Haiti
Haiti (Parancih: Haïti; Kreol Haiti: Ayiti), atau sacaro rasmi Republik Haiti (Prancis: République d'Haïti; Kreol Haiti: Repiblik d Ayiti),[1] dan sabalumnyo dikenal juo sabagai Hayti, adolah sabuah nagara nan talatak di pulau Hispaniola di kapulauan Antilles Gadang di Lauik Karibia, sabalah timur Kuba jo Jamaika, selatan Bahama sarato Kapulauan Turks jo Caicos. Nagara ko manempati tigo per salapan barat pulau nan babagi jo Republik Dominika.[2][3] Di sabalah barat daya talatak Pulau Navassa ketek, nan diklaim oleh Haiti tapi dipasangketaan jo wilayah Amerika Sarikat dibawah administrasi federal.[4][5] Haiti baukuran 27.750 km2 (10.714 sq mi), nagara tagadang katigo di Karibia badasarkan wilayah, jo punyo pakiroan panduduak 11,4 juta,[6][7] manjadiannyo nagara tapadek di Karibia. Ibu kotanyo adolah Port-au-Prince.
Nagara ko punyo bantuak tapak kudo nan kasa sahinggo nyo punyo garih pantai nan sangaik panjang (1.771 km atau 1.100 mil), panjang ka duo sasudah Kuba di Antillen Gadang.[8][9]
Pamarentahan Haiti barupo republik semi-presidensial jo sistem multipartai dima Presiden adolah kapalo nagara nan dipiliah sacaro langsuang malalui pamilihan umum nan dilakukan satiok limo tahun.[10][5] Pardana Mantari batindak sabagai kapalo pamarentahan nan diangkek oleh presiden, dipiliah dari partai mayoritas di Majelis Nasional.[5] Kuaso eksekutif dijalankan dek presiden jo pardana mantari nan basamo-samo mambantuak pamarentah.
Pado tahun 2022, panduduak Haiti dipakirokan 11.334.637.[11] Pado tahun 2006, satangah dari panduduak bausia di bawah 20 tahun.[12] Pado tahun 1950, sensus formal patamo manunjuakkan total panduduak 3,1 juta jiwa.[13] Haiti rato-rato bapanduduak sakitar 350 urang per kilometer persegi (~900 per mil persegi), jo panduduaknyo takonsentrasi paliang banyak di daerah perkotaan, dataran pasisia, jo lambah.
