Црква „Св. Стефан“ - Шипокно

Црквата е сместена во атарот на селото Шипокно, веднаш над регионалниот пат Охрид-Свети Наум, над последните градби од новата туристичка населба Свети Стефан. За да се дојде до нејзе треба да се сврти лево од патот за Свети Наум и да се продолжи над синдикалното одморалиште „Орце Николов“.^[2]

Се верува дека била подигната во текот на XIII век.

Црквата е полуоблесто соѕидана во шуплина на карпа.

Фрескоживопис

Својот живопис го добила во XIV век и XV век,^[3] благодарение на помошта на широк круг ктитори од Охрид и од околните села. На ова укажува натписот испишан во нишата на ѓаконикот од кој се дознава дека дарители биле граѓаните од Велики Варош односно од градот Охрид и луѓето од соседните села: Шипокно, Горица и Коњско.^[4]

Внатрешноста на пештерната црква е исликана со извонреден фрескоживопис, но тој е во голема мера оштетен. Во долната зона на апсидниот простор е насликана Света Богородица со малиот Христос пред себе. Од црковните светители се насликани „Св. Василиј Велики“, „Св. Јован Златоуст“ и „Св. Атанасиј Александриски“. Извонреден е ликот на патронот кому му е посветена оваа пештерна црква. Архиѓаконот и првиот христијански маченик Стефан, насликан во нишата на жртвеникот. Големата композиција Дејзис или кај народот позната како „Второто пришествие Христово“ е насликана на северниот ѕид, а до неа е насликана најпочитуваната светителка Света Петка. Од она што денес останало, според општиот цртеж на фигурите, карактеристичната обработка на формите со слободни потези и сочниот нанос на боите, ова сликарство го прават најблиско до црквата посветена на Сите Светители во селото Лешани, недалеку од Охрид и поради тоа се чини дека оваа пештерна црква е живописана пред самиот крај на шестата деценија на XV век, кога веќе се насетувала промената во начинот на работата на охридските уметници.^[2]

Иконостас

Црквата поседува иконостас.

• 
  Фреска на Богородица
• 
  Фрески на два светитела во внатрешноста на црквата
• 
  Око на Провидението, икона во црквата
• 
  Иконостасот во црквата

• 
  Влезот
• 
  Камбанаријата
• 
  Поглед на црквата

• Шипокно
• Свети Стефан
• Дебарско-кичевска епархија
• Охридско архијерејско намесништво
• Втора охридска парохија

• Црква „Св. Стефан“ - Шипокно на Ризницата ^?