Димона

Името на градот како такво било избрано во чест на библискиот истоимен град.^[1]

Димона многумина ја опишуваат како „мини-Индија“ за нејзината индиска еврејска заедница од 7.500 жители.^[2] Исто така, тој е дом на израелската црно-хебрејска заедница, порано управувана од нејзиниот основач и духовен водач, Бен Ами Бен-Израел, сега починат.^[3] Црните Евреи бројат околу 3.000 во Димона, со дополнителни семејства во Арад, Мицпе Рамон и областа Тиверија. Нивниот официјален статус во Израел бил постојан проблем многу години, но во мај 1990 година, ова прашање било решено со издавање на првите В/ 1 визи, а една година подоцна, со издавање на привремен престој. Статусот бил продолжен до август 2003 година, кога израелското Министерство за внатрешни работи дал постојан престој.

Во раните 1980-ти, текстилните погони, како што е „Димона Текстилс“ , доминирале во индустрискиот сектор. Многу погони оттогаш се затворени. Dimona Silica Industries Ltd. произведува таложени полнила за силика и калциум карбонат. Околу една третина од населението на градот работи на индустриски работни места (хемиски постројки во близина на Мртвото Море) и друга третина во областа на услугите. Како резултат на воведувањето на нови технологии, многу работници станале технолошки вишок во последните години, создавајќи вкупна стапка на невработеност од околу 10%. Димона презел дел од соларната трансформација на Израел. Индустрискиот комплекс Ротем надвор од градот има десетици соларни огледала кои ги насочуваат сончевите зраци врз кула која пак го загрева котелот со вода за да создаде пареа, активирајќи турбина за создавање електрична енергија.^[4][5]

Димона е локиран во пустината Негев. Градот е на надморска висина од 550–600 метарs (1,800–1,970 ст).

Димона има полупустинска клима. Просечната температура е 18.5 °C.

Димона е збратимен со:

• Андернах, Германија (1975)

• Службено мрежно место Архивирано на 28 април 2010 г.