Tajikistan

Istilah "Tajik" sendiri pado awalnyo berasal dari Persia Tangah "Tāzīk", tajamahan etnonim Arab Turki Ṭayyi, manunjuakkan suku Arab Qahthan gadang nan baremigrasi ka Transoksiana wilayah Asia Tengah pada abad ke-7 Masehi.^[1] Tajikistan muncua sabagai Tadjikistan atau Tadzhikistan dalam bahasa Inggris sabalum taun 1991, hal iko karano transliterasi dari Rusia. Dalam bahaso Rusia, indak ado huruf tunggal "j" nan mawakili fonem /d͡ʒ/, dek karena itu дж, atau dzh, digunokan. Tadzhikistan adolah ejaan alternatif nan paliang umum jo banyak digunokan dalam literatur Inggris nan barasal dari sumber Rusia.^[2] "Tadjikistan" adolah ejaan dalam bahaso Prancis jo takadang dapek ditamukan dalam teks babahaso Inggirih. Caro panulisan Tajikistan dalam aksara Perso-Arab adolah: تاجیکستان‎.

Sijarah Awal

Budayo di wilayah iko alah ado sajak pado milenium kaampek SM, tamasuak Kompleks Arkeologi Baktria-Margiana Zaman Perunggu, budaya Andronovo jo situs pro-urban Sarazm nan marupokan Situs Warisan Dunia UNESCO.^[5]

Sijarah paliang partamo nan tacatat di wilayah iko barasa dari 500 SM pado wakatu sabagian gadang Tajikistan moderen marupokan bagian dari Kakaisaran Akhemeniyah. Babarapo penulis juo manyatokan baso pado abaik ka-7 jo ka-6 SM, bagian dari Tajikistan moderen, tamasuak wilayah di lembah Zeravshan, marupokan bagian dari suku Hindu Kamboja kuno^[6][7] sabalun manjadi bagian dari Kakaisaran Akhemeniyah.^[8] Sasudah panaklukan wilayah dek Aleksander nan gadang itu manjadi bagian dari Karajaan Yunani-Baktria, nagara panaruih kakaisaran Aleksander. Tajikistan Utaro (kota-kota Khujand jo Panjakent) marupokan bagian dari Sogdia, sakumpulan kota-kota nan dikuasai dek Skithia jo Yuezhi nan marupoan suku nomaden sakitar 150 SM. Jalur Sutra malewati wilayah tasabuik jo manuruik ekspedisi panjalajah Tiongkok Zhang Qian pado maso pamarintahan Wudi (141 SM-87 SM) hubungan komersial antaro Dinasti Han jo Sogdiana bakambang.^[9][10] Urang Sogdiana mamainkan paran utamo dalam manfasilitasi padagangan jo juo bakarajo dalam kadudukan lain, sabagai patani, tukang karpet, tukang kaca, jo tukang kayu.^[11]

Kakaisaran Kushan, sakumpulan suku Yuezhi, mamarentah wilayah iko pado abaik partamo Masehi jo mamarentah sampai abaik kaampek Masehi salamo maso Budha, Kristen Nestorian, Zoroastrian, jo Maniisme kasadonyo dilakuan di wilayah iko.^[12] Sasudah itu, Kakaisaran Hephthalite, sabuah kalompok suku nomaden, pindah ka wilayah Arab dan mambawok Islam pado awal abaik ka-8-an. Asia Tangah mancapai perannyo sabagai pabatasan komersial, manjalang China, stepa ka utara, jo pusek Islam.^{[butuh rujukan]}

Kakaisaran Samaniyah

Kakaisaran Samaniyah, 819 sampai 999, manulihkan Persia jo mamegang kandali wilayah tu jo mampagadang kota-kota Samarkand jo Bukhara (duo kota iko kini marupokan bagian dari Uzbekistan) nan manjadi pusek budaya Iran jo wilayahnyo dikana sabagai Khorasan. Kakaisaran ko bapusat di Khorasan jo Transoxiana; pado jangkauan gadangnyo mancakup Afghanistan moderen, sabagian gadang Iran, Tajikistan, Turkmenistan, Uzbekistan, Kyrgyzstan, sabagian Kazakhstan, jo Pakistan. Ampek badunsanak Nuh, Ahmad, Yahya, jo Elia mambangun negara Samanid. Tiok-tiok dari inyo mamarentah wilayah nan dikuwasoi dek Abbasiyah. Pado taun 892, Ismail Samani (892-907) manyatukan nagara Samanid di bawah surang panguwaso, sahinggo sacaro efektif mangakhiri sistem feodal nan digunokan dek Samanid. Di bawahnyo juo Samaniyah manjadi mardeka dari otoritas Abbasiyah. Kekhanan Kara-Khanid manaklukan Transoksiana (nan kiro-kiro samo jo Uzbekistan moderen, Tajikistan, Kirgizstan selatan, jo Kazakhstan barat daya) jo mamarentah antaro taun 999 jo 1211.^[13][14] Kadatangan urang Kara-khanid di Transoksiana marupoan pergeseran definitif dari dominasi Iran ka Turki di Asia Tengah,^[15] tapi lamo-lamonyo Kara-khanids barasimilasi jo budaya Muslim Perso-Arab di wilayah iko.^[16]

Pado abaik ka-13, Kakaisaran Mongol marusak Asia Tangah, manginvasi Kakaisaran Khwarezmia jo manjarah kota-kota, manjarah jo mambantai urang di satiok suduik. Turko-Mongol panaklukan Tamerlane managakan Kakaisaran Timua di dalam jo di sakitar Tajikistan moderen jo Asia Tangah, jo manjadi panguwaso partamo Dinasti Timur.^[17]

Aturan Bukharan

Tajikistan moderen jatuah di bawah kakuasaan Kekhanan Bukhara salamo abaik ka-16 jo runtuahnyo kakaisaran pado abaik ka-18, Tajikistan marupokan kakuasaan Kecamatan Bukhara jo Kekhanan Kokand. Keamiran Bukhara tatap utuah sampai abaik ka-20 tapi salamo abaik ka-19, untuak kaduo kalinyo dalam sijarah dunia, kakuwasoan Eropa (Karajaan Rusia) mulai manaklukan sabagian wilayah tasabuik.^[18]

Kakaisaran Rusia

Imperialisme Rusia mangarah pado panaklukan Kakaisaran Rusia ateh Asia Tangah salamo Era Kakaisaran pado akhir abaik ka-19. Antaro 1864 jo 1885, Rusia sacaro batahap manguasoi sagalo wilayah Turkistan Rusia, bagian Tajikistan nan alah dikuasai dek Kecamatan Bukhara jo Kekhanan Kokand. Rusia tatarik untuak mandapek akses ka pasokan kapas dan pado taun 1870-an inyo mancubo untuak mangganti pananaman di wilayah iko dari biji-bijian ka kapas (strategi nan kamudian disalin jo di palaweh dek Soviet).^[19] Pado taun 1885, wilayah Tajikistan dikuwasoi dek Kakaisaran Rusia atau nagara bawahnyo, Emirat Bukhara, namun urang Tajik maraso agak saketek pangaruh Rusia.

Salain itu, pado akhia abaik ka-19, Jadid mamantapkan dirinyo sabagai gerakan sosial Islam di kasado wilayah. Walaupun urang Jadid pro-modernisasi dan alun tantu anti-Rusia, Rusia maliek gerakan tasabuik sabagai ancaman dek Kekaisaran Rusia marupoan Kristen.^[20] Pasukan Rusia diminta untuak manulihkan katartiban salamo pemberontakan malawan Kekhanan Kokand antaro 1910 jo 1913. Kakarasan labiah labiah tajadi pado Juli 1916 katiko para demonstran mambuek serangan pado tentara Rusia di Khujand ateh ancaman wajib militer paksa salamo Parang Dunia I. Walaupun pasukan Rusia capek manguasoi baliak Khujand, bentrok taruih balanjuik salamo sataun di bamacam-macam lokasi di Tajikistan.^[21]

Jaman Soviet

Sasudah Revolusi Rusia pado taun 1917, gerilyawan di Asia Tengah nan dikenal sabagai basmachi, mahambuak parang taradok pasukan Bolshevik dalam upayo mampatahankan kamardekaan.^[22] Panguwaso Bolshevik adolah urang-urang nan mandapek kamenangan sasudah ampek taun, di mana masjid jo kampuang-kampuang di sunyihkan jo panduduaknyo dibantah jo pamarentah Soviet mamulai kampanye sekularisasi. Dalam kampanye tu, Islam, Judaisme, jo Kristen indak digunokan jo ditekan, dan banyak mesjid, gereja, jo sinagoganyo nan ditutup.^[23] Akibaik konflik jo kabijakan pertanian Soviet, Asia Tangah, tamasuak Tajikistan, manangguang kalaparan nan marangguik banyak jiwa.^[24]

Pado taun 1924, Republik Sosialis Soviet Otonomi Tajik didirikan sabagai bagian dari Uzbekistan, tapi pado taun 1929 Republik Sosialis Sovietika Tajik (RSS Tajik) manjadi republik konstituen nan tapisah; namun, kota-kota nan didominasi etnis Tajik di Samarkand jo Bukhara tatap tagak di RSS Uzbekistan. Antaro taun 1927 jo 1934, kolektivisasi patanian jo paluasan produksi kapeh nan capek tajadi, tauutamo di wilayah selatan.^[25] Kabijakan Soviet tantang kolektivisasi manyababkan kekerasan pado patani jo pamindahan paksa tajadi di sadonyo Tajikistan. Akibatnyo, babarapo patani malawan kolektivisasi jo maiduikan baliak Gerakan Basmachi. Babarapo pembangunan industri skala ketek juo tajadi salamo ko samo jo panambangan infrastruktur irigasi.

Duo putaran pembersihan Stalin (1927-1934 jo 1937-1938) manyababkan pengusiran sakitar 10.000 urang, dari kasadonyo tingkatan Partai Komunis Tajikistan.^[26] Etnis Rusia di utuih untuak manggantikan urang-urang nan di usie, jo kamudian Rusia mandominasi posisi partai di satiok tingkek, tamasuak jabatan sekretaris partamo. Di antaro 1926 jo 1959 proporsi urang Rusia di antaro panduduak Tajikistan maningkat dari kurang dari 1 persen ka 13 persen.^[27]

Kamardekaan

Kerusuhan Dushanbe 1990

Pria dan wanita Tajik berunjuk rasa di Ozodi square di Dushanbe tak lama setelah kemerdekaan, 1992.

Sasudah dimulainyo maso Perestroika, nan dikatokan dek Mikhail Gorbachev salamo pamarintahan USSR, para pandukuang kamardekaan republik mulai mangecek sacaro terbuka jo bebas. Di RSS Tajikistan, gerakan kamardekaan alah aktif sajak taun 1987. Pandukuang kamardekaan adolah Partai Renaisans Islam Tajikistan, Partai Demokratik Tajikistan jo demokrasi nasional Gerakan Rastokhez. Manjalang runtuhnyo Uni Soviet, panduduak RSS Tajikistan tabagi manjadi duo kubu. Nan partamo mainginkan kamardekaan untuak Tajikistan, mamuliahkan kabudayaan jo bahaso Tajik, pamulihan hubungan politik jo budaya jo Iran jo Afghanistan jo nagara-nagara lain, jo nan kaduo dari populasi manantang kamardekaan, dek karano itu adolah pilihan nan paliang elok untuak manjadi bagian dari Uni Soviet. Salaku Referendum Uni Soviet 1991 (referendum partamo nan diamati sacaro internasional dalam sajarah nagara ko) untuak manjalehan sistem Soviet jo Uni Soviet sandiri, sakitar 97 persen pamiliah di Tajikistan manyatujui Pertanyaan 1: "Apokoh angku-angku mangarati paralu untuak manjago Uni Soviet sabagai federasi baru dari republik-republik berdaulat nan samo, nan ka dijamin sacaro panuah hak asasi manusia jo kamardekaan nasional?" walaupun pado pambubaran pado bulan Desember taun nan samo, mayoritas panduduak Tajikistan mangaku apo nan pado wakatu itu marupokan fait compli dari kamardekaan republik tingkek serikat di Uni Soviet.

Sasudah kamardekaan

Indak lamo sasudah kamardekaan, nagara ko tumbuah dalam parang saudara di antaro babarapo faksi; acok dibedakan dek loyalitas klan.^[28] Salain itu, labiah dari 500.000 panduduak malarikan dari salamo itu dek panganiayaan, kamiskinan nan maningkek, jo kasampatan ekonomi nan labiah elok di Barat atau di bekas republik Soviet lainnyo.^[29] Emomali Rahmon bakuaso pado taun 1992, mangalahkan mantan perdana menteri Abdumalik Abdullajanov dalam pamilihan presiden November jo 58 persen suaro.^[30] Pamilihan iko balangsuang indak lamo satalah parang salasai, jo Tajikistan barado dalam kahancuran total. Kasadonyo urang mati dicatat labiah dari 100.000. Sakitar 1,2 juta urang manjadi pengungsi di dalam jo lua nagari. Pado taun 1997, sabuah gencatan sanjato dicapai antaro Rahmon jo partai oposisi di bawah panduak Gerd D. Merrem, parwakilan khusus untuak Sekretaris Jenderal, hasia nan dipuji sacaro laweh sabagai kabarhasilan inisiatif penegakan padamaian dek PBB. Gancatan sanjato manjamin 30 persen posisi menteri ka jatuah ka tangan oposisi.^[31]

Hampia sacapeknyo satalah satalah kamardekaan, Tajikistan tajarumus kadalam parang saudara nan manyababkan babarapo faksi saliang baparang. Faksi-faksi ko didukuang dek nagara-nagara asing tamasuak Afghanistan, Iran, Pakistan, Uzbekistan jo Rusia. Rusia jo Iran fokus untuak manjago damai di nan batikai nagari-nagari nan basamo untuak manurunkan kamungkinan katalibatan Amerika Serikat atau Turki. Tarutamonyo, Rusia manyokong faksi pro-pamarintahan jo mangirim pasukan dari Persemakmuran Nagara-Negara Merdeka untuak manjago perbatasan Tajikistan-Afghanistan.^[32] Labiah dari 400.000 etnis Rusia, nan sabagian gadangnyo bakarajo di industri, lari ka Rusia. Pado taun 1997, parang alah berakhia satalah pajanjian damai antaro pamarentah jo oposisi nan dipimpin Islamis, pamarentah pusat mulai tabentuk, jo pamilihan damai pado taun 1999.^[33]

"Pengamat lama Tajikistan sering menganggap negara itu sangat menolak risiko dan skeptis terhadap janji-janji reformasi, kepasifan politik yang mereka telusuri hingga perang saudara yang menghancurkan negara itu," tulih Ilan Greenberg dalam sabuah artikel berita di The New York Times tapek sabalun pamilihan presiden November 2006.^[34]

Tajikistan sacaro rasmi marupoan nagara republik nan malakukan pamilihan umum untuak mamiliah kapresidenan jo parlemen, negara iko manjalankan di bawah sistem presidensial. Namun, nagara iko manyatujui sistem partai nan dominan, di mana Partai Demokratik Rakyat Tajikistan sacaro rutin punyo mayoritas gadang di Parlemen. Emomali Rahmon alah manjabaik sabagai Presiden Tajikistan sacaro taruih-manaruih sajak bulan November 1994. Perdana Menteri partamo adolah Kokhir Rasulzoda, Wakil Perdana Menteri partamo adolah Matlubkhon Davlatov dan duo Wakil Perdana Mentri adolah Murodali Alimardon jo Ruqiya Qurbanova.

Pamilihan parlemen pado taun 2005 manyababkan banyak tuduhan dari partai oposisi jo pandatang internasional baso Presiden Emomali Rahmon sacaro korupsi mamanipulasi proses pemilu dan baranti. Pamilihan partamo, pado Februari 2010, PDPT nan bakuwaso kalah ampek kursi di Parlemen, namun masih manjago mayoritas nan nyaman. Organisasi Kaamanan jo Koperasi di Eropa ma agiah tawu baso pamungutan suara pado taun 2010 "tanpa mangaluwakan banyak komitmen utamo dari OSCE" dan "pamilihan iko gagal dalam banyak standar dasar demokrasi". Pemerintah mamaso baso hanyo pelanggaran ketek nan tajadi, nan indak ka mangaruhi kahandak urang Tajik.

Pamilihan presiden nan diadokan pado 6 November 2006 diboikot dek partai-partai oposisi "arus utamo", tamasuak 23.000 anggota Partai Renaisans Islam. Ampek lawan nan tasiso "sadonyo mandukuang petahana," Rahmon. Dalam laporan indeks demokrasi taun 2020 The Economist, Tajikistan manempati urutan ka-160, tapek di bawah Arab Saudi, sabagai "rezim otoriter".^[35]

Tajikistan adolah nagara nan paliang ketek di Asia Tangah, nan dipanuahkan dek daratan. Nagara ko talatak antaro garis lintang 36° dan 41° jo bujur 67° dan 75° E. Daerah ko ditutupi dek pagunuangan Pamir, dan labiah dari limo puluah persen daratan di nagara ko talatak di ateh tinggi labiah dari 3.000 meter (9.800 kaki) di ateh permukaan lauik. Satu-satunyo daratan randah talatak di utaro (bagian dari Lembah Fergana), dan di bagian salatan ado lambah Sungai Kofarnihon jo Vakhsh nan mambantuak Sungai Amu Darya. Dushanbe, ibu kota negara iko talatak di ateh lambah Kofarnihon.^[36]

Sungai Amu Darya jo sungai Panj mambantuak parbatasan jo Afghanistan, jo gletser di pagunuangan Tajikistan marupokan sumber aia utamo untuak Lauik Aral. Ado labiah dari 900 sungai di Tajikistan nan panjangnyo labiah dari 10 kilometer.^[36]

• Daftar negara di dunia

• (Inggirih) Situs Kedubes Tajikistan di Washington, D.C. Archived 2019-12-28 di Wayback Machine.
• (Inggirih) Tajik Development Gateway