Љупчо Мешков

Љупчо Мешков дипломирал на Правниот факултет на Универзитетот „Св. Кирил и Методиј“ во Скопје. Професионалната кариера ја остварил во Фондот за пензиското и инвалидското осигурување на Македонија, каде се вработил во 1973 година и извршувал повеќе раководни и советнички функции, со прекин од четири месеци, кога извршувал должност на секретар на Секретаријатот за организација и прописи во Собранието на Скопје^[1]. Во периодот 2000-2002 година бил генерален директор на Фондот. Освен тоа, Мешков бил и член на претседателството на спортското друштво Вардар во периодот од октомври 1993 до септември 1994 година.

На Парламентарните избори од 1994 година, 2002 и 2006 година бил избран за пратеник во Собранието на Република Македонија од редовите на Либералната партија на Македонија^[2].

Во периодот од 28 август 2006 до 27 јули 2008 година ја извршувал функцијата Министер за труд и социјална политика на Република Македонија.