ഈഡിസ്‌ ഈജിപ്തി

ഡെങ്കിപ്പനി, ചിക്കുൻഗുനിയ, മഞ്ഞപ്പനി തുടങ്ങിയ വൈറസ് രോഗങ്ങൾ പരത്തുന്ന കൊതുകിനെ ഈഡിസ്‌ ഈജിപ്തി (Aedes aegypti) എന്നാ ശാസ്ത്രനാമത്തിൽ അറിയപ്പെടുന്നു. ഈഡിസ്‌ ജനുസ്സിൽ ഉൾപ്പെട്ട ഈ കൊതുകിനെ, മഞ്ഞപ്പനി കൊതുക് (Yellow fever mosquito), കടുവ കൊതുക് (Tiger mosquito) എന്ന പേരുകളിലും അറിയപ്പെടുന്നു. ആഫ്രിക്കയിൽ ജനനം കൊണ്ട ഈ കൊതുകുകൾ ^[2] ഇന്ന് ലോകത്തിലെ എല്ലാ ഉഷ്ണ മേഖല പ്രദേശങ്ങളിലും, സമശീതോഷ്ണ പ്രദേശങ്ങളിലും കാണപ്പെടുന്നു ^[3]കറുത്ത നിറമുള്ള ഇവയുടെ കാലുകളിൽ തിളങ്ങുന്ന വെള്ള വരകളും , മുതുകിൽ ലയറിന്റെ (Lyre  : മൂർശംഖു ) ആകൃതിയിൽ ഉള്ള വെള്ള വരകളും കൊണ്ട് ഇവയെ പെട്ടെന്ന് തിരിച്ചറിയാം.

ഈഡിസ്‌ ഈജിപ്തി
വളർച്ച എത്തിയ കൊതുക്
കൂത്താടി
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Arthropoda
Class:	Insecta
Order:	Diptera
Family:	Culicidae
Genus:	Aedes
Subgenus:	Stegomyia
Species:	A. aegypti
Binomial name
Aedes aegypti (Linnaeus in Hasselquist, 1762) [1]
Distribution in 2006 of Aedes aegypti (blue) and epidemic dengue (red)
Synonyms [1]
Culex aegypti Linnaeus in Hasselquist, 1762 Culex fasciatus Fabricius, 1805 Culex bancrofti Skuse, 1889 Mimetomyia pulcherrima Taylor, 1919

പൂർണ്ണവളർച്ചയെത്തിയ ഒരു ഈഡിസ് ഈജിപ്തി കൊതുകിന്റെ ശരാശരി ആയുസ്സ് രണ്ടു മുതൽ നാലുവരെ ആഴ്ച്ചയാണു്^[4] പക്ഷേ, വരണ്ട കാലാവസ്ഥയിൽ പോലും ഇവയുടെ മുട്ടകൾ ഒരു വർഷം വരെ കേടുകൂടാതെ ഇരിക്കും. അതിനാൽ, മഴക്കാലം തുടങ്ങുന്നതോടെ, ഇത്തരം കൊതുകിന്റെ പ്രജനനവും തന്മൂലമുള്ള പകർച്ചവ്യാധികളും വർദ്ധിക്കുന്നു^[5].