Hondures

Organización política

L'actual Constitución, promulgada'l 11 de xineru de 1982, define a Hondures como una república democrática xunitaria. El poder executivu exércelu'l presidente de la República, elixíu por sufraxu universal pa un periodu de cuatro años; ta asesoráu por un gabinete de ministros, nomaos secretarios. El poder llexislativu, pela so banda, ye del Congresu Nacional, formáu por 128 diputaos escoyíos, tamién por sufraxu universal, pa cuatro años. No que cinca al poder xudicial, el so muérganu cimeru ye la Corte Suprema, formada por siete xueces (caún col so suplente) elixíos pol congresu pa un periodu de siete años.

Gobiernu

El presidente del país ye Juan Orlando Hernández, que tomó posesión del so cargu'l 27 de xineru de 2014. Vicepresidente: Ricardo Álvarez. El presidente del Congresu ye Mauricio Oliva, y el gabinete de ministros ta formáu polos siguientes ministerios y persones:

Partíos políticos y sindicatos

Los principales partíos políticos, y los sos actuales presidentes, son los que vienen darréu.

• Partíu Lliberal d'Hondures (PLH), Elvin Santos.
• Partíu Nacional (PN), Ricardo Álvarez.
• Partíu d'Innovación y Unidá-Social Demócrata (PINU), Jorge Aguilar.
• Partíu Democracia Cristiana (PDC), Felícito Ávila.
• Unificación Democrática (UD), César Ham.

D'ente los sindicatos del país pueden destacase, pola so importancia:

• Central Xeneral de Trabayadores (CGT). El so secretariu xeneral ye Daniel Durón.
• Confederación de Trabayadores d'Hondures (CTH). El so secretariu xeneral ye Hilario Espinoza.
• Federación Xunitaria de Trabayadores d'Hondures (FUTH). El so presidente ye Juan Barahona.
• Confederación Xunitaria de Trabayadores d'Hondures (CUTH). El so secretariu xeneral ye José Luis Baquedano.

La República d'Hondures divídese, dende'l puntu de vista alministrativu, en 18 departamentos. La capital del país, formada poles ciudaes de Tegucigalpa y Comayagüela, alcuéntrase nel municipiu del Distritu Central, nel departamentu de Francisco Morazán. La mayor concentración de población, sicasí, dase na zona metropolitana del Valle de Sula, na fastera noroccidental del país. Nella, que ye l'área metropolitana más estensa de Centruamérica, vive'l 25% de la población del país.

División territorial d'Hondures

N.º1	Departamentu	Pob (2010/2011)	Sup (km²)	Cabecera
1	Atlántida	407,551	4.372	La Ceiba
2	Colón	293,540	8.249	Trujillo
3	Comayagua	442,251	5.124	Comayagua
4	Copán	362,226	3.242	Santa Rosa de Copán
5	Cortés	2,120,291	3.923	San Pedro Sula
6	Choluteca	459,124	4.360	Choluteca
7	El Paraíso	427,232	7.489	Yuscarán
8	Francisco Morazán	1,691,056	8.619	Distritu Central
9	Gracias a Dios	88,314	16.997	Puertu Lempira
10	Intibucá	232,509	3.123	La Esperanza
11	Islles de la Bahía	47.158	236	Roatán
12	La Paz	196,322	2.525	La Paz
13	Lempira	315,565	4.228	Gracies
14	Ocotepeque	132,453	1.630	Ocotepeque
15	Olancho	509,564	23.905	Juticalpa
16	Santa Bárbara	402,367	5.024	Santa Bárbara
17	Valle	171,613	1.665	Nacaome
18	Departamentu de Yoro (Hondures)	552,100	7.781	Yoro
Información del Censu 2010 Fuente: INE[11]

Cada departamentu, pela so banda, ta sodividíu en municipalidaes; hai en total 298, que tán agrupaes en 52 mancomunidaes. Con fines estadísticos les municipalidaes sodivídense n'aldees (3.731 en total), éstes en caseríos (27.969 en total) y dellos d'estos, finalmente, en barrios o colonies (3.336).

La población del país ye, según una proyeición pal añu 2011 del Instituto Nacional de Estadística, de 8.215.313 habitantes. No que cinca a la so adscripción a un grupu étnicu, un 83% son mestizos, un 5% negros, un 10% amerindios y un 2% blancos.

Les mayores ciudaes del país son les siguientes:

• Wikimedia Commons tien conteníu multimedia tocante a Hondures.
• Presidencia de la República
• Gobiernu d'Hondures
• Congresu Nacional
• Bancu Central d'Hondures
• Institutu Nacional d'Estadística
• Institutu Honduranu de Turismu