Бојана Атанасовска

Таа била водителка на емисијата Рифреш, а според неа, пеењето е уште еден предизвик за неа, и сака да проба нешто што отсекогаш го сакала.^[1]

Таа ја започнала нејзината кариера во 2003 со учеството во телевизиското шоу Плеј - потрага по ѕвезди. Нејзиниот прв сингл бил "Живеј со прашањето", со која настапи на финалето на оваа манифестација, на авторскиот двоец - Дарко Димитров (музика, аранжман и продукција) и Александар Принц (текст). Истата година таа настапила на Макфест во Штип со песната "Немам одбрана" и го освоила првото место. Во 2003 настапила на уште два натпревари, влашкиот натпревар "Fantana Di Malama" со песната "Ќе полудам" на влашки јазик, и натпреварот "Марко Поло" во Хрватска.

Бојана издала еден албум наречен "Целосно ти припаѓам". Во 2006, таа настапила на изборот за Евровизија со три песни, што предизвикало шпекулации дека натпреварот е наместен. Во финалето победила Елена Ристеска со песната "Нинанајна". Бојана издала и неколку дуети, вклучувајќи соработка со Ѓоко Танески и со црногорската група "No name" и песната "Моја мала".

Таа студирала на Универзитетот Американ Колеџ во Скопје.

Во моментов е водителка во емисијата "Улица Македонија".^[2]

Албуми

• Целосно ти припаѓам (2005)
• Во дилема (2008)

Синглови

• Живеј со прашањето
• Око мое
• Ќе полудам
• Отплакано најмило мое
• Немам одбрана
• Да ми паднеш и на колена
• Стара добра, боса нова (feat. Ѓоко Танески)
• Моја мала (feat. No name)
• Заљубена до крај
• Кон небото
• Дилема (feat. Роберт Билбилов & Тони Зен)
• Зборови

Спотови^[3]