten Aceh Besar | Kota Jantho | Mawardi Ali | 2.969,00 | 425.216 | 73,56 | 23 | -/604 |  |  |
| 4 | Kabupaten Aceh Jaya | Calang | Teuku Irfan Bahrum | 3.812,99 | 92.892 | 69,75 | 9 | -/172 |  |  |
| 5 | Kabupaten Aceh Selatan | Tapak Tuan | Tgk. Amran | 3.841,60 | 238081 | 67,12 | 18 | -/260 |  |  |
| 6 | Kabupaten Aceh Singkil | Singkil | Dulmusrid | 2.185,00 | 124.101 | 68,94 | 11 | -/116 |  |  |
| 7 | Kabupaten Aceh Tamiang | Karang Baru | Mursil | 1.956,72 | 295.011 | 69,24 | 12 | -/213 |  |  |
| 8 | Kabupaten Aceh Tengah | Takengon | Shabela Abubakar | 4.318,39 | 212.494 | 73,24 | 14 | -/295 |  |  |
| 9 | Kabupaten Aceh Tenggara | Kutacane | Raidin Pinim | 4.231,43 | 216.495 | 69,37 | 16 | -/385 |  |  |
| 10 | Kabupaten Aceh Timur | Idi Rayeuk | Hasballah M. Thaib | 6.286,01 | 436.081 | 67,63 | 24 | -/513 |  |  |
| 11 | Kabupaten Aceh Utara | Lhoksukon | Muhammad Thaib | 3.236,86 | 619.407 | 69,33 | 27 | -/852 |  |  |
| 12 | Kabupaten Bener Meriah | Simpang Tiga Redelong | Tgk. Syarkawi | 1.454,09 | 148.175 | 72,98 | 10 | -/232 |  |  |
| 13 | Kabupaten Bireuen | Bireuen | Muzakkar A. Gani | 1.901,20 | 471.635 | 72,28 | 17 | -/609 |  |  |
| 14 | Kabupaten Gayo Lues | Blang Kejeren | Muhammad Amru | 5.719,58 | 94.100 | 67,22 | 11 | -/136 |  |  |
| 15 | Kabupaten Nagan Raya | Suka Makmue | Muhammad Jamin Idham | 3.363,72 | 167.294 | 69,18 | 10 | -/222 |  |  |
| 16 | Kabupaten Pidie | Sigli | Roni Ahmad | 3.086,95 | 444.976 | 70,63 | 23 | -/730 |  |  |
| 17 | Kabupaten Pidie Jaya | Meureudu | Aiyub Abbas | 1.073,60 | 161.215 | 73,20 | 8 | -/222 |  |  |
| 18 | Kabupaten Simeulue | Sinabang | Erli Hasim | 2.051,48 | 93.228 | 66,03 | 10 | -/138 |  |  |
| 19 | Kota Banda Aceh | - | Aminullah Usman | 61,36 | 270.321 | 85,41 | 9 | -/90 | |  |
| 20 | Kota Langsa | - | Usman Abdullah | 262,41 | 176.811 | 77,17 | 5 | -/66 |  |  |
| 21 | Kota Lhokseumawe | - | Suaidi Yahya | 181,06 | 207.202 | 77,31 | 4 | -/68 |  |  |
| 22 | Kota Sabang | - | Nazaruddin | 153,00 | 34.874 | 75,78 | 2 | -/18 |  |  |
| 23 | Kota Subulussalam | - | Affan Alfian Bintang | 1.391,00 | 81.417 | 64,93 | 5 | -/82 |  |  |
