Куќа на Љушеви
Куќа на Љушеви — стара куќа во градот Охрид прогласена за културно наследство на Македонија.[1]
Куќа на Љушеви | |
---|---|
Општи податоци | |
Статус | споменик на културата |
Вид | куќа |
Стил | неокласичен |
Град | Охрид |
Земја | Македонија |
Завршена | 1936 |
Технички податоци | |
Катови | 3 |
Историја
Куќата се наоѓа на чаршиската улица „Свети Климент Охридски“ бр. 50 (или. 48).[2] Изградена е во 1936 година од непознати мајстори.[1]
Архитектура
Градбата се состои од приземје и два ката. Приземјето отсекогаш било предвидено за трговски цели, катовите за живеење. Изобилува со елементи на неокласичната архитектура — еркерни балкони, украсни шамброни околу прозорците и пиластри на аглите. Фасадата е поделена и на хоризонтални полиња. Извесена е масивно, а меѓукатната и покривната конструкција се дрвени. Покривот е на две води со традиционални ќерамиди. Отворот на приземјето е голем и павоаголен, а на катовите отворите се помали, исто така правоаголни. Балконите имаат огради од ковано железо.[1]