കമിംഗ് ഔട്ട്‌

വ്യത്യസ്തങ്ങളായ ലൈംഗികതയുള്ളവരും(ഗേ,ലെസ്ബിയൻ,ബൈസെക്ഷ്വൽ) വ്യത്യസ്തങ്ങളായ ലിംഗതന്മയുള്ളവരും(ട്രാൻസ്ജെണ്ടർ, ഇന്റർസെക്ഷ്വൽ) അവരുടെ ലൈംഗികതയേയും, ലിംഗതന്മയെയും പറ്റി സ്വയം തുറന്നു സംസാരിക്കുന്നതിനെ^[1] സൂചിപ്പിയ്ക്കുന്ന ഭാഷാപദം ആണ് കമിംഗ് ഔട്ട്‌. കമിംഗ് ഔട്ട് ഓഫ് ദി ക്ലോസെറ്റ് എന്നതിന്റെ ചുരുക്കരൂപമാണ് കമിങ് ഔട്ട്. ലൈംഗികതയിലുള്ള വ്യത്യസ്തതയെ സ്വയം മനസ്സിലാക്കുകയും അതുമായി തന്മയത്വം പ്രാപിയ്ക്കാനും, ചുറ്റുമുള്ളവരെയും അതിനെപ്പറ്റി ബോധാവാന്മാരാക്കുവാനും തുടർന്ന് ലൈംഗിക സ്വഭിമാനത്തിലേയ്ക്കുമുള്ള^[2] ദീർഘകാലത്തെ ഒരു മാനസിക പ്രക്രിയയാണ് ഇതെന്ന് പലരും കരുതുന്നു. പുറത്തു വരൽ നടത്തുന്ന ഒരു സ്വവർഗ്ഗാനുരാഗിയോ സ്വവർഗ്ഗപ്രണയിനിയോ, മൂന്നാം ലിംഗത്തിൽപ്പെട്ടവരോ^[3] ഇതിനെപറ്റി മാധ്യമങ്ങളിൽ തുറന്നു സംസാരിയ്ക്കുന്നത്^[4], ^[5] ലൈംഗികന്യൂനപക്ഷസമുദായത്തിൽപെട്ട ആളുകൾക്ക് പ്രചോദനം^[6] ആവാറുണ്ട്.

ഒക്ടോബർ11 എൽ.ജി.ബി .റ്റി സമുദായവും അവരെ പിന്തുണയ്ക്കുന്നവരും ദേശീയ കമിംഗ് ഔട്ട്‌ ദിനമായി ആചരിച്ചു വരുന്നു. ലൈംഗികന്യൂനപക്ഷസമുദായത്തിൽപെട്ടവരുമായുള്ള^[7] തുറന്നു ചർച്ചകളും മറ്റുമാണ്^[8] ഈ ദിനത്തിൻറെ ആകർഷണം.