എസ്. രാമചന്ദ്രൻ പിള്ള (ഏഴാം കേരള നിയമസഭാംഗം)

ചെങ്ങന്നൂർ കല്ലിശേരി വിരുത്തിയേത്ത് തോപ്പിൽ ശിവശങ്കരപിള്ളയുടെ മകനായി 1946 ജനുവരി 29-ന് ജനിച്ചു. ഭാര്യ ഷീല. മകൻ രാഹുൽ. പ്രീ ഡിഗ്രി വരെ പഠിച്ചു. വിദ്യാർത്ഥി രാഷ്ട്രീയത്തിൽ സജീവമായിരുന്നു. കേരള പത്രിക ദിനപത്രത്തിന്റെ മാനേജിംഗ് എഡിറ്ററായിരുന്നു. എൻ.എസ്.എസ് പ്രസ്ഥാനങ്ങളുമായി ബന്ധപ്പെട്ടു പ്രവർത്തിച്ചു. 1982ൽ എൻ.ഡി.പി. സ്ഥാനാർത്ഥിയായി ചെങ്ങന്നൂരിൽ നിന്ന് നിയമസഭയിലേക്ക് തിരഞ്ഞെടുക്കപ്പെട്ടു.​^[2]