Џамија на Хаџи Хамза
Џамија на Хаџи Хамза (или Хаџи Хамза џамија) — стара османлиска џамија во градот Охрид. Му припаѓа на Охридското муфтиство на ИВЗ и прогласена е за културно наследство на Македонија.[1][2][3]
Џамија на Хаџи Хамза | |
---|---|
Поглед на џамијата | |
Основни податоци | |
Место | Охрид, Македонија |
Координати | 41°7′0.4″N 20°47′54.0″E / 41.116778° СГШ; 20.798333° ИГД |
Припадност | сунитски ислам |
Архитектонски опис | |
Архитектонски тип | џамија |
Архитектонски стил | османлиски |
Завршен | XVI век |
Особености | |
Минариња | 1 |
Прогласен за | културно наследство на Македонија |
Местоположба
Џамијата е сместена во маалото Кошишта, на улица „Гоце Делчев“ бр. 53.[1]
Историја
Џамијата е изградена во XVI век заедно со медреса (исламско училиште). Подоцна е претворена во теќе, и тогаш е изградено и минарето и турбето со шадрванот.[2]
На 22 март 1968 година џамијата е прогласена за споменик на културата.[4]
Џамијата е санирана во 2009 и 2010 година.[1]
Архитектура
Градбата има скромни димензии и прост квадратен облик со централна купола,[1] михраб и минбер. Има и летен молитвен простор, летен кафе-оџак и зимски кафе-оџак.[2] Минарето има големи димензии и шестаголен облик. Џамијата е изградена од кршен камен и наместа со бондрук, а минарето е од обработен камен, подоцна малтерисано. Отворите имаат полукружен облик. На северозапад има доградба од кршен камен, која исто така е малтерисана и варосана.[1]
Поврзано
Наводи
Надворешни врски
- Џамија на Хаџи Хамза на Ризницата ?