Weekly Shonen Magazine
Weekly Shonen Magazine[3] (јапонски: 週刊少年マガジン) или просто Shonen Magazine — едно од најпознатите списанија во Јапонија што издаваат шонен-манга, објавено неделно од Kodansha. Прво објавено на 17 март 1959 г.[4] Исто така, под негово покровителство се објавуваат месечното Shounen Magazine Special и сезонското издание Shounen Magazine Wonder. До 1966 г., продажбата на списанието надминала 1 милион примероци, поттикната од популарноста на мангите Kyojin no Hoshi и Ashita no Joe објавени во него.[5]
 | |
| Главен уредник | Шинтаро Кавакубо |
|---|---|
| Категории | шонен[1][2] |
| Честота | неделно |
| Циркулација | 883.804 (јули — септември 2016) |
| Издавач | Kodansha |
| Прво издание | 17 март 1959 |
| Држава |  Јапонија |
| Јазик | јапонски |
| Вебсајт | Weekly Shōnen Magazine |
И покрај одредена цензура (до неодамна тоа било единственото шонен-списание што забранувало објавување слики на женски брадавици), неговата целна публика покажува склоност да созрева, станувајќи сè позаинтересирана за сериозни дела наменети за повозрасните луѓе и типичните читатели на списанието постепено стануваат средношколци и студенти.
Тиражи
Соперништво со Shonen Jump
Списанието Weekly Shonen Magazine забележало нагло зголемување на продажбата во раните 1970-ти, станувајќи најпродаваното списание за манги во Јапонија во тоа време. Но во 1974 г., соперничкото списание Weekly Shonen Jump ја одзело оваа титула и ја задржало оваа положба долго време. Во средината на 1990-тите, Shonen Jump го доживеал губењето на правата за објавување на мангата Змејска топка и започнал „темна низа“ за неа. Како последица на тоа, Shonen Magazine повторно станал првото јапонско шонен-списание во октомври 1997 г., враќајќи ја својата положба како водач во продажба.
Во мигов, Shonen Magazine се враќа на втората положба — Shonen Jump се вратил како водач во 2002 г., но разликата во продажбите меѓу нив значително се намалила. Од 2007 г., неговиот тираж бил 1.720 илјади примероци, а тиражот на Shonen Jump бил 2.700 илјади.[10]